<p><strong>ಬೆಂಗಳೂರು:</strong> ಒಡಲು ಸೇರಿದ್ದ ಕೊಳಚೆ ನೀರನ್ನು ಕೊಡವಿ, ಶುದ್ಧನೀರನ್ನು ಶೇಖರಿಸಿಕೊಂಡಿದೆ ಬೆಂಗಳೂರು ಪೂರ್ವ ತಾಲ್ಲೂಕಿನ ಕಲ್ಕೆರೆ ಕೆರೆ. ಎರಡು ವರ್ಷಗಳವರೆಗೆ ಪರೀಕ್ಷೆಗೆ ಒಡ್ಡಿದ್ದ ಜಲಮೂಲಕ್ಕೆ ಮತ್ತೆ ಕಲುಷಿತ ನೀರು ಸೇರದಂತೆ ನೋಡಿಕೊಳ್ಳಿ ಎಂಬುದು ಅದರ ಅಂತರಂಗದ ಕೋರಿಕೆ.</p>.<p>ಮಲಿನಗೊಂಡಿದ್ದ ಜಲಮೂಲಕ್ಕೆ ಕಾಯಕಲ್ಪ ನೀಡುವ ಉದ್ದೇಶದಿಂದ ಬಿಬಿಎಂಪಿ ಕೆರೆ ವಿಭಾಗವು ಎರಡು ವರ್ಷಗಳ ಹಿಂದೆ ಪುನಶ್ಚೇತನ ಕಾಮಗಾರಿ ಕೈಗೆತ್ತಿಕೊಂಡಿತ್ತು.</p>.<p>ಜಲಮೂಲಕ್ಕೆ ಹೊರಮಾವು, ಕಲ್ಕೆರೆ ಹಾಗೂ ಹೆಬ್ಬಾಳ, ನಾಗವಾರ ಕಡೆಗಳಿಂದ ಕೊಳಚೆ ನೀರು ಸೇರುತ್ತಿತ್ತು. ಇದನ್ನು ತಪ್ಪಿಸುವ ಉದ್ದೇಶದಿಂದ ಹೊರಮಾವು ಭಾಗದಲ್ಲಿ 2 ಕೋಟಿ ಲೀಟರ್ ಸಾಮರ್ಥ್ಯದ ಕೊಳಚೆ ನೀರು ಶುದ್ಧೀಕರಣ ಘಟಕವನ್ನು (ಎಸ್ಟಿಪಿ) ಜಲಮಂಡಳಿಯು ಸ್ಥಾಪಿಸಿದೆ. ಇಲ್ಲಿ ಪ್ರತಿದಿನ 2 ಕೋಟಿ ಲೀಟರ್ ತ್ಯಾಜ್ಯ ನೀರು ಶುದ್ಧೀಕರಿಸಿ ಕೆರೆಗೆ ಬಿಡಲಾಗುತ್ತಿದೆ.</p>.<p>ಹೆಬ್ಬಾಳ, ನಾಗವಾರ ಕಡೆಯಿಂದ ಬರುವ ರಾಜಕಾಲುವೆಯು ಕೆರೆಗೆ ಸಂಪರ್ಕ ಪಡೆಯುತ್ತದೆ. ತ್ಯಾಜ್ಯ ನೀರು ಒಡಲು ಸೇರದಂತೆ ತಡೆಯುವ ಉದ್ದೇಶದಿಂದ ಸುಮಾರು 3.5 ಕಿ.ಮೀ. ಉದ್ದದ ಪ್ರತ್ಯೇಕ ಕಾಂಕ್ರೀಟ್ ಚರಂಡಿಯನ್ನು ನಿರ್ಮಿಸಲಾಗಿದೆ. ಮಳೆ ನೀರು ಮಾತ್ರ ಕೆರೆಗೆ ಸೇರುವಂತೆ ವ್ಯವಸ್ಥೆ ಮಾಡಲಾಗಿದೆ. ಈ ಕಾಲುವೆಯ ನೀರು ಕಲ್ಕೆರೆ–ರಾಂಪುರ ಕೆರೆಗೆ ಸೇರುತ್ತದೆ.</p>.