ಸಿಖ್ ದೇವಾಲಯವಾಗಿ ಪರಿವರ್ತನೆಗೊಂಡ ಕೆನಡಾದ ಹಳೆಯ ಚರ್ಚ್

ಟೊರೊಂಟೊ : ಸ್ಥಳೀಯ ಸಿಖ್ ಸಮುದಾಯದ ನಿರಂತರ ವಿನಂತಿ ಮೇರೆಗೆ ಇಲ್ಲಿನ ರೆಡ್ ಡೀರ್ ನಗರದ ಹಳೆಯ ಚರ್ಚ್ ಅನ್ನು ಸಿಖ್ ಆರಾಧನಾ ಸ್ಥಳವಾಗಿ ಪರಿವರ್ತಿಸಲಾಗಿದೆ. 2005 ರಿಂದ ಸ್ಥಳೀಯ ಸಿಖ್ ಸಮುದಾಯ ಈ ಪರಿವರ್ತನೆಗಾಗಿ ವಿನಂತಿಸಿಕೊಂಡು ಬಂದಿತ್ತು.

. ಇಲ್ಲಿನ ಕಾರ್ನರ್ಸ್ಟೋನ್ ಗಾಸ್ಪೆಲ್ ಚಾಪೆಲ್ ಈಗ ಗುರು ನಾನಕರ ಆರಾಧನೆಯ ಗುರುದ್ವಾರವಾಗಿದೆ ಮತ್ತು ವಾರದಲ್ಲಿ ಏಳು ದಿನಗಳು ಬೆಳಿಗ್ಗೆ 6 ರಿಂದ ರಾತ್ರಿ 8 ರವರೆಗೆ ತೆರೆದಿರುತ್ತದೆ.

. ಇದು ಸುಮಾರು 150 ಕುಟುಂಬಗಳು, 250 ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳು ಮತ್ತು ಭಾರತದ ತಾತ್ಕಾಲಿಕ ವಿದೇಶಿ ಉದ್ಯೋಗಿಗಳಿಗೆ ಆರಾಧನೆ ಅವಕಾಶ ನೀಡಲಿದೆ ಎಂದು ಸಿಬಿಸಿ ನ್ಯೂಸ್ ವರದಿ ಮಾಡಿದೆ.

. ‘ದೇಶದಲ್ಲಿ ಸಿಖ್ ಸಮುದಾಯವು ಪ್ರತಿದಿನ ಬೆಳೆಯುತ್ತಿದೆ. ಕ್ಯಾಲ್ಗರಿ ಮತ್ತು ಒಂಟಾರಿಯೊದಂತಹ ಬೇರೆ ನಗರಗಳಿಂದಲೂ ಇಲ್ಲಿಗೆ ಭಕ್ತರು ಆಗಮಿಸುತ್ತಿದ್ದಾರೆ’ ಎಂದು ಗುರುದ್ವಾರದ ಮುಖ್ಯಸ್ಥ ನಿಶಾನ್ ಸಿಂಗ್ ಸಂಧು ತಿಳಿಸಿದ್ದಾರೆ.

. ‘ಈ ಕಟ್ಟಡ ಇಲ್ಲದಿದ್ದರೆ ನಮಗೆ ಒಟ್ಟಿಗೆ ಸೇರಲು ಹತ್ತಿರದಲ್ಲಿ ಸ್ಥಳವಿರಲಿಲ್ಲ. ಇಲ್ಲೊಂದು ಗುರುದ್ವಾರವನ್ನು ನಿರ್ಮಿಸಲು ನಾವು ಕಳೆದ 20 ವರ್ಷಗಳಿಂದ ಹೆಣಗಾಡಿದ್ದೇವೆ’ ಎಂದು ಸಂಧು ಹೇಳಿದರು.

. ಸಮುದಾಯವು ಈ ಕಟ್ಟಡ ಖರೀದಿಗಾಗಿ ಕ್ಯಾಲ್ಗರಿ, ಎಡ್ಮಂಟನ್ ಮತ್ತು ಸರ್ರೆ, ಬ್ರಿಟಿಷ್ ಕೊಲಂಬಿಯಾದಂತಹ ನೆರೆಹೊರೆಯ ಸಿಖ್ ಸಮುದಾಯಗಳಿಂದ ದೇಣಿಗೆ ಪಡೆದಿದೆ., ಜೊತೆಗೆ ಖಾಸಗಿ ವ್ಯಕ್ತಿಗಳಿಂದ 4,50,000, ಡಾಲರ್ ದೇಣಿಗೆ ಲಭಿಸಿದೆ. ಹೀಗಾಗಿ ಯಾವುದೇ ಅಡಮಾನವಿಲ್ಲದೆ ಕಟ್ಟಡವನ್ನು ಖರೀದಿಸಲು ಅವಕಾಶ ಸಾಧ್ಯವಾಗಿದೆ ಎಂದು ಅವರು ತಿಳಿಸಿದರು.

. ಕಳೆದ ತಿಂಗಳಿನಿಂದ ಆರಂಭಗೊಂಡಿರುವ ಗುರುದ್ವಾರವು ದೊಡ್ಡ ನೆಲಮಾಳಿಗೆಯ ಪ್ರದೇಶ ಮತ್ತು ಅಡುಗೆಮನೆಯೊಂದಿಗೆ ಒಂದು ಮಹಡಿಯನ್ನು ಒಳಗೊಂಡಿದೆ. ಕೇಂದ್ರದ ಅಡುಗೆಮನೆಯು ಸಂದರ್ಶಕರಿಗೆ ಮತ್ತು ಅಗತ್ಯವಿರುವ ಯಾರಿಗಾದರೂ ಉಚಿತ ಸಸ್ಯಾಹಾರಿ ಊಟವನ್ನು ಒದಗಿಸುತ್ತದೆ.

. ‘ಇಲ್ಲಿನ ಜನರಿಗೆ ಪೇಟದ ಬಗ್ಗೆ ತಿಳಿದಿರಲಿಲ್ಲ. ಸಿಖ್ ಧರ್ಮದ ಬಗ್ಗೆ ಗೊತ್ತಿಲ್ಲ. ಈಗ, ಕನಿಷ್ಠ ನಾವು ಯಾರೆಂದು ಅವರಿಗೆ ತಿಳಿದಿದೆ’ ಎಂದು ಗುರುದ್ವಾರದ ಉಪಾಧ್ಯಕ್ಷ ಗುರುಚರಣ್ ಸಿಂಗ್ ಗಿಲ್ ತಿಳಿಸಿದ್ದಾರೆ.

. ಈ ವರ್ಷ 'ನಗರ ಕೀರ್ತನೆ' ಮೆರವಣಿಗೆಯನ್ನು ಆಯೋಜಿಸಲು ಮತ್ತು ಈ ಮೂಲಕ ಸಮುದಾಯ ಅಸ್ತಿತ್ವ ವೃದ್ಧಿಗೆ ಆಲೋಚಿಸಿದ್ದೇವೆ ಎಂದು ಗಿಲ್ ಹೇಳಿದ್ದಾರೆ.

. ಅಲ್ಬರ್ಟಾ ಪ್ರಾಂತ್ಯದ ರೆಡ್ ಡೀರ್ ಕೌಂಟಿ ಕಳೆದ ವರ್ಷ ಆಗಸ್ಟ್ನಲ್ಲಿ ಗುರುದ್ವಾರದ ವಿನಂತಿ ಅನುಮೋದಿಸಿತ್ತು. ಸಿಖ್ ಸಮುದಾಯವು ಕಳೆದ ತಿಂಗಳು ಕಟ್ಟಡವನ್ನು ಸ್ವಾಧೀನಪಡಿಸಿಕೊಂಡಿತು. ಈ ಹಿಂದೆ, ಸಿಖ್ ಕುಟುಂಬಗಳು ತಿಂಗಳಿಗೊಮ್ಮೆ ಕೆನಡಾದ ಬೋವರ್ ಸಮುದಾಯ ಕೇಂದ್ರದಲ್ಲಿ ಪ್ರಾರ್ಥನೆಗಾಗಿ ಸೇರುತ್ತಿದ್ದವು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಿಖ್ ದೇವಾಲಯವಾಗಿ ಪರಿವರ್ತನೆಗೊಂಡ ಕೆನಡಾದ ಹಳೆಯ ಚರ್ಚ್

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

IND vs AUS Perth Test: ರಾಹುಲ್ ನಾಟೌಟ್..ಔಟ್!

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು