<p><strong>ನವದೆಹಲಿ</strong>: ರಾಷ್ಟ್ರ ರಾಜಧಾನಿ ದೆಹಲಿಯ ಕರ್ತವ್ಯಪಥದಲ್ಲಿ ಶುಕ್ರವಾರ ನಡೆದ 75ನೇ ಗಣರಾಜ್ಯೋತ್ಸವ ಕಾರ್ಯಕ್ರಮವು ದೇಶದ ಮಹಿಳೆಯರ ಸೇನಾ ಸಾಮರ್ಥ್ಯ ಮತ್ತು ಸಾಂಸ್ಕೃತಿಕ ಸಮೃದ್ಧಿಯ ಪ್ರದರ್ಶನಕ್ಕೆ ವೇದಿಕೆಯಾಯಿತು. ವೈವಿಧ್ಯಮಯವಾದ ಕಾರ್ಯಕ್ರಮವನ್ನು 75 ಸಾವಿರಕ್ಕೂ ಹೆಚ್ಚು ಜನರು ಕಣ್ತುಂಬಿಕೊಂಡರು. </p>.<p>ರಾಷ್ಟ್ರಪತಿಯವರ ಸಾಂಪ್ರದಾಯಿಕ ಬಳಕೆಯ ಸಾರೋಟನ್ನು ನಾಲ್ಕು ದಶಕಗಳ ಬಳಿಕ ಈ ಬಾರಿ ಬಳಸಿದ್ದು ವಿಶೇಷವಾಗಿತ್ತು. ರಾಷ್ಟ್ರಪತಿ ದ್ರೌಪದಿ ಮುರ್ಮು ಮತ್ತು ಗಣರಾಜ್ಯೋತ್ಸವ ಕಾರ್ಯಕ್ರಮದ ಮುಖ್ಯ ಅತಿಥಿ ಇಮ್ಯಾನುವೆಲ್ ಮ್ಯಾಕ್ರನ್ ಅವರು ಈ ಸಾರೋಟಿನಲ್ಲಿ ಬಂದರು. ಅತಿಥಿಗಳು ಕುಳಿತುಕೊಳ್ಳುವ ವೇದಿಕೆಯನ್ನು 1,900 ಕೈಮಗ್ಗದ ಸೀರೆಗಳನ್ನು ಬಳಸಿಕೊಂಡು ವರ್ಣಮಯವಾಗಿ ಅಲಂಕರಿಸಲಾಗಿತ್ತು. </p>.<p>ಗಣರಾಜ್ಯೋತ್ಸವ ಪಥಸಂಚಲನದ ಇತಿಹಾಸದಲ್ಲಿಯೇ ಈ ಬಾರಿ ಮಹಿಳೆಯರ ಭಾಗವಹಿಸುವಿಕೆ ಗರಿಷ್ಠವಾಗಿತ್ತು. </p>.<p>ದೇಶದ ವಿವಿಧ ಭಾಗಗಳಲ್ಲಿ ಕಾಣಸಿಗುವ ಸಂಗೀತ ವಾದ್ಯಗಳ ಗೋಷ್ಠಿ ‘ಆವಾಹನ’ದೊಂದಿಗೆ ‘ನಾರಿ ಶಕ್ತಿ’ ಪ್ರದರ್ಶನಕ್ಕೆ ಚಾಲನೆ ದೊರೆಯಿತು.</p>.<p>112 ಕಲಾವಿದೆಯರಿದ್ದ ತಂಡವು ಬುಡಕಟ್ಟು ವಾದ್ಯಗಳನ್ನು ಕೌಶಲಪೂರ್ಣವಾಗಿ ನುಡಿಸಿ ತಮ್ಮ ಶಕ್ತಿ ಮತ್ತು ಪರಿಣತಿಯನ್ನು ಪ್ರದರ್ಶಿಸಿತು. ಮಣಿಪುರ, ಮಧ್ಯಪ್ರದೇಶ, ರಾಜಸ್ಥಾನ, ಹರಿಯಾಣ, ಒಡಿಶಾ, ಜಾರ್ಖಂಡ್ ಮತ್ತು ಛತ್ತೀಸಗಡದ ಸ್ತಬ್ಧಚಿತ್ರಗಳು ಆಯಾ ಪ್ರದೇಶಗಳ ಮಹಿಳೆಯರ ಸಾಮರ್ಥ್ಯವನ್ನು ತೋರಿದವು.</p>.