<p><strong>ಭುವನೇಶ್ವರ:</strong> ಒಡಿಶಾದ ಕರಾವಳಿಯ 24 ಗ್ರಾಮಗಳನ್ನು ಯುನೆಸ್ಕೊದ ‘ಅಂತರಸರ್ಕಾರಿ ಸಮುದ್ರವಿಜ್ಞಾನ ಆಯೋಗ’ವು (ಐಒಸಿ) ‘ಸುನಾಮಿ ಎದುರಿಸಲು ಸನ್ನದ್ಧ’ ಎಂದು ಗುರುತಿಸಿದೆ.</p>.<p>ತಮ್ಮ ಅಸ್ತಿತ್ವವನ್ನು ಉಳಿಸಿಕೊಳ್ಳಲು ಈ ಗ್ರಾಮಗಳು ಸಜ್ಜಾಗಿವೆ.</p>.<p>ಇಂಡೋನೇಷ್ಯಾದಲ್ಲಿ ನ. 11ರಂದು ನಡೆದ ಎರಡನೇ ಜಾಗತಿಕ ಸುನಾಮಿ ವಿಚಾರಸಂಕಿರಣದಲ್ಲಿ ಈ ಮಾನ್ಯತೆಯನ್ನು ನೀಡಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.</p>.<p>ಬಾಲೇಶ್ವರ, ಭದ್ರಕ್, ಕೇಂದ್ರಪಾಡಾ, ಜಗತ್ಸಿಂಗ್ಪುರ, ಪುರಿ ಮತ್ತು ಗಂಜಾಮ್ ಜಿಲ್ಲೆಗಳ ವ್ಯಾಪ್ತಿಯಲ್ಲಿ ಈ ಗ್ರಾಮಗಳಿವೆ.</p>.<p>2020ರಲ್ಲಿ ಜಗತ್ಸಿಂಗ್ಪುರ ಜಿಲ್ಲೆಯ ನೋಲಿಯಾಸಾಹಿ ಮತ್ತು ಗಂಜಾಮ್ ಜಿಲ್ಲೆಯ ವೆಂಕಟರಾಯಪುರ ಗ್ರಾಮಕ್ಕೆ ನೀಡಲಾಗಿದ್ದ ‘ಸುನಾಮಿ ಎದುರಿಸಲು ಸನ್ನದ್ಧ’ ಸ್ಥಾನ–ಮಾನ ಪ್ರಮಾಣಪತ್ರವನ್ನು ನವೀಕರಿಸಲಾಗಿದೆ. </p>.<p>ಸುನಾಮಿಪೀಡಿತ ಈ 24 ಗ್ರಾಮಗಳಲ್ಲಿ ಸ್ಥಳೀಯರಿಗೆ ತರಬೇತಿ, ಸಮುದಾಯ ಜಾಗೃತಿ ಕಾರ್ಯಕ್ರಮಗಳು, ಸುನಾಮಿ ನಿರ್ವಹಣಾ ಯೋಜನೆಗಳ ತಯಾರಿಕೆ, ಅಣಕು ಪ್ರದರ್ಶನ ಹಾಗೂ ಸ್ಥಳಾಂತರದ ಮಾರ್ಗಗಳನ್ನು ಗುರುತಿಸುವ ವಿವಿಧ ಚಟುವಟಿಕೆ ನಡೆಸಲಾಗಿದೆ.</p>.<p>ಭಾರತೀಯ ರಾಷ್ಟ್ರೀಯ ಸಮುದ್ರವಿಜ್ಞಾನ ಮಾಹಿತಿ ಸೇವೆಗಳ ಕೇಂದ್ರದ ವಿಜ್ಞಾನಿಗಳು ಹಾಗೂ ಎನ್ಡಿಎಂಎ ಅಧಿಕಾರಿಗಳನ್ನು ಒಳಗೊಂಡ ರಾಷ್ಟ್ರೀಯ ಸುನಾಮಿ ಸನ್ನದ್ಧ ಸ್ಥಿತಿಯನ್ನು ಗುರುತಿಸುವ ಮಂಡಳಿ ಸದಸ್ಯರು ಸೆಪ್ಟೆಂಬರ್ನಲ್ಲಿ ಈ ಹಳ್ಳಿಗಳಿಗೆ ಭೇಟಿ ನೀಡಿ 12 ಸೂಚಕಗಳನ್ನು ಪರಿಶೀಲಿಸಿದ ಬಳಿಕ, ಇಲ್ಲಿನ ಸಮುದಾಯವನ್ನು ‘ಸುನಾಮಿ ಎದುರಿಸಲು ಸನ್ನದ್ಧ’ ಸಮುದಾಯಗಳೆಂದು ಗುರುತಿಸಲು ಯುನೆಸ್ಕೊ– ಐಒಸಿಗೆ ಶಿಫಾರಸು ಮಾಡಿದರು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.</p>.<p>ರಾಜ್ಯದಲ್ಲಿ 381 ಗ್ರಾಮಗಳನ್ನು ಸುನಾಮಿಪೀಡಿತ ಎಂದು ಗುರುತಿಸಲಾಗಿದೆ. ಒಡಿಶಾ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರವು, ಕರಾವಳಿಯ ಈ ಎಲ್ಲ ಸ್ಥಳಗಳನ್ನು ‘ಸುನಾಮಿ ಸನ್ನದ್ಧ’ ಸಮುದಾಯಗಳನ್ನಾಗಿಸಲು ಕೆಲಸ ಮಾಡುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭುವನೇಶ್ವರ:</strong> ಒಡಿಶಾದ ಕರಾವಳಿಯ 24 ಗ್ರಾಮಗಳನ್ನು ಯುನೆಸ್ಕೊದ ‘ಅಂತರಸರ್ಕಾರಿ ಸಮುದ್ರವಿಜ್ಞಾನ ಆಯೋಗ’ವು (ಐಒಸಿ) ‘ಸುನಾಮಿ ಎದುರಿಸಲು ಸನ್ನದ್ಧ’ ಎಂದು ಗುರುತಿಸಿದೆ.