ಭಾರತದ ಕ್ರಿಕೆಟ್ ಇತಿಹಾಸದಲ್ಲಿ ಮೊದಲ ಪ್ರಥಮ ದರ್ಜೆ ಪಂದ್ಯ ನಡೆದು ಈಗ 90 ವರ್ಷಗಳು ತುಂಬಿವೆ. ಒಂದೇ ದಿನದಲ್ಲಿ ಆ ಪಂದ್ಯದ ಫಲಿತಾಂಶ ಹೊರಹೊಮ್ಮಿತ್ತು. ಹೌದು; 1934ರ ನವೆಂಬರ್ 4ರಂದು ಚೆನ್ನೈನಲ್ಲಿ ನಡೆದ ಮೊದಲ ರಣಜಿ ಟ್ರೋಫಿ ಕ್ರಿಕೆಟ್ ಪಂದ್ಯವೇ ಆ ದಾಖಲೆ. ಮದ್ರಾಸ್ ಮತ್ತು ಮೈಸೂರು (ಈಗ ತಮಿಳುನಾಡು ಮತ್ತು ಕರ್ನಾಟಕ) ತಂಡಗಳ ನಡುವಣ ನಡೆದ ಪಂದ್ಯ ಅದಾಗಿತ್ತು. ಮೊದಲ ದಿನದಾಟ ಮುಗಿಯಲು ಕೆಲವು ನಿಮಿಷಗಳು ಬಾಕಿಯಿದ್ದಾಗಲೇ ಮದ್ರಾಸ್ ತಂಡವು ಇನಿಂಗ್ಸ್‌ ಹಾಗೂ 23 ರನ್‌ಗಳಿಂದ ಜಯಿಸಿತ್ತು.

ಪ್ರತಿವರ್ಷವೂ ಝಗಮಗಿಸುವ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಆಡಲು ಬಹಳಷ್ಟು ಆಟಗಾರರು ಹಾತೊರೆಯುತ್ತಾರೆ. ಹಣದ ಆಕರ್ಷಣೆ ಮತ್ತು ಜನಪ್ರಿಯತೆ ಲಭಿಸುವ ಈ ಟೂರ್ನಿಯಿಂದ ಉನ್ನತ ಮಟ್ಟಕ್ಕೆ ಏರಿದವರು ಇದ್ದಾರೆ. ಮಿಂಚಿ ಮರೆಯಾದವರೂ ಬಹಳಷ್ಟಿದ್ದಾರೆ. ಅಂತಹವರಲ್ಲಿ ಪಾಲ್ ವಾಲ್ತಾಟಿ, ಮನಪ್ರೀತ್ ಗೋನಿ, ಸ್ವಪ್ನಿಲ್ ಅಸ್ನೋಡಕರ್, ಮನ್ವಿಂದರ್ ಬಿಸ್ಲಾ, ರಾಹುಲ್ ಶರ್ಮಾ, ಕಮ್ರನ್ ಖಾನ್, ಸೌರಭ್ ತಿವಾರಿ, ಜೋಗಿಂದರ್ ಶರ್ಮಾ, ಉಮ್ರಾನ್ ಮಲಿಕ್ ಪ್ರಮುಖರಾಗಿದ್ದಾರೆ.