<p>ಕೆರೆಯ ಹೂಳನ್ನು ತೆರವುಗೊಳಿಸಲಾಗಿದೆ. ಸುಮಾರು 25 ಎಕರೆ ವಿಸ್ತೀರ್ಣದಲ್ಲಿ ಜೌಗು ಪ್ರದೇಶ ನಿರ್ಮಿಸಲಾಗಿದೆ. ರಾಸಾಯನಿಕಗಳಾದ ನೈಟ್ರೇಟ್ ಮತ್ತು ಫಾಸ್ಟೇಟ್ಗಳನ್ನು ಹೀರಿಕೊಳ್ಳುವ ಸಸಿಗಳನ್ನು ಇಲ್ಲಿ ಬೆಳೆಸಲಾಗಿದೆ. ಮಳೆ ನೀರು ಇಲ್ಲಿ ಸಂಗ್ರಹಗೊಂಡು ಸ್ವಾಭಾವಿಕವಾಗಿ ಶುದ್ಧೀಕರಣಗೊಳ್ಳುತ್ತದೆ. ಅಲ್ಲಿಂದ ನೀರು ಕೆರೆಯ ಒಡಲು ಸೇರುತ್ತದೆ.</p>.<p>ಜಲಮೂಲದ ಮಧ್ಯ ಭಾಗದಲ್ಲಿ 4 ಎಕರೆ ಹಾಗೂ ಅಂಚಿನಲ್ಲಿ 2 ಎಕರೆ ವಿಸ್ತೀರ್ಣದ ಎರಡು ನಡುಗಡ್ಡೆಗಳನ್ನು ನಿರ್ಮಿಸಲಾಗಿದೆ. ದೋಣಿ ವಿಹಾರಕ್ಕಾಗಿ ‘ಬೋಟ್ ಜಟ್ಟಿ’ಯನ್ನು ಕಟ್ಟಿದ್ದು, ಇದರಿಂದ ಪ್ರವಾಸಿಗರು ದೋಣಿಯಲ್ಲಿ ಹತ್ತಲು ಹಾಗೂ ಇಳಿಯಲು ಅನುಕೂಲವಾಗುತ್ತದೆ.</p>.<p>ವಾಯುವಿಹಾರಕ್ಕಾಗಿ 6.75 ಕಿ.ಮೀ ಉದ್ದ ಹಾಗೂ 5 ಮೀಟರ್ ಅಗಲದ ನಡಿಗೆ ಪಥವಿದೆ. ಕೆರೆ ಸುತ್ತಲೂ ತಂತಿ ಬೇಲಿ ಹಾಕಲಾಗಿದೆ. ಗಣೇಶ ಮೂರ್ತಿಗಳ ವಿಸರ್ಜನೆಗೆ ಕಲ್ಯಾಣಿಯ ವ್ಯವಸ್ಥೆ ಮಾಡಲಾಗಿದೆ.</p>.<p>ಪಕ್ಷಿಗಳ ಕಲರವ: ಕೆರೆಯು ಪಕ್ಷಿಗಳ ಆವಾಸ ಸ್ಥಾನವಾಗಿ ಮಾರ್ಪಟ್ಟಿದೆ. ಅವುಗಳ ಕಲರವ ಎಲ್ಲರನ್ನೂ ಸೆಳೆಯುತ್ತಿದೆ. ಬಣ್ಣದ ಕೊಕ್ಕರೆ, ಹೆಜ್ಜಾರ್ಲೆ, ನೀರುಕಾಗೆ ಸೇರಿದಂತೆ ವಿವಿಧ ಜಾತಿಯ ಪಕ್ಷಿಗಳು ಇಲ್ಲಿಗೆ ಬರುತ್ತಿವೆ.</p>.<p>‘ಗಲೀಜು ನೀರು ಸೇರಿ ಕೆರೆ ಕೆಟ್ಟಿತ್ತು. ದುರ್ವಾಸನೆ ಬೀರುತ್ತಿದ್ದರಿಂದ ನೆಮ್ಮದಿಯಾಗಿ ವಾಸ ಮಾಡಲು ಸಾಧ್ಯವಾಗಿರಲಿಲ್ಲ. ಸೊಳ್ಳೆಗಳ ಕಾಟದಿಂದ ಕಾಯಿಲೆಗಳು ಬರುತ್ತಿದ್ದವು. ಈಗ ಕೆರೆಯನ್ನು ಸಂಪೂರ್ಣವಾಗಿ ಅಭಿವೃದ್ಧಿ ಮಾಡಲಾಗಿದೆ. ಇದೇ ರೀತಿ ಉಳಿದ ಕೆರೆಗಳನ್ನು ಅಭಿವೃದ್ಧಿ ಮಾಡಬೇಕು’ ಎಂದು ವಾಯುವಿಹಾರಿ ರಮೇಶ್ ಒತ್ತಾಯಿಸಿದರು.</p>.<p><strong>12 ಸಾವಿರ ಗಿಡ ನೆಡಲಾಗಿದೆ</strong></p>.