ರಾಜ್ಯದ ಏಕೈಕ ‘ವಿಲೇಜ್ ಫಾರೆಸ್ಟ್’: ಊರು ಕಾಡಿಗೆ ನೂರು!

1934 ರಲ್ಲಿ ಹಳಕಾರ ಗ್ರಾಮಸ್ಥರ ಕೃಷಿ ಕಾರ್ಯಕ್ಕೆ ಅನುಕೂಲವಾಗುವ ಸೊಪ್ಪು, ತರೆಗೆಲೆ, ಹುಲ್ಲು ಹಾಗೂ ಮನೆ ನಿರ್ಮಾಣ, ಉರುವಲು ಕಟ್ಟಿಗಾಗಿ ಉದ್ದೇಶಕ್ಕಾಗಿ ವಿಲೇಜ್ ಫಾರೆಸ್ಟ್ ಜಾರಿಗೆ ಬಂದಿತು. ಗ್ರಾಮದ ಎಲ್ಲ ಜಾತಿಯಿಂದ ಒಬ್ಬೊಬ್ಬ ಪ್ರತಿನಿಧಿಯನ್ನು ತಹಶೀಲ್ದಾರ್ ಸಮ್ಮುಖದಲ್ಲಿ ಪಂಚಾಯ್ತಿಯ ಆಡಳಿತ ಮಂಡಳಿಗೆ ಆಯ್ಕೆ ಮಾಡಲಾಗುತ್ತದೆ. ಪ್ರತಿ ಮನೆಯ ರೈತರು ಇಲ್ಲಿ ಸದಸ್ಯರು, ಅವರೆಲ್ಲರಿಗೂ ಮತದಾನದ ಹಕ್ಕಿದೆ. ಒಬ್ಬ ಕಾರ್ಯದರ್ಶಿ, ಒಬ್ಬ ಕಾವಲುಗಾರರು ಕಾರ್ಯನಿರ್ವಹಿಸುತ್ತಾರೆ. ಗ್ರಾಮದಲ್ಲಿ ಕುಟುಂಬಗಳು ಬೆಳೆದರೂ ಯಾರೂ ಕಾಡನ್ನು ಅತಿಕ್ರಮಿಸದೆ ಜತನದಿಂದ ಕಾಪಾಡಿಕೊಂಡು ಬಂದ ಸಂಸ್ಥೆಯ ಶಿಸ್ತು ಮಾದರಿ.