<p>ಬಾಹುಬಲಿ ಸಿನಿಮಾ ನಂತರ ಎಸ್.ಎಸ್ ರಾಜಮೌಳಿ ಕೈಗೆತ್ತಿಕೊಂಡಿರುವ ಮತ್ತೊಂದು ಅತಿ ದೊಡ್ಡ ಬಜೆಟ್ ಚಿತ್ರ ‘ಆರ್ಆರ್ಆರ್’. ಈ ಸಿನಿಮಾದಲ್ಲಿ ಜೂನಿಯರ್ ಎನ್ಟಿಆರ್ ಹಾಗೂ ರಾಮ್ ಚರಣ್ ನಟಿಸುತ್ತಿದ್ದಾರೆ. ಈ ಸಿನಿಮಾದ ಮೂರೇ ಮೂರು ದೃಶ್ಯಗಳ ಚಿತ್ರೀಕರಣಕ್ಕೆ ಖರ್ಚಾಗಿರುವ ಮೊತ್ತ ₹85 ಕೋಟಿ!</p>.<p>ಇಂಥ ಕುತೂಹಲಕಾರಿ ವರದಿಗಳಿಂದ ಚಿತ್ರ ಅಪಾರ ನಿರೀಕ್ಷೆಯನ್ನು ಹುಟ್ಟುಹಾಕಿದೆ. ಭಾರಿ ವೆಚ್ಚ ಮಾಡಿ ಹೈದರಾಬಾದ್ನಲ್ಲಿ ಹಾಕಿರುವ<br />ಸೆಟ್ನಲ್ಲಿ ಸಿನಿಮಾದ ಪ್ರಮುಖ ದೃಶ್ಯಗಳ ಚಿತ್ರೀಕರಣ ಮುಗಿದಿದೆ. ಮುಂದಿನ ಚಿತ್ರೀಕರಣವು ಅಹಮದಾಬಾದ್ನಲ್ಲಿ ನಡೆಯಲಿದೆ.</p>.<p>ಸ್ವಾತಂತ್ರ್ಯ ಹೋರಾಟಗಾರರಾದ ಅಲ್ಲುರಿ ಸೀತಾರಾಮರಾಜು ಹಾಗೂ ಕೋಮರಂ ಭೀಮ್ ಅವರ ಕತೆಯನ್ನಾಧರಿಸಿದ ಚಿತ್ರವಿದು. ಅಲ್ಲುರಿ ಸೀತಾರಾಮರಾಜು ಪಾತ್ರವನ್ನುರಾಮ್ ಚರಣ್ ನಿರ್ವಹಿಸುತ್ತಿದ್ದಾರೆ. ಆರಂಭಿಕ ದೃಶ್ಯಗಳ ಶೂಟಿಂಗ್ ಮುಗಿದಿದೆ. ಇದಕ್ಕೆಂದೇ ₹25 ಕೋಟಿ ಖರ್ಚು ಮಾಡಲಾಗಿದೆ.</p>.<p>ಜೂನಿಯರ್ ಎನ್ಟಿಆರ್, ಕೋಮರಂ ಭೀಮ್ ಪಾತ್ರ ನಿರ್ವಹಿಸುತ್ತಿದ್ದಾರೆ. ಈ ಪಾತ್ರದ ಆರಂಭಿಕ ದೃಶ್ಯಗಳ ಚಿತ್ರೀಕರಣಕ್ಕೆ ತಯಾರಿ ನಡೆಯುತ್ತಿದೆ. ಇದಕ್ಕೆಂದು ₹15 ಕೋಟಿ ಖರ್ಚಾಗಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.</p>.<p>ಶೂಟಿಂಗ್ ಆರಂಭಕ್ಕೂ ಮೊದಲು ₹350ರಿಂದ ₹ 400 ಕೋಟಿ ಅಂದಾಜು ಬಜೆಟ್ನಲ್ಲಿ ಚಿತ್ರ ನಿರ್ಮಾಣವಾಗಲಿದೆ ಎಂದು ಚಿತ್ರತಂಡ ತಿಳಿಸಿತ್ತು. ಇದೀಗ ಬರಿಯ ಮೂರು ದೃಶ್ಯಕ್ಕೆ ₹85 ಕೋಟಿ ಖರ್ಚು ಮಾಡಿದ್ದನ್ನು ಗಮನಿಸಿದರೆ ಚಿತ್ರದ ಒಟ್ಟು ಬಜೆಟ್ ₹500 ಕೋಟಿಯನ್ನು ಮೀರಲಿದೆ ಎಂದು ಅಂದಾಜಿಸಲಾಗುತ್ತಿದೆ. ಚಿತ್ರ 2020ರ ಜುಲೈ 30ರಂದು ಬಿಡುಗಡೆಯಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬಾಹುಬಲಿ ಸಿನಿಮಾ ನಂತರ ಎಸ್.ಎಸ್ ರಾಜಮೌಳಿ ಕೈಗೆತ್ತಿಕೊಂಡಿರುವ ಮತ್ತೊಂದು ಅತಿ ದೊಡ್ಡ ಬಜೆಟ್ ಚಿತ್ರ ‘ಆರ್ಆರ್ಆರ್’. ಈ ಸಿನಿಮಾದಲ್ಲಿ ಜೂನಿಯರ್ ಎನ್ಟಿಆರ್ ಹಾಗೂ ರಾಮ್ ಚರಣ್ ನಟಿಸುತ್ತಿದ್ದಾರೆ. ಈ ಸಿನಿಮಾದ ಮೂರೇ ಮೂರು ದೃಶ್ಯಗಳ ಚಿತ್ರೀಕರಣಕ್ಕೆ ಖರ್ಚಾಗಿರುವ ಮೊತ್ತ ₹85 ಕೋಟಿ!</p>.<p>ಇಂಥ ಕುತೂಹಲಕಾರಿ ವರದಿಗಳಿಂದ ಚಿತ್ರ ಅಪಾರ ನಿರೀಕ್ಷೆಯನ್ನು ಹುಟ್ಟುಹಾಕಿದೆ. ಭಾರಿ ವೆಚ್ಚ ಮಾಡಿ ಹೈದರಾಬಾದ್ನಲ್ಲಿ ಹಾಕಿರುವ<br />ಸೆಟ್ನಲ್ಲಿ ಸಿನಿಮಾದ ಪ್ರಮುಖ ದೃಶ್ಯಗಳ ಚಿತ್ರೀಕರಣ ಮುಗಿದಿದೆ. ಮುಂದಿನ ಚಿತ್ರೀಕರಣವು ಅಹಮದಾಬಾದ್ನಲ್ಲಿ ನಡೆಯಲಿದೆ.</p>.<p>ಸ್ವಾತಂತ್ರ್ಯ ಹೋರಾಟಗಾರರಾದ ಅಲ್ಲುರಿ ಸೀತಾರಾಮರಾಜು ಹಾಗೂ ಕೋಮರಂ ಭೀಮ್ ಅವರ ಕತೆಯನ್ನಾಧರಿಸಿದ ಚಿತ್ರವಿದು. ಅಲ್ಲುರಿ ಸೀತಾರಾಮರಾಜು ಪಾತ್ರವನ್ನುರಾಮ್ ಚರಣ್ ನಿರ್ವಹಿಸುತ್ತಿದ್ದಾರೆ. ಆರಂಭಿಕ ದೃಶ್ಯಗಳ ಶೂಟಿಂಗ್ ಮುಗಿದಿದೆ. ಇದಕ್ಕೆಂದೇ ₹25 ಕೋಟಿ ಖರ್ಚು ಮಾಡಲಾಗಿದೆ.</p>.<p>ಜೂನಿಯರ್ ಎನ್ಟಿಆರ್, ಕೋಮರಂ ಭೀಮ್ ಪಾತ್ರ ನಿರ್ವಹಿಸುತ್ತಿದ್ದಾರೆ. ಈ ಪಾತ್ರದ ಆರಂಭಿಕ ದೃಶ್ಯಗಳ ಚಿತ್ರೀಕರಣಕ್ಕೆ ತಯಾರಿ ನಡೆಯುತ್ತಿದೆ. ಇದಕ್ಕೆಂದು ₹15 ಕೋಟಿ ಖರ್ಚಾಗಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.</p>.<p>ಶೂಟಿಂಗ್ ಆರಂಭಕ್ಕೂ ಮೊದಲು ₹350ರಿಂದ ₹ 400 ಕೋಟಿ ಅಂದಾಜು ಬಜೆಟ್ನಲ್ಲಿ ಚಿತ್ರ ನಿರ್ಮಾಣವಾಗಲಿದೆ ಎಂದು ಚಿತ್ರತಂಡ ತಿಳಿಸಿತ್ತು. ಇದೀಗ ಬರಿಯ ಮೂರು ದೃಶ್ಯಕ್ಕೆ ₹85 ಕೋಟಿ ಖರ್ಚು ಮಾಡಿದ್ದನ್ನು ಗಮನಿಸಿದರೆ ಚಿತ್ರದ ಒಟ್ಟು ಬಜೆಟ್ ₹500 ಕೋಟಿಯನ್ನು ಮೀರಲಿದೆ ಎಂದು ಅಂದಾಜಿಸಲಾಗುತ್ತಿದೆ. ಚಿತ್ರ 2020ರ ಜುಲೈ 30ರಂದು ಬಿಡುಗಡೆಯಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
