<p><strong>ಅಹಮದಾಬಾದ್:</strong> ಪಾಕಿಸ್ತಾನದ ಹಡಗಿನಲ್ಲಿ ಸಾಗಿಸುತ್ತಿದ್ದ ₹600 ಕೋಟಿ ಮೌಲ್ಯದ 86 ಕೆ.ಜಿ. ಹೆರಾಯಿನ್ ಅನ್ನು ಭಾನುವಾರ ಜಪ್ತಿ ಮಾಡಲಾಗಿದ್ದು, ಪಾಕ್ನ 14 ಪ್ರಜೆಗಳನ್ನು ಬಂಧಿಸಲಾಗಿದೆ. </p><p>ಗುಜರಾತ್ನ ಭಯೋತ್ಪಾದನಾ ನಿಗ್ರಹ ದಳ (ಎಟಿಎಸ್) ಮತ್ತು ಭಾರತೀಯ ಕರಾವಳಿ ಕಾವಲು ಪಡೆ (ಐಸಿಜಿ) ಇಲ್ಲಿನ ಪೋರಬಂದರ್ ತೀರದಲ್ಲಿ ಜಂಟಿ ಕಾರ್ಯಾಚರಣೆ ನಡೆಸಿದವು. </p><p>‘ಈ ಹೆರಾಯಿನ್ ಅನ್ನು ಶ್ರೀಲಂಕಾಗೆ ಕಳ್ಳಸಾಗಣೆ ಮಾಡಲಾಗುತ್ತಿತ್ತು. ಅದಕ್ಕಾಗಿ, ಇದನ್ನು ತಮಿಳುನಾಡಿನ ಕೆಲವರಿಗೆ ತಲುಪಿಸಲು ಬಂಧಿತರು ತೆರಳುತ್ತಿದ್ದರು’ ಎಂದು ಎಟಿಎಸ್ ಅಧಿಕಾರಿಗಳು ಹೇಳಿದ್ದಾರೆ.</p><p>‘ಹೆಚ್ಚಿನ ತನಿಖೆಗಾಗಿ ಪ್ರಕರಣವನ್ನು ಗುಜರಾತ್ನ ಮಾದಕವಸ್ತು ನಿಯಂತ್ರಣ ಘಟಕಕ್ಕೆ (ಎನ್ಸಿಬಿ) ವಹಿಸಲಾಗಿದೆ’ ಎಂದು ಡಿಜಿಪಿ ವಿಕಾಸ್ ಸಹಾಯ್ ಅವರು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು. </p><p>ಪಾಕಿಸ್ತಾನದ ಮೀನುಗಾರಿಕೆ ಹಡಗಿನಲ್ಲಿ ಮಾದಕವಸ್ತುವನ್ನು ತಮಿಳುನಾಡಿನ ವ್ಯಕ್ತಿಗೆ ತಲುಪಿಸಲು ಕೊಂಡೊಯ್ಯಲಾಗುತ್ತಿದೆ. ‘ಅಲ್– ರಜಾ’ ಹಡಗಿನ ರೇಡಿಯೊ ಕರೆಯ ಗುಪ್ತಸಂಕೇತ ‘ಅಲಿ’ ಎಂದಿದ್ದರೆ, ಅಪರಿಚಿತ ವ್ಯಕ್ತಿಯ ವಾಹನ ರೇಡಿಯೊ ಕರೆಯ ಗುಪ್ತ ಸಂಕೇತ ‘ಹೈದರ್’ ಎಂಬ ಮಾಹಿತಿಯು ಎಟಿಎಸ್ಗೆ ಲಭಿಸಿತ್ತು. </p><p>‘ಮಾಹಿತಿ ಆಧರಿಸಿ ಎಟಿಎಸ್, ಐಸಿಜಿ ಮತ್ತು ಎನ್ಸಿಬಿ (ಕಾರ್ಯಾಚರಣೆ ವಿಭಾಗ) ಏ.26ರಂದು ಜಂಟಿ ಕಾರ್ಯಾಚರಣೆ ನಡೆಸಿದವು. ಪೋರಬಂದರ್ನ ಕರಾವಳಿಯಲ್ಲಿದ್ದ ಶಂಕಿತ ಹಡಗು ತಡೆದಾಗ ಹೆರಾಯಿನ್ ಪ್ಯಾಕೆಟ್ಗಳನ್ನು ಸಮುದ್ರಕ್ಕೆ ಎಸೆದ ಪಾಕಿಸ್ತಾನ ಪ್ರಜೆಗಳು ತಪ್ಪಿಸಿಕೊಳ್ಳಲು ಯತ್ನಿಸಿದರು. ಈ ಸಂದರ್ಭದಲ್ಲಿ ಐಸಿಜಿ ಅಧಿಕಾರಿ ಗುಂಡು ಹಾರಿಸಿದರು’ ಎಂದು ಐಸಿಜಿ ಅಧಿಕಾರಿಗಳು ಹೇಳಿದ್ದಾರೆ.