ಹಿಜ್ಬುಲ್ಲಾ ಗುರಿಯಾಗಿಸಿ ದಾಳಿ: ಭೂಸೇನೆ ಕಾರ್ಯಾಚರಣೆಗೆ ಇಸ್ರೇಲ್‌ ಸಜ್ಜು

ಇಸ್ರೇಲ್‌ನ ಮೇಲೆ ಮಂಗಳವಾರ ರಾತ್ರಿ ಇರಾನ್‌ ಕ್ಷಿಪಣಿ ದಾಳಿ ನಡೆಸಿದೆ. ಇದರ ಹಿಂದೆಯೇ ಇಸ್ರೇಲ್‌ ನಾಗರಿಕರಿಗೆ ಎಚ್ಚರಿಕೆ ಗಂಟೆ ಮೊಳಗಿಸಿದೆ. ಪ್ರಾಣಹಾನಿ ವಿವರ ಗೊತ್ತಾಗಿಲ್ಲ. ಸುರಕ್ಷಿತ ತಾಣಗಳು ಹಾಗೂ ಆದಷ್ಟು ಬಾಂಬ್‌ ‌ಶೆಲ್ಟರ್‌ಗಳ ಬಳಿಯೇ ಇರಬೇಕು ಎಂದು ನಿವಾಸಿಗಳಿಗೆ ಸಲಹೆ ಮಾಡಿದೆ. ದಾಳಿ ಮಾಡಿದಲ್ಲಿ ಪ್ರತಿರೋಧ ಎದುರಿಸಬೇಕಾದಿತು ಎಂದು ಇಸ್ರೇಲ್ ಎಚ್ಚರಿಸಿದೆ.

ಸೋಲ್: ಅಧಿಕ ಸಾಮರ್ಥ್ಯ ಮತ್ತು ಪರಿಣಾಮಕಾರಿ ಎನ್ನಲಾದ ಹೊಸ ಖಂಡಾಂತರ ಕ್ಷಿಪಣಿಯನ್ನು ದಕ್ಷಿಣ ಕೊರಿಯಾ ಶನಿವಾರ ಪ್ರದರ್ಶಿಸಿದೆ. ‘ಉತ್ತರ ಕೊರಿಯಾ ಒಂದು ವೇಳೆ ಅಣ್ವಸ್ತ್ರ ಬಳಕೆಗೆ ಯತ್ನಿಸಿದಲ್ಲಿ ತೀವ್ರ ಪ್ರತಿರೋಧ ಎದುರಿಸಲಿದ್ದು ಅಲ್ಲಿನ ಆಡಳಿತ ಕುಸಿಯಲಿದೆ’ ಎಂದು ದಕ್ಷಿಣ ಕೊರಿಯಾ ಅಧ್ಯಕ್ಷರು ತನ್ನ ಸೇನಾ ದಿನ ಕಾರ್ಯಕ್ರಮದಲ್ಲಿ ಎಚ್ಚರಿಸಿದ್ದಾರೆ. ಕಾರ್ಯಕ್ರಮದಲ್ಲಿ ದಕ್ಷಿಣ ಕೊರಿಯಾ 340 ಸೇನಾ ಪರಿಕರಗಳನ್ನು ಪ್ರದರ್ಶಿಸಿತು. ಇದರಲ್ಲಿ ಅಧಿಕ ಸಾಮರ್ಥ್ಯದ ಹ್ಯೂನ್ಮೂ–5 ಕ್ಷಿಪಣಿ ಸೇರಿದೆ. ‘ಇದು 8 ಟನ್‌ ತೂಕದ ಸಿಡಿತಲೆ ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ. ಉತ್ತರ ಕೊರಿಯಾದಲ್ಲಿರುವ ಭೂಗತ ಬಂಕರ್‌ಗಳನ್ನು ಇದು ನಾಶಪಡಿಸಬಲ್ಲದು’ ಎಂದು ಸೇನೆ ಹೇಳಿಕೊಂಡಿದೆ.  

ಕೀವ್: ದಕ್ಷಿಣ ಉಕ್ರೇನ್‌ನ ಖೆರ್ಸಾನ್‌ ನಗರದ ಮಾರುಕಟ್ಟೆ ಮೇಲೆ ರಷ್ಯಾದ ಸೇನೆ ನಡೆಸಿದ ಫಿರಂಗಿ ದಾಳಿಯಲ್ಲಿ ಏಳು ಮಂದಿ ಸತ್ತಿದ್ದು ಮೂವರು ಗಾಯಗೊಂಡರು. ತರಕಾರಿ ಮಳಿಗೆಗಳ ನಡುವೆ ಶವಗಳು ಬಿದ್ದಿರುವ ವಿಡಿಯೊ ಅನ್ನು ಖೆರ್ಸಾನ್‌ನ ಪ್ರಾದೇಶಿಕ ಗವರ್ನರ್ ಒಲೆಕ್ಸಾಂಡರ್ ಪೊಕೊದಿನ್ ಹಂಚಿಕೊಂಡಿದ್ದಾರೆ. ಇನ್ನೊಂದೆಡೆ ರಷ್ಯಾದ ಕುರ್ಸ್ಕ್ ವಲಯದ ಗಡಿಯಲ್ಲಿ ರಷ್ಯಾ ಸೇನೆಯು ಅತಿಕ್ರಮಣಕ್ಕೆ ಯತ್ನಿಸಿದ್ದು ಉಕ್ರೇನ್‌ ಸೇನೆಯು ತೀವ್ರ ಪ್ರತಿರೋಧ ಒಡ್ಡಿದೆ ಎಂದು ಹೇಳಲಾಗಿದೆ.    ರಷ್ಯಾ 2022ರ ಫೆಬ್ರುವರಿಯಲ್ಲಿ ಅತಿಕ್ರಮಣ ನಡೆಸಿ ಖೆರ್ಸಾನ್‌ ಅನ್ನು ಸ್ವಾಧೀನ ಪಡೆದಿತ್ತು. ಉಕ್ರೇನ್‌ ಮರುದಾಳಿ ನಡೆಸಿ ಇದನ್ನು ಮರಳಿ ವಶಕ್ಕೆ ಪಡೆದುಕೊಂಡಿತ್ತು.