<p><strong>ಕೋಲ್ಕತ್ತ</strong>: ಆರ್.ಜಿ.ಕರ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯ ವೈದ್ಯ ವಿದ್ಯಾರ್ಥಿನಿ ಮೇಲೆ ನಡೆದ ಅತ್ಯಾಚಾರ ಮತ್ತು ಆಕೆಯ ಕೊಲೆ ಪ್ರಕರಣ ಕುರಿತು ಆರೋಪಪಟ್ಟಿ ಸಲ್ಲಿಸಿರುವ ಸಿಬಿಐ, ಆರೋಪಿ ವಿರುದ್ಧ 11 ಸಾಕ್ಷ್ಯಗಳನ್ನು ಉಲ್ಲೇಖಿಸಿದೆ.</p>.<p>‘ಸಂಜಯ್ ರಾಯ್ ಈ ಪ್ರಕರಣದ ಏಕೈಕ ಆರೋಪಿ’ ಎಂದಿರುವ ಸಿಬಿಐ, ಆತನ ರಕ್ತದ ಮಾದರಿಗಳು, ಡಿಎನ್ಎ ವರದಿಯೂ ಸೇರಿದಂತೆ ಇತರ ಸಾಕ್ಷ್ಯಗಳ ಕುರಿತು ಆರೋಪ ಪಟ್ಟಿಯಲ್ಲಿ ವಿವರಿಸಿದೆ.</p>.<p>ಕೋಲ್ಕತ್ತ ಪೊಲೀಸರು ಸಂಜಯ್ ರಾಯ್ ಅವರನ್ನು ಆಗಸ್ಟ್ 10ರಂದು ಬಂಧಿಸಿದ್ದಾರೆ.</p>.<p>ಸ್ಥಳೀಯ ನ್ಯಾಯಾಲಯಕ್ಕೆ ಸಿಬಿಐ ಸೋಮವಾರ ಆರೋಪಪಟ್ಟಿ ಸಲ್ಲಿಸಿದ್ದು, ಸಂತ್ರಸ್ತೆಯ ಹೆಸರನ್ನು ಇಂಗ್ಲಿಷ್ ವರ್ಣಮಾಲೆಯ ‘ವಿ’ ಎಂಬುದಾಗಿ ಉಲ್ಲೇಖಿಸಿದೆ.</p>.<p><strong>ಆರೋಪಪಟ್ಟಿಯಲ್ಲಿನ ಉಲ್ಲೇಖಗಳು</strong> </p><ul><li><p>ಸಂತ್ರಸ್ತೆಯ ದೇಹದಲ್ಲಿ ಆರೋಪಿಯ ಡಿಎನ್ಎ ಪತ್ತೆಯಾಗಿದೆ. ಸಂತ್ರಸ್ತೆಯ ಮೃತದೇಹದ ಪರೀಕ್ಷೆಯಿಂದ ಇದು ದೃಢಪಟ್ಟಿದೆ </p></li><li><p>ಆರೋಪಿಯ ಜೀನ್ಸ್ ಪ್ಯಾಂಟ್ ಹಾಗೂ ಪಾದರಕ್ಷೆಗಳ ಮೇಲೆ ಸಂತ್ರಸ್ತೆಯ ರಕ್ತದ ಕಲೆಗಳು ಕಂಡುಬಂದಿವೆ. </p></li><li><p>ಅಪರಾಧ ನಡೆದ ಸ್ಥಳದಲ್ಲಿ ಸಿಕ್ಕಿರುವ ಸಣ್ಣ ಕೂದಲುಗಳು ಆರೋಪಿ ಸಂಜಯ್ ರಾಯ್ನ ಕೂದಲಿನೊಂದಿಗೆ ಹೊಂದಿಕೆಯಾಗುತ್ತವೆ </p></li><li><p>ಸಿ.ಸಿ.