Wayanad Bypoll | ಲೋಕಸಭೆಯಲ್ಲಿ ಕ್ಷೇತ್ರಕ್ಕೆ ಇಬ್ಬರು ಸದಸ್ಯರು: ರಾಹುಲ್ ಗಾಂಧಿ

ವಯನಾಡ್: ‘ಕಷ್ಟದ ಕಾಲದಲ್ಲಿ ವಯನಾಡ್ ನನ್ನ ಕೈಹಿಡಿದಿದೆ. ಅದೇ ರೀತಿ ಸೋದರಿ ಪ್ರಿಯಾಂಕಾ ಗಾಂಧಿ ವಾದ್ರಾರನ್ನೂ ಇಲ್ಲಿನ ಜನ ಕೈಹಿಡಿಯುವ ವಿಶ್ವಾಸವಿದೆ. ಆ ಮೂಲಕ ಲೋಕಸಭೆಯಲ್ಲಿ ವಯನಾಡ್ ಭಾವನಾತ್ಮಕವಾಗಿ ಇಬ್ಬರು ಸದಸ್ಯರನ್ನು ಹೊಂದಿದಂತಾಗಲಿದೆ’ ಎಂದು ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಹೇಳಿದ್ದಾರೆ.

ಪ್ರಿಯಾಂಕಾ ಗಾಂಧಿ ಅವರ ನಾಮಪತ್ರ ಸಲ್ಲಿಕೆ ನಂತರ ಕಲಪೆಟ್ಟಾದಲ್ಲಿ ಸಾರ್ವಜನಿಕ ಸಮಾವೇಶವನ್ನು ಉದ್ದೇಶಿಸಿ ಮಾತನಾಡಿದ ಅವರು, ತಮ್ಮ ಮುಂಗೈಯಲ್ಲಿದ್ದ ರಾಖಿಯನ್ನು ಜನರತ್ತ ತೋರಿಸಿ, ‘ಇದನ್ನು ನನ್ನ ತಂಗಿಯೇ ಸಿದ್ಧಪಡಿಸಿ ನನಗೆ ಕಟ್ಟಿದ್ದಾಳೆ. ಆ ಮೂಲಕ ಅಣ್ಣನ ಅಭಯವನ್ನು ಬಯಸಿದ್ದಾಳೆ. ವಯನಾಡ್ನ ಅಭಿವೃದ್ಧಿಗೆ ಪ್ರಿಯಾಂಕಾ ತನ್ನ ಸರ್ವ ಶಕ್ತಿಯನ್ನೂ ಧಾರೆ ಎರೆಯಲಿದ್ದಾಳೆ’ ಎಂದು ಭರವಸೆ ನೀಡಿದ್ದಾರೆ.

.ವಯನಾಡ್ ಉಪ ಚುನಾವಣೆ: ಪ್ರಿಯಾಂಕಾ ಗಾಂಧಿ ನಾಮಪತ್ರ– ಮಿಂಚಿದ ಸಿದ್ದರಾಮಯ್ಯ.Wayanad bypoll: ಭರ್ಜರಿ ರೋಡ್ ಶೋ; ನಾಮಪತ್ರ ಸಲ್ಲಿಸಿದ ಪ್ರಿಯಾಂಕಾ. ‘ವಯನಾಡ್ಗೆ ಒಬ್ಬರು ಅಧಿಕೃತ ಸಂಸದರಾದರೆ, ಮತ್ತೊಬ್ಬರು ಅಧಿಕೃತವಲ್ಲದಿದ್ದರೂ ಕ್ಷೇತ್ರದ ಹಿತಕ್ಕಾಗಿ ಭಾವನಾತ್ಮಕವಾಗಿ ಕೆಲಸ ಮಾಡುವವರು. ಹೀಗಾಗಿ ವಯನಾಡ್ ಜನರ ಸಮಸ್ಯೆಗಳನ್ನು ಪರಿಹರಿಸಲು ನಾನು ಸದಾ ಇಲ್ಲಿಗೆ ಬರುವೆ’ ಎಂದಿದ್ದಾರೆ.

‘ನಮ್ಮ ತಂದೆ ರಾಜೀವ್ ಗಾಂಧಿ ತೀರಿಕೊಂಡಾಗ ನನ್ನ ತಾಯಿ ಎಲ್ಲವನ್ನೂ ಕಳೆದುಕೊಂಡಿದ್ದರು. ಆದರೆ ಸೋದರಿ ಪ್ರಿಯಾಂಕಾ ನನ್ನ ತಾಯಿಯನ್ನು ನೋಡಿಕೊಂಡರು. ವಯನಾಡ್ ಅನ್ನೂ ತನ್ನ ಕುಟುಂಬ ಎಂದೇ ಪರಿಗಣಿಸಿರುವ ಪ್ರಿಯಾಂಕಾ, ಅಲ್ಲಿನ ಜನರ ಹಿತಕ್ಕಾಗಿ ಎಲ್ಲವನ್ನೂ ತ್ಯಾಗ ಮಾಡಬಲ್ಲವರು’ ಎಂದಿದ್ದಾರೆ.

ಪ್ರಿಯಾಂಕಾ ಗಾಂಧಿ ಅವರ ನಾಮಪತ್ರ ಸಲ್ಲಿಕೆ ಸಂದರ್ಭದಲ್ಲಿ ಆಯೋಜಿಸಲಾಗಿದ್ದ ಬೃಹತ್ ರೋಡ್ ಶೋನಲ್ಲಿ ಅವರ ತಾಯಿ ಸೋನಿಯಾ ಗಾಂಧಿ, ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ. ಪ್ರಧಾನ ಕಾರ್ಯದರ್ಶಿ ಕೆ.ಸಿ. ವೇಣುಗೋಪಾಲ್ ಇದ್ದರು.

ವಯನಾಡ್ ಲೋಕಸಭಾ ಕ್ಷೇತ್ರದ ಉಪಚುನಾವಣೆಯಲ್ಲಿ ಪ್ರಿಯಾಂಕಾ ವಿರುದ್ಧ ಎಲ್ಡಿಎಫ್ನ ಸತ್ಯನ್ ಮೊಕೇರಿ ಹಾಗೂ ಬಿಜೆಪಿಯ ನವ್ಯಾ ಹರಿದಾಸ್ ಸ್ಪರ್ಧಿಸಿದ್ದಾರೆ. ನ. 13ರಂದು ಇಲ್ಲಿ ಮತದಾನ ನಡೆಯಲಿದೆ.

.Wayand By poll | 35 ವರ್ಷಗಳ ರಾಜಕೀಯ ಅನುಭವವಿದೆ: BJP ಅಭ್ಯರ್ಥಿಗೆ ಪ್ರಿಯಾಂಕಾ.Wayanad Bypoll | ಮೈಸೂರಿಗೆ ಸೋನಿಯಾ, ಪ್ರಿಯಾಂಕಾ ಭೇಟಿ; ವಯನಾಡ್ಗೆ ಪ್ರಯಾಣ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.