<p><strong>ನ್ಯೂಜಿಲೆಂಡ್: </strong>ನಿಲ್ದಾಣದಿಂದ ಹೊರಟ ವಿಮಾನ ಇಳಿಯಬೇಕಿದ್ದ ಸ್ಥಳ ತಲುಪದೇ ಪ್ರಯಾಣಿಕರು ವಿಮಾನದೊಳಗೆ ಅನಿವಾರ್ಯವಾಗಿ 16 ತಾಸು ವ್ಯಯಿಸಿ ಮತ್ತೆ ಹೊರಟ ನಿಲ್ದಾಣವನ್ನೇ ಸೇರಿದ ಘಟನೆ ಇಲ್ಲಿನ ಆಕ್ಲೆಂಡ್ ವಿಮಾನ ನಿಲ್ದಾಣದಲ್ಲಿ ನಡೆದಿದೆ.</p>.<p>ಆಕ್ಲೆಂಡ್ ವಿಮಾನ ನಿಲ್ದಾಣದಿಂದ ನ್ಯೂಯಾರ್ಕ್ಗೆ ಹೊರಟ್ಟಿದ್ದ ಏರ್ ನ್ಯೂಜಿಲೆಂಡ್ ವಿಮಾನದಲ್ಲಿ ಇಂಥ ವಿಚಿತ್ರ ಘಟನೆ ನಡೆದಿದೆ. ಈ ವಿಮಾನ ತಲುಪಬೇಕಿದ್ದ ಜಾನ್ ಎಫ್. ಕೆನಡಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ(ಜೆಕೆಎಫ್) ವಿದ್ಯುತ್ ಕಡಿತದ ಪರಿಣಾಮವಾಗಿ ವಿಮಾನವನ್ನು ವಾಪಾಸ್ ತಿರುಗಿಸಲಾಯಿತು. 8 ಗಂಟೆಗಳ ಬಳಿಕ ವಿಮಾನ ಮತ್ತೆ ಆಕ್ಲೆಂಡ್ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿದ್ದು, ಪ್ರಯಾಣಿಕರು ಅಸಹಾಯಕ ಪರಿಸ್ಥಿತಿ ಎದುರಿಸುವಂತಾಯಿತು.</p>.<p>ಕಳೆದ ಗುರುವಾರ ವಿಮಾನ ನಿಲ್ದಾಣದಲ್ಲಿನ ವಿದ್ಯುತ್ ಸಮಸ್ಯೆಯಿಂದಾಗಿ ನ್ಯೂಯಾರ್ಕ್ನ ಜೆಕೆಎಫ್ ಟರ್ಮಿನಲ್ 1 ಅನ್ನು ಮುಚ್ಚಲಾಗಿತ್ತು. ಅಲ್ಲಿಗೆ ಬಂದಿಳಿಯಬೇಕಿದ್ದ ಕೆಲವು ವಿಮಾನಗಳನ್ನು ಬೇರೆಡೆಗೆ ತಿರುಗಿಸಬೇಕಾಯಿತು. ಕೆಲವು ಅಂತರರಾಷ್ಟ್ರೀಯ ವಿಮಾನಗಳು ನೆವಾರ್ಕ್, ವಾಷಿಂಗ್ಟನ್ ಡಲ್ಲೆಸ್, ಬೋಸ್ಟನ್ ಲೋಗನ್ ನಿಲ್ದಾಣಕ್ಕೆ ಬಂದಿಳಿದವು.</p>.<p>ಆದರೆ ಆಕ್ಲೆಂಡ್ನಿಂದ ಹೊರಟಿದ್ದ ಎಎನ್ಜೆಡ್2 ವಿಮಾನ ಲ್ಯಾಂಡ್ ಆಗಲು ಸರಿಯಾದ ಸೂಚನೆ ಸಿಗದೇ ಯೂಟರ್ನ್ ತೆಗೆದುಕೊಂಡು ಬರಬೇಕಾಯಿತು. ಹೀಗಾಗಿ ಪ್ರಯಾಣಿಕರು ತಮ್ಮ ತಾಣ ತಲುಪದೆ ಒಟ್ಟು 16 ಗಂಟೆ 25 ನಿಮಿಷಗಳನ್ನು ವಿಮಾನದಲ್ಲಿಯೇ ವ್ಯರ್ಥ ಮಾಡಿದಂತಾಯಿತು.</p>.<p>‘ತಾನು ಚೆನ್ನಾಗಿ ನಿದ್ರಿಸುತ್ತಿದ್ದೆ ಮತ್ತು ಖಂಡಿತವಾಗಿ ಜೆಕೆಎಫ್ನಲ್ಲಿ ಶೀಘ್ರದಲ್ಲೇ ಇಳಿಯುತ್ತೇನೆ ಎಂಬ ಭಾವನೆಯಿಂದ ಎಚ್ಚರಗೊಂಡೆ. ಸಹಪ್ರಯಾಣಿಕರಿಂದ ಆಕ್ಲೆಂಡ್ಗೆ ಮರಳುತ್ತಿರುವ ವಿಷಯ ತಿಳಿದು ಆಘಾತವಾಯಿತು. ಅಲ್ಲಿಯವರೆಗೆ ನಮಗೆ ಯಾವುದೇ ಸೂಚನೆಯೂ ಸಿಕ್ಕಿರಲಿಲ್ಲ’ ಎಂದು ಪ್ರಯಾಣಿಕರೊಬ್ಬರು ಹೇಳಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಜಿಲೆಂಡ್: </strong>ನಿಲ್ದಾಣದಿಂದ ಹೊರಟ ವಿಮಾನ ಇಳಿಯಬೇಕಿದ್ದ ಸ್ಥಳ ತಲುಪದೇ ಪ್ರಯಾಣಿಕರು ವಿಮಾನದೊಳಗೆ ಅನಿವಾರ್ಯವಾಗಿ 16 ತಾಸು ವ್ಯಯಿಸಿ ಮತ್ತೆ ಹೊರಟ ನಿಲ್ದಾಣವನ್ನೇ ಸೇರಿದ ಘಟನೆ ಇಲ್ಲಿನ ಆಕ್ಲೆಂಡ್ ವಿಮಾನ ನಿಲ್ದಾಣದಲ್ಲಿ ನಡೆದಿದೆ.</p>.<p>ಆಕ್ಲೆಂಡ್ ವಿಮಾನ ನಿಲ್ದಾಣದಿಂದ ನ್ಯೂಯಾರ್ಕ್ಗೆ ಹೊರಟ್ಟಿದ್ದ ಏರ್ ನ್ಯೂಜಿಲೆಂಡ್ ವಿಮಾನದಲ್ಲಿ ಇಂಥ ವಿಚಿತ್ರ ಘಟನೆ ನಡೆದಿದೆ. ಈ ವಿಮಾನ ತಲುಪಬೇಕಿದ್ದ ಜಾನ್ ಎಫ್. ಕೆನಡಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ(ಜೆಕೆಎಫ್) ವಿದ್ಯುತ್ ಕಡಿತದ ಪರಿಣಾಮವಾಗಿ ವಿಮಾನವನ್ನು ವಾಪಾಸ್ ತಿರುಗಿಸಲಾಯಿತು. 8 ಗಂಟೆಗಳ ಬಳಿಕ ವಿಮಾನ ಮತ್ತೆ ಆಕ್ಲೆಂಡ್ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿದ್ದು, ಪ್ರಯಾಣಿಕರು ಅಸಹಾಯಕ ಪರಿಸ್ಥಿತಿ ಎದುರಿಸುವಂತಾಯಿತು.</p>.<p>ಕಳೆದ ಗುರುವಾರ ವಿಮಾನ ನಿಲ್ದಾಣದಲ್ಲಿನ ವಿದ್ಯುತ್ ಸಮಸ್ಯೆಯಿಂದಾಗಿ ನ್ಯೂಯಾರ್ಕ್ನ ಜೆಕೆಎಫ್ ಟರ್ಮಿನಲ್ 1 ಅನ್ನು ಮುಚ್ಚಲಾಗಿತ್ತು. ಅಲ್ಲಿಗೆ ಬಂದಿಳಿಯಬೇಕಿದ್ದ ಕೆಲವು ವಿಮಾನಗಳನ್ನು ಬೇರೆಡೆಗೆ ತಿರುಗಿಸಬೇಕಾಯಿತು. ಕೆಲವು ಅಂತರರಾಷ್ಟ್ರೀಯ ವಿಮಾನಗಳು ನೆವಾರ್ಕ್, ವಾಷಿಂಗ್ಟನ್ ಡಲ್ಲೆಸ್, ಬೋಸ್ಟನ್ ಲೋಗನ್ ನಿಲ್ದಾಣಕ್ಕೆ ಬಂದಿಳಿದವು.</p>.<p>ಆದರೆ ಆಕ್ಲೆಂಡ್ನಿಂದ ಹೊರಟಿದ್ದ ಎಎನ್ಜೆಡ್2 ವಿಮಾನ ಲ್ಯಾಂಡ್ ಆಗಲು ಸರಿಯಾದ ಸೂಚನೆ ಸಿಗದೇ ಯೂಟರ್ನ್ ತೆಗೆದುಕೊಂಡು ಬರಬೇಕಾಯಿತು. ಹೀಗಾಗಿ ಪ್ರಯಾಣಿಕರು ತಮ್ಮ ತಾಣ ತಲುಪದೆ ಒಟ್ಟು 16 ಗಂಟೆ 25 ನಿಮಿಷಗಳನ್ನು ವಿಮಾನದಲ್ಲಿಯೇ ವ್ಯರ್ಥ ಮಾಡಿದಂತಾಯಿತು.</p>.<p>‘ತಾನು ಚೆನ್ನಾಗಿ ನಿದ್ರಿಸುತ್ತಿದ್ದೆ ಮತ್ತು ಖಂಡಿತವಾಗಿ ಜೆಕೆಎಫ್ನಲ್ಲಿ ಶೀಘ್ರದಲ್ಲೇ ಇಳಿಯುತ್ತೇನೆ ಎಂಬ ಭಾವನೆಯಿಂದ ಎಚ್ಚರಗೊಂಡೆ. ಸಹಪ್ರಯಾಣಿಕರಿಂದ ಆಕ್ಲೆಂಡ್ಗೆ ಮರಳುತ್ತಿರುವ ವಿಷಯ ತಿಳಿದು ಆಘಾತವಾಯಿತು. ಅಲ್ಲಿಯವರೆಗೆ ನಮಗೆ ಯಾವುದೇ ಸೂಚನೆಯೂ ಸಿಕ್ಕಿರಲಿಲ್ಲ’ ಎಂದು ಪ್ರಯಾಣಿಕರೊಬ್ಬರು ಹೇಳಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
