ಬಿಜೆಪಿ ಅಭ್ಯರ್ಥಿಗಳಿಂದ ಹೆಚ್ಚು ವೆಚ್ಚ!

ಯಾದಗಿರಿ: ಜಿಲ್ಲೆಯ ನಾಲ್ಕು ಕ್ಷೇತ್ರಗಳಲ್ಲಿ ಮೇ ತಿಂಗಳಲ್ಲಿ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿಗಳೇ ಇತರೆ ಅಭ್ಯರ್ಥಿಗಳಿಗಿಂತ ಹೆಚ್ಚು ವೆಚ್ಚ ಮಾಡಿದ್ದಾರೆ.

. ಅಧಿಸೂಚನೆ ಸಂದರ್ಭದಲ್ಲಿ ಚುನಾವಣಾ ಆಯೋಗವು ಅಭ್ಯರ್ಥಿಗಳ ವೆಚ್ಚಕ್ಕೆ ₹ 25 ಲಕ್ಷದ ಮಿತಿ ವಿಧಿಸಿತ್ತು. ಅಧಿಸೂಚನೆಗೂ ಮುಂಚೆ ಅಭ್ಯರ್ಥಿಗಳು ಚುನಾವಣೆಗೆ ಹಣ ಖರ್ಚು ಮಾಡಲು ಅವಕಾಶವಿತ್ತು. ಆದರೆ, ಟಿಕೆಟ್ ಹಂಚಿಕೆಯಲ್ಲಿ ಉಂಟಾದ ಗೊಂದಲ ಅಭ್ಯರ್ಥಿಗಳನ್ನು ಕಟ್ಟಿಹಾಕಿತ್ತು.

. ಪ್ರತಿವರ್ಷ ಚುನಾವಣಾ ಚಿತ್ರಣ ಹಾಗೂ ಫಲಿತಾಂಶದಲ್ಲಿ ಭಿನ್ನತೆ ತರುವ ಶಹಾಪುರ ಕ್ಷೇತ್ರದಲ್ಲಿಯ ಬಿಜೆಪಿ ಅಭ್ಯರ್ಥಿ ಗುರುಪಾಟೀಲ ಶಿರವಾಳ ಇಡೀ ಜಿಲ್ಲೆಯ ನಾಲ್ಕು ಕ್ಷೇತ್ರಗಳಲ್ಲಿ ಹೆಚ್ಚು ಚುನಾವಣಾ ವೆಚ್ಚಗೊಳಿಸಿ ಮೊದಲ ಸ್ಥಾನದಲ್ಲಿದ್ದಾರೆ. ಅವರು ಒಟ್ಟು ₹ 15.13ಲಕ್ಷ ವೆಚ್ಚಗೊಳಿಸಿದ್ದಾರೆ. ಸುರಪುರ ತಾಲ್ಲೂಕಿನ ಬಿಜೆಪಿ ಅಭ್ಯರ್ಥಿ ನರಸಿಂಹ ನಾಯಕ (ರಾಜೂಗೌಡ) ಒಟ್ಟು 13.18 ಲಕ್ಷ ವೆಚ್ಚಗೊಳಿಸಿ ಎರಡನೇ ಸ್ಥಾನದಲ್ಲಿದ್ದಾರೆ.

