<p>ನಾರಾಯಣ ರಾಯಚೂರ್</p><p>‘ನೋಡಿದೆಯೆನೇ ಬೆಂಗಳೂರಿನ ಭಾಗ್ಯವಾ?’ ಭಾರತದ ಮೂರನೇ ‘ಸಿರಿ ನಗರ’ ಬೆಂಗಳೂರಂತೆ!’</p><p>‘ಗಿರಿ ನಗರ ಗೊತ್ತು, ಅಮ್ಮನ ಮನೆ ಅಲ್ಲೇ ಅಲ್ವಾ? ಇದು ಯಾವುದುರೀ ಸಿರಿ ನಗರ! ಸಿರಿ ಧಾನ್ಯವೋ? ಸಿರಿ ನಗರವೋ?’</p><p>‘ಲಂಡನ್ನಿನ ಒಂದು ಸಮೀಕ್ಷಾ ಸಂಸ್ಥೆ ಪ್ರತಿವರ್ಷ ಶ್ರೀಮಂತ ರಾಷ್ಟ್ರ–ನಗರಗಳ ಪಟ್ಟಿ ತಯಾರು ಮಾಡುತ್ತಂತೆ. ಈ ವರ್ಷ ಭಾರತದ ಶ್ರೀಮಂತ ನಗರಗಳ ಪಟ್ಟಿಯಲ್ಲಿ ಮುಂಬೈ, ಡೆಲ್ಲಿ ಬಿಟ್ಟರೆ ನಮ್ಮ ಬೆಂಗಳೂರಿಗೆ ಮೂರನೇ ಸ್ಥಾನ ಕಣೇ’.</p><p>‘ಮೊನ್ನೆ ವಿಶ್ವ ‘ಜನಸಂಖ್ಯೆ ಪಟ್ಟಿ’ಯಲ್ಲಿ ಭಾರತ ಮೊದಲನೇ ಸ್ಥಾನ ಪಡಕೊಂಡ ಸುದ್ದಿ ಬಂದಿತ್ತು, ಈಗ ನಮ್ಮ ಬೆಂಗಳೂರಿಗೆ ಕುಬೇರ ನಗರ ಪಟ್ಟವೇ?! ಸರಿಯಾಗಿ ಸಮೀಕ್ಷೆ ಮಾಡಿದ್ದಾರೋ ಅಥವಾ ಇಲ್ಲಿನ ರಿಚ್ಮಂಡ್ ಟೌನು, ಡಾಲರ್ಸ್ ಕಾಲೊನಿ, ಮಹಾಲಕ್ಷ್ಮಿ ಲೇಔಟ್ ಅಂತ ಹೆಸರು ಕೇಳಿಬಿಟ್ಟು ಈ ತೀರ್ಮಾನಕ್ಕೆ ಬಂದಿದಾರೋ?’</p><p>‘ಹಾಗಲ್ಲಾ ಕಣೆ, ಅವೆಲ್ಲಾ ಅಂತರರಾಷ್ಟ್ರೀಯ ಖ್ಯಾತಿಯ ಸಂಸ್ಥೆಗಳು, ಜವಾಬ್ದಾರಿಯಿಂದ ಮಾಡಿರ್ತಾವೆ. ಬೆಂಗಳೂರಲ್ಲಿ ಎಂಟು– ಹತ್ತು ಕೋಟಿಗೂ ಹೆಚ್ಚು ಹಣ ಇರೋರು ಲಕ್ಷಾಂತರ ಮಂದಿ ಇದ್ದಾರಂತೆ ಮಹರಾಯ್ತಿ’.</p><p>‘ಅಲ್ಲಾರಿ, ಅವರು ನಮ್ಮ ಸ್ಲಮ್ಮು, ಕೆಳ ಮಧ್ಯಮ ವರ್ಗದ ಪ್ರದೇಶಗಳ ಕಡೆ ಗಮನ ಹರಿಸಿದ್ದರೋ? ಬೆರಳೆಣಿಕೆಯಷ್ಟು ಶ್ರೀಮಂತರನ್ನ ನೋಡಿಬಿಟ್ಟು ಶ್ರೀಮಂತ ನಗರ ಅಂದ್ಬಿಟ್ಟರೆ’.</p><p>‘ಅವುಗಳ ಬಗ್ಗೆ ಅವರು ತಲೆಕೆಡಿಸಿಕೊಳ್ಳೋಲ್ಲ, ಅದನ್ನು ಸರ್ಕಾರಿ ಸಮೀಕ್ಷೆಗಳು ಹಾಗೋ ಹೀಗೋ ಮಾಡ್ಕೋಬಹುದು, ಅವರಿಗೇನಿದ್ದರೂ ಶ್ರೀಮಂತರ ಮೇಲೇ ಕಣ್ಣು. ಬಡವರೇನು? ಲೆಕ್ಕಕ್ಕೆ ಸಿಗಲಾರದಷ್ಟು ಇರ್ತಾರೆ’.</p><p>‘ಅಲ್ಲಾ, ಈ ಕುಬೇರರು ಈ ಸಿರಿ ನಗರದಿಂದ ಗಳಿಸಿರೋ ಸಂಪತ್ತಿನ ಸ್ವಲ್ಪ ಲಾಭಾಂಶಾನ ‘ಕೆರೆಯ ನೀರನು ಕೆರೆಗೆ ಚೆಲ್ಲಿ’ ಅನ್ನೋ ಹಾಗೆ ಇಲ್ಲಿನ ಕೆರೆಗಳು, ರಸ್ತೆಗಳು, ಗ್ರಂಥಾಲಯ, ರಂಗಮಂದಿರಗಳ ಅಭಿವೃದ್ಧಿಗೆ ಬಳಸಿದರೆ ಈ ‘ಸಿರಿ-ಬೆಂಗಳೂರಿನ ಸಂಭ್ರಮ’ವನ್ನ ಹಿರಿಹಿರಿ ಹಿಗ್ಗಿನಿಂದ ಆಚರಿಸಬಹುದು’.</p><p>‘ಒಪ್ಪಿದೆ ನಿನ್ನ ಪಾಯಿಂಟು. ನಮ್ಮ ‘ಹೋಮ್’ ಮಿನಿಸ್ಟರ್ ಅಲ್ವೇ ತಾವು? ಸ್ವಲ್ಪ ಎಫ್.ಎಂ ಆನ್ ಮಾಡ್ತಿರಾ?’</p><p>‘ಸಿರಿವಂತನಾದರೂ ಕನ್ನಡ ನಾಡಲ್ಲೆ ಮೆರೆವೆ...’ ಹಾಡು ಜೋರಾಗಿ ಕೇಳಿಸುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಾರಾಯಣ ರಾಯಚೂರ್</p><p>‘ನೋಡಿದೆಯೆನೇ ಬೆಂಗಳೂರಿನ ಭಾಗ್ಯವಾ?’ ಭಾರತದ ಮೂರನೇ ‘ಸಿರಿ ನಗರ’ ಬೆಂಗಳೂರಂತೆ!’</p><p>‘ಗಿರಿ ನಗರ ಗೊತ್ತು, ಅಮ್ಮನ ಮನೆ ಅಲ್ಲೇ ಅಲ್ವಾ? ಇದು ಯಾವುದುರೀ ಸಿರಿ ನಗರ! ಸಿರಿ ಧಾನ್ಯವೋ? ಸಿರಿ ನಗರವೋ?’</p><p>‘ಲಂಡನ್ನಿನ ಒಂದು ಸಮೀಕ್ಷಾ ಸಂಸ್ಥೆ ಪ್ರತಿವರ್ಷ ಶ್ರೀಮಂತ ರಾಷ್ಟ್ರ–ನಗರಗಳ ಪಟ್ಟಿ ತಯಾರು ಮಾಡುತ್ತಂತೆ. ಈ ವರ್ಷ ಭಾರತದ ಶ್ರೀಮಂತ ನಗರಗಳ ಪಟ್ಟಿಯಲ್ಲಿ ಮುಂಬೈ, ಡೆಲ್ಲಿ ಬಿಟ್ಟರೆ ನಮ್ಮ ಬೆಂಗಳೂರಿಗೆ ಮೂರನೇ ಸ್ಥಾನ ಕಣೇ’.</p><p>‘ಮೊನ್ನೆ ವಿಶ್ವ ‘ಜನಸಂಖ್ಯೆ ಪಟ್ಟಿ’ಯಲ್ಲಿ ಭಾರತ ಮೊದಲನೇ ಸ್ಥಾನ ಪಡಕೊಂಡ ಸುದ್ದಿ ಬಂದಿತ್ತು, ಈಗ ನಮ್ಮ ಬೆಂಗಳೂರಿಗೆ ಕುಬೇರ ನಗರ ಪಟ್ಟವೇ?! ಸರಿಯಾಗಿ ಸಮೀಕ್ಷೆ ಮಾಡಿದ್ದಾರೋ ಅಥವಾ ಇಲ್ಲಿನ ರಿಚ್ಮಂಡ್ ಟೌನು, ಡಾಲರ್ಸ್ ಕಾಲೊನಿ, ಮಹಾಲಕ್ಷ್ಮಿ ಲೇಔಟ್ ಅಂತ ಹೆಸರು ಕೇಳಿಬಿಟ್ಟು ಈ ತೀರ್ಮಾನಕ್ಕೆ ಬಂದಿದಾರೋ?’