ಭಾರತದ ₹34 ಲಕ್ಷ ಕೋಟಿ ಕಪ್ಪುಹಣ ವಿದೇಶದಲ್ಲಿ

ನವದೆಹಲಿ (ಪಿಟಿಐ): 1980ರಿಂದ 2010ರ ಅವಧಿಯಲ್ಲಿ ಭಾರತದಿಂದ ವಿದೇಶಗಳಿಗೆ ರವಾನೆಯಾಗಿರುವ ಕಪ್ಪುಹಣದ ಮೊತ್ತ ₹15.15 ಲಕ್ಷ ಕೋಟಿಯಿಂದ ₹34.3 ಲಕ್ಷ ಕೋಟಿ ಎಂದು ಅಂದಾಜು ಮಾಡಲಾಗಿದೆ.

. ಮೂರು ಪ್ರತ್ಯೇಕ ಸಂಸ್ಥೆಗಳು ನಡೆಸಿದ ಅಧ್ಯಯನಗಳಲ್ಲಿ ಈ ಮಾಹಿತಿ ದಾಖಲಾಗಿದ್ದು,ಹಣಕಾಸು ಕುರಿತ ಸ್ಥಾಯಿಸಮಿತಿಯ ವರದಿಯನ್ನು ಲೋಕಸಭೆಯಲ್ಲಿ ಮಂಡಿಸಲಾಗಿದೆ.

. ಎಂ.ವೀರಪ್ಪ ಮೊಯಿಲಿ ನೇತೃತ್ವದ ಸಂಸದೀಯ ಸಮಿತಿಯು ವರದಿಯನ್ನು ಹಿಂದಿನ ಲೋಕಸಭೆ ಸ್ಪೀಕರ್ಗೆ ಮಾರ್ಚ್ 28ರಂದು ಸಲ್ಲಿಸಿತ್ತು.

. ರಿಯಲ್ ಎಸ್ಟೇಟ್, ಗಣಿಗಾರಿಕೆ, ಔಷಧ, ಪಾನ್ ಮಸಾಲಾ, ಗುಟ್ಕಾ, ತಂಬಾಕು, ಷೇರುಪೇಟೆ, ಸಿನಿಮಾ ಮತ್ತು ಶಿಕ್ಷಣ ಕ್ಷೇತ್ರಕ್ಕೆ ಸಂಬಂಧಿಸಿದ ದಾಖಲೆಯಿಲ್ಲದ ಸಂಪತ್ತು ವಿದೇಶಗಳಿಗೆ ಹರಿದಿದೆ ಎಂದು ವರದಿ ಅಭಿಪ್ರಾಯಪಟ್ಟಿದೆ.

. ‘ದಾಖಲೆಯಿಲ್ಲದ ಸಂಪತ್ತಿನ ಸ್ಥಿತಿಗತಿ: ಒಂದು ವಿಶ್ಲೇಷಣೆ’ ಹೆಸರಿನ ವರದಿಯಲ್ಲಿ ಕಪ್ಪುಹಣ ಕ್ರೋಡೀಕರಣವನ್ನು ಅಳತೆ ಮಾಡುವ ಯಾವುದೇ ವಿಶ್ವಾಸಾರ್ಹ ಹಾಗೂ ನಿಖರ ವಿಧಾನಗಳು ಇಲ್ಲ ಎಂದು ತಿಳಿಸಿದೆ.

. ಎಲ್ಲ ಅಂದಾಜುಗಳೂ ಊಹೆಯ ಮೇಲೆ ನಿಂತಿವೆ. ಅಧ್ಯಯನದ ಉದ್ದೇಶಕ್ಕಾಗಿ ಬಳಸಿದ ಯಾವುದೇ ವಿಧಾನಗಳು ಏಕರೂಪವಾಗಿಲ್ಲ ಹಾಗೂ ಯಾವುದೇ ಅಂದಾಜುಗಳಲ್ಲಿ ಒಮ್ಮತವೂ ಇಲ್ಲ ಎಂದು ವರದಿ ತಿಳಿಸಿದೆ.

. ಇದು ಪ್ರಾಥಮಿಕ ವರದಿ: ಹೈದರಾಬಾದ್ ವರದಿ: ಇನ್ನಷ್ಟು ಸಮಯ ಸಿಕ್ಕಿದ್ದರೆ ಸ್ಥಾಯಿ ಸಮಿತಿಯು ಕಪ್ಪುಹಣದ ಪ್ರಮಾಣವನ್ನು ನಿರ್ಧರಿಸುತ್ತಿತ್ತು ಎಂದು ವೀರಪ್ಪ ಮೊಯಿಲಿ ಪ್ರತಿಕ್ರಿಯಿಸಿದ್ದಾರೆ.

. ಇದು ಪ್ರಾಥಮಿಕ ವರದಿ: ಮೊಯಿಲಿ

. ಹೈದರಾಬಾದ್ ವರದಿ: ಇನ್ನಷ್ಟು ಸಮಯ ಸಿಕ್ಕಿದ್ದರೆ ಸ್ಥಾಯಿ ಸಮಿತಿಯು ಕಪ್ಪುಹಣದ ಪ್ರಮಾಣವನ್ನು ನಿರ್ಧರಿಸುತ್ತಿತ್ತು ಎಂದು ವೀರಪ್ಪ ಮೊಯಿಲಿ ಪ್ರತಿಕ್ರಿಯಿಸಿದ್ದಾರೆ.

. ‘ಇದು ಪ್ರಾಥಮಿಕ ವರದಿ ಮಾತ್ರ. ಸಮಯದ ಅಭಾವದಿಂದಾಗಿ ವಿಸ್ತೃತ ವಿಚಾರಣೆ ನಡೆಸಲು ಸಾಧ್ಯವಾಗಲಿಲ್ಲ’ ಎಂದು ಹೇಳಿದ್ದಾರೆ.

. ‘ವರದಿಯ ಪರಿಶೀಲನೆಯು ಈಗಿನ ಲೋಕಸಭೆಯ ಹಣಕಾಸು ಸಮಿತಿಗೆ ಸಂಬಂಧಪಟ್ಟ ವಿಚಾರ. ಕಪ್ಪುಹಣದ ಪ್ರಮಾಣವನ್ನು ನಿರ್ಧರಿಸುವುದು ಕಷ್ಟವೇನಲ್ಲ’ ಎಂದು ಮೊಯಿಲಿ ಅಭಿಪ್ರಾಯಪಟ್ಟಿದ್ದಾರೆ.

. ಮೂರು ವರದಿಗಳ ಮೂರು ಅಂದಾಜುಗಳು

. * ಅನ್ವಯಿಕ ಆರ್ಥಿಕ ಸಂಶೋಧನೆಯ ರಾಷ್ಟ್ರೀಯ ಮಂಡಳಿ (ಎನ್ಸಿಎಇಆರ್) ಅಧ್ಯಯನದ ಪ್ರಕಾರ 1980–2010ರ ಅವಧಿಯಲ್ಲಿ ಭಾರತದ ಹೊರಗೆ ಸಂಗ್ರಹವಾಗಿರುವ ದಾಖಲೆರಹಿತ ಸಂಪತ್ತಿನ ಮೌಲ್ಯ ₹26.8 ಲಕ್ಷ ಕೋಟಿಯಿಂದ ₹34.3 ಲಕ್ಷ ಕೋಟಿ.

. * ರಾಷ್ಟ್ರೀಯ ಹಣಕಾಸು ನಿರ್ವಹಣಾ ಸಂಸ್ಥೆ ಪ್ರಕಾರ, 1990–2008ರ ಅವಧಿಯಲ್ಲಿ ಜಮೆಯಾದ ಕಪ್ಪುಹಣದ ಮೊತ್ತ ₹9.41 ಲಕ್ಷ ಕೋಟಿ. ದೇಶದಲ್ಲಿ ಲೆಕ್ಕಕ್ಕೆ ಸಿಗದ ಆದಾಯದ ಪೈಕಿ ಶೇ 10ರಷ್ಟು ಹಣವು ದೇಶದಿಂದ ಹೊರಗೆ ರವಾನೆಯಾಗಿದೆ ಎಂದು ಸಂಸ್ಥೆ ಅಂದಾಜಿಸಿದೆ.

. * ಸಾರ್ವಜನಿಕ ನೀತಿ ಹಾಗೂ ಹಣಕಾಸು ಕುರಿತ ರಾಷ್ಟ್ರೀಯ ಸಂಸ್ಥೆ (ಎನ್ಐಪಿಎಫ್ಪಿ) ವರದಿ ಪ್ರಕಾರ, 1997–2009ರ ಅವಧಿಯಲ್ಲಿ ಒಟ್ಟು ಆಂತರಿಕ ಉತ್ಪನ್ನದ (ಜಿಡಿಪಿ) ಶೇ 0.2ರಿಂದ ಶೇ 7.4ರಷ್ಟು ಸಂಪತ್ತಿನ ಅಕ್ರಮ ಹೊರಹರಿವು ಕಂಡುಬಂದಿದೆ.

. * ದೇಶ ಹಾಗೂ ವಿದೇಶಗಳಲ್ಲಿ ಲೆಕ್ಕಕ್ಕೆ ಸಿಗದ ಅಕ್ರಮ ಸಂಪತ್ತಿನ ಮೌಲ್ಯಮಾಪನ ಹಾಗೂ ಸಮೀಕ್ಷೆ ನಡೆಸುವಂತೆ2011ರಲ್ಲಿ ಕೇಂದ್ರ ಹಣಕಾಸು ಸಚಿವಾಲಯವು ಎನ್ಐಪಿಎಫ್ಪಿ, ಎನ್ಸಿಎಇಆರ್ ಹಾಗೂ ಎನ್ಐಎಫ್ಎಂ ಸಂಸ್ಥೆಗಳಿಗೆ ಸೂಚಿಸಿತ್ತು.

. * 3 ಅಧ್ಯಯನ ವರದಿಗಳು ಹಾಗೂ 7 ಎಸ್ಐಟಿ ತನಿಖಾ ವರದಿಗಳನ್ನು ಆಧರಿಸಿ ಕೇಂದ್ರ ಹಣಸಾಸು ಸಚಿವಾಲಯವು ಕಪ್ಪುಹಣ ತಡೆಗೆ ಇನ್ನಷ್ಟು ಬಿಗಿ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಹಾಗೂ ತೆರಿಗೆ ವ್ಯವಸ್ಥೆಯಲ್ಲಿ ಸುಧಾರಣೆ ತರಬೇಕು ಎಂದು ವರದಿ ಅಭಿಪ್ರಾಯಪಟ್ಟಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತದ ₹34 ಲಕ್ಷ ಕೋಟಿ ಕಪ್ಪುಹಣ ವಿದೇಶದಲ್ಲಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು