34 ಶಾಸಕರಿಗೆ ನಿಗಮ ಮಂಡಳಿ ಅಧ್ಯಕ್ಷ ಸ್ಥಾನ; ರಾಜ್ಯ ಸರ್ಕಾರದ ಆದೇಶ ಪಟ್ಟಿ ಇಲ್ಲಿದೆ

Published : 26 ಜನವರಿ 2024, 12:29 IST

Last Updated : 26 ಜನವರಿ 2024, 12:29 IST

ಡಿಸಿಎಂಗೂ ಸಲಹೆಗಾರ?

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ವಿವಿಧ ಸಲಹೆಗಾರರನ್ನು ನೇಮಕ ಮಾಡಿದಂತೆ ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರಿಗೆ ಹಾನಗಲ್ ಶಾಸಕ ಶ್ರೀನಿವಾಸ ಮಾನೆ ಅವರನ್ನು ರಾಜಕೀಯ ಸಲಹೆಗಾರರನ್ನಾಗಿ ನೇಮಕ ಮಾಡುವ ಸಾಧ್ಯತೆ ಇದೆ. ಸೋರಿಕೆಯಾದ ಪಟ್ಟಿಯಲ್ಲಿ ಮಾನೆ ಹೆಸರು ಇತ್ತು. ಅವರಿಗೆ ಡಿಸಿಎಂ ರಾಜಕೀಯ ಸಲಹೆಗಾರರ ಸ್ಥಾನ ನೀಡಲಾಗಿತ್ತು. ಶುಕ್ರವಾರದ ಆದೇಶದಲ್ಲಿ ಅವರ ಹೆಸರಿಲ್ಲ.

ನಾನು ಸಚಿವ ಸ್ಥಾನದ ಆಕಾಂಕ್ಷಿಯಾಗಿದ್ದೆ. ಕಾರಣಾಂತರದಿಂದ ಕೈಬಿಟ್ಟರು. ಆಗಲೇ ನನಗೆ ಯಾವುದೇ ನಿಗಮ ಮಂಡಳಿ ಅಧ್ಯಕ್ಷ ಸ್ಥಾನ ಬೇಡ ಎಂದು ಮುಖ್ಯಮಂತ್ರಿ ಮತ್ತು ಉಪಮುಖ್ಯಮಂತ್ರಿ ಅವರಿಗೆ ಪತ್ರ ಸಹ ನೀಡಿದ್ದೆ. ಆದರೂ, ಏಕೆ ಕೊಟ್ಟರೊ ಗೊತ್ತಿಲ್ಲ. ಯಾವುದೇ ಕಾರಣಕ್ಕೂ ಜವಾಬ್ದಾರಿ ವಹಿಸಿಕೊಳ್ಳುವುದಿಲ್ಲ.

–ಎಸ್‌.ಎನ್.ಸುಬ್ಬಾರೆಡ್ಡಿ, ಬಾಗೇಪಲ್ಲಿ ಶಾಸಕ

ಎಂಸಿಎ ಹುದ್ದೆಯನ್ನು ಪಕ್ಷದ ಹಿರಿಯ ಕಾರ್ಯಕರ್ತರಿಗೆ ನೀಡಲು ಕೋರಿದ್ದೆ. ನನಗೆ ಅದೇ ಹುದ್ದೆ ಕೊಡಲಾಗಿದ್ದು, ಸದ್ಯಕ್ಕೆ ಒಪ್ಪಲ್ಲ. ತಿರಸ್ಕರಿಸುವ ನಿರ್ಧಾರವನ್ನೂ ಕೈಗೊಂಡಿಲ್ಲ. ಎರಡು ದಿನಗಳ ಬಳಿಕ ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿ ಅವರನ್ನು ಭೇಟಿಯಾಗಿ ಚರ್ಚಿಸಿ ಬಳಿಕ ಸೂಕ್ತ ನಿರ್ಣಯ ಕೈಗೊಳ್ಳುವೆ.

–ಸತೀಶ ಸೈಲ್, ಕಾರವಾರ ಶಾಸಕ