ಜಾಂಬೂರಿಯಲ್ಲಿ ಮೇಳೈಸಿದ ಸಾಂಸ್ಕೃತಿಕ ‘ಜಗತ್ತು’

ಮೂಡುಬಿದಿರೆ : ರಂಗು ರಂಗಿನ ಬೀಸಣಿಗೆ ಬೀಸುತ್ತಾ, ಇಂಪಾದ ಹಿನ್ನೆಲೆ ಸಂಗೀತಕ್ಕೆ ವಯ್ಯಾರದಿಂದ ಹೆಜ್ಜೆಹಾಕುತ್ತಾ ದಕ್ಷಿಣ ಕೊರಿಯದ ವಿದ್ಯಾರ್ಥಿಗಳು ಬೀಸಣಿಗೆ ನೃತ್ಯ ಪ್ರದರ್ಶಿಸುತ್ತಿದ್ದರೆ ಪ್ರೇಕ್ಷಕ ಗಡಣ ತದೇಕಚಿತ್ತದಿಂದ ಈ ಮನೋಹರ ಕ್ಷಣವನ್ನು ಕಣ್ತುಂಬಿಕೊಂಡಿತು. ಅಸ್ಸಾಂ ತಂಡದ ಬಿಹು ನೃತ್ಯದ ಮಾಧುರ್ಯಕ್ಕೆ ವಿದ್ಯಾರ್ಥಿಗಳು ಮಾರು ಹೋದರು.

. ಇಲ್ಲಿನ ಆಳ್ವಾಸ್ ವಿದ್ಯಾಂಸಂಸ್ಥೆಯ ಪ್ರಾಂಗಣದಲ್ಲಿ ನಡೆಯುತ್ತಿರುವ ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಅಂತರರಾಷ್ಟ್ರೀಯ ಸಾಂಸ್ಕೃತಿಕ ಜಾಂಬೂರಿಯ ‘ಏಕ್ ಭಾರತ್ ಶ್ರೇಷ್ಠ ಭಾರತ್’ ವೇದಿಕೆಯಲ್ಲಿ ಸೋಮವಾರ ದೇಶ–ವಿದೇಶಗಳ ಸಾಂಸ್ಕೃತಿಕ ವೈಭವ ಮೇಳೈಸಿತ್ತು.

. ಹಬ್ಬ ಹರಿದಿನಗಳ ಸಂದರ್ಭದಲ್ಲಿ ವಿಶೇಷವಾಗಿ ಮಹಿಳೆಯರು ಪ್ರದರ್ಶಿಸುವ ಲಯಬದ್ಧ ಬೀಸಣಿಗೆ (ಬುಚೇ) ನೃತ್ಯಕೊರಿಯದ ಸಾಂಸ್ಕೃತಿಕ ಹಿರಿಮೆಯ ದರ್ಶನ ಮಾಡಿಸಿತು. ಕೆಂಬಣ್ಣದ ಉದ್ದನೆಯ ಲಂಗ ಹಾಗೂ ಹಸಿರು ನಿಲುವಂಗಿ ತೊಟ್ಟ ನೃತ್ಯಗಾರ್ತಿಯರು ವೃತ್ತಾಕಾರವಾಗಿ ತಿರುಗುತ್ತ, ಬೀಸಣಿಗೆಯಲ್ಲೇ ವಿವಿಧ ಚಿತ್ತಾರಗಳನ್ನು ಮೂಡಿಸಿದರು. ಹಕ್ಕಿಗಳು ಹಾರುವಂತೆ, ಮತ್ತೊಮ್ಮೆ ನೀರಿನ ಅಲೆಗಳು ತೇಲುವಂತೆ, ಬಳಿಕ ತಂಗಾಳಿ ಬೀಸುವಂತೆ, ಹೂಗಳು ಅರಳುವಂತೆ ನಾನಾ ದೃಶ್ಯಗಳನ್ನು ನೃತ್ಯದ ಮೂಲಕ ಕಟ್ಟಿಕೊಟ್ಟರು.

. ಅಸ್ಸಾಂನಲ್ಲಿ ಏಪ್ರಿಲ್ ತಿಂಗಳಿನಲ್ಲಿ ಬಿಹು ಹಬ್ಬದ ಸಂದರ್ಭದಲ್ಲಿ ಪ್ರದರ್ಶಿಸುವ ಬಿಹು ನೃತ್ಯವು ದೇಶದ ಈಶಾನ್ಯ ರಾಜ್ಯಗಳ ಸಮೃದ್ಧ ಸಂಸ್ಕೃತಿಯ ದರ್ಶನ ಮಾಡಿಸಿತು. ತಿಳಿಕಂದು ಬಣ್ಣದ ಸೀರೆ ಧರಿಸಿ, ತಲೆಯಲ್ಲಿ ಅಗಲವಾದ ಟೋಪಿ ತೊಟ್ಟ ಹುಡುಗಿಯರು ಡೋಲಿನ ಶಬ್ದಕ್ಕೆ ತಾಳಬದ್ಧವಾಗಿ ಹೆಜ್ಜೆ ಹಾಕಿದರು.

. ಪಶ್ಚಿಮ ಬಂಗಾಳದ ವಿದ್ಯಾರ್ಥಿಗಳು ಶ್ರೀಕೃಷ್ಣ ಹಾಗೂ ರಾಧೆಯರ ಆಪ್ತ ಕ್ಷಣಗಳನ್ನು ಕಟ್ಟಿಕೊಡುವ ರವೀಂದ್ರಿಕ್ ನೃತ್ಯವನ್ನು ಸೊಗಸಾಗಿ ಪ್ರಸ್ತುತಪಡಿಸಿದರು.

. ತಲೆಗೆ ಬಣ್ಣದ ಪಗಡಿ (ಸಫಾ) ಸುತ್ತಿಕೊಂಡು, ಹಳದಿ ಪೋಷಾಕು, ಧೋತಿ ಕುರ್ತಾ ಮೊದಲಾದ ದಿರಿಸುವ ಧರಿಸಿ ವೇದಿಕೆಗೆ ಬಂದ ರಾಜಸ್ಥಾನದ ವಿದ್ಯಾರ್ಥಿಗಳು ತಮ್ಮ ರಾಜ್ಯದ ಸಾಂಸ್ಕೃತಿಕ ವೈವಿಧ್ಯದ ದರ್ಶನ ಮಾಡಿಸಿದರು. ಉತ್ತರ ಪ್ರದೇಶ, ತಮಿಳುನಾಡು, ಜಾರ್ಖಂಡ್, ದಾದರ್ ಹಾಗೂ ಕರ್ನಾಟಕದ ವಿವಿಧ ರಾಜ್ಯಗಳ ತಂಡಗಳು ತಮ್ಮೂರಿನ ಸಂಸ್ಕೃತಿಯನ್ನು ಬಿಂಬಿಸುವ ನೃತ್ಯ ಹಾಗೂ ಆಚರಣೆಗಳನ್ನು ಪ್ರದರ್ಶಿಸಿದವು. ಒಟ್ಟು 59 ತಂಡಗಳು ಸಾಂಸ್ಕೃತಿಕ ಪ್ರದರ್ಶನಕ್ಕೆ ಹೆಸರು ನೋಂದಾಯಿಸಿದ್ದವು.

. ಜಾಂಬೂರಿಯ ಸಾಂಸ್ಕೃತಿಕ ಕಾರ್ಯಕ್ರಮಗಳು ಸೋಮವಾರ ಸಂಪನ್ನಗೊಂಡವು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜಾಂಬೂರಿಯಲ್ಲಿ ಮೇಳೈಸಿದ ಸಾಂಸ್ಕೃತಿಕ ‘ಜಗತ್ತು’

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