<p>ಜಲಮೂಲದ ಪಶ್ಚಿಮ ಮತ್ತು ದಕ್ಷಿಣ ಭಾಗದಲ್ಲಿ 12 ಸಾವಿರ ಗಿಡಗಳನ್ನು ನೆಡಲಾಗಿದೆ. ಇನ್ನೂ 3 ಸಾವಿರ ಗಿಡಗಳನ್ನು ನೆಡಲು ಉದ್ದೇಶಿಸಲಾಗಿದೆ.</p>.<p>ಹೊಂಗೆ, ಬೇವು, ಅರಳಿ, ಆಲ, ನೇರಳೆ ಸೇರಿದಂತೆ ಸ್ಥಳೀಯವಾಗಿ ಬೆಳೆಯುವ ಗಿಡಗಳನ್ನೇ ನೆಡಲಾಗಿದೆ. ನಡುಗಡ್ಡೆಗಳಲ್ಲಿ ಹಣ್ಣಿನ ಗಿಡಗಳನ್ನು ಬೆಳೆಸಲಾಗಿದೆ. ಇದರಿಂದ ಪಕ್ಷಿಗಳಿಗೆ ಆಹಾರ ಸಿಕ್ಕಂತಾಗುತ್ತದೆ.</p>.<p><strong>‘ದೋಣಿ ವಿಹಾರಕ್ಕಾಗಿ ಮನವಿ’</strong></p>.<p>‘ಕಲ್ಕೆರೆ, ಕೆಂಪಾಂಬುಧಿ ಕೆರೆಗಳಲ್ಲಿ ದೋಣಿ ವಿಹಾರ ನಡೆಸುವಂತೆ ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮಕ್ಕೆ (ಕೆಎಸ್ಟಿಡಿಸಿ) ಮನವಿ ಮಾಡಿದ್ದೇವೆ. ಆದರೆ, ನಿಗಮದಿಂದ ಇನ್ನೂ ಪ್ರತಿಕ್ರಿಯೆ ಬಂದಿಲ್ಲ. ನಿಗಮವು ಒಪ್ಪಿಗೆ ಸೂಚಿಸಿದ ಬಳಿಕ ಈ ಪ್ರಸ್ತಾವವನ್ನು ಕೌನ್ಸಿಲ್ ಅನುಮೋದನೆಗಾಗಿ ಕಳುಹಿಸುತ್ತೇವೆ’ ಎಂದು ಬಿಬಿಎಂಪಿ ಕೆರೆ ವಿಭಾಗದ ಕಾರ್ಯನಿರ್ವಾಹಕ ಎಂಜಿನಿಯರ್ ಜಗನ್ನಾಥ ರಾವ್ ತಿಳಿಸಿದರು.</p>.<p><strong>ಅಂಕಿ–ಅಂಶ</strong></p>.<p>186 ಎಕರೆ 38 ಗುಂಟೆ</p>.<p>ಕಲ್ಕೆರೆ ಕೆರೆಯ ಒಟ್ಟು ವಿಸ್ತೀರ್ಣ</p>.<p><br /> 6.70 ಕಿ.ಮೀ.</p>.<p>ಕೆರೆಯ ಹೊರ ಭಾಗದ ಉದ್ದ</p>.<p><br /> ₹21.32 ಕೋಟಿ</p>.<p>ಜಲಮೂಲದ ಅಭಿವೃದ್ಧಿ ವೆಚ್ಚ</p>.<p><br /> 45.4 ಕೋಟಿ ಲೀಟರ್</p>.<p>ಕಾಮಗಾರಿ ಕೈಗೊಳ್ಳುವ ಮುನ್ನ ಕೆರೆಯ ನೀರಿನ ಸಂಗ್ರಹ ಸಾಮರ್ಥ್ಯ</p>.<p><br /> 121 ಕೋಟಿ ಲೀಟರ್</p>.<p>ಈಗ ನೀರಿನ ಸಂಗ್ರಹ ಸಾಮರ್ಥ್ಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಒಡಲು ಸೇರಿದ್ದ ಕೊಳಚೆ ನೀರನ್ನು ಕೊಡವಿ, ಶುದ್ಧನೀರನ್ನು ಶೇಖರಿಸಿಕೊಂಡಿದೆ ಬೆಂಗಳೂರು ಪೂರ್ವ ತಾಲ್ಲೂಕಿನ ಕಲ್ಕೆರೆ ಕೆರೆ. ಎರಡು ವರ್ಷಗಳವರೆಗೆ ಪರೀಕ್ಷೆಗೆ ಒಡ್ಡಿದ್ದ ಜಲಮೂಲಕ್ಕೆ ಮತ್ತೆ ಕಲುಷಿತ ನೀರು ಸೇರದಂತೆ ನೋಡಿಕೊಳ್ಳಿ ಎಂಬುದು ಅದರ ಅಂತರಂಗದ ಕೋರಿಕೆ.</p>.<p>ಮಲಿನಗೊಂಡಿದ್ದ ಜಲಮೂಲಕ್ಕೆ ಕಾಯಕಲ್ಪ ನೀಡುವ ಉದ್ದೇಶದಿಂದ ಬಿಬಿಎಂಪಿ ಕೆರೆ ವಿಭಾಗವು ಎರಡು ವರ್ಷಗಳ ಹಿಂದೆ ಪುನಶ್ಚೇತನ ಕಾಮಗಾರಿ ಕೈಗೆತ್ತಿಕೊಂಡಿತ್ತು.</p>.<p>ಜಲಮೂಲಕ್ಕೆ ಹೊರಮಾವು, ಕಲ್ಕೆರೆ ಹಾಗೂ ಹೆಬ್ಬಾಳ, ನಾಗವಾರ ಕಡೆಗಳಿಂದ ಕೊಳಚೆ ನೀರು ಸೇರುತ್ತಿತ್ತು. ಇದನ್ನು ತಪ್ಪಿಸುವ ಉದ್ದೇಶದಿಂದ ಹೊರಮಾವು ಭಾಗದಲ್ಲಿ 2 ಕೋಟಿ ಲೀಟರ್ ಸಾಮರ್ಥ್ಯದ ಕೊಳಚೆ ನೀರು ಶುದ್ಧೀಕರಣ ಘಟಕವನ್ನು (ಎಸ್ಟಿಪಿ) ಜಲಮಂಡಳಿಯು ಸ್ಥಾಪಿಸಿದೆ. ಇಲ್ಲಿ ಪ್ರತಿದಿನ 2 ಕೋಟಿ ಲೀಟರ್ ತ್ಯಾಜ್ಯ ನೀರು ಶುದ್ಧೀಕರಿಸಿ ಕೆರೆಗೆ ಬಿಡಲಾಗುತ್ತಿದೆ.</p>.<p>ಹೆಬ್ಬಾಳ, ನಾಗವಾರ ಕಡೆಯಿಂದ ಬರುವ ರಾಜಕಾಲುವೆಯು ಕೆರೆಗೆ ಸಂಪರ್ಕ ಪಡೆಯುತ್ತದೆ. ತ್ಯಾಜ್ಯ ನೀರು ಒಡಲು ಸೇರದಂತೆ ತಡೆಯುವ ಉದ್ದೇಶದಿಂದ ಸುಮಾರು 3.5 ಕಿ.ಮೀ. ಉದ್ದದ ಪ್ರತ್ಯೇಕ ಕಾಂಕ್ರೀಟ್ ಚರಂಡಿಯನ್ನು ನಿರ್ಮಿಸಲಾಗಿದೆ. ಮಳೆ ನೀರು ಮಾತ್ರ ಕೆರೆಗೆ ಸೇರುವಂತೆ ವ್ಯವಸ್ಥೆ ಮಾಡಲಾಗಿದೆ. ಈ ಕಾಲುವೆಯ ನೀರು ಕಲ್ಕೆರೆ–ರಾಂಪುರ ಕೆರೆಗೆ ಸೇರುತ್ತದೆ.</p>.<p>ಕೆರೆಯ ಹೂಳನ್ನು ತೆರವುಗೊಳಿಸಲಾಗಿದೆ. ಸುಮಾರು 25 ಎಕರೆ ವಿಸ್ತೀರ್ಣದಲ್ಲಿ ಜೌಗು ಪ್ರದೇಶ ನಿರ್ಮಿಸಲಾಗಿದೆ. ರಾಸಾಯನಿಕಗಳಾದ ನೈಟ್ರೇಟ್ ಮತ್ತು ಫಾಸ್ಟೇಟ್ಗಳನ್ನು ಹೀರಿಕೊಳ್ಳುವ ಸಸಿಗಳನ್ನು ಇಲ್ಲಿ ಬೆಳೆಸಲಾಗಿದೆ. ಮಳೆ ನೀರು ಇಲ್ಲಿ ಸಂಗ್ರಹಗೊಂಡು ಸ್ವಾಭಾವಿಕವಾಗಿ ಶುದ್ಧೀಕರಣಗೊಳ್ಳುತ್ತದೆ. ಅಲ್ಲಿಂದ ನೀರು ಕೆರೆಯ ಒಡಲು ಸೇರುತ್ತದೆ.</p>.<p>ಜಲಮೂಲದ ಮಧ್ಯ ಭಾಗದಲ್ಲಿ 4 ಎಕರೆ ಹಾಗೂ ಅಂಚಿನಲ್ಲಿ 2 ಎಕರೆ ವಿಸ್ತೀರ್ಣದ ಎರಡು ನಡುಗಡ್ಡೆಗಳನ್ನು ನಿರ್ಮಿಸಲಾಗಿದೆ. ದೋಣಿ ವಿಹಾರಕ್ಕಾಗಿ ‘ಬೋಟ್ ಜಟ್ಟಿ’ಯನ್ನು ಕಟ್ಟಿದ್ದು, ಇದರಿಂದ ಪ್ರವಾಸಿಗರು ದೋಣಿಯಲ್ಲಿ ಹತ್ತಲು ಹಾಗೂ ಇಳಿಯಲು ಅನುಕೂಲವಾಗುತ್ತದೆ.</p>.<p>ವಾಯುವಿಹಾರಕ್ಕಾಗಿ 6.75 ಕಿ.ಮೀ ಉದ್ದ ಹಾಗೂ 5 ಮೀಟರ್ ಅಗಲದ ನಡಿಗೆ ಪಥವಿದೆ. ಕೆರೆ ಸುತ್ತಲೂ ತಂತಿ ಬೇಲಿ ಹಾಕಲಾಗಿದೆ. ಗಣೇಶ ಮೂರ್ತಿಗಳ ವಿಸರ್ಜನೆಗೆ ಕಲ್ಯಾಣಿಯ ವ್ಯವಸ್ಥೆ ಮಾಡಲಾಗಿದೆ.</p>.<p>ಪಕ್ಷಿಗಳ ಕಲರವ: ಕೆರೆಯು ಪಕ್ಷಿಗಳ ಆವಾಸ ಸ್ಥಾನವಾಗಿ ಮಾರ್ಪಟ್ಟಿದೆ. ಅವುಗಳ ಕಲರವ ಎಲ್ಲರನ್ನೂ ಸೆಳೆಯುತ್ತಿದೆ. ಬಣ್ಣದ ಕೊಕ್ಕರೆ, ಹೆಜ್ಜಾರ್ಲೆ, ನೀರುಕಾಗೆ ಸೇರಿದಂತೆ ವಿವಿಧ ಜಾತಿಯ ಪಕ್ಷಿಗಳು ಇಲ್ಲಿಗೆ ಬರುತ್ತಿವೆ.</p>.<p>‘ಗಲೀಜು ನೀರು ಸೇರಿ ಕೆರೆ ಕೆಟ್ಟಿತ್ತು. ದುರ್ವಾಸನೆ ಬೀರುತ್ತಿದ್ದರಿಂದ ನೆಮ್ಮದಿಯಾಗಿ ವಾಸ ಮಾಡಲು ಸಾಧ್ಯವಾಗಿರಲಿಲ್ಲ. ಸೊಳ್ಳೆಗಳ ಕಾಟದಿಂದ ಕಾಯಿಲೆಗಳು ಬರುತ್ತಿದ್ದವು. ಈಗ ಕೆರೆಯನ್ನು ಸಂಪೂರ್ಣವಾಗಿ ಅಭಿವೃದ್ಧಿ ಮಾಡಲಾಗಿದೆ. ಇದೇ ರೀತಿ ಉಳಿದ ಕೆರೆಗಳನ್ನು ಅಭಿವೃದ್ಧಿ ಮಾಡಬೇಕು’ ಎಂದು ವಾಯುವಿಹಾರಿ ರಮೇಶ್ ಒತ್ತಾಯಿಸಿದರು.</p>.<p><strong>12 ಸಾವಿರ ಗಿಡ ನೆಡಲಾಗಿದೆ</strong></p>.<p>ಜಲಮೂಲದ ಪಶ್ಚಿಮ ಮತ್ತು ದಕ್ಷಿಣ ಭಾಗದಲ್ಲಿ 12 ಸಾವಿರ ಗಿಡಗಳನ್ನು ನೆಡಲಾಗಿದೆ. ಇನ್ನೂ 3 ಸಾವಿರ ಗಿಡಗಳನ್ನು ನೆಡಲು ಉದ್ದೇಶಿಸಲಾಗಿದೆ.</p>.<p>ಹೊಂಗೆ, ಬೇವು, ಅರಳಿ, ಆಲ, ನೇರಳೆ ಸೇರಿದಂತೆ ಸ್ಥಳೀಯವಾಗಿ ಬೆಳೆಯುವ ಗಿಡಗಳನ್ನೇ ನೆಡಲಾಗಿದೆ. ನಡುಗಡ್ಡೆಗಳಲ್ಲಿ ಹಣ್ಣಿನ ಗಿಡಗಳನ್ನು ಬೆಳೆಸಲಾಗಿದೆ. ಇದರಿಂದ ಪಕ್ಷಿಗಳಿಗೆ ಆಹಾರ ಸಿಕ್ಕಂತಾಗುತ್ತದೆ.</p>.<p><strong>‘ದೋಣಿ ವಿಹಾರಕ್ಕಾಗಿ ಮನವಿ’</strong></p>.<p>‘ಕಲ್ಕೆರೆ, ಕೆಂಪಾಂಬುಧಿ ಕೆರೆಗಳಲ್ಲಿ ದೋಣಿ ವಿಹಾರ ನಡೆಸುವಂತೆ ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮಕ್ಕೆ (ಕೆಎಸ್ಟಿಡಿಸಿ) ಮನವಿ ಮಾಡಿದ್ದೇವೆ. ಆದರೆ, ನಿಗಮದಿಂದ ಇನ್ನೂ ಪ್ರತಿಕ್ರಿಯೆ ಬಂದಿಲ್ಲ. ನಿಗಮವು ಒಪ್ಪಿಗೆ ಸೂಚಿಸಿದ ಬಳಿಕ ಈ ಪ್ರಸ್ತಾವವನ್ನು ಕೌನ್ಸಿಲ್ ಅನುಮೋದನೆಗಾಗಿ ಕಳುಹಿಸುತ್ತೇವೆ’ ಎಂದು ಬಿಬಿಎಂಪಿ ಕೆರೆ ವಿಭಾಗದ ಕಾರ್ಯನಿರ್ವಾಹಕ ಎಂಜಿನಿಯರ್ ಜಗನ್ನಾಥ ರಾವ್ ತಿಳಿಸಿದರು.</p>.<p><strong>ಅಂಕಿ–ಅಂಶ</strong></p>.<p>186 ಎಕರೆ 38 ಗುಂಟೆ</p>.<p>ಕಲ್ಕೆರೆ ಕೆರೆಯ ಒಟ್ಟು ವಿಸ್ತೀರ್ಣ</p>.<p><br /> 6.70 ಕಿ.ಮೀ.</p>.<p>ಕೆರೆಯ ಹೊರ ಭಾಗದ ಉದ್ದ</p>.<p><br /> ₹21.32 ಕೋಟಿ</p>.<p>ಜಲಮೂಲದ ಅಭಿವೃದ್ಧಿ ವೆಚ್ಚ</p>.<p><br /> 45.4 ಕೋಟಿ ಲೀಟರ್</p>.<p>ಕಾಮಗಾರಿ ಕೈಗೊಳ್ಳುವ ಮುನ್ನ ಕೆರೆಯ ನೀರಿನ ಸಂಗ್ರಹ ಸಾಮರ್ಥ್ಯ</p>.<p><br /> 121 ಕೋಟಿ ಲೀಟರ್</p>.<p>ಈಗ ನೀರಿನ ಸಂಗ್ರಹ ಸಾಮರ್ಥ್ಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
