<p><strong>ಯಾದಗಿರಿ: </strong>ಗುಲಬರ್ಗಾ ಲೋಕಸಭೆಯ ಕಾಂಗ್ರೆಸ್ ಅಭ್ಯರ್ಥಿ ಮಲ್ಲಿಕಾರ್ಜುನ ಖರ್ಗೆ ಪರ ಪ್ರಚಾರ ನಡೆಸಲು ಮಂಗಳವಾರ ಗುರುಮಠಕಲ್ ಪಟ್ಟಣದತ್ತ ಹೊರಟಿದ್ದ ಕಾಂಗ್ರೆಸ್ ಮುಖಂಡ ಬಾಬುರಾವ್ ಚೌವಾಣ್ ಅವರನ್ನು ಬಂಜಾರ ಸಮುದಾಯದ ಮುಖಂಡರು ಕಾಕಲವಾರ ಕ್ರಾಸ್ ಬಳಿ ತಡೆದು ಪ್ರಚಾರದಿಂದ ಹಿಂದೆ ಸರಿಯುವಂತೆ ಬುದ್ಧಿ ಹೇಳಿದ್ದಾರೆ.</p>.<p>‘ಇಡೀ ದೇಶದಲ್ಲಿ ಬಂಜಾರ ಸಮುದಾಯದ ಜಾಧವ ಅವರಿಗೆ ಮಾತ್ರ ಟಿಕೆಟ್ ಸಿಕ್ಕಿದೆ. ಇತರೆ ಯಾವ ಪಕ್ಷಗಳೂ ಸಮುದಾಯಕ್ಕೆ ಪ್ರಾತಿನಿಧ್ಯ ನೀಡಿಲ್ಲ. ಬಂಜಾರ ಸಮುದಾಯದ ವ್ಯಕ್ತಿ ಸಂಸದರಾಗಲು ನೀವೇ ಅಡ್ಡಗಾಲು ಹಾಕುತ್ತಿರುವುದು ಎಷ್ಟು ಸರಿ’ ಎಂದು ಪ್ರಶ್ನಿಸಿದ್ದಾರೆ.</p>.<p>‘ನೀವು ಇಷ್ಟು ಕಾಲ ಬಿಜೆಪಿಯಲ್ಲಿದ್ದು ಈಗ ಕಾಂಗ್ರೆಸ್ ಬಂದಿದ್ದು ಯಾಕೆ? ಇಷ್ಟು ದಿನ ಖರ್ಗೆಯನ್ನು ವಿರೋಧಿಸುತ್ತಿದ್ದೀರಿ. ಈಗ ನಮ್ಮದೇ ಸಮಾಜದವರೊಬ್ಬರು ಲೋಕಸಭೆಗೆ ಹೋಗುವ ಅವಕಾಶ ಬಂದಾಗ ಸ್ವಾರ್ಥಕ್ಕಾಗಿ ಮತ ನೀಡಬೇಡಿ ಎನ್ನುತ್ತೀರಿ. ಅಧಿಕಾರಕ್ಕಾಗಿ ಸಮಾಜಕ್ಕೆ ದ್ರೋಹವಾದರೂ ಸಹಿಸಿಕೊಳ್ಳುತ್ತೀರಿ' ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ ಚೌವಾಣ್,‘ಡಾ.ಉಮೇಶ್ ಜಾಧವ ಸಂಸದರಾಗಲು ಹೇಗೆ ಬಿಜೆಪಿಗೆ ಹೋಗಿದ್ದಾರೋ, ಹಾಗೆಯೇ ನಾನೂ ಶಾಸಕನಾಗುವ ಆಸೆಯಿಂದ ಕಾಂಗ್ರೆಸ್ ಹೋಗಿದ್ದೇನೆ' ಎಂದಿದ್ದಾರೆ.</p>.<p>‘ನೀವು ಶಾಸಕರಾದರೆ ನಮಗೂ ಸಂತೋಷ. ಆದರೆ, ನೀವು ಶಾಸಕರಾಗಬೇಕು ಎನ್ನುವ ಕಾರಣಕ್ಕೆ ಜಾಧವ ಸಂಸದರಾಗುವುದನ್ನು ತಪ್ಪಿಸಬೇಕೆ? ಬಂಜಾರ ಸಮಾಜದಲ್ಲಿನ ವ್ಯಕ್ತಿ ಸಂಸದರಾಗಲು ಅವಕಾಶ ಮಾಡಿಕೊಡಿ. ಕೂಡಲೇ ನೀವು ಗುರುಮಠಕಲ್ ತಾಂಡಾಗಳಲ್ಲಿ ಪ್ರಚಾರ ಮಾಡುವುದನ್ನು ನಿಲ್ಲಿಸಿ’ ಎಂದು ತಾಕೀತು ಮಾಡಿದ್ದಾರೆ.</p>.<p>ಹೀಗಾಗಿ ಬಾಬುರಾವ್ ಚೌವಾಣ್ ಸ್ಥಳದಿಂದ ಹಿಂದಿರುಗಿದ್ದಾರೆ.</p>.<p>ನಂತರ ಕಾಂಗ್ರೆಸ್ ಕಾರ್ಯಕರ್ತರ ಸಭೆಯಲ್ಲಿ ಜೆಡಿಎಸ್ ಮುಖಂಡ ರೇವೂ ನಾಯಕ ಬೆಳಮಗಿ, ಕಾಂಗ್ರೆಸ್ ಮುಖಂಡ ಸುಭಾಷ್ ರಾಥೋಡ ಅವರಿಗೂ ಬಂಜಾರ ಸಮಾಜದ ಯುವಕರು ತಾಂಡಾಗಳಲ್ಲಿ ಕಾಂಗ್ರೆಸ್ ಪರ ಪ್ರಚಾರ ನಡೆಸದಂತೆ ಕೋರಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಾದಗಿರಿ: </strong>ಗುಲಬರ್ಗಾ ಲೋಕಸಭೆಯ ಕಾಂಗ್ರೆಸ್ ಅಭ್ಯರ್ಥಿ ಮಲ್ಲಿಕಾರ್ಜುನ ಖರ್ಗೆ ಪರ ಪ್ರಚಾರ ನಡೆಸಲು ಮಂಗಳವಾರ ಗುರುಮಠಕಲ್ ಪಟ್ಟಣದತ್ತ ಹೊರಟಿದ್ದ ಕಾಂಗ್ರೆಸ್ ಮುಖಂಡ ಬಾಬುರಾವ್ ಚೌವಾಣ್ ಅವರನ್ನು ಬಂಜಾರ ಸಮುದಾಯದ ಮುಖಂಡರು ಕಾಕಲವಾರ ಕ್ರಾಸ್ ಬಳಿ ತಡೆದು ಪ್ರಚಾರದಿಂದ ಹಿಂದೆ ಸರಿಯುವಂತೆ ಬುದ್ಧಿ ಹೇಳಿದ್ದಾರೆ.</p>.<p>‘ಇಡೀ ದೇಶದಲ್ಲಿ ಬಂಜಾರ ಸಮುದಾಯದ ಜಾಧವ ಅವರಿಗೆ ಮಾತ್ರ ಟಿಕೆಟ್ ಸಿಕ್ಕಿದೆ. ಇತರೆ ಯಾವ ಪಕ್ಷಗಳೂ ಸಮುದಾಯಕ್ಕೆ ಪ್ರಾತಿನಿಧ್ಯ ನೀಡಿಲ್ಲ. ಬಂಜಾರ ಸಮುದಾಯದ ವ್ಯಕ್ತಿ ಸಂಸದರಾಗಲು ನೀವೇ ಅಡ್ಡಗಾಲು ಹಾಕುತ್ತಿರುವುದು ಎಷ್ಟು ಸರಿ’ ಎಂದು ಪ್ರಶ್ನಿಸಿದ್ದಾರೆ.