</p><p>‘ಹಾಗಲ್ಲಾ ಕಣೆ, ಅವೆಲ್ಲಾ ಅಂತರರಾಷ್ಟ್ರೀಯ ಖ್ಯಾತಿಯ ಸಂಸ್ಥೆಗಳು, ಜವಾಬ್ದಾರಿಯಿಂದ ಮಾಡಿರ್ತಾವೆ. ಬೆಂಗಳೂರಲ್ಲಿ ಎಂಟು– ಹತ್ತು ಕೋಟಿಗೂ ಹೆಚ್ಚು ಹಣ ಇರೋರು ಲಕ್ಷಾಂತರ ಮಂದಿ ಇದ್ದಾರಂತೆ ಮಹರಾಯ್ತಿ’.</p><p>‘ಅಲ್ಲಾರಿ, ಅವರು ನಮ್ಮ ಸ್ಲಮ್ಮು, ಕೆಳ ಮಧ್ಯಮ ವರ್ಗದ ಪ್ರದೇಶಗಳ ಕಡೆ ಗಮನ ಹರಿಸಿದ್ದರೋ? ಬೆರಳೆಣಿಕೆಯಷ್ಟು ಶ್ರೀಮಂತರನ್ನ ನೋಡಿಬಿಟ್ಟು ಶ್ರೀಮಂತ ನಗರ ಅಂದ್ಬಿಟ್ಟರೆ’.</p><p>‘ಅವುಗಳ ಬಗ್ಗೆ ಅವರು ತಲೆಕೆಡಿಸಿಕೊಳ್ಳೋಲ್ಲ, ಅದನ್ನು ಸರ್ಕಾರಿ ಸಮೀಕ್ಷೆಗಳು ಹಾಗೋ ಹೀಗೋ ಮಾಡ್ಕೋಬಹುದು, ಅವರಿಗೇನಿದ್ದರೂ ಶ್ರೀಮಂತರ ಮೇಲೇ ಕಣ್ಣು. ಬಡವರೇನು? ಲೆಕ್ಕಕ್ಕೆ ಸಿಗಲಾರದಷ್ಟು ಇರ್ತಾರೆ’.</p><p>‘ಅಲ್ಲಾ, ಈ ಕುಬೇರರು ಈ ಸಿರಿ ನಗರದಿಂದ ಗಳಿಸಿರೋ ಸಂಪತ್ತಿನ ಸ್ವಲ್ಪ ಲಾಭಾಂಶಾನ ‘ಕೆರೆಯ ನೀರನು ಕೆರೆಗೆ ಚೆಲ್ಲಿ’ ಅನ್ನೋ ಹಾಗೆ ಇಲ್ಲಿನ ಕೆರೆಗಳು, ರಸ್ತೆಗಳು, ಗ್ರಂಥಾಲಯ, ರಂಗಮಂದಿರಗಳ ಅಭಿವೃದ್ಧಿಗೆ ಬಳಸಿದರೆ ಈ ‘ಸಿರಿ-ಬೆಂಗಳೂರಿನ ಸಂಭ್ರಮ’ವನ್ನ ಹಿರಿಹಿರಿ ಹಿಗ್ಗಿನಿಂದ ಆಚರಿಸಬಹುದು’.</p><p>‘ಒಪ್ಪಿದೆ ನಿನ್ನ ಪಾಯಿಂಟು. ನಮ್ಮ ‘ಹೋಮ್’ ಮಿನಿಸ್ಟರ್ ಅಲ್ವೇ ತಾವು? ಸ್ವಲ್ಪ ಎಫ್.ಎಂ ಆನ್ ಮಾಡ್ತಿರಾ?’</p><p>‘ಸಿರಿವಂತನಾದರೂ ಕನ್ನಡ ನಾಡಲ್ಲೆ ಮೆರೆವೆ...’ ಹಾಡು ಜೋರಾಗಿ ಕೇಳಿಸುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
