<p>ಮಲ್ಲಪುರ (ಕೇರಳ): ಇಲ್ಲಿನ ನಿಲಂಬೂರು ಮರಗಳ ತೋಪಿನಲ್ಲಿ ಬ್ರಿಟೀಷರು ನೆಟ್ಟಿದ್ದ 114 ವರ್ಷ ಹಳೆಯ ತೇಗದ ಮರವೊಂದು ₹ 40 ಲಕ್ಷಕ್ಕೆ ಹರಾಜಾಗಿದೆ.</p>.<p>1909ರಲ್ಲಿ ನೆಟ್ಟ ಮರ ಇದಾಗಿದ್ದು, ಇತ್ತೀಚೆಗಷ್ಟೇ ಧರೆಗುರುಳಿತ್ತು. ಹೀಗಾಗಿ ಅದನ್ನು ಹರಾಜು ಮಾಡಲಾಗಿತ್ತು. </p>.<p>ನೆಡುಂಕಯಮ್ ಅರಣ್ಯ ಡಿಪೋದಲ್ಲಿ ಫೆಬ್ರುವರಿ 10 ರಂದು ನಡೆದ ಹರಾಜಿನಲ್ಲಿ ವರ್ಧಮಾನ್ ಟಿಂಬರ್ ಮಾಲೀಕ ಅಜನೀಶ್ ಕುಮಾರ್ ಅವರು, ₹ 39.25 ಲಕ್ಷಕ್ಕೆ ಖರೀದಿ ಮಾಡಿದರು. ಹರಾಜು ತುರುಸಿನಿಂದ ಕೂಡಿತ್ತು ಎಂದು ಅರಣ್ಯಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.</p>.<p>8 ಘನ ಮೀಟರ್ ದಪ್ಪದ ಈ ಮರವನ್ನು, ಮೂರು ತುಂಡುಗಳನ್ನಾಗಿ ಮಾಡಿ ಹರಾಜು ಮಾಡಲಾಯಿತು.</p>.<p>3 ಮೀಟರ್ ಉದ್ದ ಇದ್ದ ಪ್ರಮುಖ ತುಂಡು ₹ 23 ಲಕ್ಷಕ್ಕೆ ಹರಾಜಾದರೆ, ಉಳಿದೆರಡು ತುಂಡುಗಳು ಕ್ರಮವಾಗಿ ₹ 11 ಲಕ್ಷ ಹಾಗೂ ₹ 5.25 ಲಕ್ಷಕ್ಕೆ ಬಿಕರಿಯಾದವು.</p>.<p>‘ನಮಗೆ ಇದರಿಂದ ಭಾರೀ ಸಂತೋಷವಾಗಿದೆ. 1909ರಲ್ಲಿ ಬ್ರಿಟೀಷರು ನೆಟ್ಟಿದ್ದ ಈ ತೋಪನ್ನು ಸಂರಕ್ಷಿತಾರಣ್ಯವಾಗಿ ಮಾಡಲಾಗಿತ್ತು. ಒಟ್ಟು 8 ಘನ ಮೀಟರ್ ಇದ್ದ ಈ ಮರ ಒಳ್ಳೆಯ ಬೆಲೆಗೆ ಹರಾಜಾಗಿದೆ. ಇದು ಈವರೆಗೆ ಈ ಡಿಪೋದಲ್ಲಿ ಹರಾಜಾದ ದೊಡ್ಡ ಮೊತ್ತದ ಮರ. ಆ ಮೂಲಕ ಹೊಸ ದಾಖಲೆ ನಿರ್ಮಾಣವಾಗಿದೆ. ನಮಗೆ ಖುಷಿ ಅನಿಸುತ್ತಿದೆ. ನಿಲಂಬೂರು ತೇಗದ ಮರ ಅಂತರರಾಷ್ಟ್ರೀಯ ಬ್ರಾಂಡ್ ಆಗಿದ್ದು, ಐತಿಹಾಸಿಕ ಮಹತ್ವವೂ ಇದೆ‘ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ಹರಾಜಿನಲ್ಲಿ ಮರದ ತುಂಡುಗಳನ್ನು ಖರೀದಿ ಮಾಡಿದ ಅಜನೀಶ್ ಕುಮಾರ್ ಅವರು ಕೂಡ ತಾವು ಬಿಡ್ ಗೆದ್ದಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ. ಕೇರಳ ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ಧನ್ಯವಾದ ಅರ್ಪಿಸಿರುವ ಅವರು, ಮರದ ದಿಮ್ಮಿಗಳನ್ನು ನಿಲಂಬೂರಿನಿಂದ ತಿರುವನಂತಪುರಕ್ಕೆ ಸಾಗಿಸಲು ₹ 15,000 ಖರ್ಚು ಮಾಡಿದ್ದಾಗಿ ಹೇಳಿದ್ದಾರೆ.</p>.<p>ಈ ಅಪರೂಪದ ಮರವನ್ನು ಸಾಗಾಟ ಮಾಡುವ ದೃಶ್ಯ ಕಣ್ತುಂಬಿಕೊಳ್ಳಲು ನೂರಾರು ಮಂದಿ ಸ್ಥಳದಲ್ಲಿ ಜಮಾಯಿಸಿದ್ದರು. </p>.<p>ನಿಲಂಬೂರು ತೇಗದ ತೋಪು ವಿಶ್ವದ ಹಳೆಯ ತೋಪುಗಳಲ್ಲಿ ಒಂದಾಗಿದ್ದು, ಮಲಬಾರ್ನ ಮಾಜಿ ಬ್ರಿಟೀಷ್ ಕಲೆಕ್ಟರ್ ಎಚ್.