<p><strong>ವಯನಾಡ್</strong>: ಸುಮಾರು ಮೂರು ತಿಂಗಳ ಹಿಂದೆ ಸಂಭವಿಸಿದ ಭೀಕರ ಭೂಕುಸಿತದ ನೆನಪುಗಳು ಇನ್ನೂ ಮಾಸಿಲ್ಲ. ಭೂಕುಸಿತದ ಸಂತ್ರಸ್ತರು ತಮ್ಮ ನೆನಪುಗಳ ಭಾರವನ್ನು ಹೊತ್ತುಕೊಂಡು ತಮಗಾಗಿಯೇ ಇಲ್ಲಿ ಸಿದ್ಧಪಡಿಸಲಾಗಿದ್ದ ಮತಗಟ್ಟೆಗೆ ಬುಧವಾರ ಬಂದಿದ್ದರು. ಸಂತ್ರಸ್ತರ ಕಣ್ಣೀರಿನ, ಅಪ್ಪುಗೆಯ ಭಾನಾತ್ಮಕ ದೃಶ್ಯಗಳಿಗೆ ಈ ಮತಗಟ್ಟೆಯು ಸಾಕ್ಷಿಯಾಯಿತು.</p><p>ಮತಗಟ್ಟೆಯಲ್ಲಿನ ಇಡೀ ವಾತಾವರಣವೇ ದುಃಖದಿಂದ ಕೂಡಿತ್ತು. ಆದರೆ, ಸಂತ್ರಸ್ತರು ಧೃತಿಗೆಟ್ಟಿರಲಿಲ್ಲ, ಧೈರ್ಯದಿಂದಲೇ ಇದ್ದರು. ಭೂಕುಸಿತದಿಂದ ತೀವ್ರ ಹಾನಿಗೊಳಲಾಗಿದ್ದ ಮುಂಡಕ್ಕೈ, ಚೂರಲ್ಮಲ ಹಾಗೂ ಪುಂಜಿರಿಮಟ್ಟಂ ಗ್ರಾಮಗಳ ಜನರು ಪರಸ್ಪರ ಕುಶಲೋಪರಿ ನಡೆಸಿದರು. ಭೂಕುಸಿತಕ್ಕೂ ಹಿಂದಿನ ಸಿಹಿ ನೆನಪುಗಳನ್ನು ಮೆಲುಕು ಹಾಕಿದರು.</p><p>‘ಮೇ ತಿಂಗಳಲ್ಲಿ ಲೋಕಸಭೆ ಚುನಾವಣೆ ವೇಳೆ ನಮ್ಮ ಪ್ರೀತಿಪಾತ್ರರೊಂದಿಗೆ ಮತಗಟ್ಟೆಗೆ ಬಂದು ಮತದಾನ ಮಾಡಿದ್ದೇವು. ನಂತರ ಏನೆಲ್ಲಾ ನಡೆದು ಹೋಯಿತು. ಈಗ ನಮ್ಮವರನ್ನು ಕಳೆದುಕೊಂಡು, ಉಪಚುನಾವಣೆಯ ಮತದಾನಕ್ಕೆ ಬಂದಿದ್ದೇವೆ’ ಎಂಬೆಲ್ಲಾ ಮಾತುಗಳು ಸಂತ್ರಸ್ತರ ನಡುವೆ ಸುಳಿದವು.</p><p>‘ಊರಿಗೇ ಊರೇ ಒಂದು ದೊಡ್ಡ ಕುಟುಂಬದಂತೆ ಇದ್ದೆವು. ಜಾತಿ, ಧರ್ಮದ ಎಲ್ಲೆಗಳನ್ನು ಮೀರಿ ಎಲ್ಲ ಹಬ್ಬಗಳನ್ನೂ ಈ ಮೂರು ಊರಿನ ಜನರು ಒಟ್ಟಿಗೆ ಆಚರಿಸುತ್ತಿದ್ದೆವು. ಆದರೆ, 100 ದಿನಗಳ ಹಿಂದೆ ನಮ್ಮ ಖುಷಿ, ನಮ್ಮದು ಎಂದಿದ್ದ ಎಲ್ಲವನ್ನೂ ಭೂಕುಸಿತ ಕಸಿದುಕೊಂಡಿತು’ ಎನ್ನುತ್ತಾ ವೃದ್ಧರೊಬ್ಬರು ಕಣ್ಣೀರು ಸುರಿಸಿದರು.</p><p>ಸಂತ್ರಸ್ತರಿಗೆ ವಿವಿಧೆಡೆ ವಸತಿ ವ್ಯವಸ್ಥೆಯನ್ನು ಮಾಡಲಾಗಿದೆ. ಆದ್ದರಿಂದ, ಇವರೆಲ್ಲರಿಗೂ ಆಡಳಿತವು ಬಸ್ ವ್ಯವಸ್ಥೆ ಕಲ್ಪಿಸಿತ್ತು. ಬಸ್ನಲ್ಲಿ ಸಿಕ್ಕ ಪ್ರೀತಿಪಾತ್ರರನ್ನು ಸಂತೈಸುತ್ತಿದ್ದ ವೃದ್ಧರೊಬ್ಬರು, ‘ಅಳ ಬೇಡ. ಎಲ್ಲವೂ ಸರಿ ಹೋಗುತ್ತದೆ. ಒಳ್ಳೆಯದೇ ಆಗುತ್ತದೆ’ ಎಂದರು.</p><p>‘ನಾವು ಊರಿನವರು ಈಗ ಬೇರೆ ಬೇರೆ ಕಡೆಗಳಲ್ಲಿ ಉಳಿದುಕೊಂಡಿದ್ದೇವೆ. ಇಷ್ಟೊಂದು ದಿನಗಳ ಬಳಿಕ ಒಬ್ಬರನ್ನೊಬ್ಬರು ನೋಡುತ್ತಿದ್ದೇವೆ. ನಮ್ಮವರನ್ನು ನೋಡಿದ ಕೂಡಲೇ ನಾವು ಮೊದಲು ‘ಹೇಗಿದ್ದೀಯಾ?’ ಎಂದು ಕೇಳಲಿಲ್ಲ. ‘ಎಲ್ಲಿದ್ದೀಯಾ?’ ಎಂದು ಕೇಳಿಕೊಂಡೆವು’ ಎಂದು ಮಹಿಳೆಯೊಬ್ಬರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಯನಾಡ್</strong>: ಸುಮಾರು ಮೂರು ತಿಂಗಳ ಹಿಂದೆ ಸಂಭವಿಸಿದ ಭೀಕರ ಭೂಕುಸಿತದ ನೆನಪುಗಳು ಇನ್ನೂ ಮಾಸಿಲ್ಲ. ಭೂಕುಸಿತದ ಸಂತ್ರಸ್ತರು ತಮ್ಮ ನೆನಪುಗಳ ಭಾರವನ್ನು ಹೊತ್ತುಕೊಂಡು ತಮಗಾಗಿಯೇ ಇಲ್ಲಿ ಸಿದ್ಧಪಡಿಸಲಾಗಿದ್ದ ಮತಗಟ್ಟೆಗೆ ಬುಧವಾರ ಬಂದಿದ್ದರು. ಸಂತ್ರಸ್ತರ ಕಣ್ಣೀರಿನ, ಅಪ್ಪುಗೆಯ ಭಾನಾತ್ಮಕ ದೃಶ್ಯಗಳಿಗೆ ಈ ಮತಗಟ್ಟೆಯು ಸಾಕ್ಷಿಯಾಯಿತು.</p><p>ಮತಗಟ್ಟೆಯಲ್ಲಿನ ಇಡೀ ವಾತಾವರಣವೇ ದುಃಖದಿಂದ ಕೂಡಿತ್ತು. ಆದರೆ, ಸಂತ್ರಸ್ತರು ಧೃತಿಗೆಟ್ಟಿರಲಿಲ್ಲ, ಧೈರ್ಯದಿಂದಲೇ ಇದ್ದರು. ಭೂಕುಸಿತದಿಂದ ತೀವ್ರ ಹಾನಿಗೊಳಲಾಗಿದ್ದ ಮುಂಡಕ್ಕೈ, ಚೂರಲ್ಮಲ ಹಾಗೂ ಪುಂಜಿರಿಮಟ್ಟಂ ಗ್ರಾಮಗಳ ಜನರು ಪರಸ್ಪರ ಕುಶಲೋಪರಿ ನಡೆಸಿದರು. ಭೂಕುಸಿತಕ್ಕೂ ಹಿಂದಿನ ಸಿಹಿ ನೆನಪುಗಳನ್ನು ಮೆಲುಕು ಹಾಕಿದರು.</p><p>‘ಮೇ ತಿಂಗಳಲ್ಲಿ ಲೋಕಸಭೆ ಚುನಾವಣೆ ವೇಳೆ ನಮ್ಮ ಪ್ರೀತಿಪಾತ್ರರೊಂದಿಗೆ ಮತಗಟ್ಟೆಗೆ ಬಂದು ಮತದಾನ ಮಾಡಿದ್ದೇವು. ನಂತರ ಏನೆಲ್ಲಾ ನಡೆದು ಹೋಯಿತು. ಈಗ ನಮ್ಮವರನ್ನು ಕಳೆದುಕೊಂಡು, ಉಪಚುನಾವಣೆಯ ಮತದಾನಕ್ಕೆ ಬಂದಿದ್ದೇವೆ’ ಎಂಬೆಲ್ಲಾ ಮಾತುಗಳು ಸಂತ್ರಸ್ತರ ನಡುವೆ ಸುಳಿದವು.</p><p>‘ಊರಿಗೇ ಊರೇ ಒಂದು ದೊಡ್ಡ ಕುಟುಂಬದಂತೆ ಇದ್ದೆವು. ಜಾತಿ, ಧರ್ಮದ ಎಲ್ಲೆಗಳನ್ನು ಮೀರಿ ಎಲ್ಲ ಹಬ್ಬಗಳನ್ನೂ ಈ ಮೂರು ಊರಿನ ಜನರು ಒಟ್ಟಿಗೆ ಆಚರಿಸುತ್ತಿದ್ದೆವು. ಆದರೆ, 100 ದಿನಗಳ ಹಿಂದೆ ನಮ್ಮ ಖುಷಿ, ನಮ್ಮದು ಎಂದಿದ್ದ ಎಲ್ಲವನ್ನೂ ಭೂಕುಸಿತ ಕಸಿದುಕೊಂಡಿತು’ ಎನ್ನುತ್ತಾ ವೃದ್ಧರೊಬ್ಬರು ಕಣ್ಣೀರು ಸುರಿಸಿದರು.</p><p>ಸಂತ್ರಸ್ತರಿಗೆ ವಿವಿಧೆಡೆ ವಸತಿ ವ್ಯವಸ್ಥೆಯನ್ನು ಮಾಡಲಾಗಿದೆ. ಆದ್ದರಿಂದ, ಇವರೆಲ್ಲರಿಗೂ ಆಡಳಿತವು ಬಸ್ ವ್ಯವಸ್ಥೆ ಕಲ್ಪಿಸಿತ್ತು. ಬಸ್ನಲ್ಲಿ ಸಿಕ್ಕ ಪ್ರೀತಿಪಾತ್ರರನ್ನು ಸಂತೈಸುತ್ತಿದ್ದ ವೃದ್ಧರೊಬ್ಬರು, ‘ಅಳ ಬೇಡ. ಎಲ್ಲವೂ ಸರಿ ಹೋಗುತ್ತದೆ. ಒಳ್ಳೆಯದೇ ಆಗುತ್ತದೆ’ ಎಂದರು.</p><p>‘ನಾವು ಊರಿನವರು ಈಗ ಬೇರೆ ಬೇರೆ ಕಡೆಗಳಲ್ಲಿ ಉಳಿದುಕೊಂಡಿದ್ದೇವೆ. ಇಷ್ಟೊಂದು ದಿನಗಳ ಬಳಿಕ ಒಬ್ಬರನ್ನೊಬ್ಬರು ನೋಡುತ್ತಿದ್ದೇವೆ. ನಮ್ಮವರನ್ನು ನೋಡಿದ ಕೂಡಲೇ ನಾವು ಮೊದಲು ‘ಹೇಗಿದ್ದೀಯಾ?’ ಎಂದು ಕೇಳಲಿಲ್ಲ. ‘ಎಲ್ಲಿದ್ದೀಯಾ?’ ಎಂದು ಕೇಳಿಕೊಂಡೆವು’ ಎಂದು ಮಹಿಳೆಯೊಬ್ಬರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