. ಯಾದಗಿರಿ ಕ್ಷೇತ್ರದಲ್ಲಿ ಕಾಂಗ್ರೆಸ್ನ ಹಿರಿಯ ರಾಜಕಾರಣಿ ಡಾ.ಎ.ಬಿ.ಮಾಲಕರಡ್ಡಿ ಒಟ್ಟು ₹12.78 ಲಕ್ಷ ವೆಚ್ಚಗೊಳಿಸಿ ಗೆಲುವುಗಾಗಿ ಶತಪ್ರಯತ್ನ ನಡೆಸಿದ್ದರು. ರ್ಯಾಲಿ ನಡೆಸಲು ವಾಹನ ಇತರೆ ವೆಚ್ಚಕ್ಕಾಗಿ ಅವರು ಒಟ್ಟು ₹6.82 ಲಕ್ಷ ವ್ಯಯಿಸಿದ್ದಾರೆ. ಅವರ ಪ್ರತಿಸ್ಪರ್ಧಿಯಾಗಿ ಗೆದ್ದಿರುವ ಬಿಜೆಪಿಯ ವೆಂಕಟರೆಡ್ಡಿ ಮುದ್ನಾಳ ₹11.78 ಲಕ್ಷ ಖರ್ಚು ಮಾಡಿದ್ದಾರೆ. ಪ್ರಾದೇಶಿಕ ಪಕ್ಷ ಜೆಡಿಎಸ್ನ ಅಭ್ಯರ್ಥಿ ಅಬ್ದುಲ್ ನಬಿ ಅತ್ಯಂಕ ಕಡಿಮೆ ಖರ್ಚು ಮಾಡಿರುವುದು ಅಚ್ಚರಿಗೊಳಿಸುತ್ತದೆ. ಠೇವಣಿ ಉಳಿಸಿಕೊಂಡಿರುವ ಅವರು ಕೇವಲ ₹1.5 ಲಕ್ಷ ಮಾತ್ರ ವೆಚ್ಚಗೊಳಿಸಿದ್ದಾರೆ. ಗುರುಮಠಕಲ್ನಲ್ಲಿ ಕಮ್ಯುನಿಷ್ಟ್ ಪಕ್ಷದಿಂದ ಸ್ಪರ್ಧಿಸಿದ್ದ ಕೆ.ಸೋಮಶೇಖರ್ ಸಹ ₹2.5ಲಕ್ಷ ವೆಚ್ಚಗೊಳಿಸಿದ್ದಾರೆ.

. ಭಾರೀ ಕುತೂಹಲ ಕೆರಳಿಸಿದ್ದ ಗುರುಮಠಕಲ್ ಕ್ಷೇತ್ರದಲ್ಲಿ ಕಾಂಗ್ರೆಸ್ನ ಬಾಬುರಾವ ಚಿಂಚನಸೂರ ಅವರು ₹11.29 ಲಕ್ಷ ಚುನಾವಣಾ ವೆಚ್ಚಗೊಳಿಸಿದ್ದಾರೆ. ಬಿಜೆಪಿಯ ಸಾಯಿಬಣ್ಣ ಬೋರಬಂಡಾ ₹9.26ಲಕ್ಷ ಹಾಗೂ ಭಾರೀ ಅಂತರದಿಂದ ಗೆಲುವು ಪಡೆದಿರುವ ಜೆಡಿಎಸ್ನ ನಾಗನಗೌಡ ಕಂದಕೂರ ಅವರು ₹9.76 ಲಕ್ಷ ವೆಚ್ಚಗೊಳಿಸಿದ್ದಾರೆ.

. ಸುರಪುರ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿಯಾಗಿದ್ದ ರಾಜಾವೆಂಕಟಪ್ಪ ನಾಯಕ ₹7.42 ಲಕ್ಷ ಮಾತ್ರ ವೆಚ್ಚಗೊಳಿಸಿದ್ದಾರೆ. ಪ್ರತಿಸ್ಪರ್ಧಿಯಾಗಿದ್ದ ಬಿಜೆಪಿಯ ನರಸಿಂಹ ನಾಯಕ ಅವರು ರಾಜಾವೆಂಕಟಪ್ಪ ನಾಯಕ ಅವರಿಗಿಂತ ₹5ಲಕ್ಷ ಹೆಚ್ಚು ಖರ್ಚು ಮಾಡಿರುವುದಾಗಿ ಚುನಾವಣಾ ಆಯೋಗದ ಖರ್ಚುವೆಚ್ಚ ಪಟ್ಟಿ ತಿಳಿಸುತ್ತದೆ.

. ವಿಧಾನಸಭೆ ಚುನಾವಣೆಯಲ್ಲಿ ಅಭ್ಯರ್ಥಿಗಳ ಚುನಾವಣಾ ವೆಚ್ಚದ ಮೇಲೆ ಹದ್ದಿನ ಕಣ್ಣು ಇಡಲಾಗಿತ್ತು. ಪರವಾನಗಿ ಪಡೆಯದೇ ಪ್ರಚಾರ ನಡೆಸಲು ಮುಂದಾದವರ ಮೇಲೆ ಕಠಿಣ ಕ್ರಮ ಜರುಗಿಸಲಾಗಿತ್ತು - ಜೆ.ಮಂಜುನಾಥ್ ಜಿಲ್ಲಾಧಿಕಾರಿ

. ಪಕ್ಷೇತರರ ತಾಕತ್ತು

. ಜಿಲ್ಲೆಯಲ್ಲಿ ನಾಲ್ಕೂ ಕ್ಷೇತ್ರಗಳಲ್ಲಿ ಪಕ್ಷೇತರ ಅಭ್ಯರ್ಥಿಗಳು ಚುನಾವಣಾ ಅಖಾಡದಲ್ಲಿದ್ದರು. ಆದರೆ, ಈ ಬಾರಿ ಅವರ ಚುನಾವಣಾ ವೆಚ್ಚ ಅಚ್ಚರಿ ಮೂಡಿಸಿದೆ. ಲಕ್ಷಕ್ಕಿಂತ ಹೆಚ್ಚು ವೆಚ್ಚಗೊಳಿಸಿದವರ ಸಂಖ್ಯೆಯೂ ವೃದ್ಧಿಸಿದೆ.

. ಯಾದಗಿರಿ ಕ್ಷೇತ್ರದಲ್ಲಿ ಪಕ್ಷೇತರರಾಗಿ ಸ್ಪರ್ಧಿಸಿದ್ದ ಎಂ. ಬಸವರಾಜ್ ₹ 3,25,418 ರಷ್ಟು ವೆಚ್ಚಗೊಳಿಸಿ ಮೊದಲ ಸ್ಥಾನದಲ್ಲಿದ್ದಾರೆ. ಗುರುಮಠಕಲ್ನಲ್ಲಿ ಸತ್ಯನಾರಾಯಣ ಅವರು ₹1,77,440 ವೆಚ್ಚಗೊಳಿಸಿ ಎರಡನೆ ಸ್ಥಾನದಲ್ಲಿದ್ದಾರೆ. ಯಾದಗಿರಿ ಕ್ಷೇತ್ರದಲ್ಲಿ ಸ್ಪರ್ಧಿಸಿದ್ದ ಕಾರ್ಮಿಕ ಮುಖಂಡ ಸೈದಪ್ಪ ಅವರು ₹1,27,930 ವೆಚ್ಚಗೊಳಿಸಿ ಮೂರನೇ ಸ್ಥಾನದಲ್ಲಿದ್ದಾರೆ.

. ಕ್ಷೇತ್ರವಾರು ಚುನಾವಣಾ ಅಭ್ಯರ್ಥಿಗಳ ಖರ್ಚುವೆಚ್ಚ

. ಕ್ಷೇತ್ರ ಪಕ್ಷ ಅಭ್ಯರ್ಥಿ ಎಷ್ಟುವೆಚ್ಚ? ಯಾದಗಿರಿ ಕಾಂಗ್ರೆಸ್ ಡಾ.ಎ.ಬಿ.ಮಾಲಕರಡ್ಡಿ ₹12,78,455 ಯಾದಗಿರಿ ಬಿಜೆಪಿ ವೆಂಕಟರೆಡ್ಡಿ ಮುದ್ನಾಳ ₹11,78,025 ಯಾದಗಿರಿ ಜೆಡಿಎಸ್ ಅಬ್ದುಲ್ ನಬಿ ₹1.05ಲಕ್ಷ ಶಹಾಪುರ ಜೆಡಿಎಸ್ ಅಮೀನ್ರೆಡ್ಡಿ ₹8,48,606 ಶಹಾಪುರ ಬಿಜೆಪಿ ಗುರುಪಾಟೀಲ ಶಿರವಾಳ ₹15,13,028 ಶಹಾಪುರ ಕಾಂಗ್ರೆಸ್ ಶರಣಬಸಪ್ಪ ದರ್ಶನಾಪುರ ₹10,85,367 ಸುರಪುರ ಬಿಜೆಪಿ ನರಸಿಂಹನಾಯಕ (ರಾಜೂಗೌಡ) ₹13,94,300 ಸುರಪುರ ಕಾಂಗ್ರೆಸ್ ರಾಜಾವೆಂಕಟಪ್ಪ ನಾಯಕ ₹7,42,828 ಗುರುಮಠಕಲ್ ಕಾಂಗ್ರೆಸ್ ಬಾಬುರಾವ ಚಿಂಚನಸೂರ ₹11,29,766 ಗುರುಮಠಕಲ್ ಜೆಡಿಎಸ್ ನಾಗನಗೌಡ ಕಂದಕೂರ ₹9,76,625 ಗುರುಮಠಕಲ್ ಬಿಜೆಪಿ ಸಾಯಿಬಣ್ಣ ಬೋರಬಂಡಾ ₹9,26,737 . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಿಜೆಪಿ ಅಭ್ಯರ್ಥಿಗಳಿಂದ ಹೆಚ್ಚು ವೆಚ್ಚ!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