</p>.<p>ತಮ್ಮ ಅಸ್ತಿತ್ವವನ್ನು ಉಳಿಸಿಕೊಳ್ಳಲು ಈ ಗ್ರಾಮಗಳು ಸಜ್ಜಾಗಿವೆ.</p>.<p>ಇಂಡೋನೇಷ್ಯಾದಲ್ಲಿ ನ. 11ರಂದು ನಡೆದ ಎರಡನೇ ಜಾಗತಿಕ ಸುನಾಮಿ ವಿಚಾರಸಂಕಿರಣದಲ್ಲಿ ಈ ಮಾನ್ಯತೆಯನ್ನು ನೀಡಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.</p>.<p>ಬಾಲೇಶ್ವರ, ಭದ್ರಕ್, ಕೇಂದ್ರಪಾಡಾ, ಜಗತ್ಸಿಂಗ್ಪುರ, ಪುರಿ ಮತ್ತು ಗಂಜಾಮ್ ಜಿಲ್ಲೆಗಳ ವ್ಯಾಪ್ತಿಯಲ್ಲಿ ಈ ಗ್ರಾಮಗಳಿವೆ.</p>.<p>2020ರಲ್ಲಿ ಜಗತ್ಸಿಂಗ್ಪುರ ಜಿಲ್ಲೆಯ ನೋಲಿಯಾಸಾಹಿ ಮತ್ತು ಗಂಜಾಮ್ ಜಿಲ್ಲೆಯ ವೆಂಕಟರಾಯಪುರ ಗ್ರಾಮಕ್ಕೆ ನೀಡಲಾಗಿದ್ದ ‘ಸುನಾಮಿ ಎದುರಿಸಲು ಸನ್ನದ್ಧ’ ಸ್ಥಾನ–ಮಾನ ಪ್ರಮಾಣಪತ್ರವನ್ನು ನವೀಕರಿಸಲಾಗಿದೆ. </p>.<p>ಸುನಾಮಿಪೀಡಿತ ಈ 24 ಗ್ರಾಮಗಳಲ್ಲಿ ಸ್ಥಳೀಯರಿಗೆ ತರಬೇತಿ, ಸಮುದಾಯ ಜಾಗೃತಿ ಕಾರ್ಯಕ್ರಮಗಳು, ಸುನಾಮಿ ನಿರ್ವಹಣಾ ಯೋಜನೆಗಳ ತಯಾರಿಕೆ, ಅಣಕು ಪ್ರದರ್ಶನ ಹಾಗೂ ಸ್ಥಳಾಂತರದ ಮಾರ್ಗಗಳನ್ನು ಗುರುತಿಸುವ ವಿವಿಧ ಚಟುವಟಿಕೆ ನಡೆಸಲಾಗಿದೆ.</p>.<p>ಭಾರತೀಯ ರಾಷ್ಟ್ರೀಯ ಸಮುದ್ರವಿಜ್ಞಾನ ಮಾಹಿತಿ ಸೇವೆಗಳ ಕೇಂದ್ರದ ವಿಜ್ಞಾನಿಗಳು ಹಾಗೂ ಎನ್ಡಿಎಂಎ ಅಧಿಕಾರಿಗಳನ್ನು ಒಳಗೊಂಡ ರಾಷ್ಟ್ರೀಯ ಸುನಾಮಿ ಸನ್ನದ್ಧ ಸ್ಥಿತಿಯನ್ನು ಗುರುತಿಸುವ ಮಂಡಳಿ ಸದಸ್ಯರು ಸೆಪ್ಟೆಂಬರ್ನಲ್ಲಿ ಈ ಹಳ್ಳಿಗಳಿಗೆ ಭೇಟಿ ನೀಡಿ 12 ಸೂಚಕಗಳನ್ನು ಪರಿಶೀಲಿಸಿದ ಬಳಿಕ, ಇಲ್ಲಿನ ಸಮುದಾಯವನ್ನು ‘ಸುನಾಮಿ ಎದುರಿಸಲು ಸನ್ನದ್ಧ’ ಸಮುದಾಯಗಳೆಂದು ಗುರುತಿಸಲು ಯುನೆಸ್ಕೊ– ಐಒಸಿಗೆ ಶಿಫಾರಸು ಮಾಡಿದರು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.</p>.<p>ರಾಜ್ಯದಲ್ಲಿ 381 ಗ್ರಾಮಗಳನ್ನು ಸುನಾಮಿಪೀಡಿತ ಎಂದು ಗುರುತಿಸಲಾಗಿದೆ. ಒಡಿಶಾ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರವು, ಕರಾವಳಿಯ ಈ ಎಲ್ಲ ಸ್ಥಳಗಳನ್ನು ‘ಸುನಾಮಿ ಸನ್ನದ್ಧ’ ಸಮುದಾಯಗಳನ್ನಾಗಿಸಲು ಕೆಲಸ ಮಾಡುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
