<p><strong>ಕೇಪ್ ಕೆನವೆರಲ್</strong>: ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ ಆರು ತಿಂಗಳ ಕಾಲ ಕಾರ್ಯನಿರ್ವಹಿಸಿದ ನಾಲ್ಕು ದೇಶಗಳ ನಾಲ್ವರು ಗಗನಯಾತ್ರಿಗಳು ಮಂಗಳವಾರ ಸ್ಪೇಸ್ಎಕ್ಸ್ ನೌಕೆಯ ಮೂಲಕ ಭೂಮಿಗೆ ಮರಳಿದರು.</p>.<p>ನಾಸಾದ ಹೆಲಿಕಾಪ್ಟರ್ ಪೈಲಟ್ ಜಾಸ್ಮಿನ್ ಮೊಘ್ಬೆಲಿ, ಡೆನ್ಮಾರ್ಕ್ನ ಆಂಡ್ರಿಯಾಸ್ ಮೊಗೆನ್ಸೆನ್, ಜಪಾನ್ನ ಸತೋಶಿ ಫುರುಕಾವಾ ಮತ್ತು ರಷ್ಯಾದ ಕಾನ್ಸ್ಟಾಂಟಿನ್ ಬೊರಿಸೊವ್ ಅವರಿದ್ದ ನೌಕೆಯು ಫ್ಲಾರಿಡಾ ಪ್ಯಾನ್ಹ್ಯಾಂಡಲ್ ಸಮೀಪದ ಮೆಕ್ಸಿಕೊದ ಕೊಲ್ಲಿಯಲ್ಲಿ ಮಂಗಳವಾರ ನಸುಕಿನಲ್ಲಿ ಸುರಕ್ಷಿತವಾಗಿ ಬಂದಿಳಿಯಿತು. </p>.<p>ಇವರು ಕಳೆದ ಆಗಸ್ಟ್ನಲ್ಲಿ ಬಾಹ್ಯಾಕಾಶ ನಿಲ್ದಾಣಕ್ಕೆ ಹೋಗಿದ್ದರು. ಇವರ ಕಾರ್ಯಾಚರಣೆಯ ಅವಧಿ ಪೂರ್ಣಗೊಂಡಿದ್ದರಿಂದ, ಇವರ ಸ್ಥಾನಕ್ಕೆ ಬದಲಿ ಗಗನಯಾನಿಗಳನ್ನು ಹೊತ್ತು ಸ್ಪೇಸ್ಎಕ್ಸ್ ನೌಕೆಯು ಕಳೆದ ವಾರ ಬಾಹ್ಯಾಕಾಶ ನಿಲ್ದಾಣವನ್ನು ತಲುಪಿತ್ತು. </p>.<p>‘ನಾವು ನಿಮಗೆ ಒಂದಿಷ್ಟು ಬೆಣ್ಣೆ ಮತ್ತು ರೊಟ್ಟಿಗಳನ್ನು ಬಿಟ್ಟುಬಂದಿದ್ದೇವೆ’ ಎಂದು ಮೊಘ್ಬೆಲಿ ಅವರು ಸೋಮವಾರ ಬಾಹ್ಯಾಕಾಶ ನಿಲ್ದಾಣದಿಂದ ನಿರ್ಗಮಿಸುವಾಗ ರೇಡಿಯೊ ಸಂದೇಶವನ್ನು ಬಾಹ್ಯಾಕಾಶ ನಿಲ್ದಾಣದಲ್ಲಿರುವರಿಗೆ ನೀಡಿದ್ದಾರೆ. ಇದಕ್ಕೆ ನಾಸಾದ ಲೋರಲ್ ಒ'ಹಾರಾ ಅವರು ‘ಆ ಉದಾರ ಉಡುಗೊರೆಗೆ ಧನ್ಯವಾದಗಳು’ ಎಂದು ಪ್ರತಿಕ್ರಿಯಿಸಿದ್ದಾರೆ.</p>.<p>ರಷ್ಯಾದ ಸೋಯುಜ್ ನೌಕೆಯಲ್ಲಿ ಭೂಮಿಗೆ ಬರುವ ಮೊದಲು ಓ'ಹಾರಾ ಅವರು ಬಾಹ್ಯಾಕಾಶ ನಿಲ್ದಾಣದಲ್ಲಿ ಇನ್ನೂ ಕೆಲವು ವಾರಗಳನ್ನು ಕಳೆಯಲಿದ್ದಾರೆ.</p>.<p>ಬಾಹ್ಯಾಕಾಶ ನಿಲ್ದಾಣದಿಂದ ಹೊರಡುವ ಮುನ್ನ, ಮೊಗೆನ್ಸೆನ್ ಅವರು ‘ಮರಗಳಲ್ಲಿ ಪಕ್ಷಿಗಳು ಹಾಡುವುದನ್ನು ಕೇಳಲು ಮತ್ತು ಕುರುಕುಲು ತಿಂಡಿ ತಿನ್ನಲು ಇನ್ನು ನನ್ನಿಂದ ಕಾಯಲು ಸಾಧ್ಯವಿಲ್ಲ’ ಎಂದು ‘ಎಕ್ಸ್’ನಲ್ಲಿ ಪೋಸ್ಟ್ ಮಾಡಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೇಪ್ ಕೆನವೆರಲ್</strong>: ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ ಆರು ತಿಂಗಳ ಕಾಲ ಕಾರ್ಯನಿರ್ವಹಿಸಿದ ನಾಲ್ಕು ದೇಶಗಳ ನಾಲ್ವರು ಗಗನಯಾತ್ರಿಗಳು ಮಂಗಳವಾರ ಸ್ಪೇಸ್ಎಕ್ಸ್ ನೌಕೆಯ ಮೂಲಕ ಭೂಮಿಗೆ ಮರಳಿದರು.