<p><strong>ನವದೆಹಲಿ:</strong>ರಾಹುಲ್ ಗಾಂಧಿ ಅವರ ಪೌರತ್ವಕ್ಕೆ ಸಂಬಂಧಿಸಿದ ಪ್ರಕರಣ ಇತ್ಯರ್ಥವಾಗುವವರಗೆ ಚುನಾವಣೆಯಲ್ಲಿ ಅವರ ಸ್ಪರ್ಧೆಗೆ ತಡೆ ನೀಡಿ ಎಂದು ಕೇಂದ್ರ ಸರ್ಕಾರ ಮತ್ತು ಚುನಾವಣಾ ಆಯೋಗಕ್ಕೆ ನಿರ್ದೇಶನ ನೀಡಿ ಎಂದು ಕೋರಿದ್ದ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ಗುರುವಾರ ವಜಾ ಮಾಡಿದೆ.</p>.<p>ದೆಹಲಿ ನಿವಾಸಿಗಳಾದ ಜೈ ಭಗವಾನ್ ಗೋಯಲ್ ಮತ್ತು ಸಿ.ಪಿ.ತ್ಯಾಗಿ ಈ ಅರ್ಜಿ ಸಲ್ಲಿಸಿದ್ದರು. ‘ರಾಹುಲ್ ಅವರ ಪೌರತ್ವಕ್ಕೆ ಸಂಬಂಧಿಸಿದಂತೆ ಸುಬ್ರಮಣಿಯನ್ ಸ್ವಾಮಿ ಅವರು ಸಲ್ಲಿಸಿದ್ದ ದೂರಿಗೆ ಸರ್ಕಾರವಾಗಲೀ, ಚುನಾವಣಾ ಆಯೋಗವಾಗಲೀ ಸರಿಯಾಗಿ ಸ್ಪಂದಿಸಿಲ್ಲ. ಸರ್ಕಾರದ ಈ ನಡೆಯಿಂದ ನಮಗೆ ಅಸಮಾಧಾನವಾಗಿದೆ’ ಎಂದು ಅರ್ಜಿದಾರರು ತಿಳಿಸಿದ್ದರು.</p>.<p>ಮುಖ್ಯ ನ್ಯಾಯಮೂರ್ತಿ ರಂಜನ್ ಗೊಗೊಯಿ, ನ್ಯಾಯಮೂರ್ತಿಗಳಾದ ದೀಪಕ್ ಗುಪ್ತಾ ಮತ್ತು ಸಂಜೀವ್ ಖನ್ನಾ ಅವರಿದ್ದ ತ್ರಿಸದಸ್ಯ ಪೀಠವು ಈ ಅರ್ಜಿಯ ಪರಿಶೀಲನೆ ನಡೆಸಿತು.</p>.<p>‘ರಾಹುಲ್ ಅವರ ಪೌರತ್ವ ಇತ್ಯರ್ಥವಾಗುವವರೆಗೆ ಅವರು ಚುನಾವಣೆಯಲ್ಲಿ ಸ್ಪರ್ಧಿಸಬಾರದು. ಮತದಾರರ ಪಟ್ಟಿಯಿಂದಲೂ ಅವರ ಹೆಸರನ್ನು ತೆಗೆದುಹಾಕಬೇಕು’ ಎಂದು ಅರ್ಜಿದಾರರು ಕೋರಿದ್ದರು.</p>.<p>‘ರಾಹುಲ್ ಬ್ರಿಟನ್ ಪ್ರಜೆ ಎಂಬುದಕ್ಕೆ ದಾಖಲೆಗಳಿವೆ.ಆ ದಾಖಲೆಗಳನ್ನು ಸುಬ್ರಮಣಿಯನ್ ಸ್ವಾಮಿ ಅವರು ಕೇಂದ್ರ ಸರ್ಕಾರ ಮತ್ತು ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ್ದಾರೆ. ಆ ದಾಖಲೆಗಳನ್ನು ಸಾಕ್ಷ್ಯಗಳಾಗಿ ಪರಿಗಣಿಸಬೇಕು’ ಎಂದು ಅರ್ಜಿದಾರರ ಪರ ವಕೀಲರು ವಾದಿಸಿದರು.</p>.<p>ಅವರ ವಾದವನ್ನು ಪೀಠವು ತಿರಸ್ಕರಿಸಿತು. ‘ಯಾವುದೋ ಒಂದು ಕಂಪನಿ ತನ್ನ ದಾಖಲೆಯಲ್ಲಿ ಹಾಗೆ ಹೇಳಿಕೊಂಡ ಮಾತ್ರಕ್ಕೆ, ರಾಹುಲ್ ಆ ದೇಶದ ಪ್ರಜೆ ಎನ್ನಲು ಸಾಧ್ಯವಿಲ್ಲ’ ಎಂದು ಪೀಠವು ಅರ್ಜಿಯನ್ನು ತಿರಸ್ಕರಿಸಿತು.