ವಿ ಕೊನೊಲ್ಲಿ ಅವರ ಹೆಸರನ್ನು ಇಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಲ್ಲಪುರ (ಕೇರಳ): ಇಲ್ಲಿನ ನಿಲಂಬೂರು ಮರಗಳ ತೋಪಿನಲ್ಲಿ ಬ್ರಿಟೀಷರು ನೆಟ್ಟಿದ್ದ 114 ವರ್ಷ ಹಳೆಯ ತೇಗದ ಮರವೊಂದು ₹ 40 ಲಕ್ಷಕ್ಕೆ ಹರಾಜಾಗಿದೆ.</p>.<p>1909ರಲ್ಲಿ ನೆಟ್ಟ ಮರ ಇದಾಗಿದ್ದು, ಇತ್ತೀಚೆಗಷ್ಟೇ ಧರೆಗುರುಳಿತ್ತು. ಹೀಗಾಗಿ ಅದನ್ನು ಹರಾಜು ಮಾಡಲಾಗಿತ್ತು. </p>.<p>ನೆಡುಂಕಯಮ್ ಅರಣ್ಯ ಡಿಪೋದಲ್ಲಿ ಫೆಬ್ರುವರಿ 10 ರಂದು ನಡೆದ ಹರಾಜಿನಲ್ಲಿ ವರ್ಧಮಾನ್ ಟಿಂಬರ್ ಮಾಲೀಕ ಅಜನೀಶ್ ಕುಮಾರ್ ಅವರು, ₹ 39.25 ಲಕ್ಷಕ್ಕೆ ಖರೀದಿ ಮಾಡಿದರು. ಹರಾಜು ತುರುಸಿನಿಂದ ಕೂಡಿತ್ತು ಎಂದು ಅರಣ್ಯಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.</p>.<p>8 ಘನ ಮೀಟರ್ ದಪ್ಪದ ಈ ಮರವನ್ನು, ಮೂರು ತುಂಡುಗಳನ್ನಾಗಿ ಮಾಡಿ ಹರಾಜು ಮಾಡಲಾಯಿತು.</p>.<p>3 ಮೀಟರ್ ಉದ್ದ ಇದ್ದ ಪ್ರಮುಖ ತುಂಡು ₹ 23 ಲಕ್ಷಕ್ಕೆ ಹರಾಜಾದರೆ, ಉಳಿದೆರಡು ತುಂಡುಗಳು ಕ್ರಮವಾಗಿ ₹ 11 ಲಕ್ಷ ಹಾಗೂ ₹ 5.25 ಲಕ್ಷಕ್ಕೆ ಬಿಕರಿಯಾದವು.</p>.<p>‘ನಮಗೆ ಇದರಿಂದ ಭಾರೀ ಸಂತೋಷವಾಗಿದೆ. 1909ರಲ್ಲಿ ಬ್ರಿಟೀಷರು ನೆಟ್ಟಿದ್ದ ಈ ತೋಪನ್ನು ಸಂರಕ್ಷಿತಾರಣ್ಯವಾಗಿ ಮಾಡಲಾಗಿತ್ತು. ಒಟ್ಟು 8 ಘನ ಮೀಟರ್ ಇದ್ದ ಈ ಮರ ಒಳ್ಳೆಯ ಬೆಲೆಗೆ ಹರಾಜಾಗಿದೆ. ಇದು ಈವರೆಗೆ ಈ ಡಿಪೋದಲ್ಲಿ ಹರಾಜಾದ ದೊಡ್ಡ ಮೊತ್ತದ ಮರ. ಆ ಮೂಲಕ ಹೊಸ ದಾಖಲೆ ನಿರ್ಮಾಣವಾಗಿದೆ. ನಮಗೆ ಖುಷಿ ಅನಿಸುತ್ತಿದೆ. ನಿಲಂಬೂರು ತೇಗದ ಮರ ಅಂತರರಾಷ್ಟ್ರೀಯ ಬ್ರಾಂಡ್ ಆಗಿದ್ದು, ಐತಿಹಾಸಿಕ ಮಹತ್ವವೂ ಇದೆ‘ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ಹರಾಜಿನಲ್ಲಿ ಮರದ ತುಂಡುಗಳನ್ನು ಖರೀದಿ ಮಾಡಿದ ಅಜನೀಶ್ ಕುಮಾರ್ ಅವರು ಕೂಡ ತಾವು ಬಿಡ್ ಗೆದ್ದಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ. ಕೇರಳ ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ಧನ್ಯವಾದ ಅರ್ಪಿಸಿರುವ ಅವರು, ಮರದ ದಿಮ್ಮಿಗಳನ್ನು ನಿಲಂಬೂರಿನಿಂದ ತಿರುವನಂತಪುರಕ್ಕೆ ಸಾಗಿಸಲು ₹ 15,000 ಖರ್ಚು ಮಾಡಿದ್ದಾಗಿ ಹೇಳಿದ್ದಾರೆ.</p>.<p>ಈ ಅಪರೂಪದ ಮರವನ್ನು ಸಾಗಾಟ ಮಾಡುವ ದೃಶ್ಯ ಕಣ್ತುಂಬಿಕೊಳ್ಳಲು ನೂರಾರು ಮಂದಿ ಸ್ಥಳದಲ್ಲಿ ಜಮಾಯಿಸಿದ್ದರು. </p>.<p>ನಿಲಂಬೂರು ತೇಗದ ತೋಪು ವಿಶ್ವದ ಹಳೆಯ ತೋಪುಗಳಲ್ಲಿ ಒಂದಾಗಿದ್ದು, ಮಲಬಾರ್ನ ಮಾಜಿ ಬ್ರಿಟೀಷ್ ಕಲೆಕ್ಟರ್ ಎಚ್.ವಿ ಕೊನೊಲ್ಲಿ ಅವರ ಹೆಸರನ್ನು ಇಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
