<p><strong>ಜೋಶಿಮಠ</strong>: ಭೂಕುಸಿತದಿಂದ ನಲುಗಿರುವ ಉತ್ತರಾಖಂಡದ ಚಮೋಲಿ ಜಿಲ್ಲೆಯ ಜೋಶಿಮಠ ಪಟ್ಟಣದಿಂದ ಸಂತ್ರಸ್ತರನ್ನು ಸ್ಥಳಾಂತರಿಸಿದ್ದರೂ, ಅವರಿಗೆ ಶಾಶ್ವತ ಪುನರ್ವಸತಿ ಕಲ್ಪಿಸುವಲ್ಲಿ ಅನಿಶ್ಚಿತತೆ ಮುಂದುವರಿದಿದೆ.</p>.<p>ಜೋಶಿಮಠದಿಂದ ಸ್ಥಳಾಂತರಗೊಂಡಿರುವ ಹಲವು ಕುಟುಂಬಗಳು ಸಿಂಗ್ಧಾರ್ ವಾರ್ಡ್ನ ಶಾಲೆಯೊಂದರಲ್ಲಿ ತಾತ್ಕಾಲಿಕವಾಗಿ ಆಶ್ರಯ ಪಡೆದಿದ್ದವು, ಇದೀಗ ಶಾಲೆ ಆರಂಭಗೊಂಡಿರುವ ಕಾರಣ ಅವರನ್ನು ಸೇನೆಯ ತಾತ್ಕಾಲಿಕ ಪುನರ್ವಸತಿ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದೆ.</p>.<p>ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ಚಾರ್ಧಾಮ್ ಯಾತ್ರಿಕರು ಬಂದರೆ ಈಗಿರುವ ಸೇನೆಯ ಬ್ಯಾರೆಕ್ಗಳಿಂದಲೂ ತಾವು ಹೊರ ನಡೆಯಬೇಕಾದೀತು ಎಂಬ ಭಯ ಅವರನ್ನು ಕಾಡುತ್ತಿದೆ.</p>.<p>‘ಜನವರಿ 2ರಂದು ಜೋಶಿಮಠದಲ್ಲಿರುವ ನಮ್ಮ ಮನೆಯ ಪರಿಸರದಲ್ಲಿ ಭೂಕುಸಿತ ಆರಂಭವಾಯಿತು. ಮರುದಿನವೇ ನಮ್ಮ ಮನೆ ವಾಸಯೋಗ್ಯವಲ್ಲದಾಯಿತು’ ಎಂದು ಸೇನೆಯ ತಾತ್ಕಾಲಿಕ ಪುನರ್ವಸತಿ ಕೇಂದ್ರದಲ್ಲಿ ನೆಲೆಸಿರುವ ಭಾರತೀ ದೇವಿ ದುಗುಡ ತೋಡಿಕೊಂಡಿದ್ದಾರೆ.</p>.<p>‘ನಾವು ಮತ್ತು ನೆರೆಹೊರೆಯವರು ಮನೆಯಿಂದ ಕೈಗೆ ಸಿಕ್ಕಿದ ವಸ್ತುಗಳನ್ನು ತೆಗೆದುಕೊಂಡು ಶಾಲೆಯೊಂದರಲ್ಲಿ ಆಶ್ರಯ ಪಡೆದಿದ್ದೆವು. ಈಗ ಶಾಲೆ ಆರಂಭವಾಗಿದೆ ಮತ್ತು ನಮ್ಮನ್ನು ಅಲ್ಲಿಂದ ಹೊರಹಾಕಲಾಗಿದೆ’ ಎಂದೂ ದೂರಿದ್ದಾರೆ.</p>.<p>‘ನಮಗೆ ಮಾತ್ರ ವಾಸಿಸಲು ಮನೆ ಸಿಕ್ಕಿದರೆ ಸಾಲದು ನಮ್ಮ ಜಾನುವಾರುಗಳಿಗೂ ಸುರಕ್ಷಿತ ನೆಲೆ ಬೇಕು’ ಎಂದು ವಿಶ್ವೇಶ್ವರಿ ದೇವಿ ಎಂಬುವವರು ಆಗ್ರಹಿಸಿದ್ದಾರೆ.</p>.<p>26 ಕುಟುಂಬಗಳನ್ನು ಸಂಸ್ಕೃತ ಮಹಾವಿದ್ಯಾಲಯ ಕಟ್ಟಡಕ್ಕೆ ಸ್ಥಳಾಂತರಿಸಲಾಗಿದೆ. ಇನ್ನು ಕೆಲವೇ ದಿನಗಳಲ್ಲಿ ಮಹಾವಿದ್ಯಾಲಯ ಆರಂಭವಾಗಲಿದ್ದು, ಮುಂದೇನು ಎಂಬ ಪ್ರಶ್ನೆ ಇವರನ್ನು ಕಾಡುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೋಶಿಮಠ</strong>: ಭೂಕುಸಿತದಿಂದ ನಲುಗಿರುವ ಉತ್ತರಾಖಂಡದ ಚಮೋಲಿ ಜಿಲ್ಲೆಯ ಜೋಶಿಮಠ ಪಟ್ಟಣದಿಂದ ಸಂತ್ರಸ್ತರನ್ನು ಸ್ಥಳಾಂತರಿಸಿದ್ದರೂ, ಅವರಿಗೆ ಶಾಶ್ವತ ಪುನರ್ವಸತಿ ಕಲ್ಪಿಸುವಲ್ಲಿ ಅನಿಶ್ಚಿತತೆ ಮುಂದುವರಿದಿದೆ.</p>.<p>ಜೋಶಿಮಠದಿಂದ ಸ್ಥಳಾಂತರಗೊಂಡಿರುವ ಹಲವು ಕುಟುಂಬಗಳು ಸಿಂಗ್ಧಾರ್ ವಾರ್ಡ್ನ ಶಾಲೆಯೊಂದರಲ್ಲಿ ತಾತ್ಕಾಲಿಕವಾಗಿ ಆಶ್ರಯ ಪಡೆದಿದ್ದವು, ಇದೀಗ ಶಾಲೆ ಆರಂಭಗೊಂಡಿರುವ ಕಾರಣ ಅವರನ್ನು ಸೇನೆಯ ತಾತ್ಕಾಲಿಕ ಪುನರ್ವಸತಿ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದೆ.</p>.<p>ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ಚಾರ್ಧಾಮ್ ಯಾತ್ರಿಕರು ಬಂದರೆ ಈಗಿರುವ ಸೇನೆಯ ಬ್ಯಾರೆಕ್ಗಳಿಂದಲೂ ತಾವು ಹೊರ ನಡೆಯಬೇಕಾದೀತು ಎಂಬ ಭಯ ಅವರನ್ನು ಕಾಡುತ್ತಿದೆ.</p>.<p>‘ಜನವರಿ 2ರಂದು ಜೋಶಿಮಠದಲ್ಲಿರುವ ನಮ್ಮ ಮನೆಯ ಪರಿಸರದಲ್ಲಿ ಭೂಕುಸಿತ ಆರಂಭವಾಯಿತು. ಮರುದಿನವೇ ನಮ್ಮ ಮನೆ ವಾಸಯೋಗ್ಯವಲ್ಲದಾಯಿತು’ ಎಂದು ಸೇನೆಯ ತಾತ್ಕಾಲಿಕ ಪುನರ್ವಸತಿ ಕೇಂದ್ರದಲ್ಲಿ ನೆಲೆಸಿರುವ ಭಾರತೀ ದೇವಿ ದುಗುಡ ತೋಡಿಕೊಂಡಿದ್ದಾರೆ.</p>.<p>‘ನಾವು ಮತ್ತು ನೆರೆಹೊರೆಯವರು ಮನೆಯಿಂದ ಕೈಗೆ ಸಿಕ್ಕಿದ ವಸ್ತುಗಳನ್ನು ತೆಗೆದುಕೊಂಡು ಶಾಲೆಯೊಂದರಲ್ಲಿ ಆಶ್ರಯ ಪಡೆದಿದ್ದೆವು. ಈಗ ಶಾಲೆ ಆರಂಭವಾಗಿದೆ ಮತ್ತು ನಮ್ಮನ್ನು ಅಲ್ಲಿಂದ ಹೊರಹಾಕಲಾಗಿದೆ’ ಎಂದೂ ದೂರಿದ್ದಾರೆ.</p>.<p>‘ನಮಗೆ ಮಾತ್ರ ವಾಸಿಸಲು ಮನೆ ಸಿಕ್ಕಿದರೆ ಸಾಲದು ನಮ್ಮ ಜಾನುವಾರುಗಳಿಗೂ ಸುರಕ್ಷಿತ ನೆಲೆ ಬೇಕು’ ಎಂದು ವಿಶ್ವೇಶ್ವರಿ ದೇವಿ ಎಂಬುವವರು ಆಗ್ರಹಿಸಿದ್ದಾರೆ.</p>.<p>26 ಕುಟುಂಬಗಳನ್ನು ಸಂಸ್ಕೃತ ಮಹಾವಿದ್ಯಾಲಯ ಕಟ್ಟಡಕ್ಕೆ ಸ್ಥಳಾಂತರಿಸಲಾಗಿದೆ. ಇನ್ನು ಕೆಲವೇ ದಿನಗಳಲ್ಲಿ ಮಹಾವಿದ್ಯಾಲಯ ಆರಂಭವಾಗಲಿದ್ದು, ಮುಂದೇನು ಎಂಬ ಪ್ರಶ್ನೆ ಇವರನ್ನು ಕಾಡುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