</p>.<p><strong>ಅರ್ಜಿ ಸಲ್ಲಿಸಲು ಇಷ್ಟು ವರ್ಷ ಬೇಕಾಯಿತೇ?</strong></p>.<p><strong>ಅರ್ಜಿದಾರರ ಪರ ವಕೀಲ:</strong>ಎರಡು ದೇಶಗಳ ಪೌರತ್ವ ಪಡೆದವರು ಚುನಾವಣೆಯಲ್ಲಿ ಸ್ಪರ್ಧಿಸಲು ಭಾರತದಲ್ಲಿ ಅವಕಾಶವಿಲ್ಲ. ಆದರೆ ಎರಡು ದೇಶಗಳ ಪೌರತ್ವ ಹೊಂದಿದ್ದರೂ ರಾಹುಲ್ ಗಾಂಧಿ ರಾಹುಲ್ ಗಾಂಧಿ ಪ್ರಧಾನಿಯಾಗಲು ಬಯಸಿದ್ದಾರೆ</p>.<p><strong>ಸುಪ್ರೀಂ ಕೋರ್ಟ್ ಪೀಠ:</strong>ಭಾರತದ ಪ್ರಧಾನಿಯಾಗಬೇಕು ಎಂದು ರಾಹುಲ್ ಗಾಂಧಿ ಬಯಸುತ್ತಿರುವುಂತೆ ಕಾಣುತ್ತಿಲ್ಲ. ಒಂದೊಮ್ಮೆ ಭಾರತದ 126 ಕೋಟಿ ಜನರು ‘ರಾಹುಲ್ ಪ್ರಧಾನಿಯಾಗಲಿ’ ಎಂದು ಬಯಸಿದರೆ, ನಿಮ್ಮಿಂದ ಯಾವುದೇ ಆಕ್ಷೇಪ ಇರುವುದಿಲ್ಲ ತಾನೇ?</p>.<p><strong>ವಕೀಲ:</strong>ಬ್ರಿಟನ್ನ ಬಾಕ್ಆಪ್ಸ್ ಲಿಮಿಟೆಡ್ನಲ್ಲಿ ರಾಹುಲ್ ಗಾಂಧಿ ನಿರ್ದೇಶಕರಾಗಿದ್ದಾರೆ. ಕಂಪನಿಯ ದಾಖಲೆಗಳಲ್ಲಿ ರಾಹುಲ್ ತಮ್ಮನ್ನು ತಾವು ಬ್ರಿಟನ್ ಪ್ರಜೆ ಎಂದು ಘೋಷಿಸಿಕೊಂಡಿದ್ದಾರೆ</p>.<p><strong>ಪೀಠ:</strong>ಯಾವುದೋ ಒಂದು ಕಂಪನಿ, ತನ್ನ ಯಾವುದೋ ಒಂದು ದಾಖಲೆಯಲ್ಲಿ ‘ರಾಹುಲ್ ಬ್ರಿಟನ್ ಪ್ರಜೆ’ ಎಂದು ಹೆಸರಿಸಿದ ಮಾತ್ರಕ್ಕೆ ಅವರು ಬ್ರಿಟನ್ನ ಪ್ರಜೆಯಾಗುತ್ತಾರೆಯೇ? ಅದು ಇರಲಿ. ನೀವು (ಅರ್ಜಿದಾರರು) ಯಾರು?</p>.<p><strong>ವಕೀಲ:</strong>ನಮ್ಮ ಅರ್ಜಿದಾರರು ದೀರ್ಘಕಾಲದಿಂದ ಸಮಾಜ ಸೇವೆ ಮತ್ತು ರಾಜಕೀಯದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ</p>.<p><strong>ಪೀಠ:</strong>ನೀವು ರಾಜಕಾರಣದಲ್ಲಿ ಇದ್ದೀರಾ? ಇರಲಿ. ನೀವೇ ಹೇಳಿದಂತೆ ರಾಹುಲ್ ಪೌರತ್ವದ ವಿಚಾರ 2005ರಿಂದಲೇ ಚರ್ಚೆಯಲ್ಲಿದೆ. ಹೀಗಿದ್ದೂ ಇಷ್ಟು ವರ್ಷ ನೀವು ಏನು ಮಾಡುತ್ತಿದ್ದಿರಿ?</p>.<p><strong>ವಕೀಲ:</strong>ನಮಗೆ ದಾಖಲೆಗಳು ಸಿಕ್ಕಿದ್ದೇ 2015ರಲ್ಲಿ.</p>.<p>ಪೀಠ:2015ರಲ್ಲಿ ದಾಖಲೆ ದೊರೆತರೂ ಅರ್ಜಿ ಸಲ್ಲಿಸಲು ಇಷ್ಟು ಸಮಯ ಹಿಡಿಯಿತೇ?</p>.<p><span style="color:#A52A2A;"><strong>ಇದನ್ನೂ ಓದಿ:</strong></span></p>.<p><a href="https://www.prajavani.net/stories/national/govts-notice-rahul-gandhi-over-633042.html" target="_blank">ಬ್ರಿಟಿಷ್ ಪೌರತ್ವ: ರಾಹುಲ್ ಗಾಂಧಿಗೆ ಗೃಹ ಸಚಿವಾಲಯ ನೋಟಿಸ್</a></p>.<p><a href="https://www.prajavani.net/stories/national/amethi-returning-officer-puts-630570.html?fbclid=IwAR0J8y1IGAGQ8222PyJFC4MuSiTLDNp0aF5FxsfxgVjucqXo-BLdhCe10r0" target="_blank">ರಾಹುಲ್ ಬ್ರಿಟನ್ ಪ್ರಜೆಯೇ?: ಪಕ್ಷೇತರ ಅಭ್ಯರ್ಥಿಯ ಪ್ರಶ್ನೆ</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong>ರಾಹುಲ್ ಗಾಂಧಿ ಅವರ ಪೌರತ್ವಕ್ಕೆ ಸಂಬಂಧಿಸಿದ ಪ್ರಕರಣ ಇತ್ಯರ್ಥವಾಗುವವರಗೆ ಚುನಾವಣೆಯಲ್ಲಿ ಅವರ ಸ್ಪರ್ಧೆಗೆ ತಡೆ ನೀಡಿ ಎಂದು ಕೇಂದ್ರ ಸರ್ಕಾರ ಮತ್ತು ಚುನಾವಣಾ ಆಯೋಗಕ್ಕೆ ನಿರ್ದೇಶನ ನೀಡಿ ಎಂದು ಕೋರಿದ್ದ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ಗುರುವಾರ ವಜಾ ಮಾಡಿದೆ.</p>.<p>ದೆಹಲಿ ನಿವಾಸಿಗಳಾದ ಜೈ ಭಗವಾನ್ ಗೋಯಲ್ ಮತ್ತು ಸಿ.ಪಿ.ತ್ಯಾಗಿ ಈ ಅರ್ಜಿ ಸಲ್ಲಿಸಿದ್ದರು. ‘ರಾಹುಲ್ ಅವರ ಪೌರತ್ವಕ್ಕೆ ಸಂಬಂಧಿಸಿದಂತೆ ಸುಬ್ರಮಣಿಯನ್ ಸ್ವಾಮಿ ಅವರು ಸಲ್ಲಿಸಿದ್ದ ದೂರಿಗೆ ಸರ್ಕಾರವಾಗಲೀ, ಚುನಾವಣಾ ಆಯೋಗವಾಗಲೀ ಸರಿಯಾಗಿ ಸ್ಪಂದಿಸಿಲ್ಲ. ಸರ್ಕಾರದ ಈ ನಡೆಯಿಂದ ನಮಗೆ ಅಸಮಾಧಾನವಾಗಿದೆ’ ಎಂದು ಅರ್ಜಿದಾರರು ತಿಳಿಸಿದ್ದರು.</p>.<p>ಮುಖ್ಯ ನ್ಯಾಯಮೂರ್ತಿ ರಂಜನ್ ಗೊಗೊಯಿ, ನ್ಯಾಯಮೂರ್ತಿಗಳಾದ ದೀಪಕ್ ಗುಪ್ತಾ ಮತ್ತು ಸಂಜೀವ್ ಖನ್ನಾ ಅವರಿದ್ದ ತ್ರಿಸದಸ್ಯ ಪೀಠವು ಈ ಅರ್ಜಿಯ ಪರಿಶೀಲನೆ ನಡೆಸಿತು.</p>.<p>‘ರಾಹುಲ್ ಅವರ ಪೌರತ್ವ ಇತ್ಯರ್ಥವಾಗುವವರೆಗೆ ಅವರು ಚುನಾವಣೆಯಲ್ಲಿ ಸ್ಪರ್ಧಿಸಬಾರದು. ಮತದಾರರ ಪಟ್ಟಿಯಿಂದಲೂ ಅವರ ಹೆಸರನ್ನು ತೆಗೆದುಹಾಕಬೇಕು’ ಎಂದು ಅರ್ಜಿದಾರರು ಕೋರಿದ್ದರು.</p>.<p>‘ರಾಹುಲ್ ಬ್ರಿಟನ್ ಪ್ರಜೆ ಎಂಬುದಕ್ಕೆ ದಾಖಲೆಗಳಿವೆ.ಆ ದಾಖಲೆಗಳನ್ನು ಸುಬ್ರಮಣಿಯನ್ ಸ್ವಾಮಿ ಅವರು ಕೇಂದ್ರ ಸರ್ಕಾರ ಮತ್ತು ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ್ದಾರೆ. ಆ ದಾಖಲೆಗಳನ್ನು ಸಾಕ್ಷ್ಯಗಳಾಗಿ ಪರಿಗಣಿಸಬೇಕು’ ಎಂದು ಅರ್ಜಿದಾರರ ಪರ ವಕೀಲರು ವಾದಿಸಿದರು.</p>.<p>ಅವರ ವಾದವನ್ನು ಪೀಠವು ತಿರಸ್ಕರಿಸಿತು. ‘ಯಾವುದೋ ಒಂದು ಕಂಪನಿ ತನ್ನ ದಾಖಲೆಯಲ್ಲಿ ಹಾಗೆ ಹೇಳಿಕೊಂಡ ಮಾತ್ರಕ್ಕೆ, ರಾಹುಲ್ ಆ ದೇಶದ ಪ್ರಜೆ ಎನ್ನಲು ಸಾಧ್ಯವಿಲ್ಲ’ ಎಂದು ಪೀಠವು ಅರ್ಜಿಯನ್ನು ತಿರಸ್ಕರಿಸಿತು.</p>.<p><strong>ಅರ್ಜಿ ಸಲ್ಲಿಸಲು ಇಷ್ಟು ವರ್ಷ ಬೇಕಾಯಿತೇ?</strong></p>.<p><strong>ಅರ್ಜಿದಾರರ ಪರ ವಕೀಲ:</strong>ಎರಡು ದೇಶಗಳ ಪೌರತ್ವ ಪಡೆದವರು ಚುನಾವಣೆಯಲ್ಲಿ ಸ್ಪರ್ಧಿಸಲು ಭಾರತದಲ್ಲಿ ಅವಕಾಶವಿಲ್ಲ. ಆದರೆ ಎರಡು ದೇಶಗಳ ಪೌರತ್ವ ಹೊಂದಿದ್ದರೂ ರಾಹುಲ್ ಗಾಂಧಿ ರಾಹುಲ್ ಗಾಂಧಿ ಪ್ರಧಾನಿಯಾಗಲು ಬಯಸಿದ್ದಾರೆ</p>.<p><strong>ಸುಪ್ರೀಂ ಕೋರ್ಟ್ ಪೀಠ:</strong>ಭಾರತದ ಪ್ರಧಾನಿಯಾಗಬೇಕು ಎಂದು ರಾಹುಲ್ ಗಾಂಧಿ ಬಯಸುತ್ತಿರುವುಂತೆ ಕಾಣುತ್ತಿಲ್ಲ. ಒಂದೊಮ್ಮೆ ಭಾರತದ 126 ಕೋಟಿ ಜನರು ‘ರಾಹುಲ್ ಪ್ರಧಾನಿಯಾಗಲಿ’ ಎಂದು ಬಯಸಿದರೆ, ನಿಮ್ಮಿಂದ ಯಾವುದೇ ಆಕ್ಷೇಪ ಇರುವುದಿಲ್ಲ ತಾನೇ?</p>.<p><strong>ವಕೀಲ:</strong>ಬ್ರಿಟನ್ನ ಬಾಕ್ಆಪ್ಸ್ ಲಿಮಿಟೆಡ್ನಲ್ಲಿ ರಾಹುಲ್ ಗಾಂಧಿ ನಿರ್ದೇಶಕರಾಗಿದ್ದಾರೆ. ಕಂಪನಿಯ ದಾಖಲೆಗಳಲ್ಲಿ ರಾಹುಲ್ ತಮ್ಮನ್ನು ತಾವು ಬ್ರಿಟನ್ ಪ್ರಜೆ ಎಂದು ಘೋಷಿಸಿಕೊಂಡಿದ್ದಾರೆ</p>.<p><strong>ಪೀಠ:</strong>ಯಾವುದೋ ಒಂದು ಕಂಪನಿ, ತನ್ನ ಯಾವುದೋ ಒಂದು ದಾಖಲೆಯಲ್ಲಿ ‘ರಾಹುಲ್ ಬ್ರಿಟನ್ ಪ್ರಜೆ’ ಎಂದು ಹೆಸರಿಸಿದ ಮಾತ್ರಕ್ಕೆ ಅವರು ಬ್ರಿಟನ್ನ ಪ್ರಜೆಯಾಗುತ್ತಾರೆಯೇ? ಅದು ಇರಲಿ. ನೀವು (ಅರ್ಜಿದಾರರು) ಯಾರು?</p>.<p><strong>ವಕೀಲ:</strong>ನಮ್ಮ ಅರ್ಜಿದಾರರು ದೀರ್ಘಕಾಲದಿಂದ ಸಮಾಜ ಸೇವೆ ಮತ್ತು ರಾಜಕೀಯದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ</p>.<p><strong>ಪೀಠ:</strong>ನೀವು ರಾಜಕಾರಣದಲ್ಲಿ ಇದ್ದೀರಾ? ಇರಲಿ. ನೀವೇ ಹೇಳಿದಂತೆ ರಾಹುಲ್ ಪೌರತ್ವದ ವಿಚಾರ 2005ರಿಂದಲೇ ಚರ್ಚೆಯಲ್ಲಿದೆ. ಹೀಗಿದ್ದೂ ಇಷ್ಟು ವರ್ಷ ನೀವು ಏನು ಮಾಡುತ್ತಿದ್ದಿರಿ?</p>.<p><strong>ವಕೀಲ:</strong>ನಮಗೆ ದಾಖಲೆಗಳು ಸಿಕ್ಕಿದ್ದೇ 2015ರಲ್ಲಿ.</p>.<p>ಪೀಠ:2015ರಲ್ಲಿ ದಾಖಲೆ ದೊರೆತರೂ ಅರ್ಜಿ ಸಲ್ಲಿಸಲು ಇಷ್ಟು ಸಮಯ ಹಿಡಿಯಿತೇ?</p>.<p><span style="color:#A52A2A;"><strong>ಇದನ್ನೂ ಓದಿ:</strong></span></p>.<p><a href="https://www.prajavani.net/stories/national/govts-notice-rahul-gandhi-over-633042.html" target="_blank">ಬ್ರಿಟಿಷ್ ಪೌರತ್ವ: ರಾಹುಲ್ ಗಾಂಧಿಗೆ ಗೃಹ ಸಚಿವಾಲಯ ನೋಟಿಸ್</a></p>.<p><a href="https://www.prajavani.net/stories/national/amethi-returning-officer-puts-630570.html?fbclid=IwAR0J8y1IGAGQ8222PyJFC4MuSiTLDNp0aF5FxsfxgVjucqXo-BLdhCe10r0" target="_blank">ರಾಹುಲ್ ಬ್ರಿಟನ್ ಪ್ರಜೆಯೇ?: ಪಕ್ಷೇತರ ಅಭ್ಯರ್ಥಿಯ ಪ್ರಶ್ನೆ</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