</p><p>‘ಹಡಗಿನ ಕ್ಯಾಪ್ಟನ್ ನಾಜಿರ್ ಹುಸೇನ್ ಕೈಗೆ ಗುಂಡುತಗುಲಿದ್ದು, ಆತನಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಪ್ರಾಥಮಿಕ ತನಿಖೆ ಪ್ರಕಾರ, ಈ ಮಾಕದ ವಸ್ತುವನ್ನು ಬಲೂಚಿಸ್ತಾನದ ಹಾಜಿ ಅಸ್ಲಂ ಅಲಿಯಾಸ್ ಬಾಬು ಬಲೋಚ್ ಎಂಬಾತ ಕಳುಹಿಸಿದ್ದ’ ಎಂದು ಎಟಿಎಸ್ ಮೂಲಗಳು ವಿವರಿಸಿವೆ.</p><p>ವಿವಿಧ ಇಲಾಖೆಗಳ ಸಮನ್ವಯದಿಂದ ಈ ಕಾರ್ಯಾಚರಣೆ ಯಶಸ್ವಿಯಾಗಿದೆ. ಕಳೆದ ಮೂರು ವರ್ಷಗಳಲ್ಲಿ ಈ ರೀತಿಯ 11 ಜಂಟಿ ಕಾರ್ಯಾಚರಣೆಗಳನ್ನು ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಹಮದಾಬಾದ್:</strong> ಪಾಕಿಸ್ತಾನದ ಹಡಗಿನಲ್ಲಿ ಸಾಗಿಸುತ್ತಿದ್ದ ₹600 ಕೋಟಿ ಮೌಲ್ಯದ 86 ಕೆ.ಜಿ. ಹೆರಾಯಿನ್ ಅನ್ನು ಭಾನುವಾರ ಜಪ್ತಿ ಮಾಡಲಾಗಿದ್ದು, ಪಾಕ್ನ 14 ಪ್ರಜೆಗಳನ್ನು ಬಂಧಿಸಲಾಗಿದೆ. </p><p>ಗುಜರಾತ್ನ ಭಯೋತ್ಪಾದನಾ ನಿಗ್ರಹ ದಳ (ಎಟಿಎಸ್) ಮತ್ತು ಭಾರತೀಯ ಕರಾವಳಿ ಕಾವಲು ಪಡೆ (ಐಸಿಜಿ) ಇಲ್ಲಿನ ಪೋರಬಂದರ್ ತೀರದಲ್ಲಿ ಜಂಟಿ ಕಾರ್ಯಾಚರಣೆ ನಡೆಸಿದವು. </p><p>‘ಈ ಹೆರಾಯಿನ್ ಅನ್ನು ಶ್ರೀಲಂಕಾಗೆ ಕಳ್ಳಸಾಗಣೆ ಮಾಡಲಾಗುತ್ತಿತ್ತು. ಅದಕ್ಕಾಗಿ, ಇದನ್ನು ತಮಿಳುನಾಡಿನ ಕೆಲವರಿಗೆ ತಲುಪಿಸಲು ಬಂಧಿತರು ತೆರಳುತ್ತಿದ್ದರು’ ಎಂದು ಎಟಿಎಸ್ ಅಧಿಕಾರಿಗಳು ಹೇಳಿದ್ದಾರೆ.</p><p>‘ಹೆಚ್ಚಿನ ತನಿಖೆಗಾಗಿ ಪ್ರಕರಣವನ್ನು ಗುಜರಾತ್ನ ಮಾದಕವಸ್ತು ನಿಯಂತ್ರಣ ಘಟಕಕ್ಕೆ (ಎನ್ಸಿಬಿ) ವಹಿಸಲಾಗಿದೆ’ ಎಂದು ಡಿಜಿಪಿ ವಿಕಾಸ್ ಸಹಾಯ್ ಅವರು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು. </p><p>ಪಾಕಿಸ್ತಾನದ ಮೀನುಗಾರಿಕೆ ಹಡಗಿನಲ್ಲಿ ಮಾದಕವಸ್ತುವನ್ನು ತಮಿಳುನಾಡಿನ ವ್ಯಕ್ತಿಗೆ ತಲುಪಿಸಲು ಕೊಂಡೊಯ್ಯಲಾಗುತ್ತಿದೆ. ‘ಅಲ್– ರಜಾ’ ಹಡಗಿನ ರೇಡಿಯೊ ಕರೆಯ ಗುಪ್ತಸಂಕೇತ ‘ಅಲಿ’ ಎಂದಿದ್ದರೆ, ಅಪರಿಚಿತ ವ್ಯಕ್ತಿಯ ವಾಹನ ರೇಡಿಯೊ ಕರೆಯ ಗುಪ್ತ ಸಂಕೇತ ‘ಹೈದರ್’ ಎಂಬ ಮಾಹಿತಿಯು ಎಟಿಎಸ್ಗೆ ಲಭಿಸಿತ್ತು. </p><p>‘ಮಾಹಿತಿ ಆಧರಿಸಿ ಎಟಿಎಸ್, ಐಸಿಜಿ ಮತ್ತು ಎನ್ಸಿಬಿ (ಕಾರ್ಯಾಚರಣೆ ವಿಭಾಗ) ಏ.26ರಂದು ಜಂಟಿ ಕಾರ್ಯಾಚರಣೆ ನಡೆಸಿದವು. ಪೋರಬಂದರ್ನ ಕರಾವಳಿಯಲ್ಲಿದ್ದ ಶಂಕಿತ ಹಡಗು ತಡೆದಾಗ ಹೆರಾಯಿನ್ ಪ್ಯಾಕೆಟ್ಗಳನ್ನು ಸಮುದ್ರಕ್ಕೆ ಎಸೆದ ಪಾಕಿಸ್ತಾನ ಪ್ರಜೆಗಳು ತಪ್ಪಿಸಿಕೊಳ್ಳಲು ಯತ್ನಿಸಿದರು. ಈ ಸಂದರ್ಭದಲ್ಲಿ ಐಸಿಜಿ ಅಧಿಕಾರಿ ಗುಂಡು ಹಾರಿಸಿದರು’ ಎಂದು ಐಸಿಜಿ ಅಧಿಕಾರಿಗಳು ಹೇಳಿದ್ದಾರೆ.</p><p>‘ಹಡಗಿನ ಕ್ಯಾಪ್ಟನ್ ನಾಜಿರ್ ಹುಸೇನ್ ಕೈಗೆ ಗುಂಡುತಗುಲಿದ್ದು, ಆತನಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಪ್ರಾಥಮಿಕ ತನಿಖೆ ಪ್ರಕಾರ, ಈ ಮಾಕದ ವಸ್ತುವನ್ನು ಬಲೂಚಿಸ್ತಾನದ ಹಾಜಿ ಅಸ್ಲಂ ಅಲಿಯಾಸ್ ಬಾಬು ಬಲೋಚ್ ಎಂಬಾತ ಕಳುಹಿಸಿದ್ದ’ ಎಂದು ಎಟಿಎಸ್ ಮೂಲಗಳು ವಿವರಿಸಿವೆ.</p><p>ವಿವಿಧ ಇಲಾಖೆಗಳ ಸಮನ್ವಯದಿಂದ ಈ ಕಾರ್ಯಾಚರಣೆ ಯಶಸ್ವಿಯಾಗಿದೆ. ಕಳೆದ ಮೂರು ವರ್ಷಗಳಲ್ಲಿ ಈ ರೀತಿಯ 11 ಜಂಟಿ ಕಾರ್ಯಾಚರಣೆಗಳನ್ನು ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
