ದಾರದೆಳೆಯ ಹಿಡಿದು ಬಾನಿಂದ ಭುವಿಗಿಳಿಯುತ

‘ಪ್ಯಾರಾಚೂಟ್’ ಎಂದರೆ ಸಾಕು ತೊಂದರೆಗೆ ಈಡಾದ ವಿಮಾನದಿಂದ ಜೀವ ಉಳಿಸಿಕೊಳ್ಳಲು ಅತೀ ಹೆಚ್ಚು ಚಾಲಕರು ಬಳಸುವ ಸಾಧನ, ಎಂಬುದು ಹಲವರ ಭಾವನೆ. ಯುದ್ಧದ ಸಮಯದಲ್ಲಿ ರಾತ್ರಿವೇಳೆ ವಿಮಾನಗಳಿಂದ ಆಗುವ ಅಪಘಾತವನ್ನು ತಪ್ಪಿಸಲು, ನೂರಾರು ಸೈನಿಕರನ್ನು ಇಳಿಸಲು ಪ್ಯಾರಾಚೂಟ್ ಅನ್ನು ಬಳಸುತ್ತಾರೆ.

. ಪ್ಯಾರಾಚೂಟ್ ಹಾರಾಟದಲ್ಲಿ ಒದಗುವ ತುರ್ತು ಪರಿಸ್ಥಿತಿಗಳಲ್ಲಿ ಜೀವ ಉಳಿಸಲು ಮತ್ತು ರಣರಂಗಗಳಲ್ಲಿ ಯೋಧರನ್ನು ಆಕಾಶದಿಂದ ಬಾನಿಗೆ ಮುಟ್ಟಿಸಲು ಹೆಚ್ಚಾಗಿ ಬಳಸಿದ್ದರೂ, ಇದೊಂದು ಸಾಹಸಮಯ ಹಾಗೂ ಜನಪ್ರಿಯ ಆಕಾಶ ಕ್ರೀಡೆಯಾಗಿರುವುದು ಸ್ಕೈ ಡೈವಿಂಗ್ ಒಂದು ಅಡಿಪಾಯವಾಗಿದೆ.

. ಸ್ಕೈ ಡೈವಿಂಗ್ನ ಮೊದಲ ಪ್ರಯತ್ನ ನಡೆದು ಅನೇಕ ವರ್ಷಗಳಾಗಿದ್ದರೂ, ಕ್ರಿ.ಶ.1802 ರಲ್ಲಿ ಫ್ರಾನ್ಸಿನ ಗಾರ್ನರಿನ್ ಎಂಬ ಸಾಹಸಿಯು ಬಲೂನ್ ಒಂದರಲ್ಲಿ ಸುಮಾರು 8000 ಅಡಿಗಳ ಎತ್ತರಕ್ಕೆ ಏರಿ ಅಲ್ಲಿಂದ 23 ಅಡಿ ವ್ಯಾಸವಿರುವ ಪ್ಯಾರಾಚೂಟ್ ಅನ್ನು ಕಟ್ಟಿಕೊಂಡು ಕೆಳಗೆ ಧುಮುಕಿದ. ಆಕಾಶದಲ್ಲಿ ತೇಲುತ್ತಿದ್ದಂತೆ ತೀವ್ರ ಗತಿಯಲ್ಲಿ ತೂಗಾಡಿದರೂ, ಗಾರ್ನರಿನ್ ನೆಲಮುಟ್ಟಿ ಪ್ಯಾರಾಚೂಟ್ ಅನ್ನು ಯಶಸ್ವಿಯಾಗಿ ಬಳಸುವವರಲ್ಲಿ ಮೊದಲಿಗನಾದ. ಮೊದಲು ದುಂಡನೆಯ ಆಕಾರದ ಪ್ಯಾರಚೂಟ್ಗಳನ್ನು ಬಳಸುತ್ತಿದ್ದರು. ಈಗ ಅವುಗಳ ವಿನ್ಯಾಸ ಬದಲಾಗಿದೆ.

. ಸ್ಕೈ ಡೈವಿಂಗ್ ಕಲಿಯುವವರು ಪ್ರಾರಂಭಕ್ಕೆ, ವಿಮಾನದಿಂದ ಜಿಗಿದೊಡನೆ 3-4 ಸೆಕೆಂಡ್ಗಳ ಕಾಲ ಪ್ಯಾರಾಚೂಟ್ ತೆರೆದು ಕೆಳಗಿಳಿಯುವ ಮುನ್ನ ದೇಹವನ್ನು ಹೇಗೆ ಸಮತೋಲನದಲ್ಲಿರಿಸಿ ಸ್ಥಿರ ರೀತಿಯಲ್ಲಿ ತೇಲಬೇಕೆಂಬುದನ್ನು ಅಭ್ಯಾಸ ಮಾಡುತ್ತಾರೆ. ಗಂಟೆಗೆ 120 ಕಿ.ಮೀ. ಚಲಿಸಿ ಮೇಲೆ ಹೋಗಿ ಅದೇ ವೇಗದಲ್ಲಿ ಕೆಳಗಿಳಿಯುತ್ತದೆ.

. ಈ ವೇಗದಲ್ಲಿ ಭೂವಾತಾವರಣದಲ್ಲಿ ಚಲಿಸುತ್ತಿರುವ ಮನುಷ್ಯನ ದೇಹವು ಒಂದು ಪುಟಾಣಿ ವಿಮಾನದಂತಾಗುತ್ತದೆ. ಮೇಲೆ ಸಾಗುವಾಗ ಕ್ಷಣ ಕ್ಷಣಕ್ಕೂ ದೂರ ಸಾಗುತ್ತಾ ಚಿಕ್ಕದಾಗುತ್ತಿರುವ ವಿಮಾನಗಳನ್ನು ಬಿಟ್ಟರೆ, ಸುತ್ತಮುತ್ತಲಿನ ನಿರ್ಜನ, ನಿಶ್ಶಬ್ದ ವಾತಾವರಣ ಯಾವುದೋ ಬೇರೆ ಲೋಕಕ್ಕೆ ಬಂದಂತೆ ಅನಿಸುತ್ತದೆ. ವಿಮಾನದಿಂದ ಜಿಗಿದು, ದೇಹವನ್ನು ಚಪ್ಪಟೆಯಾಗಿಸಿ ಸ್ಥಿರವಾಗಿ ತೇಲುವುದರಲ್ಲಿ ಪರಿಣಿತಿ ಹೊಂದಿದ ಮೇಲೆ, ಗಾಳಿಯಲ್ಲಿ ತೇಲುತ್ತಿದ್ದಂತೆ ವಿವಿಧ ಭಂಗಿಗಳನ್ನು ತಳೆದು ನಾನಾ ರೀತಿಯ ದೊಂಬರಾಟಗಳನ್ನು ನಡೆಸಬಹುದು. ಪ್ಯಾರಾಚೂಟ್ ತೆರೆಯದಿದ್ದ 30 ಸೆಕೆಂಡ್ಗಳಲ್ಲಿ ದೇಹವು 4800 ಅಡಿಗಳಷ್ಟು ಕೆಳಗೆ ಚಲಿಸಿರುತ್ತದೆ. 12 ಸೆಕೆಂಡ್ಗಳೊಳಗೆ ಗಂಟೆಗೆ 120 ಮೈಲಿಗಳ ವೇಗ ಹೊಂದುವುದರಿಂದ ಹಲವು ಕ್ಷಣಗಳ ನಂತರ ಕೆಳಗೆ ಸಾಗುವ ಅನುಭವವೇ ಇಲ್ಲವಾಗುತ್ತದೆ. ಕೆಲವು ಉಪಯುಕ್ತ ಉಪಕರಣಗಳನ್ನು ಉಪಯೋಗಿಸು ವುದರಿಂದ ಪ್ಯಾರಾಚೂಟ್ ಅನ್ನು ನಿಯಂತ್ರಿಸಿ ಕ್ಷೇಮವಾಗಿ ನೆಲ ಮುಟ್ಟಲು ಸ್ಕೈ ಡೈವಿಂಗ್ ಉಪಕರಣಗಳು ಸಹಾಯಮಾಡುತ್ತವೆ.

. ಸ್ಕೈ ಡೈವಿಂಗ್ನಲ್ಲಿ ಇರುವ ದೊಡ್ಡ ವಿಪತ್ತು ಏನೆಂದರೆ, ವಿಮಾನದಿಂದ ಜಿಗಿದ ನಂತರ ಪ್ಯಾರಾಚೂಟ್ ತೆರೆದು ಕೊಳ್ಳದಿರುವುದು. ಇತ್ತೀಚಿನ ವರ್ಷಗಳಲ್ಲಿ ಸ್ಕೈ ಡೈವಿಂಗ್ ಸಾಹಸಗಳು ಸುಧಾರಣೆಗೊಂಡಿವೆ. ಯಾವುದೇ ರೀತಿಯ ತೊಂದರೆಗೆ ಒಳಗಾಗದೇ ಸ್ಕೈ ಡೈವಿಂಗ್ ಒಂದು ಸಾಹಸಮಯ ಕ್ರೀಡೆಯಾಗಿ ಅಂತರಿಕ್ಷ ಯಾನಕ್ಕೆ ಸಹಕಾರಿಯಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಾರದೆಳೆಯ ಹಿಡಿದು ಬಾನಿಂದ ಭುವಿಗಿಳಿಯುತ

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ

Pro Kabaddi: ಅರ್ಜುನ್‌ ಅಬ್ಬರಕ್ಕೆ ಬೆದರಿದ ಬುಲ್ಸ್

ಬಾರ್ಡರ್‌–ಗಾವಸ್ಕರ್ ಟ್ರೋಫಿ: ‘ವೇಗಾಸ್ತ್ರ’ ಪ್ರಯೋಗಕ್ಕೆ ಪರ್ತ್ ವೇದಿಕೆ ಸಿದ್ಧ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್‌ ಟೂರ್ನಿ: ಅರವಿಂದ್‌ ಮುಡಿಗೆ ಕಿರೀಟ

ಪಾಕ್‌ನಲ್ಲಿ ಅಂಧರ ಟಿ20 wc: ವಿದೇಶಾಂಗ ಸಚಿವಾಲಯದ ಅನುಮತಿಗಾಗಿ ಕಾದಿರುವ ಭಾರತ ತಂಡ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