ಹರಿಯಾಣ ವಿಧಾನಸಭೆ ಫಲಿತಾಂಶ; ಸಮೀಕ್ಷೆಗಳು ತಪ್ಪಾಗಿದ್ದು ಏಕೆ?

ನವದೆಹಲಿ: ಇಂಡಿಯಾ ಟುಡೇ–ಆಕ್ಸಿಸ್ ಒನ್ ಹೊರತು ಪಡಿಸಿ ಬಹುತೇಕ ಎಲ್ಲ ಚುನಾವಣೋತ್ತರ ಸಮೀಕ್ಷೆಗಳೂ ಹರಿಯಾಣದ 90 ಸ್ಥಾನಗಳ ಪೈಕಿ ಬಿಜೆಪಿಗೆ 70ಕ್ಕೂ ಹೆಚ್ಚು ಸ್ಥಾನಗಳನ್ನು ನೀಡಿದ್ದವು.2019ರ ಲೋಕಸಭಾ ಚುನಾವಣೆಯಲ್ಲಿ ಹರಿಯಾಣದ ಎಲ್ಲ 10 ಸ್ಥಾನಗಳಲ್ಲಿ ಗೆಲುವು ಸಾಧಿಸಿದ್ದ ಬಿಜೆಪಿ, ವಿಧಾನಸಭಾ ಚುನಾವಣೆಯ ಫಲಿತಾಂಶದಲ್ಲಿ ಸರಳ ಬಹುಮತದಿಂದಲೂ ದೂರ ಉಳಿದಿದೆ.

. 36–40 ಸ್ಥಾನಗಳಲ್ಲಿ ಗಿರಕಿ ಹೊಡೆಯುತ್ತಿರುವ ಬಿಜೆಪಿ ಸ್ವತಂತ್ರವಾಗಿ ಸರ್ಕಾರ ರಚಿಸಲು ಸಾಧ್ಯವಿಲ್ಲ. ಕಾಂಗ್ರೆಸ್ 30–35 ಸ್ಥಾನಗಳೊಂದಿಗೆ ಬಿಜೆಪಿಗೆ ಸಮೀಪದ ಸ್ಪರ್ಧಿಯಾಗಿದ್ದು, ಜೆಜೆಪಿ, ಸ್ವತಂತ್ರ ಅಭ್ಯರ್ಥಿಗಳೊಂದಿಗೆ ಸೇರಿ ಮೈತ್ರಿ ಸರ್ಕಾರ ರೂಪಿಸಲು ಸಿದ್ಧತೆ ನಡೆಸಿದೆ. ಈ ಮೂಲಕ ಬಹುತೇಕ ಎಲ್ಲ ಸಮೀಕ್ಷೆಗಳ ಲೆಕ್ಕಾಚಾರವೂ ತಪ್ಪಾಗಿದೆ.

. ಹರಿಯಾಣದಲ್ಲಿ ಅತಂತ್ರ ಪರಿಸ್ಥಿತಿ ನಿರ್ಮಾಣವಾಗಬಹುದು ಎಂಬುದನ್ನು ಸಮೀಕ್ಷೆಗಳು ಊಹಿಸಿಯೂ ಇರಲಿಲ್ಲ. ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಸಾಧಿಸಿದ ಬಹುದೊಡ್ಡ ಗೆಲುವು ಮುಂದುವರಿಯುವುದು ಎಂದೇ ವಿಶ್ಲೇಷಿಸಲಾಗಿತ್ತು.

. ಇದನ್ನೂ ಓದಿ: ಹರಿಯಾಣ ವಿಧಾನಸಭೆ ಚುನಾವಣೆ ಫಲಿತಾಂಶ: ಸಂಪೂರ್ಣ ವಿವರ

. 2019ರ ಲೋಕಸಭಾ ಚುನಾವಣೆಯಲ್ಲಿ ಹರಿಯಾಣದಲ್ಲಿ ಬಿಜೆಪಿ ಶೇ 58ರಷ್ಟು ಮತ ಗಳಿಕೆ ಪ್ರಮಾಣ ಹೊಂದಿತ್ತು. ವಿಧಾನಸಭೆ ಚುನಾವಣೆಯಲ್ಲಿ ಈ ಪ್ರಮಾಣ ಶೇ 36ಕ್ಕೆ ಇಳಿಕೆಯಾಗಿದೆ. ಈಗಿನ ಫಲಿತಾಂಶ ಮುಂದುವರಿದರೆ, ಲೋಕಸಭೆ ಮತದಾನ ಪ್ರಮಾಣಕ್ಕಿಂತ ಶೇ 20ರಷ್ಟು ಕಡಿಮೆಯಾಗಿರುವುದು ಸ್ಪಷ್ಟವಾಗಲಿದೆ.

. 2019ರ ಲೋಕಸಭಾ ಚುನಾವಣೆಗೂ ಮುನ್ನಗುಜರಾತ್, ಮಧ್ಯ ಪ್ರದೇಶ, ಚತ್ತೀಸ್ಗಢ ಹಾಗೂ ರಾಜಸ್ಥಾನದ ವಿಧಾನಸಭಾ ಚುನಾವಣೆಗಳಲ್ಲಿ ಬಿಜೆಪಿಗೆ ಇಂಥದ್ದೇ ಪರಿಸ್ಥಿತಿ ಎದುರಾಗಿತ್ತು. 2014ರ ಲೋಕಸಭಾ ಚುನಾವಣೆಯಲ್ಲಿ ಮಾಡಿದ್ದ ಸಾಧನೆಗಿಂತಲೂ ವಿಧಾನಸಭೆಯಲ್ಲಿ ಮತ ಪ್ರಮಾಣ ಬಿಜೆಪಿ ಪಾಲಿಗೆ ಇಳಿಕೆಯಾಗಿತ್ತು. ಆದರೆ, 2019ರ ಲೋಕಸಭಾ ಚುನಾವಣೆಯಲ್ಲಿ ಮತ್ತೆ ಬಿಜೆಪಿ ಪ್ರಭುತ್ವ ಸಾಧಿಸಿತು.

. ಕ್ಲಿಕ್ ಮಾಡಿ: ಹರಿಯಾಣ ವಿಧಾನಸಭೆ ಚುನಾವಣೆ ಫಲಿತಾಂಶ– ಕ್ಷಣಕ್ಷಣದ ಮಾಹಿತಿ

. ಕೇಂದ್ರದಲ್ಲಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರವೇ ಮುಂದುವರಿದರೂ ರಾಜ್ಯಗಳಲ್ಲಿ ಬಿಜೆಪಿ ಅಧಿಕಾರ ಮುಂದುವರಿಯಲಿದೆ ಎಂಬುದನ್ನು ನಿಖರವಾಗಿ ಹೇಳಲು ಸಾಧ್ಯವಿಲ್ಲ ಎಂಬುದು ಸಮೀಕ್ಷೆ ಮತ್ತು ಅಂತಿಮ ಫಲಿತಾಂಶದಿಂದ ತಿಳಿದು ಬಂದಿದೆ.

. ಕಾಂಗ್ರೆಸ್ 2014ರ ವಿಧಾನಸಭೆಯಲ್ಲಿ ಪಡೆದಿದ್ದ ಮತಕ್ಕಿಂತಲೂ ಶೇ 9ರಷ್ಟು ಹೆಚ್ಚಳ ಕಂಡಿದ್ದು, ಮತ ಪ್ರಮಾಣ ಶೇ 29 ತಲುಪಿದೆ. ಜೆಜೆಪಿ ಮತ್ತು ಐಎನ್ಎಲ್ಡಿ ಪಕ್ಷಗಳ ಮತ ಗಳಿಕೆ ಪ್ರಮಾಣ ಶೇ 7ರಷ್ಟು ಕಡಿಮೆಯಾಗಿದೆ. 2018ರಲ್ಲಿ ಐಎನ್ಎಲ್ಡಿಯಿಂದ ಹೊರಬಂದು ಜೆಜೆಪಿ ಪ್ರತ್ಯೇಕವಾಗಿ ಸ್ಪರ್ಧಿಸಿದೆ.

. ಇದನ್ನೂ ಓದಿ: ಹರಿಯಾಣದ 'ಕೀಲಿಕೈ' ಹಿಡಿದಿರುವ JJP: ಯಾವುದೀ ಹೊಸ ಪಕ್ಷ?

. ಜಾಟ್ ಸಮುದಾಯದ ಪ್ರಾಬಲ್ಯ ಹೊಂದಿರುವ ಹರಿಯಾಣದಲ್ಲಿ ಜಾಟ್ ಸಮುದಾಯದವರಲ್ಲದ ಮನೋಹರ್ ಲಾಲ್ ಖಟ್ಟರ್ ಅವರನ್ನು ಬಿಜೆಪಿ ಮುಖ್ಯಮಂತ್ರಿಯಾಗಿ ಆಯ್ಕೆ ಮಾಡಿತು. ಇದು ರಾಜ್ಯದಲ್ಲಿ ಬಿಜೆಪಿ ವಿರೋಧಿ ಅಲೆಯಾಗಿಯೂ ಪ್ರಭಾವ ಬೀರಿರಬಹುದು.

. ಹರಿಯಾಣ ವಿಧಾನಸಭಾ ಚುನಾವಣೆ: ಚುನಾವಣೋತ್ತರ ಸಮೀಕ್ಷೆ

. ಟೈಮ್ಸ್ ನೌ

. ಬಿಜೆಪಿ -71 ಕಾಂಗ್ರೆಸ್-11 ಐಎನ್ಎಲ್ಡಿ+ಅಕಾಲಿದಳ -0 ಸ್ವತಂತ್ರ ಅಭ್ಯರ್ಥಿಗಳು-8

. ಇಂಡಿಯಾ ನ್ಯೂಸ್- ಪೋಲ್ಸ್ಟ್ರಾಟ್

. ಬಿಜೆಪಿ-75-80 ಕಾಂಗ್ರೆಸ್-9-12 ಐಎನ್ಎಲ್ಡಿ+ಅಕಾಲಿದಳ-0-1 ಸ್ವತಂತ್ರ ಅಭ್ಯರ್ಥಿಗಳು-1-3

. ಇದನ್ನೂ ಓದಿ: ರಾಜಕೀಯ ವಿಶ್ಲೇಷಣೆ | ಮಹಾರಾಷ್ಟ್ರ–ಹರಿಯಾಣ ಫಲಿತಾಂಶ: ಬಿಜೆಪಿ, ಕಾಂಗ್ರೆಸ್ಗೆ ಪಾಠ

. ನ್ಯೂಸ್ ಎಕ್ಸ್- ಪೋಲ್ಸ್ಟ್ರಾಟ್

. ಬಿಜೆಪಿ-75-80 ಕಾಂಗ್ರೆಸ್-9-12 ಐಎನ್ಎಲ್ಡಿ+ಅಕಾಲಿದಳ-0-1 ಸ್ವತಂತ್ರ ಅಭ್ಯರ್ಥಿಗಳು-1-3

. ಎಬಿಪಿ ನ್ಯೂಸ್- ಸಿ ವೋಟರ್

. ಬಿಜೆಪಿ- 72 ಕಾಂಗ್ರೆಸ್- 8 ಸ್ವತಂತ್ರ ಅಭ್ಯರ್ಥಿಗಳು - 10

ಟಿವಿ9- ಭಾರತ್ವರ್ಷ್

. ಬಿಜೆಪಿ- 47 ಕಾಂಗ್ರೆಸ್- 23 ಸ್ವತಂತ್ರ ಅಭ್ಯರ್ಥಿಗಳು- 20

. ರಿಪಬ್ಲಿಕ್ - ಜನ್ ಕೀ ಬಾತ್

. ಬಿಜೆಪಿ- 52-63 ಕಾಂಗ್ರೆಸ್- 15-19 ಸ್ವತಂತ್ರ ಅಭ್ಯರ್ಥಿಗಳು- 12-18

. ಇಂಡಿಯಾ ಟುಡೇ–ಆಕ್ಸಿಸ್

. ಬಿಜೆಪಿ– 32-44

. ಕಾಂಗ್ರೆಸ್– 30-42

. ಜೆಜೆಪಿ–6-10

. ಇತರೆ–6-10

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹರಿಯಾಣ ವಿಧಾನಸಭೆ ಫಲಿತಾಂಶ; ಸಮೀಕ್ಷೆಗಳು ತಪ್ಪಾಗಿದ್ದು ಏಕೆ?

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