ರಂಗಭೂಮಿ: ಸ್ಯಾನೆ ಚೆಂದಾಗಿತ್ತು ಸಾಣೇಹಳ್ಳಿ ನಾಟಕೋತ್ಸವ

ಸಾಣೇಹಳ್ಳಿಯ ಸುಂದರ ಪರಿಸರದಲ್ಲಿ ನಾಟಕ ನೋಡುವುದೇ ಕೆಲವರಿಗೆ ಜೀವನ ಪ್ರೀತಿಯ ಸಂಕೇತವಾಗಿದ್ದು ರಾಜ್ಯದ ವಿವಿಧೆಡೆಯಿಂದ ಅಲ್ಲಿಗೆ ಬಂದಿದ್ದರು. ಆದರೆ ಹೊಸದುರ್ಗ ತಾಲ್ಲೂಕಿನ ಗಡಿಯಲ್ಲಿರುವ ಸಾಣೇಹಳ್ಳಿಗೆ ಬಸ್‌ ಸಂಪರ್ಕವಿಲ್ಲ. ಕಡೂರು ಬಸ್‌ ಹತ್ತಿ ಸಾಣೇಹಳ್ಳಿ ಗೇಟ್‌ನಲ್ಲಿ ಇಳಿದು ಮೂರು ಕಿಲೊಮೀಟರ್‌ ಸಾಗಬೇಕು. ಗಣ್ಯರನ್ನು ಗೇಟ್‌ನಿಂದ ಕರೆದೊಯ್ಯಲು ವಾಹನ ವ್ಯವಸ್ಥೆ ಮಾಡಲಾಗಿತ್ತು. ಸಾಮಾನ್ಯ ಪ್ರೇಕ್ಷಕರು ಗೇಟ್‌ನಿಂದ ಲಾರಿ ಆಪೆ ಆಟೊ ಸೇರಿದಂತೆ ಸಿಕ್ಕಸಿಕ್ಕ ವಾಹನ ಹತ್ತಿ ಸಾಣೇಹಳ್ಳಿ ತಲುಪಿದರು. ಪ್ರಯಾಣದ ಕಷ್ಟದ ನಡುವೆಯೂ ನಾಟಕ ಪ್ರೀತಿ ಅನಾವರಣಗೊಳಿಸಿದರು. ರಾತ್ರಿ 9.30ಕ್ಕೆ ನಾಟಕ ಆರಂಭವಾಗಿ ಮಧ್ಯರಾತ್ರಿ 12 ಗಂಟೆಗೆ ಮುಗಿಯುತ್ತಿತ್ತು.