‘ಸಣ್ಣ ಬಜೆಟ್‌ನ ಸಿನಿಮಾ ಮಾಡುತ್ತೇನೆ’
ಒಂದು ಸಿನಿಮಾವನ್ನು ಇನ್ನೊಂದು ಸಿನಿಮಾ ಮೀರಿಸುತ್ತದೆ ಎನ್ನುವ ಆಲೋಚನೆಯೇ ನನಗಿಲ್ಲ. ‘ಕಾಂತಾರ’ ಪ್ರೀಕ್ವೆಲ್‌ ಬಳಿಕ ಸತತವಾಗಿ ಸಿನಿಮಾಗಳನ್ನು ಮಾಡುವ ಯೋಚನೆಯಿದೆ. ಪ್ರೀಕ್ವೆಲ್‌ ಮುಗಿದ ಬಳಿಕ ‘ಬೆಲ್‌ ಬಾಟಂ’ ‘ಸರ್ಕಾರಿ..’ ಮಾದರಿಯ ಸಣ್ಣ ಬಜೆಟ್‌ನ ಸಿನಿಮಾ ಮಾಡಬೇಕು ಎಂದಿದ್ದೇನೆ. ಈ ನಿಟ್ಟಿನಲ್ಲಿ ಕಥೆಗಳ ವಿಚಾರದಲ್ಲಿ ಚರ್ಚೆಗಳು ನಡೆಯುತ್ತಿದೆ. ‘ಬೆಲ್‌ ಬಾಟಂ–2’ ಮಾಡುವ ಯೋಚನೆ ಖಂಡಿತಾ ಇದೆ. ರಕ್ಷಿತ್‌ ಶೆಟ್ಟಿ ಅವರೂ ರಿಚರ್ಡ್‌ ಆ್ಯಂಟನಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಹೀಗಾಗಿ ಯೋಚಿಸಿದ್ದ ಸಿನಿಮಾಗಳನ್ನು ನಮಗೆ ಮಾಡಲು ಆಗಲಿಲ್ಲ. ಆದರೆ ‘ಕಾಂತಾರ’ ಪ್ರೀಕ್ವೆಲ್‌ ಬಿಡುಗಡೆಯಾಗುವವರೆಗೂ ಯಾವುದೇ ಪ್ರಾಜೆಕ್ಟ್‌ಗೆ ಕೈಹಾಕಲ್ಲ. ಬೇರೆ ನಿರ್ದೇಶಕರ ಜೊತೆ ಕೆಲಸ ಮಾಡುತ್ತೇನೆ. ರಿಲೀಸ್‌ ದಿನಾಂಕದ ಬಗ್ಗೆ ಒಂದು ಅಂದಾಜು ಇದೆ. ಹೊಂಬಾಳೆ ಫಿಲ್ಮ್ಸ್‌ ಈ ಬಗ್ಗೆ ನಿರ್ಧಾರ ಕೈಗೊಂಡು ಘೋಷಣೆ ಮಾಡಲಿದೆ. ಈ ವರ್ಷಕ್ಕಂತೂ ಪ್ರೀಕ್ವೆಲ್‌ ಬರಲ್ಲ. 2025ಕ್ಕೆ ಸಿನಿಮಾ ಸಿದ್ಧವಾಗಲಿದೆ. ಕಾಂತಾರ ಪ್ರೀಕ್ವೆಲ್‌ ಕನ್ನಡದಲ್ಲೇ ಶೂಟಿಂಗ್‌ ಆಗಿ ಇತರೆ ಭಾಷೆಗಳಿಗೆ ಡಬ್‌ ಆಗಿ ಹೆಚ್ಚಿನ ಭಾಷೆಗಳಲ್ಲಿ ಏಕಕಾಲದಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ.
