ವಿಪಕ್ಷ ನಾಯಕ ಅಶೋಕ ವಿರುದ್ಧ ಅಕ್ರಮ ಡಿನೋಟಿಫೈ ಆರೋಪ

‘2003ರಿಂದ ದಾನವಾಗಿ ವಾಪಸ್‌ ಕೊಡುವವರೆಗೂ ಈ ವಿವಾದಿತ ಜಮೀನಿನಲ್ಲಿ 15 ಶೆಡ್‌, ಎರಡು ಕಾರ್‌ ಗ್ಯಾರೇಜ್‌ ಮತ್ತು ಗೋದಾಮು ನಿರ್ಮಿಸಿ ಕೋಟ್ಯಂತರ ರೂಪಾಯಿಯನ್ನು ಬಾಡಿಗೆ
ಯಾಗಿ ಅಶೋಕ ಪಡೆದಿದ್ದಾರೆ. ಅಕ್ರಮವಾಗಿ ಸಂಪಾದಿಸಿದ ಆಸ್ತಿಯಲ್ಲಿ ಗಳಿಸಿದ ಹಣ ಕೂಡಾ ಹಣ ಪಿಎಂಎಲ್ಎ ಅಡಿ ಅಪರಾಧ ಅಲ್ಲವೇ’ ಎಂದೂ ಪರಮೇಶ್ವರ ಪ್ರಶ್ನಿಸಿದರು.

‘ಲೊಟ್ಟೆಗೊಲ್ಲಹಳ್ಳಿಯ ಸರ್ವೆ ನಂಬರ್‌ 10/1,10/11, ಎಫ್‌1 ಮತ್ತು 10/11 ಎಫ್2ರ 32 ಗಂಟೆ ಪ್ರದೇಶವನ್ನು ಭೂಸ್ವಾಧೀನಪಡಿಸಿಕೊಳ್ಳಲು ಬಿಡಿಎ 1977ರಲ್ಲಿ ಪ್ರಾಥಮಿಕ ಅಧಿಸೂಚನೆ ಹೊರಡಿಸಿ, 1978ರಲ್ಲಿ ಅಂತಿಮ ಅಧಿಸೂಚನೆ ಹೊರಡಿಸಿತ್ತು. ಆದರೆ, ಬಿಡಿಎ ವಶದಲ್ಲಿದ್ದ ಈ ಜಾಗವನ್ನು ಅದರ ಮೂಲ ಮಾಲೀಕರಿಂದ ಎರಡು ಶುದ್ಧಕ್ರಯ ಪತ್ರದ ಮೂಲಕ 2003 ಮತ್ತು 2007ರಲ್ಲಿ ಅಶೋಕ ಖರೀದಿಸಿದ್ದರು. ಈ ಜಾಗ ಡಿನೋಟಿಫಿಕೇಶನ್‌ ಮಾಡಿಸಿಕೊಡುವಂತೆ ರಾಮಸ್ವಾಮಿ ಎಂಬವರ ಹೆಸರಿನಲ್ಲಿ 2009ರಲ್ಲಿ ಅಂದಿನ ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಅವರು ಮುಂದೆ ಬಂದಿತ್ತು. ಎರಡೇ ತಿಂಗಳಿನಲ್ಲಿ ಡಿನೋಟಿಫಿಕೇಷನ್‌ ಮಾಡಲಾಗಿತ್ತು’ ಎಂದು ಪರಮೇಶ್ವರ ತಿಳಿಸಿದರು.