ಬಿಎಸ್‌ಎನ್‌ಎಲ್‌ ಮುಚ್ಚಲ್ಲ: ಸಚಿವ ಸಂಪುಟ ಸಭೆ ಬಳಿಕ ರವಿಶಂಕರ್ ಪ್ರಸಾದ್ ಹೇಳಿಕೆ

ನವದೆಹಲಿ: ಸರ್ಕಾರಿ ಸ್ವಾಮ್ಯದ ದೂರಸಂಪರ್ಕ ಸಂಸ್ಥೆ ಬಿಎಸ್ಎನ್ಎಲ್ ಅನ್ನು ಮುಚ್ಚುವುದಿಲ್ಲ. ಬದಲಿಗೆ, ಅದರ ಪುನಶ್ಚೇತನಕ್ಕೆ ಹಲವು ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತದೆ ಎಂದು ಕೇಂದ್ರ ಸರ್ಕಾರ ಪ್ರಕಟಿಸಿದೆ.

. ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಈ ನಿರ್ಧಾರತೆಗೆದುಕೊಳ್ಳಲಾಗಿದೆ. ಸಭೆಯ ನಂತರ ನಡೆದ ಮಾಧ್ಯಮಗೋಷ್ಠಿಯಲ್ಲಿ ಕೇಂದ್ರ ಸಚಿವ ರವಿಶಂಕರ್ ಪ್ರಸಾದ್ ಈ ಮಾಹಿತಿ ನೀಡಿದ್ದಾರೆ.

. ‘ಬಿಎಸ್ಎನ್ಎಲ್ ಮತ್ತು ಎಂಟಿಎನ್ಎಲ್ಗಳು ದೇಶದ ಮಹತ್ವದ ಸ್ವತ್ತುಗಳಾಗಿವೆ. ಭಾರತೀಯ ಸೇನೆಯ ಮೂರೂ ಪಡೆಗಳ ದೂರಸಂಪರ್ಕ ವ್ಯವಸ್ಥೆಯನ್ನು ಬಿಎಸ್ಎನ್ಎಲ್ ನಿರ್ವಹಿಸುತ್ತಿದೆ. ಹೀಗಾಗಿ ಈ ಸಂಸ್ಥೆಗಳನ್ನು ಮುಚ್ಚುವ ಪ್ರಶ್ನೆಯೇ ಇಲ್ಲ. ಇದರಲ್ಲಿ ಸರ್ಕಾರದ ನಿರ್ಧಾರ ಸ್ಪಷ್ಟವಾಗಿದೆ’ ಎಂದು ಅವರು ಹೇಳಿದ್ದಾರೆ.

. ‘ನಷ್ಟದಲ್ಲಿರುವ ಈ ಸಂಸ್ಥೆಗಳನ್ನು ಮತ್ತೆ ಲಾಭದತ್ತ ಕೊಂಡೊಯ್ಯಲು ಪುನಶ್ಚೇತನಕ್ಕೆ ಹಲವು ಯೋಜನೆಗಳನ್ನು ಸಿದ್ಧಪಡಿಸಲಾಗಿದೆ. ಬಿಎಸ್ಎನ್ಎಲ್ ಮತ್ತು ಎಂಟಿಎನ್ಎಲ್ಗಳನ್ನು ವಿಲೀನ ಮಾಡಲಾಗುತ್ತದೆ’ ಎಂದು ಅವರು ಮಾಹಿತಿ ನೀಡಿದ್ದಾರೆ.

. ಬಿಎಸ್ಎನ್ಎಲ್ನ ಆದಾಯದ ಶೇ 85ರಷ್ಟು ಮೊತ್ತವು, ಅವುಗಳ ನೌಕರರ ವೆಚ್ಚಕ್ಕೆ ವಿನಿಯೋಗವಾಗುತ್ತಿದೆ. ಇದನ್ನು ಶೇ 25ಕ್ಕೆ ಇಳಿಸಲುನಿರ್ಧರಿಸಲಾಗಿದೆ. ಇದಕ್ಕಾಗಿ ನೌಕರರ ಸ್ವಯಂ ನಿವೃತ್ತಿ (ವಿಆರ್ಎಸ್) ಯೋಜನೆಯನ್ನು ರೂಪಿಸಲಾಗಿದೆ. ಶೇ 50ರಷ್ಟು ನೌಕರರು ವಿಆರ್ಎಸ್ ಯೋಜನೆಗೆ ಅರ್ಹರಾಗಲಿದ್ದಾರೆ ಎಂದು ಸಂಸ್ಥೆ ಹೇಳಿದೆ.

. * ತೈಲ ಉದ್ಯಮದಲ್ಲಿ ಇಲ್ಲದ ಕಂಪನಿಗಳು ಪೆಟ್ರೋಲ್ ಬಂಕ್ಗಳನ್ನು ನಡೆಸಲು ಒಪ್ಪಿಗೆ

. * ಕೇಂದ್ರ ಸರ್ಕಾರದ ‘ಎ’ ಮತ್ತು ‘ಬಿ’ ವರ್ಗದ ನೌಕರರು, ಸರ್ಕಾರದ ಅನುಮತಿ ಇಲ್ಲದೆ ಪಡೆಯಬಹುದಾಗಿದ್ದ ಉಡುಗೊರೆಯ ಮೌಲ್ಯದ ಮಿತಿಯನ್ನು ₹ 1,500ರಿಂದ ₹ 5,000ಕ್ಕೆ ಏರಿಕೆ ಮಾಡಲಾಗಿದೆ. ‘ಸಿ’ ವರ್ಗದ ನೌಕರರಿಗೆ ಈ ಮಿತಿಯನ್ನು ₹ 500ರಿಂದ ₹ 2,000ಕ್ಕೆ ಏರಿಸಲಾಗಿದೆ