<p>ಕರಕುಶಲ ಕಲೆ, ಶಿಕ್ಷಣ, ನೃತ್ಯ, ಕ್ರೀಡೆಗಳಲ್ಲಿ ಮಹಿಳೆಯರ ಸಾಧನೆಯನ್ನು ಬಿಂಬಿಸುವ ಸ್ತಬ್ಧಚಿತ್ರಗಳಿಗೆ ಪ್ರೇಕ್ಷಕರು ಭಾರಿ ಚಪ್ಪಾಳೆಯೊಂದಿಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.</p>.<p>ಸಶಸ್ತ್ರ ಪಡೆಗಳ ವೈದ್ಯಕೀಯ ಸೇವಾ ವಿಭಾಗದ ಎಲ್ಲ ಮಹಿಳೆಯರೇ ಇದ್ದ ತುಕಡಿಯು ಪಥಸಂಚಲನದಲ್ಲಿ ಭಾಗಿಯಾಗಿದ್ದು ಇದೇ ಮೊದಲು. ಗಡಿ ಕಾಯುವುದಷ್ಟೇ ಅಲ್ಲದೆ, ಆರೈಕೆ, ಗಾಯಾಳುಗಳ ತೆರವು, ಸಾರ್ವಜನಿಕ ಆರೋಗ್ಯ ರಕ್ಷಣೆಯಂತಹ ಕಾರ್ಯಗಳಲ್ಲಿಯೂ ತಾವು ಮುಂಚೂಣಿಯಲ್ಲಿದ್ದೇವೆ ಎಂಬ ಸಂದೇಶವನ್ನು ಈ ಪಥಸಂಚಲನವು ಸಾರಿತು. </p>.<p>1,500 ನೃತ್ಯಗಾರ್ತಿಯರ ಗುಂಪು 30 ಭಿನ್ನ ಜನಪದ ಶೈಲಿಯಲ್ಲಿ ನೃತ್ಯ ಮಾಡಿ ವೈವಿಧ್ಯದಲ್ಲಿ ಏಕತೆಯನ್ನು ಪ್ರದರ್ಶಿಸಿತು. ಕೂಚಿಪುಡಿ, ಕಥಕ್, ಭರತನಾಟ್ಯ, ಮೋಹಿನಿಯಾಟ್ಟಂ, ಮಣಿಪುರಿ ಶೈಲಿಯಲ್ಲಿಯೂ ತಂಡಗಳು ನೃತ್ಯ ಮಾಡಿದವು.</p>.<p>ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಯ ಮಹಿಳೆಯರು ಮಾತ್ರ ಇದ್ದ ತುಕಡಿಯು ಕರ್ತವ್ಯಪಥದಲ್ಲಿ ಪಥಸಂಚಲನ ನಡೆಸಿದ್ದು ಇದೇ ಮೊದಲು. ವೈಮಾನಿಕ ಸಾಹಸ ಪ್ರದರ್ಶನದಲ್ಲಿ ಭಾಗಿಯಾದ ಹೆಚ್ಚಿನ ವಿಮಾನಗಳ ಪೈಲಟ್ಗಳು ಕೂಡ ಮಹಿಳೆಯರೇ ಆಗಿದ್ದರು. </p>.<p><strong>ಪಥಸಂಚಲನದ ವೈಶಿಷ್ಟ್ಯಗಳು</strong></p><ul><li><p>ಬೈಕ್ಗಳಲ್ಲಿ ಸಾಹಸ ಮೆರೆದ 256 ಮಹಿಳೆಯರಿಂದ ಮೈನವಿರೇಳುವಂತಹ ಕಸರತ್ತು ಪ್ರದರ್ಶನ</p></li><li><p>ಯೋಗ ಸೇರಿದಂತೆ ಭಾರತೀಯ ಮೌಲ್ಯಗಳು ಹಾಗೂ ಸಂಸ್ಕೃತಿಯ ಪ್ರದರ್ಶನ</p></li><li><p>ನೌಕಾಪಡೆಯ ಎಲ್ಲ ಶ್ರೇಣಿಗಳಲ್ಲಿ ಮಹಿಳೆಯರಿಗೆ ಅವಕಾಶ ನೀಡಲಾಗಿದ್ದು, ಈ ಕುರಿತ ಸ್ತಬ್ಧಚಿತ್ರ ಗಮನ ಸೆಳೆಯಿತು</p></li><li><p>ಎಸ್ಐ ಶ್ವೇತಾ ಸಿಂಗ್ ನೇತೃತ್ವದಲ್ಲಿ, ಮೊದಲ ಬಾರಿಗೆ ಬಿಎಸ್ಎಫ್ ಮಹಿಳಾ ಬ್ರಾಸ್ ಬ್ಯಾಂಡ್ ಪಥಸಂಚಲನದಲ್ಲಿ ಭಾಗಿ</p></li><li><p>144 ‘ಮಹಿಳಾ ಪ್ರಹಾರಿ’ಗಳಿದ್ದ ಬಿಎಸ್ಎಫ್ನ ಮಹಿಳಾ ತುಕಡಿಯಿಂದ ಕಸರತ್ತು ಪ್ರದರ್ಶನ</p></li><li><p>ಕಾನ್ಸ್ಟೆಬಲ್ ಸೋಸಾ ಅಲ್ಪಾಬೆನ್ ನೇತೃತ್ವದ ಸಿಆರ್ಪಿಎಫ್ನ ಬ್ಯಾಂಡ್ನಿಂದ ‘ದೇಶ್ ಕೆ ಹಮ್ ಹೈ ರಕ್ಷಕ್’ ಗೀತೆ ಪ್ರಸ್ತುತಿ</p></li><li><p>ಎಸ್ಐ ರುಯಾಂಗುನುವೊ ಕೆನ್ಸೆ ನೇತೃತ್ವದ, ದೆಹಲಿ ಪೊಲೀಸ್ ಇಲಾಖೆಯ ಮೊದಲ ಮಹಿಳಾ ಬ್ಯಾಂಡ್ ಭಾಗಿ</p></li><li><p>144 ಬಾಲಕಿಯರನ್ನು ಒಳಗೊಂಡ ಎನ್ಸಿಸಿಯ ಬ್ಯಾಂಡ್ ಭಾಗಿ</p></li><li><p>ಯುದ್ಧವಿಮಾನಗಳ ಹಾರಾಟ ನಡೆಸಿ ಸಾಹಸ ಪ್ರದರ್ಶಿಸಿದ 15 ಮಹಿಳಾ ಪೈಲಟ್ಗಳು</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ರಾಷ್ಟ್ರ ರಾಜಧಾನಿ ದೆಹಲಿಯ ಕರ್ತವ್ಯಪಥದಲ್ಲಿ ಶುಕ್ರವಾರ ನಡೆದ 75ನೇ ಗಣರಾಜ್ಯೋತ್ಸವ ಕಾರ್ಯಕ್ರಮವು ದೇಶದ ಮಹಿಳೆಯರ ಸೇನಾ ಸಾಮರ್ಥ್ಯ ಮತ್ತು ಸಾಂಸ್ಕೃತಿಕ ಸಮೃದ್ಧಿಯ ಪ್ರದರ್ಶನಕ್ಕೆ ವೇದಿಕೆಯಾಯಿತು. ವೈವಿಧ್ಯಮಯವಾದ ಕಾರ್ಯಕ್ರಮವನ್ನು 75 ಸಾವಿರಕ್ಕೂ ಹೆಚ್ಚು ಜನರು ಕಣ್ತುಂಬಿಕೊಂಡರು. </p>.<p>ರಾಷ್ಟ್ರಪತಿಯವರ ಸಾಂಪ್ರದಾಯಿಕ ಬಳಕೆಯ ಸಾರೋಟನ್ನು ನಾಲ್ಕು ದಶಕಗಳ ಬಳಿಕ ಈ ಬಾರಿ ಬಳಸಿದ್ದು ವಿಶೇಷವಾಗಿತ್ತು. ರಾಷ್ಟ್ರಪತಿ ದ್ರೌಪದಿ ಮುರ್ಮು ಮತ್ತು ಗಣರಾಜ್ಯೋತ್ಸವ ಕಾರ್ಯಕ್ರಮದ ಮುಖ್ಯ ಅತಿಥಿ ಇಮ್ಯಾನುವೆಲ್ ಮ್ಯಾಕ್ರನ್ ಅವರು ಈ ಸಾರೋಟಿನಲ್ಲಿ ಬಂದರು. ಅತಿಥಿಗಳು ಕುಳಿತುಕೊಳ್ಳುವ ವೇದಿಕೆಯನ್ನು 1,900 ಕೈಮಗ್ಗದ ಸೀರೆಗಳನ್ನು ಬಳಸಿಕೊಂಡು ವರ್ಣಮಯವಾಗಿ ಅಲಂಕರಿಸಲಾಗಿತ್ತು. </p>.<p>ಗಣರಾಜ್ಯೋತ್ಸವ ಪಥಸಂಚಲನದ ಇತಿಹಾಸದಲ್ಲಿಯೇ ಈ ಬಾರಿ ಮಹಿಳೆಯರ ಭಾಗವಹಿಸುವಿಕೆ ಗರಿಷ್ಠವಾಗಿತ್ತು. </p>.<p>ದೇಶದ ವಿವಿಧ ಭಾಗಗಳಲ್ಲಿ ಕಾಣಸಿಗುವ ಸಂಗೀತ ವಾದ್ಯಗಳ ಗೋಷ್ಠಿ ‘ಆವಾಹನ’ದೊಂದಿಗೆ ‘ನಾರಿ ಶಕ್ತಿ’ ಪ್ರದರ್ಶನಕ್ಕೆ ಚಾಲನೆ ದೊರೆಯಿತು.</p>.<p>112 ಕಲಾವಿದೆಯರಿದ್ದ ತಂಡವು ಬುಡಕಟ್ಟು ವಾದ್ಯಗಳನ್ನು ಕೌಶಲಪೂರ್ಣವಾಗಿ ನುಡಿಸಿ ತಮ್ಮ ಶಕ್ತಿ ಮತ್ತು ಪರಿಣತಿಯನ್ನು ಪ್ರದರ್ಶಿಸಿತು. ಮಣಿಪುರ, ಮಧ್ಯಪ್ರದೇಶ, ರಾಜಸ್ಥಾನ, ಹರಿಯಾಣ, ಒಡಿಶಾ, ಜಾರ್ಖಂಡ್ ಮತ್ತು ಛತ್ತೀಸಗಡದ ಸ್ತಬ್ಧಚಿತ್ರಗಳು ಆಯಾ ಪ್ರದೇಶಗಳ ಮಹಿಳೆಯರ ಸಾಮರ್ಥ್ಯವನ್ನು ತೋರಿದವು.</p>.<p>ಕರಕುಶಲ ಕಲೆ, ಶಿಕ್ಷಣ, ನೃತ್ಯ, ಕ್ರೀಡೆಗಳಲ್ಲಿ ಮಹಿಳೆಯರ ಸಾಧನೆಯನ್ನು ಬಿಂಬಿಸುವ ಸ್ತಬ್ಧಚಿತ್ರಗಳಿಗೆ ಪ್ರೇಕ್ಷಕರು ಭಾರಿ ಚಪ್ಪಾಳೆಯೊಂದಿಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.</p>.<p>ಸಶಸ್ತ್ರ ಪಡೆಗಳ ವೈದ್ಯಕೀಯ ಸೇವಾ ವಿಭಾಗದ ಎಲ್ಲ ಮಹಿಳೆಯರೇ ಇದ್ದ ತುಕಡಿಯು ಪಥಸಂಚಲನದಲ್ಲಿ ಭಾಗಿಯಾಗಿದ್ದು ಇದೇ ಮೊದಲು. ಗಡಿ ಕಾಯುವುದಷ್ಟೇ ಅಲ್ಲದೆ, ಆರೈಕೆ, ಗಾಯಾಳುಗಳ ತೆರವು, ಸಾರ್ವಜನಿಕ ಆರೋಗ್ಯ ರಕ್ಷಣೆಯಂತಹ ಕಾರ್ಯಗಳಲ್ಲಿಯೂ ತಾವು ಮುಂಚೂಣಿಯಲ್ಲಿದ್ದೇವೆ ಎಂಬ ಸಂದೇಶವನ್ನು ಈ ಪಥಸಂಚಲನವು ಸಾರಿತು. </p>.<p>1,500 ನೃತ್ಯಗಾರ್ತಿಯರ ಗುಂಪು 30 ಭಿನ್ನ ಜನಪದ ಶೈಲಿಯಲ್ಲಿ ನೃತ್ಯ ಮಾಡಿ ವೈವಿಧ್ಯದಲ್ಲಿ ಏಕತೆಯನ್ನು ಪ್ರದರ್ಶಿಸಿತು. ಕೂಚಿಪುಡಿ, ಕಥಕ್, ಭರತನಾಟ್ಯ, ಮೋಹಿನಿಯಾಟ್ಟಂ, ಮಣಿಪುರಿ ಶೈಲಿಯಲ್ಲಿಯೂ ತಂಡಗಳು ನೃತ್ಯ ಮಾಡಿದವು.</p>.<p>ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಯ ಮಹಿಳೆಯರು ಮಾತ್ರ ಇದ್ದ ತುಕಡಿಯು ಕರ್ತವ್ಯಪಥದಲ್ಲಿ ಪಥಸಂಚಲನ ನಡೆಸಿದ್ದು ಇದೇ ಮೊದಲು. ವೈಮಾನಿಕ ಸಾಹಸ ಪ್ರದರ್ಶನದಲ್ಲಿ ಭಾಗಿಯಾದ ಹೆಚ್ಚಿನ ವಿಮಾನಗಳ ಪೈಲಟ್ಗಳು ಕೂಡ ಮಹಿಳೆಯರೇ ಆಗಿದ್ದರು. </p>.<p><strong>ಪಥಸಂಚಲನದ ವೈಶಿಷ್ಟ್ಯಗಳು</strong></p><ul><li><p>ಬೈಕ್ಗಳಲ್ಲಿ ಸಾಹಸ ಮೆರೆದ 256 ಮಹಿಳೆಯರಿಂದ ಮೈನವಿರೇಳುವಂತಹ ಕಸರತ್ತು ಪ್ರದರ್ಶನ</p></li><li><p>ಯೋಗ ಸೇರಿದಂತೆ ಭಾರತೀಯ ಮೌಲ್ಯಗಳು ಹಾಗೂ ಸಂಸ್ಕೃತಿಯ ಪ್ರದರ್ಶನ</p></li><li><p>ನೌಕಾಪಡೆಯ ಎಲ್ಲ ಶ್ರೇಣಿಗಳಲ್ಲಿ ಮಹಿಳೆಯರಿಗೆ ಅವಕಾಶ ನೀಡಲಾಗಿದ್ದು, ಈ ಕುರಿತ ಸ್ತಬ್ಧಚಿತ್ರ ಗಮನ ಸೆಳೆಯಿತು</p></li><li><p>ಎಸ್ಐ ಶ್ವೇತಾ ಸಿಂಗ್ ನೇತೃತ್ವದಲ್ಲಿ, ಮೊದಲ ಬಾರಿಗೆ ಬಿಎಸ್ಎಫ್ ಮಹಿಳಾ ಬ್ರಾಸ್ ಬ್ಯಾಂಡ್ ಪಥಸಂಚಲನದಲ್ಲಿ ಭಾಗಿ</p></li><li><p>144 ‘ಮಹಿಳಾ ಪ್ರಹಾರಿ’ಗಳಿದ್ದ ಬಿಎಸ್ಎಫ್ನ ಮಹಿಳಾ ತುಕಡಿಯಿಂದ ಕಸರತ್ತು ಪ್ರದರ್ಶನ</p></li><li><p>ಕಾನ್ಸ್ಟೆಬಲ್ ಸೋಸಾ ಅಲ್ಪಾಬೆನ್ ನೇತೃತ್ವದ ಸಿಆರ್ಪಿಎಫ್ನ ಬ್ಯಾಂಡ್ನಿಂದ ‘ದೇಶ್ ಕೆ ಹಮ್ ಹೈ ರಕ್ಷಕ್’ ಗೀತೆ ಪ್ರಸ್ತುತಿ</p></li><li><p>ಎಸ್ಐ ರುಯಾಂಗುನುವೊ ಕೆನ್ಸೆ ನೇತೃತ್ವದ, ದೆಹಲಿ ಪೊಲೀಸ್ ಇಲಾಖೆಯ ಮೊದಲ ಮಹಿಳಾ ಬ್ಯಾಂಡ್ ಭಾಗಿ</p></li><li><p>144 ಬಾಲಕಿಯರನ್ನು ಒಳಗೊಂಡ ಎನ್ಸಿಸಿಯ ಬ್ಯಾಂಡ್ ಭಾಗಿ</p></li><li><p>ಯುದ್ಧವಿಮಾನಗಳ ಹಾರಾಟ ನಡೆಸಿ ಸಾಹಸ ಪ್ರದರ್ಶಿಸಿದ 15 ಮಹಿಳಾ ಪೈಲಟ್ಗಳು</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
