<p>‘ಸಿ.ಎಂ. ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು ಆರೋಪದ ತನಿಖೆ ಎದುರಿಸಿ ಅಂತ ವಿರೋಧ ಪಕ್ಷದವರು ಎಡೆಬಿಡದೆ ಒತ್ತಾಯ ಮಾಡ್ತಿದ್ದಾರೆ ಕಣ್ರೀ’ ಅಂದಳು ಸುಮಿ.</p>.<p>‘ಕುರ್ಚಿ ಖಾಲಿ ಮಾಡಿ ಎನ್ನಲು ಸಿ.ಎಂ. ಕುರ್ಚಿಯನ್ನು ವಿರೋಧ ಪಕ್ಷದವರು ಕೊಟ್ಟಿಲ್ಲ. ರಾಜ್ಯದ ಜನ, ಅವರ ಪಕ್ಷದ ಶಾಸಕರು, ಅವರ ಹೈಕಮಾಂಡ್ ಕೊಟ್ಟಿದೆಯಂತೆ. ತಾವು ತಪ್ಪೂ ಮಾಡಿಲ್ಲ, ಕುರ್ಚಿಯನ್ನೂ ಬಿಡುವುದಿಲ್ಲ ಎಂದಿದ್ದಾರೆ ಸಿ.ಎಂ’ ಅಂದ ಶಂಕ್ರಿ.</p>.<p>‘ಅಧಿಕಾರದಲ್ಲಿದ್ದರೆ ತನಿಖೆ ಮೇಲೆ ಪ್ರಭಾವ ಬೀರಬಹುದು, ನಿಷ್ಪಕ್ಷಪಾತ ತನಿಖೆ ಸಾಧ್ಯವಾಗುವುದಿಲ್ಲ, ತಪ್ಪು ಮಾಡಿಲ್ಲ ಎಂಬುದು ಸಾಬೀತಾದರೆ ಮತ್ತೆ ಸಿ.ಎಂ. ಕುರ್ಚಿ ಹತ್ತಿ ಅಂತ ಹೇಳ್ತಿದ್ದಾರೆ’.</p>.<p>‘ಈಗಾಗಲೇ ಸಿ.ಎಂ. ಕುರ್ಚಿ ಮೇಲೆ ಹಲವರು ಟವೆಲ್ ಹಾಕಿದ್ದಾರಂತೆ. ತನಿಖೆಗಾಗಿ ಕುರ್ಚಿ ಖಾಲಿ ಮಾಡಿದರೆ ಇನ್ಯಾರೋ ಬಂದು ಕುಳಿತುಬಿಡುತ್ತಾರೆ ಅನ್ನೋ ಭಯ ಇರಬಹುದೇನೊ’.</p>.<p>‘ಇದೊಳ್ಳೆ ರಾಮಾಯಣ ಆಯ್ತಲ್ಲ!’</p>.<p>‘ರಾಮಾಯಣ ಅಲ್ಲ, ‘ಕೊಡುವುದಿಲ್ಲವೋ ರಾಜ್ಯವ, ಬಿಡುವುದಿಲ್ಲವೋ ಕುರ್ಚಿಯ’ ಎನ್ನುವ ಮಹಾಭಾರದ ಕಥಾ ಪ್ರಸಂಗ’.</p>.<p>‘ಇಲ್ಲಿ ಕುರ್ಚಿ ಖಾಲಿ ಮಾಡೊಲ್ಲ ಅನ್ನುತ್ತಿದ್ದಾರೆ. ದೆಹಲಿಯಲ್ಲಿ ಸಿ.ಎಂ. ಕುರ್ಚಿ ಮೇಲೆ ಕೂರದೆ ಅಲ್ಲಿನ ಸಿ.ಎಂ. ರಾಜ್ಯಭಾರ ಮಾಡ್ತಿದ್ದಾರಂತೆ. ಸಿ.ಎಂ. ಕುರ್ಚಿ ಖಾಲಿ ಬಿಡಬೇಡಿ, ಕುರ್ಚಿ ಮೇಲೆ ಕುಳಿತುಕೊಳ್ಳಿ ಅಂತ ಅಲ್ಲಿನ ಸಿ.ಎಂಗೆ ವಿರೋಧ ಪಕ್ಷದವರು ಒತ್ತಾಯ ಮಾಡ್ತಿದ್ದಾರೆ!’</p>.<p>‘ಅದು ರಾಮಾಯಣ ಪ್ರಸಂಗದಂತೆ. ಕಾಡಿಗೆ ಹೋದ ರಾಮನ ಪಾದುಕೆ ತಂದು ಸಿಂಹಾಸನದ ಮೇಲಿಟ್ಟು ಸೋದರಪ್ರೇಮ ಮೆರೆದು ರಾಜ್ಯವಾಳಿದ ಭರತನಂತೆ, ದೆಹಲಿ ಸಿ.ಎಂ.ಗಾಗಿ ಇರುವ ಕುರ್ಚಿ ಮೇಲೆ ಕೂರದೆ ಮಾಜಿ ಸಿ.ಎಂ. ಮೇಲಿನ ಗುರುಭಕ್ತಿ ಪ್ರದರ್ಶಿಸಿದ್ದಾರಂತೆ’.</p>.<p>‘ಇತಿಹಾಸ ಮರುಕಳಿಸುತ್ತದೆ ಎನ್ನುತ್ತಾರೆ, ನಮ್ಮಲ್ಲಿ ಪುರಾಣ ಪ್ರಸಂಗಗಳೂ <br>ಮರುಕಳಿಸುತ್ತಿವೆಯಲ್ರೀ!’ ಎಂದಳು ಸುಮಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಸಿ.ಎಂ. ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು ಆರೋಪದ ತನಿಖೆ ಎದುರಿಸಿ ಅಂತ ವಿರೋಧ ಪಕ್ಷದವರು ಎಡೆಬಿಡದೆ ಒತ್ತಾಯ ಮಾಡ್ತಿದ್ದಾರೆ ಕಣ್ರೀ’ ಅಂದಳು ಸುಮಿ.</p>.<p>‘ಕುರ್ಚಿ ಖಾಲಿ ಮಾಡಿ ಎನ್ನಲು ಸಿ.ಎಂ. ಕುರ್ಚಿಯನ್ನು ವಿರೋಧ ಪಕ್ಷದವರು ಕೊಟ್ಟಿಲ್ಲ. ರಾಜ್ಯದ ಜನ, ಅವರ ಪಕ್ಷದ ಶಾಸಕರು, ಅವರ ಹೈಕಮಾಂಡ್ ಕೊಟ್ಟಿದೆಯಂತೆ. ತಾವು ತಪ್ಪೂ ಮಾಡಿಲ್ಲ, ಕುರ್ಚಿಯನ್ನೂ ಬಿಡುವುದಿಲ್ಲ ಎಂದಿದ್ದಾರೆ ಸಿ.ಎಂ’ ಅಂದ ಶಂಕ್ರಿ.</p>.<p>‘ಅಧಿಕಾರದಲ್ಲಿದ್ದರೆ ತನಿಖೆ ಮೇಲೆ ಪ್ರಭಾವ ಬೀರಬಹುದು, ನಿಷ್ಪಕ್ಷಪಾತ ತನಿಖೆ ಸಾಧ್ಯವಾಗುವುದಿಲ್ಲ, ತಪ್ಪು ಮಾಡಿಲ್ಲ ಎಂಬುದು ಸಾಬೀತಾದರೆ ಮತ್ತೆ ಸಿ.ಎಂ. ಕುರ್ಚಿ ಹತ್ತಿ ಅಂತ ಹೇಳ್ತಿದ್ದಾರೆ’.</p>.<p>‘ಈಗಾಗಲೇ ಸಿ.ಎಂ. ಕುರ್ಚಿ ಮೇಲೆ ಹಲವರು ಟವೆಲ್ ಹಾಕಿದ್ದಾರಂತೆ. ತನಿಖೆಗಾಗಿ ಕುರ್ಚಿ ಖಾಲಿ ಮಾಡಿದರೆ ಇನ್ಯಾರೋ ಬಂದು ಕುಳಿತುಬಿಡುತ್ತಾರೆ ಅನ್ನೋ ಭಯ ಇರಬಹುದೇನೊ’.</p>.<p>‘ಇದೊಳ್ಳೆ ರಾಮಾಯಣ ಆಯ್ತಲ್ಲ!’</p>.<p>‘ರಾಮಾಯಣ ಅಲ್ಲ, ‘ಕೊಡುವುದಿಲ್ಲವೋ ರಾಜ್ಯವ, ಬಿಡುವುದಿಲ್ಲವೋ ಕುರ್ಚಿಯ’ ಎನ್ನುವ ಮಹಾಭಾರದ ಕಥಾ ಪ್ರಸಂಗ’.</p>.<p>‘ಇಲ್ಲಿ ಕುರ್ಚಿ ಖಾಲಿ ಮಾಡೊಲ್ಲ ಅನ್ನುತ್ತಿದ್ದಾರೆ. ದೆಹಲಿಯಲ್ಲಿ ಸಿ.ಎಂ. ಕುರ್ಚಿ ಮೇಲೆ ಕೂರದೆ ಅಲ್ಲಿನ ಸಿ.ಎಂ. ರಾಜ್ಯಭಾರ ಮಾಡ್ತಿದ್ದಾರಂತೆ. ಸಿ.ಎಂ. ಕುರ್ಚಿ ಖಾಲಿ ಬಿಡಬೇಡಿ, ಕುರ್ಚಿ ಮೇಲೆ ಕುಳಿತುಕೊಳ್ಳಿ ಅಂತ ಅಲ್ಲಿನ ಸಿ.ಎಂಗೆ ವಿರೋಧ ಪಕ್ಷದವರು ಒತ್ತಾಯ ಮಾಡ್ತಿದ್ದಾರೆ!’</p>.<p>‘ಅದು ರಾಮಾಯಣ ಪ್ರಸಂಗದಂತೆ. ಕಾಡಿಗೆ ಹೋದ ರಾಮನ ಪಾದುಕೆ ತಂದು ಸಿಂಹಾಸನದ ಮೇಲಿಟ್ಟು ಸೋದರಪ್ರೇಮ ಮೆರೆದು ರಾಜ್ಯವಾಳಿದ ಭರತನಂತೆ, ದೆಹಲಿ ಸಿ.ಎಂ.ಗಾಗಿ ಇರುವ ಕುರ್ಚಿ ಮೇಲೆ ಕೂರದೆ ಮಾಜಿ ಸಿ.ಎಂ. ಮೇಲಿನ ಗುರುಭಕ್ತಿ ಪ್ರದರ್ಶಿಸಿದ್ದಾರಂತೆ’.</p>.<p>‘ಇತಿಹಾಸ ಮರುಕಳಿಸುತ್ತದೆ ಎನ್ನುತ್ತಾರೆ, ನಮ್ಮಲ್ಲಿ ಪುರಾಣ ಪ್ರಸಂಗಗಳೂ <br>ಮರುಕಳಿಸುತ್ತಿವೆಯಲ್ರೀ!’ ಎಂದಳು ಸುಮಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
