<p><strong>ಮುಂಬೈ:</strong> ವಜ್ರದ ಉದ್ಯಮಿ ನೀರವ್ ಮೋದಿಯನ್ನು ಭಾರತಕ್ಕೆ ಕರೆತಂದರೆ ಇಲ್ಲಿನ ಆರ್ಥರ್ ರೋಡ್ ಕಾರಾಗೃಹದಲ್ಲಿರಿಸಲು ಎಲ್ಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ.</p>.<p>ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ವಂಚನೆ ಮತ್ತು ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಭಾಗಿಯಾದ ಆರೋಪವನ್ನು ನೀರವ್ ಮೋದಿ ಎದುರಿಸುತ್ತಿದ್ದಾರೆ. ಬ್ರಿಟನ್ನಿಂದ ನೀರವ್ ಮೋದಿಯನ್ನು ಭಾರತಕ್ಕೆ ಕರೆತಂದರೆ ಆರ್ಥರ್ ರೋಡ್ ಕಾರಾಗೃಹದ 12ನೇ ಬ್ಯಾರಕ್ನಲ್ಲಿ ಸ್ಥಳ ಮೀಸಲಿರಿಸಲಾಗಿದೆ.</p>.<p>ಇದೇ ಬ್ಯಾರಕ್ನಲ್ಲಿ ಉದ್ಯಮಿ ವಿಜಯ್ ಮಲ್ಯ ಅವರನ್ನು ಸಹ ಇರಿಸಲು ಉದ್ದೇಶಿಸಲಾಗಿದೆ. ಹೀಗಾಗಿ, ಇದನ್ನು ‘ಕೋಟ್ಯಾಧೀಶರರ ಬ್ಯಾರಕ್’ ಎಂದು ಕರೆಯಬಹುದು ಎಂದು ಅಧಿಕಾರಿಗಳು ಹೇಳುತ್ತಾರೆ.</p>.<p>ಈ ಬ್ಯಾರಕ್ನಲ್ಲಿರುವ ಎರಡು ಕೊಠಡಿಗಳಲ್ಲಿ ಒಂದು ಕೊಠಡಿ ಖಾಲಿ ಉಳಿದಿದ್ದು, ಇನ್ನೊಂದರಲ್ಲಿ ಮೂವರು ಕೈದಿಗಳಿದ್ದಾರೆ. ಮಲ್ಯ ಮತ್ತು ಮೋದಿಯನ್ನು ಭಾರತಕ್ಕೆ ಕರೆ ತಂದರೆ ಖಾಲಿ ಉಳಿದಿರುವ ಒಂದೇ ಕೊಠಡಿಯಲ್ಲಿರಿಸಲಾಗುವುದು. ಈ ಕೊಠಡಿಯಲ್ಲಿ ಮೂರು ಫ್ಯಾನ್ಗಳಿದ್ದು, ಆರು ಟ್ಯೂಬ್ಲೈಟ್ಗಳು ಮತ್ತು ಎರಡು ಕಿಟಕಿಗಳಿವೆ ಎಂದು ತಿಳಿಸಿದ್ದಾರೆ.</p>.<p>‘ಬ್ಯಾರಕ್ನಲ್ಲಿ ಮೋದಿಗೆ ಯುರೋಪಿಯನ್ ನಿಯಮಾವಳಿಗಳ ಪ್ರಕಾರ ಮೂರು ಚದರ ಮೀಟರ್ ಜಾಗ ದೊರೆಯುತ್ತದೆ. ಜತೆಗೆ ತಲೆದಿಂಬು, ಕಾಟನ್ ಮ್ಯಾಟ್, ಬೆಡ್ಶೀಟ್ ಮತ್ತು ಹೊದಿಕೆ ನೀಡಲಾಗುವುದು. ಈ ಬ್ಯಾರಕ್ ಸುರಕ್ಷಿತವಾಗಿದ್ದು, ಅತ್ಯುತ್ತಮ ತರಬೇತಿ ಹೊಂದಿದ ಪೊಲೀಸರನ್ನು ನಿಯೋಜಿಸಲಾಗಿದೆ’ ಎಂದು ತಿಳಿಸಿದ್ದಾರೆ.</p>.<p>ಕಾರಾಗೃಹ ಇಲಾಖೆ ಕಳೆದ ವಾರ ಗೃಹ ಇಲಾಖೆಗೆ ಆರ್ಥರ್ ರೋಡ್ ಕಾರಾಗೃಹದ ಸ್ಥಿತಿ ಗತಿ ಮತ್ತು ಸೌಲಭ್ಯಗಳ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದೆ. ಕೇಂದ್ರ ಸರ್ಕಾರವು ಸಹ ಈ ಕಾರಾಗೃಹದ ಬಗ್ಗೆ ಮಾಹಿತಿ ಕೇಳಿತ್ತು.</p>.<p>ಮಾರ್ಚ್ 19ರಂದು ಲಂಡನ್ನಲ್ಲಿ ನೀರವ್ ಮೋದಿಯನ್ನು ಸ್ಕಾಟ್ಲ್ಯಾಂಡ್ ಯಾರ್ಡ್ ಪೊಲೀಸರು ಬಂಧಿಸಿದ್ದರು. ಲಂಡನ್ನ ವೆಸ್ಟ್ಮಿನ್ಸ್ಟರ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಮೋದಿ ಸಲ್ಲಿಸಿದ್ದ ಜಾಮೀನು ಅರ್ಜಿಯನ್ನು ಕಳೆದ ತಿಂಗಳು ತಿರಸ್ಕರಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> ವಜ್ರದ ಉದ್ಯಮಿ ನೀರವ್ ಮೋದಿಯನ್ನು ಭಾರತಕ್ಕೆ ಕರೆತಂದರೆ ಇಲ್ಲಿನ ಆರ್ಥರ್ ರೋಡ್ ಕಾರಾಗೃಹದಲ್ಲಿರಿಸಲು ಎಲ್ಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ.</p>.<p>ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ವಂಚನೆ ಮತ್ತು ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಭಾಗಿಯಾದ ಆರೋಪವನ್ನು ನೀರವ್ ಮೋದಿ ಎದುರಿಸುತ್ತಿದ್ದಾರೆ. ಬ್ರಿಟನ್ನಿಂದ ನೀರವ್ ಮೋದಿಯನ್ನು ಭಾರತಕ್ಕೆ ಕರೆತಂದರೆ ಆರ್ಥರ್ ರೋಡ್ ಕಾರಾಗೃಹದ 12ನೇ ಬ್ಯಾರಕ್ನಲ್ಲಿ ಸ್ಥಳ ಮೀಸಲಿರಿಸಲಾಗಿದೆ.</p>.<p>ಇದೇ ಬ್ಯಾರಕ್ನಲ್ಲಿ ಉದ್ಯಮಿ ವಿಜಯ್ ಮಲ್ಯ ಅವರನ್ನು ಸಹ ಇರಿಸಲು ಉದ್ದೇಶಿಸಲಾಗಿದೆ. ಹೀಗಾಗಿ, ಇದನ್ನು ‘ಕೋಟ್ಯಾಧೀಶರರ ಬ್ಯಾರಕ್’ ಎಂದು ಕರೆಯಬಹುದು ಎಂದು ಅಧಿಕಾರಿಗಳು ಹೇಳುತ್ತಾರೆ.</p>.<p>ಈ ಬ್ಯಾರಕ್ನಲ್ಲಿರುವ ಎರಡು ಕೊಠಡಿಗಳಲ್ಲಿ ಒಂದು ಕೊಠಡಿ ಖಾಲಿ ಉಳಿದಿದ್ದು, ಇನ್ನೊಂದರಲ್ಲಿ ಮೂವರು ಕೈದಿಗಳಿದ್ದಾರೆ. ಮಲ್ಯ ಮತ್ತು ಮೋದಿಯನ್ನು ಭಾರತಕ್ಕೆ ಕರೆ ತಂದರೆ ಖಾಲಿ ಉಳಿದಿರುವ ಒಂದೇ ಕೊಠಡಿಯಲ್ಲಿರಿಸಲಾಗುವುದು. ಈ ಕೊಠಡಿಯಲ್ಲಿ ಮೂರು ಫ್ಯಾನ್ಗಳಿದ್ದು, ಆರು ಟ್ಯೂಬ್ಲೈಟ್ಗಳು ಮತ್ತು ಎರಡು ಕಿಟಕಿಗಳಿವೆ ಎಂದು ತಿಳಿಸಿದ್ದಾರೆ.</p>.<p>‘ಬ್ಯಾರಕ್ನಲ್ಲಿ ಮೋದಿಗೆ ಯುರೋಪಿಯನ್ ನಿಯಮಾವಳಿಗಳ ಪ್ರಕಾರ ಮೂರು ಚದರ ಮೀಟರ್ ಜಾಗ ದೊರೆಯುತ್ತದೆ. ಜತೆಗೆ ತಲೆದಿಂಬು, ಕಾಟನ್ ಮ್ಯಾಟ್, ಬೆಡ್ಶೀಟ್ ಮತ್ತು ಹೊದಿಕೆ ನೀಡಲಾಗುವುದು. ಈ ಬ್ಯಾರಕ್ ಸುರಕ್ಷಿತವಾಗಿದ್ದು, ಅತ್ಯುತ್ತಮ ತರಬೇತಿ ಹೊಂದಿದ ಪೊಲೀಸರನ್ನು ನಿಯೋಜಿಸಲಾಗಿದೆ’ ಎಂದು ತಿಳಿಸಿದ್ದಾರೆ.</p>.<p>ಕಾರಾಗೃಹ ಇಲಾಖೆ ಕಳೆದ ವಾರ ಗೃಹ ಇಲಾಖೆಗೆ ಆರ್ಥರ್ ರೋಡ್ ಕಾರಾಗೃಹದ ಸ್ಥಿತಿ ಗತಿ ಮತ್ತು ಸೌಲಭ್ಯಗಳ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದೆ. ಕೇಂದ್ರ ಸರ್ಕಾರವು ಸಹ ಈ ಕಾರಾಗೃಹದ ಬಗ್ಗೆ ಮಾಹಿತಿ ಕೇಳಿತ್ತು.</p>.<p>ಮಾರ್ಚ್ 19ರಂದು ಲಂಡನ್ನಲ್ಲಿ ನೀರವ್ ಮೋದಿಯನ್ನು ಸ್ಕಾಟ್ಲ್ಯಾಂಡ್ ಯಾರ್ಡ್ ಪೊಲೀಸರು ಬಂಧಿಸಿದ್ದರು. ಲಂಡನ್ನ ವೆಸ್ಟ್ಮಿನ್ಸ್ಟರ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಮೋದಿ ಸಲ್ಲಿಸಿದ್ದ ಜಾಮೀನು ಅರ್ಜಿಯನ್ನು ಕಳೆದ ತಿಂಗಳು ತಿರಸ್ಕರಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
