ಗಾಜಾ ಮೇಲೆ ಭೂದಾಳಿ ಆರಂಭಿಸಿದ ಇಸ್ರೇಲ್‌

ಜೆರುಸಲೇಂ: ಹಮಾಸ್ ಬಂಡುಕೋರರನ್ನು ಸದೆಬಡಿಯಲು ಗಾಜಾ ನಗರದ ಮೇಲೆ ಭೂಸೇನೆ ಮೂಲಕ ದಾಳಿ ನಡೆಸುವ ಸಲುವಾಗಿ ನಗರದ ಉತ್ತರ ಭಾಗವನ್ನು ತೊರೆಯುವಂತೆ ನಾಗರಿಕರಿಗೆ ಇಸ್ರೇಲ್ ಸೇನೆಯು, ಶುಕ್ರವಾರ ನೀಡಿದ್ದ 24 ತಾಸುಗಳ ಗಡುವಿನ ಮೊದಲೇ ದಾಳಿ ಆರಂಭಿಸಿದೆ.

. ಗಾಜಾ ಪಟ್ಟಿಯೊಳಗೆ ಭೂಸೇನೆಯು ಕಾರ್ಯಾಚರಣೆಗೆ ಇಳಿದಿದೆ ಎಂದು ಇಸ್ರೇಲ್ ಸೇನೆ ಮೊದಲ ಬಾರಿಗೆ ಹೇಳಿದೆ.

. ‘ಸೇನೆಯು ಹಮಾಸ್ ವಿರುದ್ಧ ಹೋರಾಡಲು, ಶಸ್ತ್ರಾಸ್ತ್ರ ನಾಶಪಡಿಸಲು ಮತ್ತು ಉಗ್ರರು ಒತ್ತೆ ಇರಿಸಿಕೊಂಡಿರುವ ನಾಗರಿಕರ ಪತ್ತೆ ಮತ್ತು ರಕ್ಷಣಾ ಕಾರ್ಯಾಚರಣೆಗಾಗಿ ಗಾಜಾ ಪ್ರವೇಶಿಸಿದೆ. ಶುಕ್ರವಾರ ಗಾಜಾ ಮೇಲೆ ಸಣ್ಣ ದಾಳಿಗಳನ್ನು ನಡೆಸಲಾಗಿದೆ’ ಎಂದು ಅದು ಹೇಳಿಕೆ ಬಿಡುಗಡೆ ಮಾಡಿದೆ.

. ಇಸ್ರೇಲ್ ಸೇನೆಯು ಹಮಾಸ್ ಬಂಡುಕೋರರ ಮೇಲೆ ಸಾರಿರುವ ಯುದ್ಧವು ಶುಕ್ರವಾರ ಏಳನೇ ದಿನಕ್ಕೆ ಕಾಲಿರಿಸಿದೆ. ಉಭಯತ್ರರ ಕಡೆಯಿಂದ ಈವರೆಗೂ 2,800ಕ್ಕೂ ಹೆಚ್ಚು ಜನರು ಹತರಾಗಿದ್ದಾರೆ.

. 70 ಜನರ ಸಾವು: ಗಾಜಾ ನಗರದಿಂದ ಜನರನ್ನು ಸ್ಥಳಾಂತರಿಸುತ್ತಿದ್ದ ಬೆಂಗಾವಲು ವಾಹನಗಳ ಮೇಲೆ ಇಸ್ರೇಲ್ ಶುಕ್ರವಾರ ನಡೆಸಿದ ವಾಯು ದಾಳಿಯಲ್ಲಿ ಸುಮಾರು 70 ಜನರು ಮೃತಪಟ್ಟಿದ್ದಾರೆ. ಮೃತರೆಲ್ಲರೂ ಬಹುಶಃ ಮಹಿಳೆಯರು ಮತ್ತು ಮಕ್ಕಳು ಎಂದು ಹಮಾಸ್ ಬಂಡುಕೋರರ ಮುಖಂಡರು ಹೇಳಿದ್ದಾರೆ.

. ಗಾಜಾ ನಗರದ ಉತ್ತರ ಭಾಗದಿಂದ ದಕ್ಷಿಣಕ್ಕೆ ತೆರಳುತ್ತಿದ್ದ ಕಾರುಗಳು ಮೂರು ಸ್ಥಳಗಳಲ್ಲಿ ವೈಮಾನಿಕ ದಾಳಿಗೆ ತುತ್ತಾದವು ಎಂದು ಹಮಾಸ್ ಮಾಧ್ಯಮ ಕಚೇರಿ ಹೇಳಿದೆ. ಇಸ್ರೇಲ್ ಮಿಲಿಟರಿ ಈ ದಾಳಿಯ ಬಗ್ಗೆ ಪ್ರತಿಕ್ರಿಯೆ ನೀಡಿಲ್ಲ.

