<p><strong>ಡಾ. ಶಂ. ಬಾ. ಜೋಶಿ ವೇದಿಕೆ (ಧಾರವಾಡ):</strong> ‘ಇಂದಿನ ರಾಜಕೀಯ ಮತ್ತು ಧಾರ್ಮಿಕ ಸ್ಥಿತಿ ಅಲ್ಲೋಲಕಲ್ಲೋಲವಾಗಿದೆ. ಇವೆರಡೂ ಅತ್ಯಂತ ಭ್ರಷ್ಟವಾದ ಹೊತ್ತಿನಲ್ಲೂ ರಾಜಕೀಯ ಮತ್ತು ಧಾರ್ಮಿಕ ಪ್ರಜ್ಞೆ ಮೂಡಿಸುವ ಕೃತಿಗಳು ಬರುತ್ತಿಲ್ಲ’ ಎಂದು ಹಿರಿಯ ವಿಮರ್ಶಕ ಡಾ. ನರಹಳ್ಳಿ ಬಾಲಸುಬ್ರಹ್ಮಣ್ಯ ವಿಷಾದಿಸಿದರು.</p>.<p>‘ಮರುಚಿಂತನೆ: ಆಧುನಿಕ ಸಾಹಿತ್ಯ’ ಗೋಷ್ಠಿಯಲ್ಲಿ ಮಾತನಾಡಿದ ಅವರು, ಈಗಿನ ಸಮ್ಮೇಳನಗಳಲ್ಲಿಯೂ ಕನ್ನಡ ಕಟ್ಟುವ ನಿಜವಾದ ಕಾಳಜಿ ಇಲ್ಲದಂತಾಗಿದೆ. ಕೇವಲ ಅದ್ಧೂರಿ ಸಮಾರಂಭಗಳಿಗೆ ಸೀಮಿತವಾಗುತ್ತಿದೆ ಎಂದು ಬೇಸರ ವ್ಯಕ್ತಪಡಿಸಿದರು.</p>.<p>ಕನ್ನಡದ ಪ್ರಮುಖ ಲೇಖಕರ ಕೃತಿಗಳು ಪರಾಮರ್ಶೆಗೆ ದೊರೆಯುವ ರೀತಿಯಲ್ಲಿ ಸುಸಜ್ಜಿತವಾದ ಗ್ರಂಥಾಲಯವನ್ನು ಕನ್ನಡ ಸಾಹಿತ್ಯ ಪರಿಷತ್ತು ಸ್ಥಾಪಿಸಬೇಕು ಎಂದು ಆಗ್ರಹಿಸಿದ ಅವರು, 'ಗುಲ್ವಾಡಿ ವೆಂಕಟರಾವ್ ಅವರ ಕೃತಿಗಳು ಸೇರಿದಂತೆ ಹಲವು ಹಿರಿಯ ಲೇಖಕರ ಕೃತಿಗಳು ಸಿಗುತ್ತಿಲ್ಲ. ಈ ಕೊರತೆಯನ್ನು ನೀಗಿಸುವ ಅಗತ್ಯವಿದೆ. ಒಂದೇ ಸೂರಿನ ಅಡಿಯಲ್ಲಿ ನಮಗೆ ಬೇಕಾಗುವ ಎಲ್ಲ ಕೃತಿಗಳು ಲಭ್ಯವಾಗಬೇಕು. ಇದರಿಂದ, ಸಂಶೋಧಕರಿಗೂ ಅನುಕೂಲವಾಗುತ್ತದೆ. ಈ ಕಾರ್ಯಕ್ಕೆ ₹10 ಕೋಟಿ ಮೀಸಲಿಡಬೇಕು’ ಎಂದು ಪ್ರತಿಪಾದಿಸಿದರು.</p>.<p>‘ಈ ಮೊದಲು ಸಮ್ಮೇಳನಕ್ಕೆ ಒಂದರಿಂದ ಎರಡು ಕೋಟಿ ರೂಪಾಯಿ ಖರ್ಚಾಗುತ್ತಿತ್ತು. ಈಗ ₹12 ಕೋಟಿ ಅಗತ್ಯವಿದೆ ಎಂದು ಹೇಳುತ್ತಾರೆ. ಒಂದು ವರ್ಷ ಸಮ್ಮೇಳನ ನಡೆಸದೆ ಮಹತ್ವದ ಉದ್ದೇಶ ಹೊಂದಿರುವ ಗ್ರಂಥಾಲಯಕ್ಕೆ ಅನುದಾನ ನೀಡಬೇಕು. ಇದೇ ನಿಜವಾದ ಕನ್ನಡ ಕಟ್ಟುವ ಕೆಲಸ. ಈ ಹಿಂದೆ ನಾನು ಪರಿಷತ್ತಿನ ಗೌರವ ಕಾರ್ಯದರ್ಶಿಯಾಗಿದ್ದಾಗ ಈ ವಿಷಯವನ್ನು ಪ್ರಸ್ತಾಪಿಸಿದ್ದೆ. ಆಗ ಕಾರ್ಯಕಾರಿಣಿಯ 37 ಸದಸ್ಯರಲ್ಲಿ ವಿವೇಕ ರೈ ಅವರನ್ನು ಹೊರತುಪಡಿಸಿ ಯಾರೂ ಬೆಂಬಲ ನೀಡಲಿಲ್ಲ’ ಎಂದು ತಮಗಾದ ಅನುಭವವನ್ನು ಬಿಚ್ಚಿಟ್ಟರು.</p>.<p><strong>ಸಮ್ಮೇಳನ ಉದ್ಘಾಟನೆ ವಿಳಂಬಕ್ಕೆ ಆಕ್ರೋಶ</strong></p>.<p>ಸಾಹಿತ್ಯ ಸಮ್ಮೇಳನದ ಮೊದಲ ದಿನವಾದ ಶುಕ್ರವಾರ ಉದ್ಘಾಟನಾ ಸಮಾರಂಭ ವಿಳಂಬವಾಗಿದ್ದನ್ನು ಪ್ರಸ್ತಾಪಿಸಿದ ಡಾ. ನರಹಳ್ಳಿ ಬಾಲಸುಬ್ರಹ್ಮಣ್ಯ, ‘ಒಬ್ಬರಿಂದ ಪ್ರತಿಯೊಬ್ಬರ ನಾಲ್ಕು ಗಂಟೆ ಸಮಯ ವ್ಯರ್ಥವಾಯಿತು. ರಾಜಕೀಯ ನಾಯಕರಾದವರಿಗೆ ಜವಾಬ್ದಾರಿ ಇರಬೇಕು’ ಎಂದು ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರ ಹೆಸರು ಹೇಳದೇ ಕಿಡಿಕಾರಿದರು.</p>.<p><strong>ಮೈಕ್ ವ್ಯವಸ್ಥೆಗೆ ವಿಳಂಬ:</strong> ಗೋಷ್ಠಿ ನಡೆದ ರೈತರ ಜ್ಞಾನಾಭಿವೃದ್ಧಿ ಕೇಂದ್ರ ಸಭಾಂಗಣದಲ್ಲಿ ಮೈಕ್ ವ್ಯವಸ್ಥೆ ಕಲ್ಪಿಸುವುದು ವಿಳಂಬವಾಯಿತು. ಇದರಿಂದ ಬೆಳಿಗ್ಗೆ 9.45ಕ್ಕೆ ಆರಂಭವಾಗಿದ್ದ ಗೋಷ್ಠಿಯು ಸುಮಾರು 45 ನಿಮಿಷ ತಡವಾಗಿ ಆರಂಭವಾಯಿತು.</p>.<p>ಇದಕ್ಕೆ ಸಂಘಟಕರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಡಾ. ನರಹಳ್ಳಿ, ‘ನಿಮಗೆ ಜವಾಬ್ದಾರಿ ಇಲ್ಲವೇ? ಕೋಟ್ಯಂತರ ರೂಪಾಯಿ ಖರ್ಚು ಮಾಡ್ತಾರೆ. ಒಂದು ಮೈಕ್ ವ್ಯವಸ್ಥೆ ಕಲ್ಪಿಸದಿದ್ದರೆ ಹೇಗೆ? ಮುಂಚಿತವಾಗಿಯೇ ಎಲ್ಲ ವ್ಯವಸ್ಥೆ ಮಾಡಿಕೊಳ್ಳಬೇಕಾಗಿತ್ತು’ ಎಂದರು.</p>.<p>ಇತರ ಗೋಷ್ಠಿಗಳು ವಿಳಂಬವಾಗುತ್ತವೆ ಎನ್ನುವ ಕಾರಣಕ್ಕೆ ಮೈಕ್ ಇಲ್ಲದೆಯೇ ಗೋಷ್ಠಿ ಆರಂಭಿಸಲಾಯಿತು. ಕೆಲ ಹೊತ್ತಿನ ಬಳಿಕ ಮೈಕ್ ವ್ಯವಸ್ಥೆ ಕಲ್ಪಿಸಲಾಯಿತು.</p>.<p><strong>‘ಅಲಭ್ಯ ಕೃತಿಗಳ ಮರುಮುದ್ರಣವಾಗಲಿ’</strong></p>.<p>‘ಯಾವ ಲೇಖಕರ ಕೃತಿಗಳು ಲಭ್ಯವಾಗುತ್ತಿಲ್ಲವೋ ಅಂಥವುಗಳನ್ನು ಮರುಮುದ್ರಣ ಮಾಡದೆಯೇ ನಿರ್ಲಕ್ಷ್ಯವಹಿಸಲಾಗುತ್ತಿದೆ’ ಎಂದು ಸಾಹಿತಿ ರಾಘವೇಂದ್ರ ಪಾಟೀಲ ಬೇಸರ ವ್ಯಕ್ತಪಡಿಸಿದರು.</p>.<p><strong>‘ಗುಲ್ವಾಡಿ ವೆಂಕಟರಾವ್:</strong> ಕಾದಂಬರಿಗಳು’ ವಿಷಯದ ಕುರಿತು ಮಾತನಾಡಿದ ಸಾಹಿತಿ ಪ್ರೊ. ರಾಘವೇಂದ್ರ ಪಾಟೀಲ, ‘ಗುಲ್ವಾಡಿ ಅವರ ಭಾಗೀರಥಿ ಮತ್ತು ಸೀಮಂತಿನಿ ಕಾದಂಬರಿಗಳನ್ನು ಕನ್ನಡ ಸಾಹಿತ್ಯ ಪರಿಷತ್ತು ಮರುಮುದ್ರಣ ಮಾಡಬೇಕು’ ಎಂದು ಸಲಹೆ ನೀಡಿದರು.</p>.<p>‘ಗುಲ್ವಾಡಿ ಅವರ ಇಂದಿರಾಬಾಯಿ, ಭಾಗೀರಥಿ ಕಾದಂಬರಿಗಳು ನಮ್ಮ ಧಾರ್ಮಿಕ, ಸಾಂಸ್ಕೃತಿಕ ಸಂರಚನೆಯ ಚಿತ್ರಗಳನ್ನು ಕಟ್ಟಿಕೊಡುತ್ತವೆ. 18ನೇ ಶತಮಾನ ಕೊನೆಗೊಂಡು, 19ನೇ ಶತಮಾನ ಎದುರಿಸಿದ್ದ ಆಧುನಿಕ ಸಮಾಜವನ್ನು ಗುಲ್ವಾಡಿ ಅನಾವರಣಗೊಳಿಸಿದ್ದಾರೆ’ ಎಂದು ವಿವರಿಸಿದರು.</p>.<p><strong>ಮನೆಹಾಳು ಸೀರಿಯಲ್ಗಳು!</strong></p>.<p>‘ಟಿ.ವಿ. ಚಾನಲ್ಗಳು ಅಯೋಗ್ಯ ಸಿರಿಯಲ್ಗಳನ್ನು ವರ್ಷಾನುಗಟ್ಟಲೇ ಪ್ರಸಾರ ಮಾಡುವ ಬದಲು ಮಿರ್ಜಿ ಅಣ್ಣಾರಾಯ, ಬಸವರಾಜ ಕಟ್ಟಿಮನಿ ಅವರಂತಹ ವ್ಯಕ್ತಿಗಳ ಕುರಿತು ಧಾರಾವಾಹಿ ಮಾಡಿ ಟಿಆರ್ಪಿ ಮತ್ತು ಆದಾಯ ಹೆಚ್ಚಿಸಿಕೊಳ್ಳಬೇಕು’ ಎಂದು ಸಾಹಿತಿ ಡಾ. ಬಸವರಾಜ ಸಾದರ ಆಕ್ರೋಶದಿಂದಲೇ ಸಲಹೆ ನೀಡಿದರು.</p>.<p>‘ಬಸವರಾಜ ಕಟ್ಟಿಮನಿ: ಕಾದಂಬರಿಗಳು’ ಬಗ್ಗೆ ವಿಶ್ಲೇಷಣೆ ನಡೆಸಿದ ಅವರು, ‘ಮೆಟ್ರಿಕ್ ಪಾಸಾಗಿದ್ದ ಬಸವರಾಜ ಕಟ್ಟಿಮನಿ ಅವರು 1942ರಿಂದ 1968ರ ಅವಧಿಯಲ್ಲಿ ರಚಿಸಿದ 60 ಕೃತಿಗಳಲ್ಲಿ 40 ಕಾದಂಬರಿಗಳಿವೆ. ಬಡತನ, ಶೋಷಣೆ ಅನುಭವಿಸಿದ್ದ ಅವರು ಬಂಡಾಯದ ಧೋರಣೆ ವ್ಯಕ್ತಪಡಿಸಿದರು’ ಎಂದು ವಿವರಿಸಿದರು.</p>.<p>*ಸಾತ್ವಿಕ ಜನರು ಇಂದು ನಿಷ್ಕ್ರಿಯರಾಗಿದ್ದಾರೆ ಮತ್ತು ದುರ್ಬಲರಾಗಿದ್ದಾರೆ. ಹೀಗಾಗಿ, ಕೆಲವರು ಅಟ್ಟಹಾಸದಿಂದ ಮೆರೆಯುತ್ತಿದ್ದಾರೆ.</p>.<p><em><strong>- ಡಾ. ನರಹಳ್ಳಿ ಬಾಲಸುಬ್ರಹ್ಮಣ್ಯ, ಹಿರಿಯ ವಿಮರ್ಶಕ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಡಾ. ಶಂ. ಬಾ. ಜೋಶಿ ವೇದಿಕೆ (ಧಾರವಾಡ):</strong> ‘ಇಂದಿನ ರಾಜಕೀಯ ಮತ್ತು ಧಾರ್ಮಿಕ ಸ್ಥಿತಿ ಅಲ್ಲೋಲಕಲ್ಲೋಲವಾಗಿದೆ. ಇವೆರಡೂ ಅತ್ಯಂತ ಭ್ರಷ್ಟವಾದ ಹೊತ್ತಿನಲ್ಲೂ ರಾಜಕೀಯ ಮತ್ತು ಧಾರ್ಮಿಕ ಪ್ರಜ್ಞೆ ಮೂಡಿಸುವ ಕೃತಿಗಳು ಬರುತ್ತಿಲ್ಲ’ ಎಂದು ಹಿರಿಯ ವಿಮರ್ಶಕ ಡಾ. ನರಹಳ್ಳಿ ಬಾಲಸುಬ್ರಹ್ಮಣ್ಯ ವಿಷಾದಿಸಿದರು.</p>.<p>‘ಮರುಚಿಂತನೆ: ಆಧುನಿಕ ಸಾಹಿತ್ಯ’ ಗೋಷ್ಠಿಯಲ್ಲಿ ಮಾತನಾಡಿದ ಅವರು, ಈಗಿನ ಸಮ್ಮೇಳನಗಳಲ್ಲಿಯೂ ಕನ್ನಡ ಕಟ್ಟುವ ನಿಜವಾದ ಕಾಳಜಿ ಇಲ್ಲದಂತಾಗಿದೆ. ಕೇವಲ ಅದ್ಧೂರಿ ಸಮಾರಂಭಗಳಿಗೆ ಸೀಮಿತವಾಗುತ್ತಿದೆ ಎಂದು ಬೇಸರ ವ್ಯಕ್ತಪಡಿಸಿದರು.</p>.<p>ಕನ್ನಡದ ಪ್ರಮುಖ ಲೇಖಕರ ಕೃತಿಗಳು ಪರಾಮರ್ಶೆಗೆ ದೊರೆಯುವ ರೀತಿಯಲ್ಲಿ ಸುಸಜ್ಜಿತವಾದ ಗ್ರಂಥಾಲಯವನ್ನು ಕನ್ನಡ ಸಾಹಿತ್ಯ ಪರಿಷತ್ತು ಸ್ಥಾಪಿಸಬೇಕು ಎಂದು ಆಗ್ರಹಿಸಿದ ಅವರು, 'ಗುಲ್ವಾಡಿ ವೆಂಕಟರಾವ್ ಅವರ ಕೃತಿಗಳು ಸೇರಿದಂತೆ ಹಲವು ಹಿರಿಯ ಲೇಖಕರ ಕೃತಿಗಳು ಸಿಗುತ್ತಿಲ್ಲ. ಈ ಕೊರತೆಯನ್ನು ನೀಗಿಸುವ ಅಗತ್ಯವಿದೆ. ಒಂದೇ ಸೂರಿನ ಅಡಿಯಲ್ಲಿ ನಮಗೆ ಬೇಕಾಗುವ ಎಲ್ಲ ಕೃತಿಗಳು ಲಭ್ಯವಾಗಬೇಕು. ಇದರಿಂದ, ಸಂಶೋಧಕರಿಗೂ ಅನುಕೂಲವಾಗುತ್ತದೆ. ಈ ಕಾರ್ಯಕ್ಕೆ ₹10 ಕೋಟಿ ಮೀಸಲಿಡಬೇಕು’ ಎಂದು ಪ್ರತಿಪಾದಿಸಿದರು.</p>.<p>‘ಈ ಮೊದಲು ಸಮ್ಮೇಳನಕ್ಕೆ ಒಂದರಿಂದ ಎರಡು ಕೋಟಿ ರೂಪಾಯಿ ಖರ್ಚಾಗುತ್ತಿತ್ತು. ಈಗ ₹12 ಕೋಟಿ ಅಗತ್ಯವಿದೆ ಎಂದು ಹೇಳುತ್ತಾರೆ. ಒಂದು ವರ್ಷ ಸಮ್ಮೇಳನ ನಡೆಸದೆ ಮಹತ್ವದ ಉದ್ದೇಶ ಹೊಂದಿರುವ ಗ್ರಂಥಾಲಯಕ್ಕೆ ಅನುದಾನ ನೀಡಬೇಕು. ಇದೇ ನಿಜವಾದ ಕನ್ನಡ ಕಟ್ಟುವ ಕೆಲಸ. ಈ ಹಿಂದೆ ನಾನು ಪರಿಷತ್ತಿನ ಗೌರವ ಕಾರ್ಯದರ್ಶಿಯಾಗಿದ್ದಾಗ ಈ ವಿಷಯವನ್ನು ಪ್ರಸ್ತಾಪಿಸಿದ್ದೆ. ಆಗ ಕಾರ್ಯಕಾರಿಣಿಯ 37 ಸದಸ್ಯರಲ್ಲಿ ವಿವೇಕ ರೈ ಅವರನ್ನು ಹೊರತುಪಡಿಸಿ ಯಾರೂ ಬೆಂಬಲ ನೀಡಲಿಲ್ಲ’ ಎಂದು ತಮಗಾದ ಅನುಭವವನ್ನು ಬಿಚ್ಚಿಟ್ಟರು.</p>.<p><strong>ಸಮ್ಮೇಳನ ಉದ್ಘಾಟನೆ ವಿಳಂಬಕ್ಕೆ ಆಕ್ರೋಶ</strong></p>.<p>ಸಾಹಿತ್ಯ ಸಮ್ಮೇಳನದ ಮೊದಲ ದಿನವಾದ ಶುಕ್ರವಾರ ಉದ್ಘಾಟನಾ ಸಮಾರಂಭ ವಿಳಂಬವಾಗಿದ್ದನ್ನು ಪ್ರಸ್ತಾಪಿಸಿದ ಡಾ. ನರಹಳ್ಳಿ ಬಾಲಸುಬ್ರಹ್ಮಣ್ಯ, ‘ಒಬ್ಬರಿಂದ ಪ್ರತಿಯೊಬ್ಬರ ನಾಲ್ಕು ಗಂಟೆ ಸಮಯ ವ್ಯರ್ಥವಾಯಿತು. ರಾಜಕೀಯ ನಾಯಕರಾದವರಿಗೆ ಜವಾಬ್ದಾರಿ ಇರಬೇಕು’ ಎಂದು ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರ ಹೆಸರು ಹೇಳದೇ ಕಿಡಿಕಾರಿದರು.</p>.<p><strong>ಮೈಕ್ ವ್ಯವಸ್ಥೆಗೆ ವಿಳಂಬ:</strong> ಗೋಷ್ಠಿ ನಡೆದ ರೈತರ ಜ್ಞಾನಾಭಿವೃದ್ಧಿ ಕೇಂದ್ರ ಸಭಾಂಗಣದಲ್ಲಿ ಮೈಕ್ ವ್ಯವಸ್ಥೆ ಕಲ್ಪಿಸುವುದು ವಿಳಂಬವಾಯಿತು. ಇದರಿಂದ ಬೆಳಿಗ್ಗೆ 9.45ಕ್ಕೆ ಆರಂಭವಾಗಿದ್ದ ಗೋಷ್ಠಿಯು ಸುಮಾರು 45 ನಿಮಿಷ ತಡವಾಗಿ ಆರಂಭವಾಯಿತು.</p>.<p>ಇದಕ್ಕೆ ಸಂಘಟಕರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಡಾ. ನರಹಳ್ಳಿ, ‘ನಿಮಗೆ ಜವಾಬ್ದಾರಿ ಇಲ್ಲವೇ? ಕೋಟ್ಯಂತರ ರೂಪಾಯಿ ಖರ್ಚು ಮಾಡ್ತಾರೆ. ಒಂದು ಮೈಕ್ ವ್ಯವಸ್ಥೆ ಕಲ್ಪಿಸದಿದ್ದರೆ ಹೇಗೆ? ಮುಂಚಿತವಾಗಿಯೇ ಎಲ್ಲ ವ್ಯವಸ್ಥೆ ಮಾಡಿಕೊಳ್ಳಬೇಕಾಗಿತ್ತು’ ಎಂದರು.</p>.<p>ಇತರ ಗೋಷ್ಠಿಗಳು ವಿಳಂಬವಾಗುತ್ತವೆ ಎನ್ನುವ ಕಾರಣಕ್ಕೆ ಮೈಕ್ ಇಲ್ಲದೆಯೇ ಗೋಷ್ಠಿ ಆರಂಭಿಸಲಾಯಿತು. ಕೆಲ ಹೊತ್ತಿನ ಬಳಿಕ ಮೈಕ್ ವ್ಯವಸ್ಥೆ ಕಲ್ಪಿಸಲಾಯಿತು.</p>.<p><strong>‘ಅಲಭ್ಯ ಕೃತಿಗಳ ಮರುಮುದ್ರಣವಾಗಲಿ’</strong></p>.<p>‘ಯಾವ ಲೇಖಕರ ಕೃತಿಗಳು ಲಭ್ಯವಾಗುತ್ತಿಲ್ಲವೋ ಅಂಥವುಗಳನ್ನು ಮರುಮುದ್ರಣ ಮಾಡದೆಯೇ ನಿರ್ಲಕ್ಷ್ಯವಹಿಸಲಾಗುತ್ತಿದೆ’ ಎಂದು ಸಾಹಿತಿ ರಾಘವೇಂದ್ರ ಪಾಟೀಲ ಬೇಸರ ವ್ಯಕ್ತಪಡಿಸಿದರು.</p>.<p><strong>‘ಗುಲ್ವಾಡಿ ವೆಂಕಟರಾವ್:</strong> ಕಾದಂಬರಿಗಳು’ ವಿಷಯದ ಕುರಿತು ಮಾತನಾಡಿದ ಸಾಹಿತಿ ಪ್ರೊ. ರಾಘವೇಂದ್ರ ಪಾಟೀಲ, ‘ಗುಲ್ವಾಡಿ ಅವರ ಭಾಗೀರಥಿ ಮತ್ತು ಸೀಮಂತಿನಿ ಕಾದಂಬರಿಗಳನ್ನು ಕನ್ನಡ ಸಾಹಿತ್ಯ ಪರಿಷತ್ತು ಮರುಮುದ್ರಣ ಮಾಡಬೇಕು’ ಎಂದು ಸಲಹೆ ನೀಡಿದರು.</p>.<p>‘ಗುಲ್ವಾಡಿ ಅವರ ಇಂದಿರಾಬಾಯಿ, ಭಾಗೀರಥಿ ಕಾದಂಬರಿಗಳು ನಮ್ಮ ಧಾರ್ಮಿಕ, ಸಾಂಸ್ಕೃತಿಕ ಸಂರಚನೆಯ ಚಿತ್ರಗಳನ್ನು ಕಟ್ಟಿಕೊಡುತ್ತವೆ. 18ನೇ ಶತಮಾನ ಕೊನೆಗೊಂಡು, 19ನೇ ಶತಮಾನ ಎದುರಿಸಿದ್ದ ಆಧುನಿಕ ಸಮಾಜವನ್ನು ಗುಲ್ವಾಡಿ ಅನಾವರಣಗೊಳಿಸಿದ್ದಾರೆ’ ಎಂದು ವಿವರಿಸಿದರು.</p>.<p><strong>ಮನೆಹಾಳು ಸೀರಿಯಲ್ಗಳು!</strong></p>.<p>‘ಟಿ.ವಿ. ಚಾನಲ್ಗಳು ಅಯೋಗ್ಯ ಸಿರಿಯಲ್ಗಳನ್ನು ವರ್ಷಾನುಗಟ್ಟಲೇ ಪ್ರಸಾರ ಮಾಡುವ ಬದಲು ಮಿರ್ಜಿ ಅಣ್ಣಾರಾಯ, ಬಸವರಾಜ ಕಟ್ಟಿಮನಿ ಅವರಂತಹ ವ್ಯಕ್ತಿಗಳ ಕುರಿತು ಧಾರಾವಾಹಿ ಮಾಡಿ ಟಿಆರ್ಪಿ ಮತ್ತು ಆದಾಯ ಹೆಚ್ಚಿಸಿಕೊಳ್ಳಬೇಕು’ ಎಂದು ಸಾಹಿತಿ ಡಾ. ಬಸವರಾಜ ಸಾದರ ಆಕ್ರೋಶದಿಂದಲೇ ಸಲಹೆ ನೀಡಿದರು.</p>.<p>‘ಬಸವರಾಜ ಕಟ್ಟಿಮನಿ: ಕಾದಂಬರಿಗಳು’ ಬಗ್ಗೆ ವಿಶ್ಲೇಷಣೆ ನಡೆಸಿದ ಅವರು, ‘ಮೆಟ್ರಿಕ್ ಪಾಸಾಗಿದ್ದ ಬಸವರಾಜ ಕಟ್ಟಿಮನಿ ಅವರು 1942ರಿಂದ 1968ರ ಅವಧಿಯಲ್ಲಿ ರಚಿಸಿದ 60 ಕೃತಿಗಳಲ್ಲಿ 40 ಕಾದಂಬರಿಗಳಿವೆ. ಬಡತನ, ಶೋಷಣೆ ಅನುಭವಿಸಿದ್ದ ಅವರು ಬಂಡಾಯದ ಧೋರಣೆ ವ್ಯಕ್ತಪಡಿಸಿದರು’ ಎಂದು ವಿವರಿಸಿದರು.</p>.<p>*ಸಾತ್ವಿಕ ಜನರು ಇಂದು ನಿಷ್ಕ್ರಿಯರಾಗಿದ್ದಾರೆ ಮತ್ತು ದುರ್ಬಲರಾಗಿದ್ದಾರೆ. ಹೀಗಾಗಿ, ಕೆಲವರು ಅಟ್ಟಹಾಸದಿಂದ ಮೆರೆಯುತ್ತಿದ್ದಾರೆ.</p>.<p><em><strong>- ಡಾ. ನರಹಳ್ಳಿ ಬಾಲಸುಬ್ರಹ್ಮಣ್ಯ, ಹಿರಿಯ ವಿಮರ್ಶಕ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
