<p><strong>ನವದೆಹಲಿ:</strong> ಯುವ ಪೀಳಿಗೆ ದೇಶಕ್ಕೆ ನಾಯಕತ್ವ ಒದಗಿಸಲು ಸಿದ್ಧವಾಗಬೇಕು. ಜೊತೆಗೆ, ಯಾವುದೇ ವಿಚಾರಕ್ಕಿಂತಲೂ ರಾಷ್ಟ್ರೀಯ ಹಿತಾಸಕ್ತಿಯೇ ಅವರ ಆದ್ಯತೆಯಾಗಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಹೇಳಿದರು.</p>.<p>‘ಸದ್ಯದ ಅವಧಿಯು ಭಾರತದ ಪಾಲಿಗೆ ಅಮೃತ ಕಾಲ. ಇಂತಹ ಮಹತ್ವದ ಅವಧಿಯಲ್ಲಿಯೇ ದೇಶವೊಂದು ಸರ್ವಾಂಗೀಣ ಪ್ರಗತಿಯತ್ತ ಹೆಜ್ಜೆ ಹಾಕುವ ಅವಕಾಶ ಸಿಗುತ್ತದೆ. ಅಂತಹ ಅದ್ಭುತ ಅವಕಾಶ ಈಗ ಭಾರತಕ್ಕೆ ಬಂದೊದಗಿದೆ’ ಎಂದು ಮೋದಿ ಪ್ರತಿಪಾದಿಸಿದರು.</p>.<p>‘ವಿಕಸಿತ ಭಾರತ@2047:ಯುವ ಜನತೆಯ ಧ್ವನಿ’ ಎಂಬ ಉಪಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.</p>.<p>‘2047ರ ವೇಳೆಗೆ ಭಾರತ ಯಾವ ರೀತಿ ಅಭಿವೃದ್ಧಿ ಸಾಧಿಸಿರಬೇಕು ಎಂಬ ಕುರಿತು ದೇಶದ ಯುವ ಜನತೆ ತಮ್ಮ ವಿಚಾರಗಳನ್ನು ಮಂಡಿಸಲು ಈ ಉಪಕ್ರಮವು ವೇದಿಕೆಯನ್ನು ಒದಗಿಸುತ್ತದೆ’ ಎಂದು ಹೇಳಿದ ಅವರು, ‘ದೇಶದ ಯುವ ಜನತೆಯು ‘ಬದಲಾವಣೆಯ ಪ್ರತಿನಿಧಿ’ ಹಾಗೂ ‘ಬದಲಾವಣೆಯ ಫಲಾನುಭವಿ’ಯಾಗುವ ಶಕ್ತಿ ಹೊಂದಿದ್ದಾರೆ’ ಎಂದು ಹೇಳಿದರು.</p>.<p>ಇದೇ ಸಂದರ್ಭದಲ್ಲಿ ರಾಜ್ಯಗಳಲ್ಲಿರುವ ರಾಜಭವನಗಳಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಾಗಾರದಲ್ಲಿ ಪಾಲ್ಗೊಂಡಿದ್ದ ವಿಶ್ವವಿದ್ಯಾಲಯಗಳ ಕುಲಪತಿಗಳು, ಶಿಕ್ಷಣ ಸಂಸ್ಥೆಗಳು ಮುಖ್ಯಸ್ಥರು ಹಾಗೂ ಬೋಧಕ ಸಿಬ್ಬಂದಿಯನ್ನು ಉದ್ಧೇಶಿಸಿ ಅವರು ವರ್ಚುವಲ್ ಆಗಿ ಮಾತನಾಡಿದರು.</p>.<p>‘ನಾವು ಎದುರಿಸಬೇಕಾದ ಪರೀಕ್ಷೆಯ ದಿನಾಂಕವನ್ನು ಘೋಷಿಸಿಯಾಗಿದೆ. ನಮ್ಮ ಮುಂದೆ ಅಮೃತ ಕಾಲದ 25 ವರ್ಷಗಳೂ ಇವೆ. ಈ ಅವಧಿಯಲ್ಲಿ ದಿನದ 24 ಗಂಟೆಯೂ ನಾವು ಕಾರ್ಯ ನಿರ್ವಹಿಸಬೇಕು. ದೇಶಕ್ಕೆ ನಾಯಕತ್ವ ಒದಗಿಸುವಂತಹ ಹಾಗೂ ಅವರ ಆದ್ಯತೆಯು ರಾಷ್ಟ್ರೀಯ ಹಿತಾಸಕ್ತಿಯೇ ಆಗಿರುವಂತಹ ಯುವ ಸಮುದಾಯವನ್ನು ಸಿದ್ಧಗೊಳಿಸುವ ಜವಾಬ್ದಾರಿ ನಮ್ಮ ಮೇಲಿದೆ’ ಎಂದು ಹೇಳಿದರು.</p>.<p>‘ದೇಶದಲ್ಲಿ ಯುವ ಜನತೆಯ ಸಂಖ್ಯೆ ದೊಡ್ಡದಿದೆ. ಅದರಲ್ಲೂ, 25–30 ವರ್ಷ ವಯೋಮಾನವನ್ನು ದುಡಿಯುವ ವಯಸ್ಸು ಎಂದು ವಿಶ್ವ ಮಟ್ಟದಲ್ಲಿ ಗುರುತಿಸಲಾಗುತ್ತದೆ. ಈ ವಿಚಾರದಲ್ಲಿಯೂ ಭಾರತವು ಮುಂದಾಳತ್ವ ವಹಿಸಲಿದೆ’ ಎಂದರು.</p>.<h2> ಮೋದಿ ಭಾಷಣದ ಪ್ರಮುಖ ಅಂಶಗಳು </h2>.<ul><li><p> ದೇಶದ ಅಭಿವೃದ್ಧಿಗಾಗಿ ರೂಪಿಸಿದ ಕಾರ್ಯಯೋಜನೆ ಹಾಗೂ ಯುವ ಜನತೆ ಮಧ್ಯೆ ಸಂಪರ್ಕ ಬೆಳೆಸಬೇಕು. ಈ ವಿಚಾರವಾಗಿ ವಿಶ್ವವಿದ್ಯಾಲಯಗಳು ಹಾಗೂ ಬೋಧಕರು ಚಿಂತನೆ ನಡೆಸಬೇಕು </p></li><li><p>ಶಿಕ್ಷಣ ಸಂಸ್ಥೆಗಳು ಯುವ ಜನತೆ ಜೊತೆ ಹೆಚ್ಚು ಸಂಪರ್ಕ ಹೊಂದಿರುತ್ತವೆ. ಹೀಗಾಗಿ ದೇಶದ ಅಭಿವೃದ್ಧಿಗಾಗಿ ಅವರ ಆಲೋಚನೆಗಳಿಗೆ ರೂಪ ಕೊಡುವ ಕೆಲಸ ಶಿಕ್ಷಣ ಸಂಸ್ಥೆಗಳಿಂದಾಗಬೇಕು </p></li><li><p>ಸಾರ್ವಜನಿಕ ಸಹಭಾಗಿತ್ವದಿಂದ ದೊಡ್ಡ ಕಾರ್ಯಗಳನ್ನು ಸುಲಭವಾಗಿ ಸಾಧಿಸಬಹುದು. ಸ್ವಚ್ಛ ಭಾರತ ಅಭಿಯಾನ ಡಿಜಿಟಲ್ ಇಂಡಿಯಾ ಕೋವಿಡ್ ಪಿಡುಗನ್ನು ದೇಶ ಗೆದ್ದಿರುವುದು ಇದಕ್ಕೆ ನಿದರ್ಶನ</p></li><li><p>‘ವಿಕಸಿತ ಭಾರತ@2047:ಯುವ ಜನತೆಯ ಧ್ವನಿ’ ಉಪಕ್ರಮವು ದೇಶದ ಆರ್ಥಿಕ ಪ್ರಗತಿ ಸಾಮಾಜಿಕ ಪ್ರಗತಿ ಸುಸ್ಥಿರ ಪರಿಸರ ಹಾಗೂ ಉತ್ತಮ ಆಡಳಿತದಂತಹ ಅಂಶಗಳನ್ನು ಒಳಗೊಂಡಿದೆ </p></li></ul>.<h2>ಸಲಹೆಗಳಿಗೆ ಆಹ್ವಾನ </h2>.<ul><li><p>ಈ ಉಪಕ್ರಮ ಕುರಿತು ದೇಶದ ಪ್ರತಿಯೊಂದು ಕಾಲೇಜು ಹಾಗೂ ವಿಶ್ವವಿದ್ಯಾಲಯ ವಿಶೇಷ ಪ್ರಚಾರೋಂದಲನ ನಡೆಸಬೇಕು </p></li><li><p>ವಿಕಸಿತ ಭಾರತ ಉಪಕ್ರಮದ ಪೋರ್ಟಲ್ನಲ್ಲಿ ಯುವ ಜನತೆ ತಮ್ಮ ವಿಚಾರಗಳನ್ನು ಸಲಹೆ–ಸೂಚನೆಗಳನ್ನು ಹಂಚಿಕೊಳ್ಳುವಂತೆ ಪ್ರೋತ್ಸಾಹಿಸಬೇಕು </p></li><li><p>ಐದು ಬೇರೆ ಬೇರೆ ವಿಷಯಗಳು ಕುರಿತು ಸಲಹೆಗಳು/ವಿಚಾರಗಳನ್ನು ಹಂಚಿಕೊಳ್ಳಬೇಕು </p></li><li><p>ಆಯ್ದ 10 ಅತ್ಯುತ್ತಮ ಸಲಹೆಗಳಿಗೆ ಬಹುಮಾನ ನೀಡಲಾಗುತ್ತದೆ </p></li><li><p>MyGov ಪೋರ್ಟಲ್ ಮೂಲಕವೂ ಯುವ ಸಮುದಾಯ ತಮ್ಮ ಸಲಹೆಗಳನ್ನು ನೀಡಬಹುದು</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಯುವ ಪೀಳಿಗೆ ದೇಶಕ್ಕೆ ನಾಯಕತ್ವ ಒದಗಿಸಲು ಸಿದ್ಧವಾಗಬೇಕು. ಜೊತೆಗೆ, ಯಾವುದೇ ವಿಚಾರಕ್ಕಿಂತಲೂ ರಾಷ್ಟ್ರೀಯ ಹಿತಾಸಕ್ತಿಯೇ ಅವರ ಆದ್ಯತೆಯಾಗಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಹೇಳಿದರು.</p>.<p>‘ಸದ್ಯದ ಅವಧಿಯು ಭಾರತದ ಪಾಲಿಗೆ ಅಮೃತ ಕಾಲ. ಇಂತಹ ಮಹತ್ವದ ಅವಧಿಯಲ್ಲಿಯೇ ದೇಶವೊಂದು ಸರ್ವಾಂಗೀಣ ಪ್ರಗತಿಯತ್ತ ಹೆಜ್ಜೆ ಹಾಕುವ ಅವಕಾಶ ಸಿಗುತ್ತದೆ. ಅಂತಹ ಅದ್ಭುತ ಅವಕಾಶ ಈಗ ಭಾರತಕ್ಕೆ ಬಂದೊದಗಿದೆ’ ಎಂದು ಮೋದಿ ಪ್ರತಿಪಾದಿಸಿದರು.</p>.<p>‘ವಿಕಸಿತ ಭಾರತ@2047:ಯುವ ಜನತೆಯ ಧ್ವನಿ’ ಎಂಬ ಉಪಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.</p>.<p>‘2047ರ ವೇಳೆಗೆ ಭಾರತ ಯಾವ ರೀತಿ ಅಭಿವೃದ್ಧಿ ಸಾಧಿಸಿರಬೇಕು ಎಂಬ ಕುರಿತು ದೇಶದ ಯುವ ಜನತೆ ತಮ್ಮ ವಿಚಾರಗಳನ್ನು ಮಂಡಿಸಲು ಈ ಉಪಕ್ರಮವು ವೇದಿಕೆಯನ್ನು ಒದಗಿಸುತ್ತದೆ’ ಎಂದು ಹೇಳಿದ ಅವರು, ‘ದೇಶದ ಯುವ ಜನತೆಯು ‘ಬದಲಾವಣೆಯ ಪ್ರತಿನಿಧಿ’ ಹಾಗೂ ‘ಬದಲಾವಣೆಯ ಫಲಾನುಭವಿ’ಯಾಗುವ ಶಕ್ತಿ ಹೊಂದಿದ್ದಾರೆ’ ಎಂದು ಹೇಳಿದರು.</p>.<p>ಇದೇ ಸಂದರ್ಭದಲ್ಲಿ ರಾಜ್ಯಗಳಲ್ಲಿರುವ ರಾಜಭವನಗಳಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಾಗಾರದಲ್ಲಿ ಪಾಲ್ಗೊಂಡಿದ್ದ ವಿಶ್ವವಿದ್ಯಾಲಯಗಳ ಕುಲಪತಿಗಳು, ಶಿಕ್ಷಣ ಸಂಸ್ಥೆಗಳು ಮುಖ್ಯಸ್ಥರು ಹಾಗೂ ಬೋಧಕ ಸಿಬ್ಬಂದಿಯನ್ನು ಉದ್ಧೇಶಿಸಿ ಅವರು ವರ್ಚುವಲ್ ಆಗಿ ಮಾತನಾಡಿದರು.</p>.<p>‘ನಾವು ಎದುರಿಸಬೇಕಾದ ಪರೀಕ್ಷೆಯ ದಿನಾಂಕವನ್ನು ಘೋಷಿಸಿಯಾಗಿದೆ. ನಮ್ಮ ಮುಂದೆ ಅಮೃತ ಕಾಲದ 25 ವರ್ಷಗಳೂ ಇವೆ. ಈ ಅವಧಿಯಲ್ಲಿ ದಿನದ 24 ಗಂಟೆಯೂ ನಾವು ಕಾರ್ಯ ನಿರ್ವಹಿಸಬೇಕು. ದೇಶಕ್ಕೆ ನಾಯಕತ್ವ ಒದಗಿಸುವಂತಹ ಹಾಗೂ ಅವರ ಆದ್ಯತೆಯು ರಾಷ್ಟ್ರೀಯ ಹಿತಾಸಕ್ತಿಯೇ ಆಗಿರುವಂತಹ ಯುವ ಸಮುದಾಯವನ್ನು ಸಿದ್ಧಗೊಳಿಸುವ ಜವಾಬ್ದಾರಿ ನಮ್ಮ ಮೇಲಿದೆ’ ಎಂದು ಹೇಳಿದರು.</p>.<p>‘ದೇಶದಲ್ಲಿ ಯುವ ಜನತೆಯ ಸಂಖ್ಯೆ ದೊಡ್ಡದಿದೆ. ಅದರಲ್ಲೂ, 25–30 ವರ್ಷ ವಯೋಮಾನವನ್ನು ದುಡಿಯುವ ವಯಸ್ಸು ಎಂದು ವಿಶ್ವ ಮಟ್ಟದಲ್ಲಿ ಗುರುತಿಸಲಾಗುತ್ತದೆ. ಈ ವಿಚಾರದಲ್ಲಿಯೂ ಭಾರತವು ಮುಂದಾಳತ್ವ ವಹಿಸಲಿದೆ’ ಎಂದರು.</p>.<h2> ಮೋದಿ ಭಾಷಣದ ಪ್ರಮುಖ ಅಂಶಗಳು </h2>.<ul><li><p> ದೇಶದ ಅಭಿವೃದ್ಧಿಗಾಗಿ ರೂಪಿಸಿದ ಕಾರ್ಯಯೋಜನೆ ಹಾಗೂ ಯುವ ಜನತೆ ಮಧ್ಯೆ ಸಂಪರ್ಕ ಬೆಳೆಸಬೇಕು. ಈ ವಿಚಾರವಾಗಿ ವಿಶ್ವವಿದ್ಯಾಲಯಗಳು ಹಾಗೂ ಬೋಧಕರು ಚಿಂತನೆ ನಡೆಸಬೇಕು </p></li><li><p>ಶಿಕ್ಷಣ ಸಂಸ್ಥೆಗಳು ಯುವ ಜನತೆ ಜೊತೆ ಹೆಚ್ಚು ಸಂಪರ್ಕ ಹೊಂದಿರುತ್ತವೆ. ಹೀಗಾಗಿ ದೇಶದ ಅಭಿವೃದ್ಧಿಗಾಗಿ ಅವರ ಆಲೋಚನೆಗಳಿಗೆ ರೂಪ ಕೊಡುವ ಕೆಲಸ ಶಿಕ್ಷಣ ಸಂಸ್ಥೆಗಳಿಂದಾಗಬೇಕು </p></li><li><p>ಸಾರ್ವಜನಿಕ ಸಹಭಾಗಿತ್ವದಿಂದ ದೊಡ್ಡ ಕಾರ್ಯಗಳನ್ನು ಸುಲಭವಾಗಿ ಸಾಧಿಸಬಹುದು. ಸ್ವಚ್ಛ ಭಾರತ ಅಭಿಯಾನ ಡಿಜಿಟಲ್ ಇಂಡಿಯಾ ಕೋವಿಡ್ ಪಿಡುಗನ್ನು ದೇಶ ಗೆದ್ದಿರುವುದು ಇದಕ್ಕೆ ನಿದರ್ಶನ</p></li><li><p>‘ವಿಕಸಿತ ಭಾರತ@2047:ಯುವ ಜನತೆಯ ಧ್ವನಿ’ ಉಪಕ್ರಮವು ದೇಶದ ಆರ್ಥಿಕ ಪ್ರಗತಿ ಸಾಮಾಜಿಕ ಪ್ರಗತಿ ಸುಸ್ಥಿರ ಪರಿಸರ ಹಾಗೂ ಉತ್ತಮ ಆಡಳಿತದಂತಹ ಅಂಶಗಳನ್ನು ಒಳಗೊಂಡಿದೆ </p></li></ul>.<h2>ಸಲಹೆಗಳಿಗೆ ಆಹ್ವಾನ </h2>.<ul><li><p>ಈ ಉಪಕ್ರಮ ಕುರಿತು ದೇಶದ ಪ್ರತಿಯೊಂದು ಕಾಲೇಜು ಹಾಗೂ ವಿಶ್ವವಿದ್ಯಾಲಯ ವಿಶೇಷ ಪ್ರಚಾರೋಂದಲನ ನಡೆಸಬೇಕು </p></li><li><p>ವಿಕಸಿತ ಭಾರತ ಉಪಕ್ರಮದ ಪೋರ್ಟಲ್ನಲ್ಲಿ ಯುವ ಜನತೆ ತಮ್ಮ ವಿಚಾರಗಳನ್ನು ಸಲಹೆ–ಸೂಚನೆಗಳನ್ನು ಹಂಚಿಕೊಳ್ಳುವಂತೆ ಪ್ರೋತ್ಸಾಹಿಸಬೇಕು </p></li><li><p>ಐದು ಬೇರೆ ಬೇರೆ ವಿಷಯಗಳು ಕುರಿತು ಸಲಹೆಗಳು/ವಿಚಾರಗಳನ್ನು ಹಂಚಿಕೊಳ್ಳಬೇಕು </p></li><li><p>ಆಯ್ದ 10 ಅತ್ಯುತ್ತಮ ಸಲಹೆಗಳಿಗೆ ಬಹುಮಾನ ನೀಡಲಾಗುತ್ತದೆ </p></li><li><p>MyGov ಪೋರ್ಟಲ್ ಮೂಲಕವೂ ಯುವ ಸಮುದಾಯ ತಮ್ಮ ಸಲಹೆಗಳನ್ನು ನೀಡಬಹುದು</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
