<p>ಎಲ್ಲೆಡೆ ಗೌರಿ–ಗಣೇಶ ಹಬ್ಬ ಆಚರಣೆಯ ಸಂಭ್ರಮ ಶುರುವಾಗಿದೆ. ಮನೆಯಲ್ಲಿ ಗೌರಿ–ಗಣೇಶನನ್ನು ಕೂರಿಸುವವರು ಮನೆಯನ್ನು ಅಲಂಕರಿಸುವ ಯೋಜನೆ ರೂಪಿಸುತ್ತಿದ್ದರೆ, ಸಮುದಾಯಗಳಲ್ಲಿ ಗಣಪತಿ ಪ್ರತಿಷ್ಠಾಪಿಸಲು, ಪೆಂಡಾಲ್, ಬ್ಯಾನರ್ ಹಾಕುವ ಕೆಲಸಗಳು ನಡೆಯುತ್ತಿವೆ. ಚಂದಾ ಎತ್ತುತ್ತಾ, ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸಲು ಕಾರ್ಯಗಳು ಸಾಗುತ್ತಿವೆ.</p>.<p>ಹಬ್ಬದ ಸಂಭ್ರಮ ಇಮ್ಮಡಿಯಾಗಲಿ, ಎಲ್ಲರೂ ಖುಷಿಯಿಂದ ಹಬ್ಬ ಆಚರಿಸಲಿ. ಆದರೆ ಹಬ್ಬದಲ್ಲಿ ಸಂಭ್ರಮದ ಜೊತೆಗೆ, ‘ಪರಿಸರ ಸ್ನೇಹಿ’ಯಾಗಿರಬೇಕು. ಪರಿಸರ ಪೂರಕ ಹಬ್ಬ ಆಚರಣೆ, ಪೂಜೆಯಷ್ಟೇ ಪವಿತ್ರವಾದದು !</p>.<p><strong>ಹೇಗೆ ಆಚರಿಸಬೇಕು ?</strong></p>.<p>* ಪ್ಲಾಸ್ಟರ್ ಆಫ್ ಪ್ಯಾರಿಸ್ (ಪಿ.ಒ.ಪಿ) ಮತ್ತು ಬಣ್ಣದ ವಿಗ್ರಹಗಳನ್ನು ಬಳಸಬೇಡಿ. ಬಣ್ಣ ರಹಿತ ಮಣ್ಣಿನ ವಿಗ್ರಹಗಳನ್ನೇ ಪ್ರತಿಷ್ಠಾಪಿಸಿ ಪೂಜಿಸಿ.</p>.<p>* ಈಗೀಗ ಕೆಲವು ಸಂಸ್ಥೆಗಳು ತರಕಾರಿ, ಹೂವಿನ ಬೀಜಗಳನ್ನಿಟ್ಟು ಗಣಪತಿ ವಿಗ್ರಹಗಳನ್ನು ತಯಾರಿಸುತ್ತಿದ್ದಾರೆ. ಅಂಥ ಮೂರ್ತಿಗಳನ್ನು ಕೂರಿಸಿ. ನಿಮ್ಮ ಮನೆಯ ಅಂಗಳದ ಕುಂಡದಲ್ಲೋ, ಕೈತೋಟದಲ್ಲೋ ವಿಸರ್ಜನೆ ಮಾಡಿ. ನೀವು ಪೂಜಿಸಿದ ಗಣಪ ಸಸ್ಯದ ರೂಪದಲ್ಲಿ ನಿಮ್ಮ ಮನೆಯಲ್ಲೇ ಇರುತ್ತಾನೆ.</p>.<p>* ಪೆಂಡಾಲ್, ಮಂಟಪದ ಅಲಂಕಾರಕ್ಕೆ ಪ್ಲಾಸ್ಟಿಕ್ ವಸ್ತುಗಳನ್ನು ಬಳಸಬೇಡಿ. ಮಣ್ಣಿನಲ್ಲಿ ಕರಗುವಂತಹ (ಬಯೋಡಿಗ್ರೆಡಬಲ್) ಎಲೆ, ಹೂವಿನಂತಹ ವಸ್ತುಗಳನ್ನೇ ಬಳಸಿ.</p>.<p>* ಪೂಜೆ, ಉತ್ಸವ ಮುಗಿದ ಮೇಲೆ, ಮೂರ್ತಿ ವಿಸರ್ಜಿಸಿದ ನಂತರ, ಸಂಗ್ರಹವಾಗುವ ಕಸವನ್ನು ಒಣಕಸ, ಹಸಿಕಸ(ಮಣ್ಣಿನಲ್ಲಿ ಕರಗುವ, ಕರಗದ) ಬೇರ್ಪಡಿಸಿ, ವಿಲೇವಾರಿ ಮಾಡಿ.</p>.<p>* ಮನೆಗಳಲ್ಲಿ ಕೈತೋಟಗಳಿದ್ದರೆ, ಹಸಿ ಕಸವನ್ನು ಗೊಬ್ಬರವಾಗಿಸಿ. ಆ ಗೊಬ್ಬರವನ್ನು ಕೈತೋಟಕ್ಕೆ ಬಳಸಿ.</p>.<p>ಈ ಎಲ್ಲವನ್ನೂ ಅನುಸರಿಸಿದರೆ, ಅದೇ ನಿಜವಾದ ಪರಿಸರ ಸ್ನೇಹಿ ಗೌರಿ–ಗಣೇಶ ಹಬ್ಬವಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಎಲ್ಲೆಡೆ ಗೌರಿ–ಗಣೇಶ ಹಬ್ಬ ಆಚರಣೆಯ ಸಂಭ್ರಮ ಶುರುವಾಗಿದೆ. ಮನೆಯಲ್ಲಿ ಗೌರಿ–ಗಣೇಶನನ್ನು ಕೂರಿಸುವವರು ಮನೆಯನ್ನು ಅಲಂಕರಿಸುವ ಯೋಜನೆ ರೂಪಿಸುತ್ತಿದ್ದರೆ, ಸಮುದಾಯಗಳಲ್ಲಿ ಗಣಪತಿ ಪ್ರತಿಷ್ಠಾಪಿಸಲು, ಪೆಂಡಾಲ್, ಬ್ಯಾನರ್ ಹಾಕುವ ಕೆಲಸಗಳು ನಡೆಯುತ್ತಿವೆ. ಚಂದಾ ಎತ್ತುತ್ತಾ, ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸಲು ಕಾರ್ಯಗಳು ಸಾಗುತ್ತಿವೆ.</p>.<p>ಹಬ್ಬದ ಸಂಭ್ರಮ ಇಮ್ಮಡಿಯಾಗಲಿ, ಎಲ್ಲರೂ ಖುಷಿಯಿಂದ ಹಬ್ಬ ಆಚರಿಸಲಿ. ಆದರೆ ಹಬ್ಬದಲ್ಲಿ ಸಂಭ್ರಮದ ಜೊತೆಗೆ, ‘ಪರಿಸರ ಸ್ನೇಹಿ’ಯಾಗಿರಬೇಕು. ಪರಿಸರ ಪೂರಕ ಹಬ್ಬ ಆಚರಣೆ, ಪೂಜೆಯಷ್ಟೇ ಪವಿತ್ರವಾದದು !</p>.<p><strong>ಹೇಗೆ ಆಚರಿಸಬೇಕು ?</strong></p>.<p>* ಪ್ಲಾಸ್ಟರ್ ಆಫ್ ಪ್ಯಾರಿಸ್ (ಪಿ.ಒ.ಪಿ) ಮತ್ತು ಬಣ್ಣದ ವಿಗ್ರಹಗಳನ್ನು ಬಳಸಬೇಡಿ. ಬಣ್ಣ ರಹಿತ ಮಣ್ಣಿನ ವಿಗ್ರಹಗಳನ್ನೇ ಪ್ರತಿಷ್ಠಾಪಿಸಿ ಪೂಜಿಸಿ.</p>.<p>* ಈಗೀಗ ಕೆಲವು ಸಂಸ್ಥೆಗಳು ತರಕಾರಿ, ಹೂವಿನ ಬೀಜಗಳನ್ನಿಟ್ಟು ಗಣಪತಿ ವಿಗ್ರಹಗಳನ್ನು ತಯಾರಿಸುತ್ತಿದ್ದಾರೆ. ಅಂಥ ಮೂರ್ತಿಗಳನ್ನು ಕೂರಿಸಿ. ನಿಮ್ಮ ಮನೆಯ ಅಂಗಳದ ಕುಂಡದಲ್ಲೋ, ಕೈತೋಟದಲ್ಲೋ ವಿಸರ್ಜನೆ ಮಾಡಿ. ನೀವು ಪೂಜಿಸಿದ ಗಣಪ ಸಸ್ಯದ ರೂಪದಲ್ಲಿ ನಿಮ್ಮ ಮನೆಯಲ್ಲೇ ಇರುತ್ತಾನೆ.</p>.<p>* ಪೆಂಡಾಲ್, ಮಂಟಪದ ಅಲಂಕಾರಕ್ಕೆ ಪ್ಲಾಸ್ಟಿಕ್ ವಸ್ತುಗಳನ್ನು ಬಳಸಬೇಡಿ. ಮಣ್ಣಿನಲ್ಲಿ ಕರಗುವಂತಹ (ಬಯೋಡಿಗ್ರೆಡಬಲ್) ಎಲೆ, ಹೂವಿನಂತಹ ವಸ್ತುಗಳನ್ನೇ ಬಳಸಿ.</p>.<p>* ಪೂಜೆ, ಉತ್ಸವ ಮುಗಿದ ಮೇಲೆ, ಮೂರ್ತಿ ವಿಸರ್ಜಿಸಿದ ನಂತರ, ಸಂಗ್ರಹವಾಗುವ ಕಸವನ್ನು ಒಣಕಸ, ಹಸಿಕಸ(ಮಣ್ಣಿನಲ್ಲಿ ಕರಗುವ, ಕರಗದ) ಬೇರ್ಪಡಿಸಿ, ವಿಲೇವಾರಿ ಮಾಡಿ.</p>.<p>* ಮನೆಗಳಲ್ಲಿ ಕೈತೋಟಗಳಿದ್ದರೆ, ಹಸಿ ಕಸವನ್ನು ಗೊಬ್ಬರವಾಗಿಸಿ. ಆ ಗೊಬ್ಬರವನ್ನು ಕೈತೋಟಕ್ಕೆ ಬಳಸಿ.</p>.<p>ಈ ಎಲ್ಲವನ್ನೂ ಅನುಸರಿಸಿದರೆ, ಅದೇ ನಿಜವಾದ ಪರಿಸರ ಸ್ನೇಹಿ ಗೌರಿ–ಗಣೇಶ ಹಬ್ಬವಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