ಟಿವಿಯಲ್ಲಿ ದಾಖಲಾದ ದೃಶ್ಯಗಳು ಹಾಗೂ ಆರೋಪಿಯ ಮೊಬೈಲ್ ಫೋನಿಗೆ ಸಂಬಂಧಿಸಿದ ಲೊಕೇಶನ್ ಕುರಿತು ಮಾಹಿತಿ ಸಂಗ್ರಹಿಸಲಾಗಿದೆ. ಅಪರಾಧ ನಡೆದ ದಿನ ಆರೋಪಿಯು ಆಸ್ಪತ್ರೆಯ ತುರ್ತು ಚಿಕಿತ್ಸಾ ವಿಭಾಗದ 3ನೇ ಮಹಡಿಯಲ್ಲಿದ್ದ ಎಂಬುದು ಈ ದೃಶ್ಯಗಳಿಂದ ದೃಢಪಟ್ಟಿದೆ </p></li><li><p>ಸಂತ್ರಸ್ತೆಯು ಪ್ರತಿರೋಧ ಒಡ್ಡಿದ್ದನ್ನು/ತಪ್ಪಿಸಿಕೊಳ್ಳುವುದಕ್ಕಾಗಿ ಆತನೊಂದಿಗೆ ನಡೆಸಿದ ಸಂಘರ್ಷದ ವೇಳೆ ಆರೋಪಿಗೆ ಗಾಯಗಳಾಗಿವೆ </p></li><li><p>ಅಪರಾಧ ನಡೆದ ಸ್ಥಳದತ್ತ ತೆರಳುವಾಗ ಆರೋಪಿಯು ಬ್ಲೂಟೂತ್ ಇಯರ್ಫೋನ್ ಧರಿಸಿದ್ದ. ಆ ಸ್ಥಳದಿಂದ ನಿರ್ಗಮಿಸಿದ ವೇಳೆ ಆತನ ಕೊರಳಲ್ಲಿ ಬ್ಲೂಟೂತ್ ಇದ್ದಿರಲಿಲ್ಲ. ಇದನ್ನು ಕೇಂದ್ರೀಯ ವಿಧಿವಿಜ್ಞಾನ ಪ್ರಯೋಗಾಲಯದ (ಸಿಎಫ್ಎಸ್ಎಲ್) ವರದಿಯಲ್ಲಿ ಹೇಳಲಾಗಿದೆ </p></li><li><p>ಸಂತ್ರಸ್ತೆಯ ಕನ್ಯಾಪೊರೆಗೆ ಗಾಯಗಳಾಗಿವೆ. ಇದು ಸಂತ್ರಸ್ತೆಯ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಿದೆ ಎಂಬುದನ್ನು ಸ್ಪಷ್ಟವಾಗಿ ಹೇಳುತ್ತದೆ. </p></li><li><p>ಸಂತ್ರಸ್ತೆಯ ಮೊಲೆತೊಟ್ಟುಗಳಲ್ಲಿದ್ದ ಲಾಲಾರಸವನ್ನು ಪರೀಕ್ಷೆಗೆ ಒಳಪಡಿಸಲಾಗಿದ್ದು ಅದು ಆರೋಪಿ ಸಂಜಯ್ ರಾಯ್ದೇ ಎಂಬುದು ದೃಢಪಟ್ಟಿದೆ </p></li><li><p>ಮರಣೋತ್ತರ ಪರೀಕ್ಷೆ ವೇಳೆ ಸಂತ್ರಸ್ತೆಯ ದೇಹದಲ್ಲಿ ವಿಶೇಷವಾಗಿ ಕೀಲುಗಳಲ್ಲಿ ಬಿಗಿತ ಕಂಡುಬಂದಿತ್ತು. ಇದು ಪರೀಕ್ಷೆಗೂ 12–18 ಗಂಟೆ ಮೊದಲೇ ಮೃತಪಟ್ಟಿದ್ದಳು ಎಂಬುದನ್ನು ಹೇಳುತ್ತದೆ </p></li><li><p>ವೈದ್ಯ ವಿದ್ಯಾರ್ಥಿನಿಯನ್ನು ಉಸಿರುಗಟ್ಟಿಸಿ ಕೊಲೆ ಮಾಡಲಾಗಿದೆ </p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲ್ಕತ್ತ</strong>: ಆರ್.