</p>.<p>ನಾಸಾದ ಹೆಲಿಕಾಪ್ಟರ್ ಪೈಲಟ್ ಜಾಸ್ಮಿನ್ ಮೊಘ್ಬೆಲಿ, ಡೆನ್ಮಾರ್ಕ್ನ ಆಂಡ್ರಿಯಾಸ್ ಮೊಗೆನ್ಸೆನ್, ಜಪಾನ್ನ ಸತೋಶಿ ಫುರುಕಾವಾ ಮತ್ತು ರಷ್ಯಾದ ಕಾನ್ಸ್ಟಾಂಟಿನ್ ಬೊರಿಸೊವ್ ಅವರಿದ್ದ ನೌಕೆಯು ಫ್ಲಾರಿಡಾ ಪ್ಯಾನ್ಹ್ಯಾಂಡಲ್ ಸಮೀಪದ ಮೆಕ್ಸಿಕೊದ ಕೊಲ್ಲಿಯಲ್ಲಿ ಮಂಗಳವಾರ ನಸುಕಿನಲ್ಲಿ ಸುರಕ್ಷಿತವಾಗಿ ಬಂದಿಳಿಯಿತು. </p>.<p>ಇವರು ಕಳೆದ ಆಗಸ್ಟ್ನಲ್ಲಿ ಬಾಹ್ಯಾಕಾಶ ನಿಲ್ದಾಣಕ್ಕೆ ಹೋಗಿದ್ದರು. ಇವರ ಕಾರ್ಯಾಚರಣೆಯ ಅವಧಿ ಪೂರ್ಣಗೊಂಡಿದ್ದರಿಂದ, ಇವರ ಸ್ಥಾನಕ್ಕೆ ಬದಲಿ ಗಗನಯಾನಿಗಳನ್ನು ಹೊತ್ತು ಸ್ಪೇಸ್ಎಕ್ಸ್ ನೌಕೆಯು ಕಳೆದ ವಾರ ಬಾಹ್ಯಾಕಾಶ ನಿಲ್ದಾಣವನ್ನು ತಲುಪಿತ್ತು. </p>.<p>‘ನಾವು ನಿಮಗೆ ಒಂದಿಷ್ಟು ಬೆಣ್ಣೆ ಮತ್ತು ರೊಟ್ಟಿಗಳನ್ನು ಬಿಟ್ಟುಬಂದಿದ್ದೇವೆ’ ಎಂದು ಮೊಘ್ಬೆಲಿ ಅವರು ಸೋಮವಾರ ಬಾಹ್ಯಾಕಾಶ ನಿಲ್ದಾಣದಿಂದ ನಿರ್ಗಮಿಸುವಾಗ ರೇಡಿಯೊ ಸಂದೇಶವನ್ನು ಬಾಹ್ಯಾಕಾಶ ನಿಲ್ದಾಣದಲ್ಲಿರುವರಿಗೆ ನೀಡಿದ್ದಾರೆ. ಇದಕ್ಕೆ ನಾಸಾದ ಲೋರಲ್ ಒ'ಹಾರಾ ಅವರು ‘ಆ ಉದಾರ ಉಡುಗೊರೆಗೆ ಧನ್ಯವಾದಗಳು’ ಎಂದು ಪ್ರತಿಕ್ರಿಯಿಸಿದ್ದಾರೆ.</p>.<p>ರಷ್ಯಾದ ಸೋಯುಜ್ ನೌಕೆಯಲ್ಲಿ ಭೂಮಿಗೆ ಬರುವ ಮೊದಲು ಓ'ಹಾರಾ ಅವರು ಬಾಹ್ಯಾಕಾಶ ನಿಲ್ದಾಣದಲ್ಲಿ ಇನ್ನೂ ಕೆಲವು ವಾರಗಳನ್ನು ಕಳೆಯಲಿದ್ದಾರೆ.</p>.<p>ಬಾಹ್ಯಾಕಾಶ ನಿಲ್ದಾಣದಿಂದ ಹೊರಡುವ ಮುನ್ನ, ಮೊಗೆನ್ಸೆನ್ ಅವರು ‘ಮರಗಳಲ್ಲಿ ಪಕ್ಷಿಗಳು ಹಾಡುವುದನ್ನು ಕೇಳಲು ಮತ್ತು ಕುರುಕುಲು ತಿಂಡಿ ತಿನ್ನಲು ಇನ್ನು ನನ್ನಿಂದ ಕಾಯಲು ಸಾಧ್ಯವಿಲ್ಲ’ ಎಂದು ‘ಎಕ್ಸ್’ನಲ್ಲಿ ಪೋಸ್ಟ್ ಮಾಡಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