. ಪುನಶ್ಚೇತನಕ್ಕೆ ಸಾವಿರಾರು ಕೋಟಿ ಪ್ಯಾಕೇಜ್

. ₹ 15,000 ಕೋಟಿ ಸರ್ಕಾರಿ ಬಾಂಡ್ ಮೂಲಕ ಸಂಗ್ರಹಿಸಲಿರುವ ಮೊತ್ತ

. ₹ 20,140 ಕೋಟಿ 4ಜಿ ತರಂಗಾಂತರ ಹಂಚಿಕೆಗೆ ವೆಚ್ಚ ಮಾಡಲಿರುವ ಮೊತ್ತ

. ₹ 3,674 ಕೋಟಿ 4ಜಿ ತರಂಗಾಂತರಗಳ ಮೇಲಿನ ಜಿಎಸ್ಟಿಗೆ ಬೇಕಾಗಲಿರುವ ಮೊತ್ತ

. ₹ 29,937 ಕೋಟಿ ನೌಕಕರ ಸ್ವಯಂ ನಿವೃತ್ತಿ ಯೋಜನೆಗೆ ಮೀಸಲಿರಿಸಲಿರುವ ಮೊತ್ತ

. ₹ 68,751 ಕೋಟಿ ಬಿಎಸ್ಎನ್ಎಲ್–ಎಂಟಿಎನ್ಎಲ್ ಪುನಶ್ಚೇತನ ಪ್ಯಾಕೇಜ್ನ ಮೊತ್ತ

. ₹ 38,000 ಕೋಟಿ ಬಿಎಸ್ಎನ್ಎಲ್–ಎಂಟಿಎನ್ಎಲ್ ಸ್ವತ್ತುಗಳ ಬಳಕೆ ಮೂಲಕ ಸಂಗ್ರಹಿಸಲು ಉದ್ದೇಶಿಸಿರುವ ಮೊತ್ತ.ಸಂಸ್ಥೆಯ ಸ್ವತ್ತುಗಳನ್ನು ಬಾಡಿಗೆಗೆ ಮತ್ತು ಭೋಗ್ಯಕ್ಕೆ ನೀಡುವ ಮೂಲಕ ಈ ಮೊತ್ತವನ್ನು ಸಂಗ್ರಹಿಸಲಾಗುತ್ತದೆ

. ಸ್ವಯಂ ನಿವೃತ್ತಿಗೆ ಎರಡು ಯೋಜನೆ

. ಬಿಎಸ್ಎನ್ಎಲ್ನಲ್ಲಿ 1.67 ಲಕ್ಷ ಮತ್ತು ಎಂಟಿಎನ್ಎಲ್ನಲ್ಲಿ 22,000 ನೌಕರರು ಇದ್ದಾರೆ.ನೌಕರರ ಸ್ವಯಂ ನಿವೃತ್ತಿ (ವಿಆರ್ಎಸ್) ₹ 29,937 ಕೋಟಿ ಒದಗಿಸಲು ಸರ್ಕಾರ ನಿರ್ಧರಿಸಿದೆ. ಇದಕ್ಕಾಗಿ ಎರಡು ಯೋಜನೆಗಳನ್ನು ಸರ್ಕಾರ ರೂಪಿಸಿದೆ.

. 125 % ವೇತನ ಪರಿಹಾರ

. * ಐವತ್ತಮೂರುವರೆ ವರ್ಷಕ್ಕಿಂತ ಹೆಚ್ಚು ವಯಸ್ಸಾಗಿರುವ ನೌಕರರು ಈ ಯೋಜನೆ ಅಡಿ ಬರಲಿದ್ದಾರೆ

. * ಉಳಿಕೆ ಸೇವಾವಧಿಯಲ್ಲಿ ಅವರು ಪಡೆಯಲಿದ್ದ ವೇತನಕ್ಕಿಂತ ಹೆಚ್ಚು ಪರಿಹಾರ ಪಡೆಯಲಿದ್ದಾರೆ

. 80–100 % ವೇತನ ಪರಿಹಾರ

. * ಐವತ್ತರಿಂದ ಐವತ್ತಮೂರುವರೆ ವರ್ಷದ ವಯಸ್ಸಿನ ನೌಕರರು ಈ ಯೋಜನೆ ಅಡಿ ಬರಲಿದ್ದಾರೆ

. * ಉಳಿಕೆ ಸೇವಾವಧಿಯಲ್ಲಿ ಅವರು ಪಡೆಯಲಿದ್ದ ವೇತನಕ್ಕಿಂತ ಹೆಚ್ಚು ಪರಿಹಾರ ಪಡೆಯಲಿದ್ದಾರೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಿಎಸ್‌ಎನ್‌ಎಲ್‌ ಮುಚ್ಚಲ್ಲ: ಸಚಿವ ಸಂಪುಟ ಸಭೆ ಬಳಿಕ ರವಿಶಂಕರ್ ಪ್ರಸಾದ್ ಹೇಳಿಕೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು