<p>ನಡೆಯುವಾಗಲೋ, ಬಸ್ಸಿನಲ್ಲಿ ಹೋಗುವಾಗಲೋ ಹಾದಿಬದಿಯ ಫಲಕವೊಂದು ಥಟ್ಟನೆ ಗಮನಸೆಳೆಯಬಹುದು. ಆ ಫಲಕದಲ್ಲಿನ ಬರಹದಲ್ಲಿ ಕೊಂಚ ಏರುಪೇರಾಗಿದ್ದರೆ, ತುಟಿಯಲ್ಲಿ ನಗೆಯೂ ಮಿನುಗುತ್ತದೆ. ಇಂಥ ಸ್ವಾರಸ್ಯಕರ ಫಲಕಗಳ ಸಂಕಲನವೇ ‘ಚಿತ್ರ-ವಿಚಿತ್ರ’ (chitra-vichitra.blogspot.in). ‘ವಿಚಿತ್ರ ಚಿತ್ರಗಳಿಗಾಗಿ!’ ಎನ್ನುವುದು ಬ್ಲಾಗಿನ ಅಡಿ ಟಿಪ್ಪಣಿ.<br /> <br /> ಪರಿಸರಪ್ರೇಮಿ ಮತ್ತು ಎಸ್. ಲಕ್ಷ್ಮಿ ‘ಚಿತ್ರ ವಿಚಿತ್ರ’ದ ಜಂಟಿ ಬ್ಲಾಗಿಗರು. ಇಬ್ಬರಲ್ಲಿ ಲಕ್ಷ್ಮಿ ಅವರ ಪೋಸ್ಟ್ಗಳೇ ಹೆಚ್ಚು ಇರುವಂತಿವೆ. ವೃತ್ತಿಯಿಂದ ಶಿಕ್ಷಕಿಯಾದ ಲಕ್ಷ್ಮಿ ಅವರ ಬಹು ಆಸಕ್ತಿಗಳು ಹಾಗೂ ಲೋಕದ ಬಗೆಗಿನ ಬಿಡುಗಣ್ಣು ಈ ಬ್ಲಾಗಿನಲ್ಲಿ ಕಾಣಿಸುತ್ತದೆ. ಬ್ಲಾಗಿಗರು ತಮ್ಮ ಓದುಗರಿಂದಲೂ ಚಿತ್ರ–ವಿಚಿತ್ರ ಫಲಕಗಳನ್ನು ಆಹ್ವಾನಿಸಿ ಪ್ರಕಟಿಸಿದ್ದಾರೆ. ‘ನೀವು ನಿಮ್ಮ ಕ್ಯಾಮೆರಾದಲ್ಲಿ ವಿಚಿತ್ರ, ವಿಶೇಷ ಚಿತ್ರಗಳನ್ನು ಸೆರೆಹಿಡಿದಿದ್ದೀರಾ? ಆ ಚಿತ್ರಗಳಿಗೆ ಸ್ವಾಗತ. ಚಿತ್ರ ಮತ್ತು ವಿವರಣೆಯನ್ನು ನಮಗೆ ಕಳಿಸಿಕೊಡಿ’ ಎಂದು ಕೋರಿಕೊಂಡಿದ್ದಾರೆ. ಒಟ್ಟಾರೆ ‘ಫಲಕೋತ್ಸವ’ದ ಭರ್ಜರಿ ಸೀಸನ್ಗಳು ಬ್ಲಾಗ್ನಲ್ಲಿವೆ.<br /> <br /> ಫಲಕದ ಜೊತೆಗೆ ಅದಕ್ಕೊಂದು ಪುಟ್ಟ ಅಡಿ ಟಿಪ್ಪಣಿಯೂ ಪೋಸ್ಟ್ಗಳಲ್ಲಿದೆ. ಕೆಲವು ಉದಾಹರಣೆಗಳನ್ನು ನೋಡಿ:<br /> ಫಲಕ 1: ಛಾಯ ಚಿತ್ರ ತೆಗೆಯುವುದನ್ನು ನಿಷೇಧಿಸಲಾಗಿದೆ. ಟಿಪ್ಪಣಿ: ಛಾಯಾ ಪಾಪ ಯಾಕೆ ಫೋಟೋ ತೆಗೆಯಬಾರದು? (ಪದದ ಮಧ್ಯದಲ್ಲಿ ಒಂದು ಸ್ಪೇಸ್ ಏನೆಲ್ಲಾ ಅರ್ಥಗಳನ್ನು ಕೊಡಬಹುದು ಅಲ್ವ?)<br /> <br /> ಫಲಕ 2: ಡೆಲ್ಲಿ ಮೆಟ್ರೋ. ಟಿಪ್ಪಣಿ: ಬೆಂಗಳೂರಿನಲ್ಲಿ ಡೆಲ್ಲಿ ಮೆಟ್ರೋ ಬೋರ್ಡು! ಅದೂ ಕನ್ನಡದಲ್ಲಿ! ಜೈ ಮೆಟ್ರೋ! ಜೈ ಕರ್ನಾಟಕ ಮಾತೆ!<br /> <br /> ಫಲಕ 3: ಗುರುಗಳನ್ನು ಆಗಿಂದಾಗ್ಗೆ ಕತ್ತರಿಸಿ (ಈ ಫಲಕದಲ್ಲಿ ಗುರುಗಳನ್ನು ಪಕ್ಕದಲ್ಲಿನ ‘ಉ’ ಅನ್ನು ಯಾರೋ ಉಗುರಿನಿಂದ ಕೆರೆದಂತಿದೆ.<br /> <br /> ಫಲಕ 4: ಸುಸರ್ಜಿತ ಸ್ನಾನದ ಗೃಹಗಳು. ಟಿಪ್ಪಣಿ : ಈ ಫಲಕ ದಾರಿ ತೋರಿಸುತ್ತಿರುವುದು ಸ್ನಾನದ ಗೃಹಕ್ಕೋ ಅಥವಾ ಆಪರೇಷನ್ ಥಿಯೇಟರ್ ಗೋ ಅಂತ ಸ್ವಲ್ಪ ಡೌಟಿದೆ ನನಗೆ. ಯಾರಿಗಾದರೂ ಉತ್ತರ ಗೊತ್ತಾ ?<br /> <br /> ಫಲಕ 5: ಹೆಂಗಸರು ಮತ್ತು ಹೆಂಗಸರ ಜೊತೆಯಲ್ಲಿ ಬಂದಿರುವವರಿಗೆ ಮಾತ್ರ ಪ್ರವೇಶ. ಟಿಪ್ಪಣಿ: ನಮ್ಮ ಮೈಸೂರಿನ ಜಿ.ಟಿ.ಆರ್. ಹೋಟೇಲಿನಲ್ಲಿ ಕಂಡ ಫಲಕ.<br /> <br /> ಫಲಕ 6: No Drings. ಟಿಪ್ಪಣಿ: ಶಿವಪ್ರಕಾಶ್ ಎಚ್.ಎಮ್ ಅವರು ಹೊಗೆನಕಲ್ನಲ್ಲಿ ಕಂಡ ಈ ಅತ್ಯದ್ಭುತ ವಿಚಿತ್ರವನ್ನು ನಮಗೆ ಕಳುಹಿಸಿಕೊಟ್ಟಿದ್ದಾರೆ.<br /> <br /> ಇಂಥ ಫಲಕಗಳು ಚಿತ್ರ–ವಿಚಿತ್ರ ಬ್ಲಾಗಿನ ಉದ್ದಕ್ಕೂ ಇವೆ. ಕನ್ನಡ ಮಾತ್ರವಲ್ಲದೆ ಇಂಗ್ಲಿಷ್–ತಮಿಳು ಸೇರಿದಂತೆ ಬೇರೆ ಭಾಷೆಗಳ ಫಲಕಗಳೂ ಇಲ್ಲಿವೆ. ಅಲ್ಲಲ್ಲಿ ಕೆಲವು ಫೋಟೊಗಳನ್ನು ಪ್ರಕಟಿಸಿ, ಅವುಗಳಿಗೆ ಅಡಿ ಟಿಪ್ಪಣಿ ಬರೆದಿರುವುದೂ ಇದೆ. ಉದಾ: ಚಿತ್ರವೊಂದರಲ್ಲಿ ಎರಡು ಮೇಕೆಗಳು ಏನನ್ನೋ ತಿನ್ನುತ್ತಿವೆ. ಅದನ್ನು ಕೋತಿಯೊಂದು ನೋಡುತ್ತಿದೆ. ಇದಕ್ಕೆ ಅಡಿ ಟಿಪ್ಪಣಿ– ‘ಕೋತಿ ಮೊಸರನ್ನ ತಿಂದು ಮೇಕೆಯ ಮೂತಿಗೆ ಮೆತ್ತಿದ ಕಥೆ ಗೊತ್ತಲ್ಲಾ? ಇಲ್ಲೂ ಅದೇ ನಡೆಯುತ್ತಿರುವ ಹಾಗಿದೆ!’.<br /> <br /> ‘ರಾಜ ಫಾರ್ಮಸ್ಯ ಮತ್ತು ಸ್ಟೋರ್ಸ್’ ಎನ್ನುವುದು ಒಂದು ಕುತೂಹಲಕರ ಫಲಕ. ರಾಜ ಫಾರ್ಮಸಿ ಮತ್ತು ಸ್ಟೋರ್ಸ್ ಎನ್ನುವುದು ಇಂಗ್ಲಿಷ್ನಲ್ಲಿನ ಬರಹ. ಇದಕ್ಕೆ ಅಡಿಟಿಪ್ಪಣಿ– ‘ಕನ್ನಡ, ಇಂಗ್ಲಿಷ್ ಮತ್ತು ಸಂಸ್ಕೃತವನ್ನು ೧:೧:೧ ಅನುಪಾತದಲ್ಲಿ ಮಿಶ್ರಣ ಮಾಡಿ, ಈ ಬೋರ್ಡನ್ನು ಬರೆಯಲಾಗಿದೆ.<br /> <br /> ಆಂಗ್ಲ ಪದಕ್ಕೆ ಸಂಸ್ಕೃತದ ವಿಭಕ್ತಿ ಸೇರಿಸಿ ಆ ಹೊಸ ಪದವನ್ನು ಕನ್ನಡದಲ್ಲಿ ಬರೆದಿರುವ ಈ ಪುಣ್ಯಾತ್ಮನಿಗೇ ಔಷಧಿಯ ಅವಶ್ಯಕತೆ ಇದೆ ಅಂತ ನನಗೆ ಅನ್ನಿಸಿತು. ಸಾಲದಕ್ಕೆ, ಆಂಗ್ಲವನ್ನು ಸಾರಾಸಗಟಾಗಿ ಕೊಲೆಗೈದಿದ್ದಾನೆ’. ಟಿಪ್ಪಣಿ ಸೊಗಸಾಗಿದೆಯಲ್ಲವೇ? ಅಂದಹಾಗೆ, ಈ ಫೋಟೊವನ್ನು ಲಕ್ಷ್ಮಿ ಅವರು ಕ್ಲಿಕ್ಕಿಸಿದ ಸಂದರ್ಭಕ್ಕೂ ಒಂದು ಕಥೆಯಿದೆ.<br /> <br /> ಅದನ್ನು ಅವರ ಮಾತಲ್ಲೇ ಕೇಳಿ: ‘‘ಈ ಫೋಟೋ ನಾನೇ ತೆಗೆದಿದ್ದಾದರೂ ಇದರ ಹಿಂದೆ ಒಂದು ಸ್ವಾರಸ್ಯಕರ ಕತೆ ಇದೆ. ಒಂದು ಮಧ್ಯಾಹ್ನ ನಮ್ಮ ತಂದೆ ಫೋನ್ ಮಾಡಿ, ‘ಲಕ್ಷ್ಮೀ, ನಾನು ಮತ್ತು ನಿಮ್ಮಮ್ಮ ವಿದ್ಯಾರ್ಥಿ ಭವನದಲ್ಲಿ ದೋಸೆ ತಿಂತಿದೀವಿ, ನೀನು ಫ್ರೀ ಇದ್ರೆ ಬಾ’ ಅಂತ ಅಂದ್ರು.<br /> <br /> ಆಟೋದಲ್ಲಿ ಗಾಂಧಿ ಬಜಾರಿಗೆ ಬಂದೆ. ವಿದ್ಯಾರ್ಥಿ ಭವನದಲ್ಲಿ ದೋಸೆ ತಿಂದ ನಂತರ, ಅಣ್ಣ, ‘ನೀನೊಂದು ಫೋಟೋ ತೆಗಿಬೇಕು’ ಅಂದ್ರು. ‘ದೋಸೇದಾ?’ ಅಂದೆ. ‘ಇಲ್ಲ, ಒಂದು ಬೋರ್ಡ್ದು. ನಿನ್ನ ಬ್ಲಾಗಿಗೆ ಸರೀಗಿರತ್ತೆ’ ಅಂದ್ರು. ನನಗೆ ಆಗ್ಲೇ ಗೊತ್ತಾಗಿದ್ದು, ಸ್ವತಃ ಸ್ವಯಂ ಸಾಕ್ಷಾತ್ ನಮ್ಮಪ್ಪ ಈ ಬ್ಲಾಗ್ನ ಫಾಲೋ ಮಾಡ್ತಾರೆ ಅಂತ. ವಿದ್ಯಾರ್ಥಿ ಭವನದ ಪಕ್ಕದಲ್ಲಿರೋ ಈ ಮೆಡಿಕಲ್ ಶಾಪಿನ ಬೋರ್ಡನ್ನು ತೋರಿಸಿ, ‘ನೋಡು, ಹೇಗಿದೆ ಹೊಸ ಪದದ ಆವಿಷ್ಕಾರ!’ ಅಂದ್ರು’’.<br /> <br /> ’ಚಿತ್ರ–ವಿಚಿತ್ರ’ ಬ್ಲಾಗ್ನ ಫಲಕಗಳು, ನಗಿಸುವ ಜೊತೆಗೆ ಭಾಷೆಯ ಸಾಧ್ಯತೆಗಳ ಬಗ್ಗೆಯೂ ಯೋಚಿಸುವಂತೆ ಮಾಡುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಡೆಯುವಾಗಲೋ, ಬಸ್ಸಿನಲ್ಲಿ ಹೋಗುವಾಗಲೋ ಹಾದಿಬದಿಯ ಫಲಕವೊಂದು ಥಟ್ಟನೆ ಗಮನಸೆಳೆಯಬಹುದು. ಆ ಫಲಕದಲ್ಲಿನ ಬರಹದಲ್ಲಿ ಕೊಂಚ ಏರುಪೇರಾಗಿದ್ದರೆ, ತುಟಿಯಲ್ಲಿ ನಗೆಯೂ ಮಿನುಗುತ್ತದೆ. ಇಂಥ ಸ್ವಾರಸ್ಯಕರ ಫಲಕಗಳ ಸಂಕಲನವೇ ‘ಚಿತ್ರ-ವಿಚಿತ್ರ’ (chitra-vichitra.blogspot.in). ‘ವಿಚಿತ್ರ ಚಿತ್ರಗಳಿಗಾಗಿ!’ ಎನ್ನುವುದು ಬ್ಲಾಗಿನ ಅಡಿ ಟಿಪ್ಪಣಿ.<br /> <br /> ಪರಿಸರಪ್ರೇಮಿ ಮತ್ತು ಎಸ್. ಲಕ್ಷ್ಮಿ ‘ಚಿತ್ರ ವಿಚಿತ್ರ’ದ ಜಂಟಿ ಬ್ಲಾಗಿಗರು. ಇಬ್ಬರಲ್ಲಿ ಲಕ್ಷ್ಮಿ ಅವರ ಪೋಸ್ಟ್ಗಳೇ ಹೆಚ್ಚು ಇರುವಂತಿವೆ. ವೃತ್ತಿಯಿಂದ ಶಿಕ್ಷಕಿಯಾದ ಲಕ್ಷ್ಮಿ ಅವರ ಬಹು ಆಸಕ್ತಿಗಳು ಹಾಗೂ ಲೋಕದ ಬಗೆಗಿನ ಬಿಡುಗಣ್ಣು ಈ ಬ್ಲಾಗಿನಲ್ಲಿ ಕಾಣಿಸುತ್ತದೆ. ಬ್ಲಾಗಿಗರು ತಮ್ಮ ಓದುಗರಿಂದಲೂ ಚಿತ್ರ–ವಿಚಿತ್ರ ಫಲಕಗಳನ್ನು ಆಹ್ವಾನಿಸಿ ಪ್ರಕಟಿಸಿದ್ದಾರೆ. ‘ನೀವು ನಿಮ್ಮ ಕ್ಯಾಮೆರಾದಲ್ಲಿ ವಿಚಿತ್ರ, ವಿಶೇಷ ಚಿತ್ರಗಳನ್ನು ಸೆರೆಹಿಡಿದಿದ್ದೀರಾ? ಆ ಚಿತ್ರಗಳಿಗೆ ಸ್ವಾಗತ. ಚಿತ್ರ ಮತ್ತು ವಿವರಣೆಯನ್ನು ನಮಗೆ ಕಳಿಸಿಕೊಡಿ’ ಎಂದು ಕೋರಿಕೊಂಡಿದ್ದಾರೆ. ಒಟ್ಟಾರೆ ‘ಫಲಕೋತ್ಸವ’ದ ಭರ್ಜರಿ ಸೀಸನ್ಗಳು ಬ್ಲಾಗ್ನಲ್ಲಿವೆ.<br /> <br /> ಫಲಕದ ಜೊತೆಗೆ ಅದಕ್ಕೊಂದು ಪುಟ್ಟ ಅಡಿ ಟಿಪ್ಪಣಿಯೂ ಪೋಸ್ಟ್ಗಳಲ್ಲಿದೆ. ಕೆಲವು ಉದಾಹರಣೆಗಳನ್ನು ನೋಡಿ:<br /> ಫಲಕ 1: ಛಾಯ ಚಿತ್ರ ತೆಗೆಯುವುದನ್ನು ನಿಷೇಧಿಸಲಾಗಿದೆ. ಟಿಪ್ಪಣಿ: ಛಾಯಾ ಪಾಪ ಯಾಕೆ ಫೋಟೋ ತೆಗೆಯಬಾರದು? (ಪದದ ಮಧ್ಯದಲ್ಲಿ ಒಂದು ಸ್ಪೇಸ್ ಏನೆಲ್ಲಾ ಅರ್ಥಗಳನ್ನು ಕೊಡಬಹುದು ಅಲ್ವ?)<br /> <br /> ಫಲಕ 2: ಡೆಲ್ಲಿ ಮೆಟ್ರೋ. ಟಿಪ್ಪಣಿ: ಬೆಂಗಳೂರಿನಲ್ಲಿ ಡೆಲ್ಲಿ ಮೆಟ್ರೋ ಬೋರ್ಡು! ಅದೂ ಕನ್ನಡದಲ್ಲಿ! ಜೈ ಮೆಟ್ರೋ! ಜೈ ಕರ್ನಾಟಕ ಮಾತೆ!<br /> <br /> ಫಲಕ 3: ಗುರುಗಳನ್ನು ಆಗಿಂದಾಗ್ಗೆ ಕತ್ತರಿಸಿ (ಈ ಫಲಕದಲ್ಲಿ ಗುರುಗಳನ್ನು ಪಕ್ಕದಲ್ಲಿನ ‘ಉ’ ಅನ್ನು ಯಾರೋ ಉಗುರಿನಿಂದ ಕೆರೆದಂತಿದೆ.<br /> <br /> ಫಲಕ 4: ಸುಸರ್ಜಿತ ಸ್ನಾನದ ಗೃಹಗಳು. ಟಿಪ್ಪಣಿ : ಈ ಫಲಕ ದಾರಿ ತೋರಿಸುತ್ತಿರುವುದು ಸ್ನಾನದ ಗೃಹಕ್ಕೋ ಅಥವಾ ಆಪರೇಷನ್ ಥಿಯೇಟರ್ ಗೋ ಅಂತ ಸ್ವಲ್ಪ ಡೌಟಿದೆ ನನಗೆ. ಯಾರಿಗಾದರೂ ಉತ್ತರ ಗೊತ್ತಾ ?<br /> <br /> ಫಲಕ 5: ಹೆಂಗಸರು ಮತ್ತು ಹೆಂಗಸರ ಜೊತೆಯಲ್ಲಿ ಬಂದಿರುವವರಿಗೆ ಮಾತ್ರ ಪ್ರವೇಶ. ಟಿಪ್ಪಣಿ: ನಮ್ಮ ಮೈಸೂರಿನ ಜಿ.ಟಿ.ಆರ್. ಹೋಟೇಲಿನಲ್ಲಿ ಕಂಡ ಫಲಕ.<br /> <br /> ಫಲಕ 6: No Drings. ಟಿಪ್ಪಣಿ: ಶಿವಪ್ರಕಾಶ್ ಎಚ್.ಎಮ್ ಅವರು ಹೊಗೆನಕಲ್ನಲ್ಲಿ ಕಂಡ ಈ ಅತ್ಯದ್ಭುತ ವಿಚಿತ್ರವನ್ನು ನಮಗೆ ಕಳುಹಿಸಿಕೊಟ್ಟಿದ್ದಾರೆ.<br /> <br /> ಇಂಥ ಫಲಕಗಳು ಚಿತ್ರ–ವಿಚಿತ್ರ ಬ್ಲಾಗಿನ ಉದ್ದಕ್ಕೂ ಇವೆ. ಕನ್ನಡ ಮಾತ್ರವಲ್ಲದೆ ಇಂಗ್ಲಿಷ್–ತಮಿಳು ಸೇರಿದಂತೆ ಬೇರೆ ಭಾಷೆಗಳ ಫಲಕಗಳೂ ಇಲ್ಲಿವೆ. ಅಲ್ಲಲ್ಲಿ ಕೆಲವು ಫೋಟೊಗಳನ್ನು ಪ್ರಕಟಿಸಿ, ಅವುಗಳಿಗೆ ಅಡಿ ಟಿಪ್ಪಣಿ ಬರೆದಿರುವುದೂ ಇದೆ. ಉದಾ: ಚಿತ್ರವೊಂದರಲ್ಲಿ ಎರಡು ಮೇಕೆಗಳು ಏನನ್ನೋ ತಿನ್ನುತ್ತಿವೆ. ಅದನ್ನು ಕೋತಿಯೊಂದು ನೋಡುತ್ತಿದೆ. ಇದಕ್ಕೆ ಅಡಿ ಟಿಪ್ಪಣಿ– ‘ಕೋತಿ ಮೊಸರನ್ನ ತಿಂದು ಮೇಕೆಯ ಮೂತಿಗೆ ಮೆತ್ತಿದ ಕಥೆ ಗೊತ್ತಲ್ಲಾ? ಇಲ್ಲೂ ಅದೇ ನಡೆಯುತ್ತಿರುವ ಹಾಗಿದೆ!’.<br /> <br /> ‘ರಾಜ ಫಾರ್ಮಸ್ಯ ಮತ್ತು ಸ್ಟೋರ್ಸ್’ ಎನ್ನುವುದು ಒಂದು ಕುತೂಹಲಕರ ಫಲಕ. ರಾಜ ಫಾರ್ಮಸಿ ಮತ್ತು ಸ್ಟೋರ್ಸ್ ಎನ್ನುವುದು ಇಂಗ್ಲಿಷ್ನಲ್ಲಿನ ಬರಹ. ಇದಕ್ಕೆ ಅಡಿಟಿಪ್ಪಣಿ– ‘ಕನ್ನಡ, ಇಂಗ್ಲಿಷ್ ಮತ್ತು ಸಂಸ್ಕೃತವನ್ನು ೧:೧:೧ ಅನುಪಾತದಲ್ಲಿ ಮಿಶ್ರಣ ಮಾಡಿ, ಈ ಬೋರ್ಡನ್ನು ಬರೆಯಲಾಗಿದೆ.<br /> <br /> ಆಂಗ್ಲ ಪದಕ್ಕೆ ಸಂಸ್ಕೃತದ ವಿಭಕ್ತಿ ಸೇರಿಸಿ ಆ ಹೊಸ ಪದವನ್ನು ಕನ್ನಡದಲ್ಲಿ ಬರೆದಿರುವ ಈ ಪುಣ್ಯಾತ್ಮನಿಗೇ ಔಷಧಿಯ ಅವಶ್ಯಕತೆ ಇದೆ ಅಂತ ನನಗೆ ಅನ್ನಿಸಿತು. ಸಾಲದಕ್ಕೆ, ಆಂಗ್ಲವನ್ನು ಸಾರಾಸಗಟಾಗಿ ಕೊಲೆಗೈದಿದ್ದಾನೆ’. ಟಿಪ್ಪಣಿ ಸೊಗಸಾಗಿದೆಯಲ್ಲವೇ? ಅಂದಹಾಗೆ, ಈ ಫೋಟೊವನ್ನು ಲಕ್ಷ್ಮಿ ಅವರು ಕ್ಲಿಕ್ಕಿಸಿದ ಸಂದರ್ಭಕ್ಕೂ ಒಂದು ಕಥೆಯಿದೆ.<br /> <br /> ಅದನ್ನು ಅವರ ಮಾತಲ್ಲೇ ಕೇಳಿ: ‘‘ಈ ಫೋಟೋ ನಾನೇ ತೆಗೆದಿದ್ದಾದರೂ ಇದರ ಹಿಂದೆ ಒಂದು ಸ್ವಾರಸ್ಯಕರ ಕತೆ ಇದೆ. ಒಂದು ಮಧ್ಯಾಹ್ನ ನಮ್ಮ ತಂದೆ ಫೋನ್ ಮಾಡಿ, ‘ಲಕ್ಷ್ಮೀ, ನಾನು ಮತ್ತು ನಿಮ್ಮಮ್ಮ ವಿದ್ಯಾರ್ಥಿ ಭವನದಲ್ಲಿ ದೋಸೆ ತಿಂತಿದೀವಿ, ನೀನು ಫ್ರೀ ಇದ್ರೆ ಬಾ’ ಅಂತ ಅಂದ್ರು.<br /> <br /> ಆಟೋದಲ್ಲಿ ಗಾಂಧಿ ಬಜಾರಿಗೆ ಬಂದೆ. ವಿದ್ಯಾರ್ಥಿ ಭವನದಲ್ಲಿ ದೋಸೆ ತಿಂದ ನಂತರ, ಅಣ್ಣ, ‘ನೀನೊಂದು ಫೋಟೋ ತೆಗಿಬೇಕು’ ಅಂದ್ರು. ‘ದೋಸೇದಾ?’ ಅಂದೆ. ‘ಇಲ್ಲ, ಒಂದು ಬೋರ್ಡ್ದು. ನಿನ್ನ ಬ್ಲಾಗಿಗೆ ಸರೀಗಿರತ್ತೆ’ ಅಂದ್ರು. ನನಗೆ ಆಗ್ಲೇ ಗೊತ್ತಾಗಿದ್ದು, ಸ್ವತಃ ಸ್ವಯಂ ಸಾಕ್ಷಾತ್ ನಮ್ಮಪ್ಪ ಈ ಬ್ಲಾಗ್ನ ಫಾಲೋ ಮಾಡ್ತಾರೆ ಅಂತ. ವಿದ್ಯಾರ್ಥಿ ಭವನದ ಪಕ್ಕದಲ್ಲಿರೋ ಈ ಮೆಡಿಕಲ್ ಶಾಪಿನ ಬೋರ್ಡನ್ನು ತೋರಿಸಿ, ‘ನೋಡು, ಹೇಗಿದೆ ಹೊಸ ಪದದ ಆವಿಷ್ಕಾರ!’ ಅಂದ್ರು’’.<br /> <br /> ’ಚಿತ್ರ–ವಿಚಿತ್ರ’ ಬ್ಲಾಗ್ನ ಫಲಕಗಳು, ನಗಿಸುವ ಜೊತೆಗೆ ಭಾಷೆಯ ಸಾಧ್ಯತೆಗಳ ಬಗ್ಗೆಯೂ ಯೋಚಿಸುವಂತೆ ಮಾಡುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