ಜಿ.ಕರ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯ ವೈದ್ಯ ವಿದ್ಯಾರ್ಥಿನಿ ಮೇಲೆ ನಡೆದ ಅತ್ಯಾಚಾರ ಮತ್ತು ಆಕೆಯ ಕೊಲೆ ಪ್ರಕರಣ ಕುರಿತು ಆರೋಪಪಟ್ಟಿ ಸಲ್ಲಿಸಿರುವ ಸಿಬಿಐ, ಆರೋಪಿ ವಿರುದ್ಧ 11 ಸಾಕ್ಷ್ಯಗಳನ್ನು ಉಲ್ಲೇಖಿಸಿದೆ.</p>.<p>‘ಸಂಜಯ್ ರಾಯ್ ಈ ಪ್ರಕರಣದ ಏಕೈಕ ಆರೋಪಿ’ ಎಂದಿರುವ ಸಿಬಿಐ, ಆತನ ರಕ್ತದ ಮಾದರಿಗಳು, ಡಿಎನ್ಎ ವರದಿಯೂ ಸೇರಿದಂತೆ ಇತರ ಸಾಕ್ಷ್ಯಗಳ ಕುರಿತು ಆರೋಪ ಪಟ್ಟಿಯಲ್ಲಿ ವಿವರಿಸಿದೆ.</p>.<p>ಕೋಲ್ಕತ್ತ ಪೊಲೀಸರು ಸಂಜಯ್ ರಾಯ್ ಅವರನ್ನು ಆಗಸ್ಟ್ 10ರಂದು ಬಂಧಿಸಿದ್ದಾರೆ.</p>.<p>ಸ್ಥಳೀಯ ನ್ಯಾಯಾಲಯಕ್ಕೆ ಸಿಬಿಐ ಸೋಮವಾರ ಆರೋಪಪಟ್ಟಿ ಸಲ್ಲಿಸಿದ್ದು, ಸಂತ್ರಸ್ತೆಯ ಹೆಸರನ್ನು ಇಂಗ್ಲಿಷ್ ವರ್ಣಮಾಲೆಯ ‘ವಿ’ ಎಂಬುದಾಗಿ ಉಲ್ಲೇಖಿಸಿದೆ.</p>.<p><strong>ಆರೋಪಪಟ್ಟಿಯಲ್ಲಿನ ಉಲ್ಲೇಖಗಳು</strong> </p><ul><li><p>ಸಂತ್ರಸ್ತೆಯ ದೇಹದಲ್ಲಿ ಆರೋಪಿಯ ಡಿಎನ್ಎ ಪತ್ತೆಯಾಗಿದೆ. ಸಂತ್ರಸ್ತೆಯ ಮೃತದೇಹದ ಪರೀಕ್ಷೆಯಿಂದ ಇದು ದೃಢಪಟ್ಟಿದೆ </p></li><li><p>ಆರೋಪಿಯ ಜೀನ್ಸ್ ಪ್ಯಾಂಟ್ ಹಾಗೂ ಪಾದರಕ್ಷೆಗಳ ಮೇಲೆ ಸಂತ್ರಸ್ತೆಯ ರಕ್ತದ ಕಲೆಗಳು ಕಂಡುಬಂದಿವೆ. </p></li><li><p>ಅಪರಾಧ ನಡೆದ ಸ್ಥಳದಲ್ಲಿ ಸಿಕ್ಕಿರುವ ಸಣ್ಣ ಕೂದಲುಗಳು ಆರೋಪಿ ಸಂಜಯ್ ರಾಯ್ನ ಕೂದಲಿನೊಂದಿಗೆ ಹೊಂದಿಕೆಯಾಗುತ್ತವೆ </p></li><li><p>ಸಿ.ಸಿ.ಟಿವಿಯಲ್ಲಿ ದಾಖಲಾದ ದೃಶ್ಯಗಳು ಹಾಗೂ ಆರೋಪಿಯ ಮೊಬೈಲ್ ಫೋನಿಗೆ ಸಂಬಂಧಿಸಿದ ಲೊಕೇಶನ್ ಕುರಿತು ಮಾಹಿತಿ ಸಂಗ್ರಹಿಸಲಾಗಿದೆ. ಅಪರಾಧ ನಡೆದ ದಿನ ಆರೋಪಿಯು ಆಸ್ಪತ್ರೆಯ ತುರ್ತು ಚಿಕಿತ್ಸಾ ವಿಭಾಗದ 3ನೇ ಮಹಡಿಯಲ್ಲಿದ್ದ ಎಂಬುದು ಈ ದೃಶ್ಯಗಳಿಂದ ದೃಢಪಟ್ಟಿದೆ </p></li><li><p>ಸಂತ್ರಸ್ತೆಯು ಪ್ರತಿರೋಧ ಒಡ್ಡಿದ್ದನ್ನು/ತಪ್ಪಿಸಿಕೊಳ್ಳುವುದಕ್ಕಾಗಿ ಆತನೊಂದಿಗೆ ನಡೆಸಿದ ಸಂಘರ್ಷದ ವೇಳೆ ಆರೋಪಿಗೆ ಗಾಯಗಳಾಗಿವೆ </p></li><li><p>ಅಪರಾಧ ನಡೆದ ಸ್ಥಳದತ್ತ ತೆರಳುವಾಗ ಆರೋಪಿಯು ಬ್ಲೂಟೂತ್ ಇಯರ್ಫೋನ್ ಧರಿಸಿದ್ದ. ಆ ಸ್ಥಳದಿಂದ ನಿರ್ಗಮಿಸಿದ ವೇಳೆ ಆತನ ಕೊರಳಲ್ಲಿ ಬ್ಲೂಟೂತ್ ಇದ್ದಿರಲಿಲ್ಲ. ಇದನ್ನು ಕೇಂದ್ರೀಯ ವಿಧಿವಿಜ್ಞಾನ ಪ್ರಯೋಗಾಲಯದ (ಸಿಎಫ್ಎಸ್ಎಲ್) ವರದಿಯಲ್ಲಿ ಹೇಳಲಾಗಿದೆ </p></li><li><p>ಸಂತ್ರಸ್ತೆಯ ಕನ್ಯಾಪೊರೆಗೆ ಗಾಯಗಳಾಗಿವೆ. ಇದು ಸಂತ್ರಸ್ತೆಯ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಿದೆ ಎಂಬುದನ್ನು ಸ್ಪಷ್ಟವಾಗಿ ಹೇಳುತ್ತದೆ. </p></li><li><p>ಸಂತ್ರಸ್ತೆಯ ಮೊಲೆತೊಟ್ಟುಗಳಲ್ಲಿದ್ದ ಲಾಲಾರಸವನ್ನು ಪರೀಕ್ಷೆಗೆ ಒಳಪಡಿಸಲಾಗಿದ್ದು ಅದು ಆರೋಪಿ ಸಂಜಯ್ ರಾಯ್ದೇ ಎಂಬುದು ದೃಢಪಟ್ಟಿದೆ </p></li><li><p>ಮರಣೋತ್ತರ ಪರೀಕ್ಷೆ ವೇಳೆ ಸಂತ್ರಸ್ತೆಯ ದೇಹದಲ್ಲಿ ವಿಶೇಷವಾಗಿ ಕೀಲುಗಳಲ್ಲಿ ಬಿಗಿತ ಕಂಡುಬಂದಿತ್ತು. ಇದು ಪರೀಕ್ಷೆಗೂ 12–18 ಗಂಟೆ ಮೊದಲೇ ಮೃತಪಟ್ಟಿದ್ದಳು ಎಂಬುದನ್ನು ಹೇಳುತ್ತದೆ </p></li><li><p>ವೈದ್ಯ ವಿದ್ಯಾರ್ಥಿನಿಯನ್ನು ಉಸಿರುಗಟ್ಟಿಸಿ ಕೊಲೆ ಮಾಡಲಾಗಿದೆ </p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>