<p><strong>ತಿರುವನಂತಪುರ:</strong> ವಯನಾಡ್ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಪ್ರಿಯಾಂಕಾ ಗಾಂಧಿ ಅವರು ಕಳೆದ ಹಣಕಾಸು ವರ್ಷದಲ್ಲಿ ₹46.39 ಲಕ್ಷ ಆದಾಯ ಗಳಿಸಿದ್ದಾರೆ. ಇದು ಅವರ ಪತಿ ರಾಬರ್ಟ್ ವಾದ್ರಾ ಅವರ ಆದಾಯಕ್ಕಿಂತ ಮೂರು ಪಟ್ಟು ಹೆಚ್ಚು. ಪ್ರಿಯಾಂಕಾ ಅವರು ₹11.99 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ.</p>.<p>ಉದ್ಯಮಿ ಆಗಿರುವ ರಾಬರ್ಟ್ ವಾದ್ರಾ ಅವರ ಆದಾಯ ಕಳೆದ ಹಣಕಾಸು ವರ್ಷ ₹15.09 ಲಕ್ಷ ಇತ್ತು.</p>.<p>ಲೋಕಸಭಾ ಉಪಚುನಾವಣೆಗೆ ಪ್ರಿಯಾಂಕಾ ಗಾಂಧಿ ಅವರು ನಾಮಪತ್ರ ಸಲ್ಲಿಸಿದ್ದು, ಈ ವೇಳೆ ಸಲ್ಲಿಸಿರುವ ಆದಾಯ ತೆರಿಗೆ ರಿಟರ್ನ್ಸ್ನಲ್ಲಿ ಅವರು ಈ ಮಾಹಿತಿ ನೀಡಿದ್ದಾರೆ.</p>.<p>ರಾಬರ್ಟ್ ಅವರ ಆದಾಯದಲ್ಲಿ ಕುಸಿತ ಕಂಡುಬಂದಿದೆ. 2019–20ನೇ ಹಣಕಾಸು ವರ್ಷದಲ್ಲಿ ಅವರ ಆದಾಯ ₹55.58 ಲಕ್ಷ ಇತ್ತು. ಆದರೆ, 2023–24ನೇ ಹಣಕಾಸು ವರ್ಷದಲ್ಲಿ ಆದಾಯವು ₹15.09 ಲಕ್ಷಕ್ಕೆ ಇಳಿದಿದೆ. </p>.<p>ಕಳೆದ ಹಣಕಾಸು ವರ್ಷದಲ್ಲಿ ಪತಿಯ ಆದಾಯಕ್ಕಿಂತ ಪ್ರಿಯಾಂಕಾ ಅವರ ಆದಾಯದಲ್ಲಿ ಹೆಚ್ಚಳ ಕಂಡುಬಂದಿದ್ದರೂ, ಅದರ ಹಿಂದಿನ ವಿತ್ತೀಯ ವರ್ಷಗಳಿಗೆ ಹೋಲಿಸಿದಲ್ಲಿ ಆದಾಯದಲ್ಲಿ ಕುಸಿತ ಕಂಡುಬಂದಿದೆ.</p>.<p>2019–20ರಲ್ಲಿ ಪ್ರಿಯಾಂಕಾ ಅವರ ಆದಾಯ ₹69.3 ಲಕ್ಷ ಇದ್ದಿದ್ದರೆ, 2020–21ರಲ್ಲಿ ಅದು ₹19.89 ಲಕ್ಷಕ್ಕೆ ಇಳಿದಿತ್ತು. ಆದಾಯದಲ್ಲಿ ಕುಸಿತಕ್ಕೆ ಕೋವಿಡ್–19 ಪಿಡುಗು ಕಾರಣ ಎನ್ನಲಾಗಿದೆ. ಆದರೆ, ನಂತರದ ವರ್ಷಗಳಲ್ಲಿ ಆದಾಯದಲ್ಲಿ ಏರಿಕೆ ಕಂಡುಬಂದಿದೆ ಎಂಬುದು ಅವರು ಸಲ್ಲಿಸಿರುವ ದಾಖಲೆಗಳಿಂದ ತಿಳಿದುಬರುತ್ತದೆ.</p>.<p>ಬಾಡಿಗೆ, ಬ್ಯಾಂಕುಗಳಿಂದ ಸಿಗುವ ಬಡ್ಡಿ ಹಾಗೂ ಹೂಡಿಕೆಗಳಿಂದ ಸಿಗುವ ಲಾಭಗಳೇ ಪ್ರಿಯಾಂಕಾ ಅವರ ಆದಾಯದ ಮೂಲ ಎಂದು ಉಲ್ಲೇಖಿಸಲಾಗಿದೆ.</p>.<p>ಪ್ರಿಯಾಂಕಾ ಗಾಂಧಿ ₹11.99 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದರೆ, ಪತಿ ರಾಬರ್ಟ್ ಅವರ ಆಸ್ತಿ ಮೌಲ್ಯ ₹75.61 ಕೋಟಿ. ಪ್ರಿಯಾಂಕಾ ಅವರು ₹15.75 ಲಕ್ಷ ಸಾಲ ಹೊಂದಿದ್ದರೆ, ಅವರ ಪತಿ ಹೊಂದಿರುವ ಸಾಲದ ಪ್ರಮಾಣ ₹10.03 ಕೋಟಿ</p>.<p>ಪ್ರಿಯಾಂಕಾ ಅವರು ಸುಲ್ತಾನಪುರದಲ್ಲಿ ಕೃಷಿ ಭೂಮಿ ಹಾಗೂ ಫಾರ್ಮ್ಹೌಸ್ ಹೊಂದಿದ್ದಾರೆ. ಇವು, ಅವರು ಹಾಗೂ ಅಣ್ಣ ರಾಹುಲ್ ಗಾಂಧಿ ಜಂಟಿ ಮಾಲೀಕತ್ವ ಹೊಂದಿವೆ. ಶಿಮ್ಲಾದಲ್ಲಿ ₹5.63 ಕೋಟಿ ಮೌಲ್ಯದ ಮನೆ, ₹1.15 ಕೋಟಿ ಮೌಲ್ಯದ ಚಿನ್ನದ ಒಡತಿಯೂ ಆಗಿದ್ದಾರೆ.</p>.<p>ಪ್ರಿಯಾಂಕಾ ವಿರುದ್ಧ ಮೂರು ಪ್ರಕರಣಗಳು ಇವೆ. ಬ್ರಿಟನ್ನ ಸಂಡರ್ಲ್ಯಾಂಡ್ ವಿಶ್ವವಿದ್ಯಾಲಯದಿಂದ 2010ರಲ್ಲಿ ಬೌದ್ಧ ಅಧ್ಯಯನದಲ್ಲಿ ಪಿಜಿ ಡಿಪ್ಲೊಮಾ ಪಡೆದಿದ್ದು, ಇದು ಅವರು ಹೊಂದಿರುವ ಗರಿಷ್ಠ ವಿದ್ಯಾರ್ಹತೆ ಎಂದೂ ಉಲ್ಲೇಖಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತಿರುವನಂತಪುರ:</strong> ವಯನಾಡ್ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಪ್ರಿಯಾಂಕಾ ಗಾಂಧಿ ಅವರು ಕಳೆದ ಹಣಕಾಸು ವರ್ಷದಲ್ಲಿ ₹46.39 ಲಕ್ಷ ಆದಾಯ ಗಳಿಸಿದ್ದಾರೆ. ಇದು ಅವರ ಪತಿ ರಾಬರ್ಟ್ ವಾದ್ರಾ ಅವರ ಆದಾಯಕ್ಕಿಂತ ಮೂರು ಪಟ್ಟು ಹೆಚ್ಚು. ಪ್ರಿಯಾಂಕಾ ಅವರು ₹11.99 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ.</p>.<p>ಉದ್ಯಮಿ ಆಗಿರುವ ರಾಬರ್ಟ್ ವಾದ್ರಾ ಅವರ ಆದಾಯ ಕಳೆದ ಹಣಕಾಸು ವರ್ಷ ₹15.09 ಲಕ್ಷ ಇತ್ತು.</p>.<p>ಲೋಕಸಭಾ ಉಪಚುನಾವಣೆಗೆ ಪ್ರಿಯಾಂಕಾ ಗಾಂಧಿ ಅವರು ನಾಮಪತ್ರ ಸಲ್ಲಿಸಿದ್ದು, ಈ ವೇಳೆ ಸಲ್ಲಿಸಿರುವ ಆದಾಯ ತೆರಿಗೆ ರಿಟರ್ನ್ಸ್ನಲ್ಲಿ ಅವರು ಈ ಮಾಹಿತಿ ನೀಡಿದ್ದಾರೆ.</p>.<p>ರಾಬರ್ಟ್ ಅವರ ಆದಾಯದಲ್ಲಿ ಕುಸಿತ ಕಂಡುಬಂದಿದೆ. 2019–20ನೇ ಹಣಕಾಸು ವರ್ಷದಲ್ಲಿ ಅವರ ಆದಾಯ ₹55.58 ಲಕ್ಷ ಇತ್ತು. ಆದರೆ, 2023–24ನೇ ಹಣಕಾಸು ವರ್ಷದಲ್ಲಿ ಆದಾಯವು ₹15.09 ಲಕ್ಷಕ್ಕೆ ಇಳಿದಿದೆ. </p>.<p>ಕಳೆದ ಹಣಕಾಸು ವರ್ಷದಲ್ಲಿ ಪತಿಯ ಆದಾಯಕ್ಕಿಂತ ಪ್ರಿಯಾಂಕಾ ಅವರ ಆದಾಯದಲ್ಲಿ ಹೆಚ್ಚಳ ಕಂಡುಬಂದಿದ್ದರೂ, ಅದರ ಹಿಂದಿನ ವಿತ್ತೀಯ ವರ್ಷಗಳಿಗೆ ಹೋಲಿಸಿದಲ್ಲಿ ಆದಾಯದಲ್ಲಿ ಕುಸಿತ ಕಂಡುಬಂದಿದೆ.</p>.<p>2019–20ರಲ್ಲಿ ಪ್ರಿಯಾಂಕಾ ಅವರ ಆದಾಯ ₹69.3 ಲಕ್ಷ ಇದ್ದಿದ್ದರೆ, 2020–21ರಲ್ಲಿ ಅದು ₹19.89 ಲಕ್ಷಕ್ಕೆ ಇಳಿದಿತ್ತು. ಆದಾಯದಲ್ಲಿ ಕುಸಿತಕ್ಕೆ ಕೋವಿಡ್–19 ಪಿಡುಗು ಕಾರಣ ಎನ್ನಲಾಗಿದೆ. ಆದರೆ, ನಂತರದ ವರ್ಷಗಳಲ್ಲಿ ಆದಾಯದಲ್ಲಿ ಏರಿಕೆ ಕಂಡುಬಂದಿದೆ ಎಂಬುದು ಅವರು ಸಲ್ಲಿಸಿರುವ ದಾಖಲೆಗಳಿಂದ ತಿಳಿದುಬರುತ್ತದೆ.</p>.<p>ಬಾಡಿಗೆ, ಬ್ಯಾಂಕುಗಳಿಂದ ಸಿಗುವ ಬಡ್ಡಿ ಹಾಗೂ ಹೂಡಿಕೆಗಳಿಂದ ಸಿಗುವ ಲಾಭಗಳೇ ಪ್ರಿಯಾಂಕಾ ಅವರ ಆದಾಯದ ಮೂಲ ಎಂದು ಉಲ್ಲೇಖಿಸಲಾಗಿದೆ.</p>.<p>ಪ್ರಿಯಾಂಕಾ ಗಾಂಧಿ ₹11.99 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದರೆ, ಪತಿ ರಾಬರ್ಟ್ ಅವರ ಆಸ್ತಿ ಮೌಲ್ಯ ₹75.61 ಕೋಟಿ. ಪ್ರಿಯಾಂಕಾ ಅವರು ₹15.75 ಲಕ್ಷ ಸಾಲ ಹೊಂದಿದ್ದರೆ, ಅವರ ಪತಿ ಹೊಂದಿರುವ ಸಾಲದ ಪ್ರಮಾಣ ₹10.03 ಕೋಟಿ</p>.<p>ಪ್ರಿಯಾಂಕಾ ಅವರು ಸುಲ್ತಾನಪುರದಲ್ಲಿ ಕೃಷಿ ಭೂಮಿ ಹಾಗೂ ಫಾರ್ಮ್ಹೌಸ್ ಹೊಂದಿದ್ದಾರೆ. ಇವು, ಅವರು ಹಾಗೂ ಅಣ್ಣ ರಾಹುಲ್ ಗಾಂಧಿ ಜಂಟಿ ಮಾಲೀಕತ್ವ ಹೊಂದಿವೆ. ಶಿಮ್ಲಾದಲ್ಲಿ ₹5.63 ಕೋಟಿ ಮೌಲ್ಯದ ಮನೆ, ₹1.15 ಕೋಟಿ ಮೌಲ್ಯದ ಚಿನ್ನದ ಒಡತಿಯೂ ಆಗಿದ್ದಾರೆ.</p>.<p>ಪ್ರಿಯಾಂಕಾ ವಿರುದ್ಧ ಮೂರು ಪ್ರಕರಣಗಳು ಇವೆ. ಬ್ರಿಟನ್ನ ಸಂಡರ್ಲ್ಯಾಂಡ್ ವಿಶ್ವವಿದ್ಯಾಲಯದಿಂದ 2010ರಲ್ಲಿ ಬೌದ್ಧ ಅಧ್ಯಯನದಲ್ಲಿ ಪಿಜಿ ಡಿಪ್ಲೊಮಾ ಪಡೆದಿದ್ದು, ಇದು ಅವರು ಹೊಂದಿರುವ ಗರಿಷ್ಠ ವಿದ್ಯಾರ್ಹತೆ ಎಂದೂ ಉಲ್ಲೇಖಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
