ಭಜ್ಜಿ, ಪಕೋಡಾ, ಕಟ್‌ಲೆಟ್‌, ಮಿರ್ಚಿ... ಆಹಾ!

ಸುರಪುರ: ’ಗರಮಾಗರಂ ಭಜ್ಜಿ, ಕಚೋರಿ, ಸಮೋಸಾ, ಮೈಸೂರು ಭಜ್ಜಿ...’ ಅಬ್ಬಾ ಆ ಹೆಸರುಗಳನ್ನು ಕೇಳುತ್ತಿದ್ದಂತೆ ನಾಲಿಗೆ ಚಪ್ಪರಿಸುವ ಆಸೆಯಾಗುತ್ತದೆ. ಇವುಗಳನ್ನು ಸವಿಯಬೇಕೆಂದರೆ ನಗರದ ಗಾಂಧಿ ವೃತ್ತದ ಬಳಿ ಇರುವ ಗಣೇಶ ಹೋಟೆಲ್ಗೆ ಬರಬೇಕು ನೀವು.

. ಸಂಜೆಯಾಗುತ್ತಿದ್ದಂತೆ ಈ ಅಂಗಡಿ ತುಂಬ ಗ್ರಾಹಕರು ಸಾಲುಗಟ್ಟಿ ನಿಲ್ಲುತ್ತಾರೆ. ತಿಂದು, ಮನೆಗೂ ಕೊಂಡೊಯ್ಯುತ್ತಾರೆ. ಮೂರು ವರ್ಷಗಳಿಂದ ಈ ಹೋಟೆಲ್ನ ಕುರುಕಲು ತಿನಿಸುಗಳಿಗೆ ಇದೇ ರೀತಿ ಬೇಡಿಕೆ ಇದೆ. ಒಂದೇ ಸೂರಿನಡಿವೈವಿಧ್ಯಮಯ ಚಾಟ್ಸ್ ಸಿಗುವುದೇ ಇಲ್ಲಿನ ವಿಶೇಷ.

. ಗುಣಮಟ್ಟ, ದರ, ರುಚಿಯನ್ನು ಕಾಪಾಡಿಕೊಳ್ಳಲಾಗಿದೆ. ಮಧ್ಯಾಹ್ನ 3 ಗಂಟೆಗೆ ತೆರೆಯುವ ಈ ಹೋಟೆಲ್ನಲ್ಲಿ ಪ್ರತಿ ಎರಡು ಗಂಟೆಗೊಮ್ಮೆ ಮೆನು ಬದಲಿಯಾಗುತ್ತದೆ.

. ಮೊದಲ ಎರಡು ಗಂಟೆ ಕಚೋರಿ, ಸಮೋಸಾ, ಕಟ್ಲೆಟ್ ಸಿಗುತ್ತದೆ. ನಂತರ ಎರಡು ಗಂಟೆ ಪಕೋಡಾ, ವಡಾಪಾವ್, ಆಲೂಬೊಂಡಾ. ಕೊನೆಯ ಎರಡು ಗಂಟೆಯವರೆಗೆ ಮೆಣಸಿನಕಾಯಿ ಭಜ್ಜಿ, ಈರುಳ್ಳಿ ಭಜ್ಜಿ, ಮೈಸೂರು ಭಜ್ಜಿ ಆಹಾ...

. ತರಹೇವಾರಿ ಚಾಟ್ ಚಪ್ಪರಿಸಲು ಗ್ರಾಹಕರು ಪ್ರತಿ ಎರಡು ಗಂಟೆಗೊಮ್ಮೆ ಹೊಟೇಲ್ಗೆ ಭೇಟಿ ಕೊಡುತ್ತಾರೆ. ಚಾಟ್ಸ್ ಜೊತೆಗೆ ನೀಡುವ ರುಚಿಯಾದ ಸಾಸ್, ಕೆಂಪು, ಹಸಿರು ಚಟ್ನಿಯೂ ಗ್ರಾಹಕರ ಮನಗೆದ್ದಿದೆ.

. ಮಹಿಳೆಯರೂ ಇಲ್ಲಿನ ಚಾಟ್ಸ್ ಇಷ್ಟಪಡುತ್ತಾರೆ. ಕಾರಣ ಹೋಟೆಲ್ನಲ್ಲಿ ಕುಳಿತು ತಿನ್ನುವ ಗ್ರಾಹಕರಿಗಿಂತ ಪಾರ್ಸಲ್ ತೆಗೆದುಕೊಂಡು ಹೋಗುವವರ ಸಂಖ್ಯೆಯೇ ಹೆಚ್ಚಾಗಿದೆ.

. ‘ಬೇರೆ ಹೋಟೆಲ್ಗೆ ಹೋಲಿಸಿದರೆ ಇಲ್ಲಿ ಚಾಟ್ಸ್ ದರ ಕಡಿಮೆ. ₹ 50ರಲ್ಲಿ ವಿವಿಧ ಚಾಟ್ಸ್ ತಿಂದು ಹೊಟ್ಟೆ ತುಂಬಿಸಿಕೊಳ್ಳಬಹುದು’ ಎನ್ನುತ್ತಾರೆ ಗ್ರಾಹಕ ನಿಂಗಾರೆಡ್ಡಿ ವಂದಾಲ.

. ‘ಉಪಜೀವನಕ್ಕಾಗಿ ನಾನು ಯಾವೂದಾದರೂ ವ್ಯವಹಾರ ನಡೆಸಬಹುದಾಗಿತ್ತು. ಹಣದ ಅಡಚಣೆ ಇದ್ದ ಕಾರಣ ಕಡಿಮೆ ಬಂಡವಾಳದಲ್ಲಿ ಚಾಟ್ಸ್ ಭಂಡಾರ ಆರಂಭಿಸಿದೆ. ಗ್ರಾಹಕರ ಉತ್ತಮ ಪ್ರತಿಕ್ರಿಯೆ ದೊರಕಿದ್ದರಿಂದ ಇದೇ ವ್ಯವಹಾರದಲ್ಲಿ ಮುಂದುವರಿಯುವ ಇಚ್ಛೆ ಇದೆ’ ಎನ್ನುವುದು ಮಾಲೀಕ ಸಂದೀಪ ಅವರ ಮನದಾಳ.

. ‘ಗ್ರಾಹಕರು ನಾವು ತಯಾರಿಸುವ ಚಾಟ್ಸ್ ತಿಂದು ಬಾಯಿ ಚಪ್ಪರಿಸುವುದು ನನಗೆ ಖುಷಿ ತಂದಿದೆ. ನನ್ನ ಹೆಸರು ಹೇಳಿ ನಾನೇ ಕರಿದ ಭಜ್ಜಿ ಬೇಕೆನ್ನುವ ಗ್ರಾಹಕರ ಬೇಡಿಕೆಯಿಂದ ಪುಳಿಕತನಾಗಿದ್ದೇನೆ’ ಎನ್ನುವ ಹರ್ಷ ಕಾರ್ಮಿಕ ನಂದು ಅವರದ್ದು.

. * ಚಾಟ್ಸ್ ದರ

. ಚೋರಿ, ಸಮೋಸ, ಕಟ್ಲೆಟ್,ವಡಾಪಾವ್, ಆಲೂ ಬೊಂಡಾ,ಮೆಣಸಿನಕಾಯಿ ಭಜ್ಜಿ, ಮೈಸೂರು ಭಜ್ಜಿ ಎಲ್ಲಕ್ಕೂ ₹ 10. 100 ಗ್ರಾಂ ಪಕೋಡಾ,ಈರುಳ್ಳಿ ಭಜ್ಜಿಗೆ ₹ 20.

. * ಹೊಟ್ಟೆ ಹೊರೆಯಲು ಯಾವುದಾದರೂ ವ್ಯಾಪಾರ ಮಾಡಲು ರಾಜಸ್ತಾನದಿಂದ ವಲಸೆ ಬಂದಿದ್ದೇನೆ. ಚಾಟ್ಸ್ ನನ್ನ ಕೈ ಹಿಡಿದಿದೆ

. -ಸಂದೀಪ ಪಿರಾಜಿ, ಮಾಲೀಕ

. ಅಂಕಿ ಅಂಶ

. * ₹ 5,000 ಒಂದು ದಿನದ ಸರಾಸರಿ ಸಂಪಾದನೆ

. * ₹ 4,000 ದೈನಂದಿನ ವ್ಯಾಪಾರದ ವೆಚ್ಚ

. * ₹ 1,000 ಪ್ರದಿದಿನ ಜೇಬಿಗೆ ಸೇರುವ ಲಾಭ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಜ್ಜಿ, ಪಕೋಡಾ, ಕಟ್‌ಲೆಟ್‌, ಮಿರ್ಚಿ... ಆಹಾ!

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಮೂವರಿಗೆ ಅವಕಾಶ ಸಿಗಲಿ: ವೈಶಾಖ, ಯಶ್, ರಮಣದೀಪ್ ಬಗ್ಗೆ ಕುಂಬ್ಳೆ ಮೆಚ್ಚುಗೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