. ಕಳೆದ ಶನಿವಾರ ಹಮಾಸ್ ಬಂಡುಕೋರರು ಭೀಕರ ಆಕ್ರಮಣ ನಡೆಸಿದ ನಂತರ ಇಸ್ರೇಲ್ ಗಾಜಾ ಗಡಿಯುದ್ದಕ್ಕೂ ಸೇನೆ ಜಮಾವಣೆ ಮಾಡಿದ್ದು, ಗಾಜಾ ಮೇಲೆ ನಿರಂತರ ವಾಯು ದಾಳಿ ನಡೆಸುತ್ತಿದೆ.

. ಲೆಬನಾನ್ ಗಡಿಯಲ್ಲಿ ಇಸ್ರೇಲ್ ಶೆಲ್ ದಾಳಿ : ರಾಯಿಟರ್ಸ್ ಪತ್ರಕರ್ತ ಹತ, 6 ಪತ್ರಕರ್ತರಿಗೆ ಗಾಯ

ಅಲ್ಮಾ ಅಲ್-ಶಾಬ್ (ಲೆಬನಾನ್), (ಎಪಿ): ದಕ್ಷಿಣ ಲೆಬನಾನ್ನ ಗಡಿಯಲ್ಲಿ ಯುದ್ಧ ವರದಿ ಮಾಡಲು ಸೇರಿದ್ದ ಅಂತರರಾಷ್ಟ್ರೀಯ ಪತ್ರಕರ್ತರ ಗುಂಪು ಇಸ್ರೇಲ್ ಸೇನೆಯ ಶೆಲ್ ದಾಳಿಗೆ ತುತ್ತಾಗಿದ್ದು, ಈ ದಾಳಿಯಲ್ಲಿ ಒಬ್ಬ ಪತ್ರಕರ್ತ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಆರು ಮಂದಿ ಗಾಯಗೊಂಡಿದ್ದಾರೆ.

. ಮೃತರನ್ನು ‘ರಾಯಿಟರ್ಸ್’ ಸುದ್ದಿ ಸಂಸ್ಥೆಯ ವಿಡಿಯೊಗ್ರಾಫರ್ ಇಸಾಮ್ ಅಬ್ದೆಲ್ಲಾ ಎಂದು ಗುರುತಿಸಲಾಗಿದೆ. ‘ದಕ್ಷಿಣ ಲೆಬನಾನ್ನಲ್ಲಿ ಕರ್ತವ್ಯ ನಿರ್ವಹಿಸುವಾಗ ಇಸಾಮ್ ಕೊಲ್ಲಲ್ಪಟ್ಟಿದ್ದಾರೆ. ಅವರು ನೇರ ವರದಿ ಮಾಡುತ್ತಿದ್ದ ತಂಡದಲ್ಲಿದ್ದರು’ ಎಂದು ‘ರಾಯಿಟರ್ಸ್’ ಸುದ್ದಿಸಂಸ್ಥೆ ಹೇಳಿದೆ.

. ಕತಾರ್ನ ಅಲ್-ಜಜೀರಾ ಟಿ.ವಿಯ ಎಲಿ ಬ್ರಾಖ್ಯಾ ಮತ್ತು ವರದಿಗಾರ ಕಾರ್ಮೆನ್ ಜೌಖಾದರ್ ಗಾಯಗೊಂಡಿದ್ದಾರೆ. ಉಳಿದ ಗಾಯಾಳು ಪತ್ರಕರ್ತರ ವಿವರ ಬಹಿರಂಗವಾಗಿಲ್ಲ. ಪತ್ರಕರ್ತರಿದ್ದ ಕಾರು ಬೆಂಕಿ ಹೊತ್ತಿಕೊಂಡು ಉರಿಯುತ್ತಿರುವ ಚಿತ್ರವನ್ನು ‘ಅಸೋಸಿಯೇಟೆಡ್ ಪ್ರೆಸ್’ ಸುದ್ದಿಸಂಸ್ಥೆ ಛಾಯಾಗ್ರಾಹಕ ಸೆರೆ ಹಿಡಿದಿದ್ದಾರೆ.

. ಲೆಬನಾನ್-ಇಸ್ರೇಲ್ ಗಡಿಯಲ್ಲಿ ಇಸ್ರೇಲಿ ಪಡೆಗಳು ಮತ್ತು ಲೆಬನಾನ್ನ ಉಗ್ರಗಾಮಿ ಹಿಜ್ಬುಲ್ಲಾ ಗುಂಪಿನ ಸದಸ್ಯರ ನಡುವಿನ ಗುಂಡಿನ ಕಾಳಗದ ವೇಳೆ ಶೆಲ್ ದಾಳಿಯಾಗಿದೆ.

. ಹಿಜ್ಬುಲ್ಲಾ ಸಂಘಟನೆ ಮತ್ತು ಇಸ್ರೇಲ್ ನಡುವೆ ಯುದ್ಧ ಶುರುವಾಗ ಆತಂಕ ತಲೆದೋರಿರುವುದರಿಂದ ವಿಶ್ವದಾದ್ಯಂತದ ಪತ್ರಕರ್ತರು ವರದಿಗಾಗಿ ಲೆಬನಾನ್ಗೆ ಬರುತ್ತಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗಾಜಾ ಮೇಲೆ ಭೂದಾಳಿ ಆರಂಭಿಸಿದ ಇಸ್ರೇಲ್‌

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು