ಕೇರಳ ಕಳಮಶ್ಶೇರಿ ಸರಣಿ ಬಾಂಬ್ ಸ್ಫೋಟ: ಸಾವಿನ ಸಂಖ್ಯೆ ಮೂರಕ್ಕೆ ಏರಿಕೆ

‘ಮೊದಲ ಸ್ಫೋಟದ ಶಬ್ದ ಕೇಳಿದ ನಂತರ ಕಣ್ಣು ತೆರೆದಾಗ, ನನ್ನ ಮುಂದೆ ಕಂಡಿದ್ದು ಬೆಂಕಿ ಉಂಡೆ ಮಾತ್ರ. ಎಲ್ಲರೂ ಚದುರಿ, ಓಡಿ ಹೋದರು. ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳೆಯರು, ಹಿರಿಯ ನಾಗರಿಕರು ಇದ್ದರು’ ಎಂದು ವೃದ್ಧೆಯೊಬ್ಬರು ಘಟನೆಯನ್ನು ವಿವರಿಸಿದರು. ‘ನಾನು ಸಭಾಂಗಣದ ಬದಿಯಲ್ಲಿ ನಿಂತು ಕಣ್ಣುಮುಚ್ಚಿ ಪ್ರಾರ್ಥಿಸುತ್ತಿದ್ದೆ. ಇದ್ದಕ್ಕಿದ್ದಂತೆ ಸ್ಫೋಟದ ಶಬ್ದ ಕೇಳಿಸಿತು. ಸುತ್ತಲೂ ಬೆಂಕಿ ಮಾತ್ರ ನೋಡಿದೆ. ಇತರರೊಂದಿಗೆ ಬಾಗಿಲ ಬಳಿ ಓಡಿದೆ. ಇಷ್ಟು ವರ್ಷಗಳಲ್ಲಿ ಈ ರೀತಿಯ ಘಟನೆ ನಡೆದಿರಲಿಲ್ಲ’ ಎಂದು 70 ವರ್ಷದ ವ್ಯಕ್ತಿ ಕಣ್ಣೀರು ಒರೆಸುತ್ತಾ ಹೇಳಿದರು.