</p>.<p>‘ನೀವು ಇಷ್ಟು ಕಾಲ ಬಿಜೆಪಿಯಲ್ಲಿದ್ದು ಈಗ ಕಾಂಗ್ರೆಸ್ ಬಂದಿದ್ದು ಯಾಕೆ? ಇಷ್ಟು ದಿನ ಖರ್ಗೆಯನ್ನು ವಿರೋಧಿಸುತ್ತಿದ್ದೀರಿ. ಈಗ ನಮ್ಮದೇ ಸಮಾಜದವರೊಬ್ಬರು ಲೋಕಸಭೆಗೆ ಹೋಗುವ ಅವಕಾಶ ಬಂದಾಗ ಸ್ವಾರ್ಥಕ್ಕಾಗಿ ಮತ ನೀಡಬೇಡಿ ಎನ್ನುತ್ತೀರಿ. ಅಧಿಕಾರಕ್ಕಾಗಿ ಸಮಾಜಕ್ಕೆ ದ್ರೋಹವಾದರೂ ಸಹಿಸಿಕೊಳ್ಳುತ್ತೀರಿ' ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ ಚೌವಾಣ್,‘ಡಾ.ಉಮೇಶ್ ಜಾಧವ ಸಂಸದರಾಗಲು ಹೇಗೆ ಬಿಜೆಪಿಗೆ ಹೋಗಿದ್ದಾರೋ, ಹಾಗೆಯೇ ನಾನೂ ಶಾಸಕನಾಗುವ ಆಸೆಯಿಂದ ಕಾಂಗ್ರೆಸ್ ಹೋಗಿದ್ದೇನೆ' ಎಂದಿದ್ದಾರೆ.</p>.<p>‘ನೀವು ಶಾಸಕರಾದರೆ ನಮಗೂ ಸಂತೋಷ. ಆದರೆ, ನೀವು ಶಾಸಕರಾಗಬೇಕು ಎನ್ನುವ ಕಾರಣಕ್ಕೆ ಜಾಧವ ಸಂಸದರಾಗುವುದನ್ನು ತಪ್ಪಿಸಬೇಕೆ? ಬಂಜಾರ ಸಮಾಜದಲ್ಲಿನ ವ್ಯಕ್ತಿ ಸಂಸದರಾಗಲು ಅವಕಾಶ ಮಾಡಿಕೊಡಿ. ಕೂಡಲೇ ನೀವು ಗುರುಮಠಕಲ್ ತಾಂಡಾಗಳಲ್ಲಿ ಪ್ರಚಾರ ಮಾಡುವುದನ್ನು ನಿಲ್ಲಿಸಿ’ ಎಂದು ತಾಕೀತು ಮಾಡಿದ್ದಾರೆ.</p>.<p>ಹೀಗಾಗಿ ಬಾಬುರಾವ್ ಚೌವಾಣ್ ಸ್ಥಳದಿಂದ ಹಿಂದಿರುಗಿದ್ದಾರೆ.</p>.<p>ನಂತರ ಕಾಂಗ್ರೆಸ್ ಕಾರ್ಯಕರ್ತರ ಸಭೆಯಲ್ಲಿ ಜೆಡಿಎಸ್ ಮುಖಂಡ ರೇವೂ ನಾಯಕ ಬೆಳಮಗಿ, ಕಾಂಗ್ರೆಸ್ ಮುಖಂಡ ಸುಭಾಷ್ ರಾಥೋಡ ಅವರಿಗೂ ಬಂಜಾರ ಸಮಾಜದ ಯುವಕರು ತಾಂಡಾಗಳಲ್ಲಿ ಕಾಂಗ್ರೆಸ್ ಪರ ಪ್ರಚಾರ ನಡೆಸದಂತೆ ಕೋರಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
