<p>‘ಒಬ್ಬರಿಗೊಬ್ಬರು ಜಗಳ ಆಡಬೇಡಿ, ಫ್ರೆಂಡ್ಸಾಗಿರಿ ಅಂತ ಮಕ್ಕಳಿಗೆ ಬುದ್ಧಿ ಹೇಳಬಹುದು, ಜಗಳವಾಡಬೇಡಿ ಅಂತ ಐಎಎಸ್, ಐಪಿಎಸ್ ಅಧಿಕಾರಿಗಳಿಗೆ ಹೇಳಿದರೆ ಕೇಳ್ತಾರಾ?’ ಸುಮಿಗೆ ಬೇಸರ.</p>.<p>‘ಕೇಳಲ್ಲ. ಆದರೆ ಕಚೇರಿ, ಕಾನೂನು ವ್ಯಾಪ್ತಿಯಲ್ಲಿ ಜಗಳವಾಡಿ, ಬೀದಿಗೆ ಬರಬೇಡಿ ಎಂದು ಹೇಳಬಹುದಷ್ಟೇ’ ಅಂದ ಶಂಕ್ರಿ.</p>.<p>‘ಸುದ್ದಿ ಮಾಧ್ಯಮಗಳಲ್ಲಿ ಅವರೊಂದು ಫ್ರೇಮಿನಲ್ಲಿ, ಇವರೊಂದು ಫ್ರೇಮಿನಲ್ಲಿ ಕಾಣಿಸಿಕೊಂಡು ಒಬ್ಬರ ಮೇಲೊಬ್ಬರು ಆರೋಪ ಮಾಡ್ತಾರೆ, ಮುಖಾಮುಖಿಯಾಗಿ ಬೈದಾಡಲಿಲ್ಲ, ಮುಖ-ಮೂತಿ ತಿವಿದಾಡಲಿಲ್ಲ, ಇದೆಂಥಾ ಜಗಳ?!’</p>.<p>‘ಸುದ್ದಿಮಾಧ್ಯಮದಲ್ಲಿ ಸದ್ದು ಮಾಡುವ, ಸಾಮಾಜಿಕ ಜಾಲತಾಣದಲ್ಲಿ ಜನ್ಮ ಜಾಲಾಡಿಸುವ ಜಗಳ’.</p>.<p>‘ಆಡಳಿತಾಧಿಕಾರಿಗಳು ಬೀದಿ ಜಗಳಕ್ಕಿಳಿದರೆ ಆಡಳಿತ ವ್ಯವಸ್ಥೆ ಅಧ್ವಾನವಾಗಲ್ವಾ?’</p>.<p>‘ಆಡಳಿತ ನಡೆಸುವ ಅಧಿನಾಯಕರೇ ಸ್ಥಾನಮಾನ ಮರೆತು ಜಗಳವಾಡ್ತಾರೆ, ನಾಯಕರ ಜಗಳ ಅಧಿಕಾರಿಗಳಿಗೆ ಪ್ರೇರಣೆ ಆಗಿರಬಹುದು’.</p>.<p>‘ಜಗಳ ರಾಜಕಾರಣಿಗಳ ಆಜನ್ಮಸಿದ್ಧ ಹಕ್ಕು, ಈ ಜನ್ಮದ ಲಕ್ಕು. ರಾಜಕಾರಣಿಗಳದ್ದು ಜಾಣ ಜಗಳ, ಜನರಂಜನೆ ಜಗಳ. ಅವರು ಬಹಿರಂಗದಲ್ಲಿ ಬೈದಾಡಿದರೂ ಅಂತರಂಗದಲ್ಲಿ ಆತ್ಮೀಯರಾಗಿರ್ತಾರಂತೆ. ಅವರ ನಾಟಕೀಯ ಬೈಗುಳ ನಾಟುವುದಿಲ್ಲವಂತೆ’.</p>.<p>‘ಎಲೆಕ್ಷನ್ ಸಮಯದಲ್ಲಿ ರಾಜಕಾರಣಿಗಳಿಗೆ ಜಗಳ ಅನಿವಾರ್ಯ, ಅವರ ಜಗಳೋತ್ಸಾಹಕ್ಕೆ ಅಡ್ಡಿ ಮಾಡಬಾರದು. ಆಡಳಿತ-ವಿಪಕ್ಷದವರು<br />ಪರಸ್ಪರ ಯಥೇಚ್ಛವಾಗಿ ಜಗಳವಾಡಿ, ಬೈದಾಡಿಕೊಂಡು ತಮ್ಮ ಸುದ್ದಿಸಾಮರ್ಥ್ಯ ಹೆಚ್ಚಿಸಿಕೊಂಡು, ಪಕ್ಷದ ವರಿಷ್ಠರ ಗಮನ ಸೆಳೆದು ಟಿಕೆಟ್ ಪಡೆಯಲು ಅವಕಾಶ ನೀಡಬೇಕು’.</p>.<p>‘ಚುನಾವಣೆಗೆ ಟಿಕೆಟ್ ಪಡೆಯಲು ಜನಸೇವೆ, ಅಭಿವೃದ್ಧಿ ಚಿಂತನೆಯ ಅಭ್ಯರ್ಥಿ ಸೂಕ್ತ ಅಲ್ವೇನ್ರೀ?’</p>.<p>‘ಅದೆಲ್ಲಾ ಪುಸ್ತಕದ ಬದನೆಕಾಯಿ. ಪ್ರತಿಪಕ್ಷದ ಮಾನಹರಣ ಮಾಡಿ, ಮಟ್ಟ ಹಾಕಿ, ತಮ್ಮ ಪಕ್ಷವನ್ನು ಪಟ್ಟಕ್ಕೇರಿಸುವ ಸಮರ್ಥ ಬೈಗುಳ ನಾಯಕರು ಟಿಕೆಟ್ಗೆ ಅರ್ಹರಾಗುತ್ತಾರೆ...’ ಎಂದ ಶಂಕ್ರಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಒಬ್ಬರಿಗೊಬ್ಬರು ಜಗಳ ಆಡಬೇಡಿ, ಫ್ರೆಂಡ್ಸಾಗಿರಿ ಅಂತ ಮಕ್ಕಳಿಗೆ ಬುದ್ಧಿ ಹೇಳಬಹುದು, ಜಗಳವಾಡಬೇಡಿ ಅಂತ ಐಎಎಸ್, ಐಪಿಎಸ್ ಅಧಿಕಾರಿಗಳಿಗೆ ಹೇಳಿದರೆ ಕೇಳ್ತಾರಾ?’ ಸುಮಿಗೆ ಬೇಸರ.</p>.<p>‘ಕೇಳಲ್ಲ. ಆದರೆ ಕಚೇರಿ, ಕಾನೂನು ವ್ಯಾಪ್ತಿಯಲ್ಲಿ ಜಗಳವಾಡಿ, ಬೀದಿಗೆ ಬರಬೇಡಿ ಎಂದು ಹೇಳಬಹುದಷ್ಟೇ’ ಅಂದ ಶಂಕ್ರಿ.</p>.<p>‘ಸುದ್ದಿ ಮಾಧ್ಯಮಗಳಲ್ಲಿ ಅವರೊಂದು ಫ್ರೇಮಿನಲ್ಲಿ, ಇವರೊಂದು ಫ್ರೇಮಿನಲ್ಲಿ ಕಾಣಿಸಿಕೊಂಡು ಒಬ್ಬರ ಮೇಲೊಬ್ಬರು ಆರೋಪ ಮಾಡ್ತಾರೆ, ಮುಖಾಮುಖಿಯಾಗಿ ಬೈದಾಡಲಿಲ್ಲ, ಮುಖ-ಮೂತಿ ತಿವಿದಾಡಲಿಲ್ಲ, ಇದೆಂಥಾ ಜಗಳ?!’</p>.<p>‘ಸುದ್ದಿಮಾಧ್ಯಮದಲ್ಲಿ ಸದ್ದು ಮಾಡುವ, ಸಾಮಾಜಿಕ ಜಾಲತಾಣದಲ್ಲಿ ಜನ್ಮ ಜಾಲಾಡಿಸುವ ಜಗಳ’.</p>.<p>‘ಆಡಳಿತಾಧಿಕಾರಿಗಳು ಬೀದಿ ಜಗಳಕ್ಕಿಳಿದರೆ ಆಡಳಿತ ವ್ಯವಸ್ಥೆ ಅಧ್ವಾನವಾಗಲ್ವಾ?’</p>.<p>‘ಆಡಳಿತ ನಡೆಸುವ ಅಧಿನಾಯಕರೇ ಸ್ಥಾನಮಾನ ಮರೆತು ಜಗಳವಾಡ್ತಾರೆ, ನಾಯಕರ ಜಗಳ ಅಧಿಕಾರಿಗಳಿಗೆ ಪ್ರೇರಣೆ ಆಗಿರಬಹುದು’.</p>.<p>‘ಜಗಳ ರಾಜಕಾರಣಿಗಳ ಆಜನ್ಮಸಿದ್ಧ ಹಕ್ಕು, ಈ ಜನ್ಮದ ಲಕ್ಕು. ರಾಜಕಾರಣಿಗಳದ್ದು ಜಾಣ ಜಗಳ, ಜನರಂಜನೆ ಜಗಳ. ಅವರು ಬಹಿರಂಗದಲ್ಲಿ ಬೈದಾಡಿದರೂ ಅಂತರಂಗದಲ್ಲಿ ಆತ್ಮೀಯರಾಗಿರ್ತಾರಂತೆ. ಅವರ ನಾಟಕೀಯ ಬೈಗುಳ ನಾಟುವುದಿಲ್ಲವಂತೆ’.</p>.<p>‘ಎಲೆಕ್ಷನ್ ಸಮಯದಲ್ಲಿ ರಾಜಕಾರಣಿಗಳಿಗೆ ಜಗಳ ಅನಿವಾರ್ಯ, ಅವರ ಜಗಳೋತ್ಸಾಹಕ್ಕೆ ಅಡ್ಡಿ ಮಾಡಬಾರದು. ಆಡಳಿತ-ವಿಪಕ್ಷದವರು<br />ಪರಸ್ಪರ ಯಥೇಚ್ಛವಾಗಿ ಜಗಳವಾಡಿ, ಬೈದಾಡಿಕೊಂಡು ತಮ್ಮ ಸುದ್ದಿಸಾಮರ್ಥ್ಯ ಹೆಚ್ಚಿಸಿಕೊಂಡು, ಪಕ್ಷದ ವರಿಷ್ಠರ ಗಮನ ಸೆಳೆದು ಟಿಕೆಟ್ ಪಡೆಯಲು ಅವಕಾಶ ನೀಡಬೇಕು’.</p>.<p>‘ಚುನಾವಣೆಗೆ ಟಿಕೆಟ್ ಪಡೆಯಲು ಜನಸೇವೆ, ಅಭಿವೃದ್ಧಿ ಚಿಂತನೆಯ ಅಭ್ಯರ್ಥಿ ಸೂಕ್ತ ಅಲ್ವೇನ್ರೀ?’</p>.<p>‘ಅದೆಲ್ಲಾ ಪುಸ್ತಕದ ಬದನೆಕಾಯಿ. ಪ್ರತಿಪಕ್ಷದ ಮಾನಹರಣ ಮಾಡಿ, ಮಟ್ಟ ಹಾಕಿ, ತಮ್ಮ ಪಕ್ಷವನ್ನು ಪಟ್ಟಕ್ಕೇರಿಸುವ ಸಮರ್ಥ ಬೈಗುಳ ನಾಯಕರು ಟಿಕೆಟ್ಗೆ ಅರ್ಹರಾಗುತ್ತಾರೆ...’ ಎಂದ ಶಂಕ್ರಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
