<p>‘ಬೈ ಟೂ ಕಾಫಿ ಬಳಗ’ದಲ್ಲಿ ತಿಂಗಳೇಶ ಇನ್ನೇನು ಇಸ್ರೇಲ್ ಕ್ಷಿಪಣಿ ಬಿತ್ತು ಎಂಬಂತೆ ಎಚ್ಚರಿಸಿದ: ‘ನಮ್ಮ ಪ್ರಜಾಪ್ರಭುತ್ವ ಅಪಾಯದಲ್ಲಿದೆ!’</p>.<p>‘ಅದೇನು ಬ್ರೇಕಿಂಗ್ ನ್ಯೂಸ್ ಥರ ಹೇಳ್ತಿ ಬಿಡಪೋ... ಅದು ಪ್ರಗತಿಪರರ ಹಳೆಯ <br>ಸ್ಲೋ-ಗನ್ನು!’</p>.<p>‘ಹಳೆಯದೇನೋ ಸರಿ. ಆದರೆ ದಸರಾ ಉದ್ಘಾಟನೆಯಲ್ಲಿ ಹಂಪನಾ ಅವರು ಸರ್ಕಾರ ಉರುಳಿಸಬಾರದು ಅಂತ ಪ್ರಜಾಪ್ರಭುತ್ವಪರ ಅನುಕಂಪನಾ ಹುಟ್ಟುಹಾಕಿದ್ದಾರೆ’.</p>.<p>‘ಅದರಲ್ಲೇನು ತಪ್ಪಿದೆ... ಚುನಾಯಿತ ಸರ್ಕಾರ ಉರುಳಿಸಬಾರದು ಅಂತ ನಾಡೋಜರು ಸರಿಯಾಗಿಯೇ ಭಾಷಣ ಮಾಡಿದ್ದಾರೆ...’</p>.<p>‘ಅಯ್ಯೋ ಅದು ಹಾಗಲ್ಲ, ಅವರು ಭಾಷಣ ಮಾಡುವ ಬದಲು ಲಿಖಿತ ಭಾಷಣ ಓದಿದ್ದಾರೆ ಕಣಪ್ಪಾ... ಜಂಟಿ ಅಧಿವೇಶನದಲ್ಲಿ ರಾಜ್ಯಪಾಲರು ಮಾಡಿದಂತೆ ಇವರೂ ಮಾಡಿದ್ದಾರೆ ಅಂತ ಒಂದಿಷ್ಟು ಜನ ಮಾತಾಡ್ಕಂಡವ್ರೆ’.</p>.<p>‘ಅದೂ ತಪ್ಪಲ್ಲ ಬಿಡು. ಎಷ್ಟೆಂದರೂ ಅದು ಸರ್ಕಾರದ ಅಧಿಕೃತ ಕಾರ್ಯಕ್ರಮ, ಅಧಿಕೃತ ಉದ್ಘಾಟಕರು, ಅಧಿಕೃತ ಮಾತನ್ನೇ ಆಡಿದ್ದಾರೆ’.</p>.<p>‘ವೇದಿಕೆಯಲ್ಲಿ ಸಾಹಿತಿ ಹುಟ್ಟಿಸಿದ ಅನುಕಂಪನಕ್ಕಿಂತ ವಿರೋಧ ಪಕ್ಷದ ಜಿಟಿಡಿ ಹೊರಡಿಸಿದ ಕಂಪನ ದೊಡ್ಡದು... ಅದು ರಿಕ್ಟರ್ ಮಾಪಕದಲ್ಲಿ ಅಳತೆಗೇ ಸಿಕ್ಕಿಲ್ಲವಂತೆ...’</p>.<p>‘ಹೌದೌದು, ಜಿಟಿಡಿ ರಾಜೀನಾಮೆ ಕರೆಗೆ ಎಫ್ಐಆರ್-ರಾಜಕಾರಣಿಗಳ ಅಂತರಾತ್ಮಗಳೆಲ್ಲಾ ಬೆಚ್ಚಿಬೀಳುವಂತಾಗಿದೆ’.</p>.<p>‘ಸಿ.ಎಂ. ಸಿದ್ರಾಮಣ್ಣ ಬೇರೆ ಆತ್ಮಸಾಕ್ಷಿ ನ್ಯಾಯಾಲಯಕ್ಕೆ ಅಪೀಲು ಹಾಕಿಕೊಂಡಿದ್ದಾರೆ... ಆ ಆತ್ಮಸಾಕ್ಷಿ ಪತ್ತೆ ಹಚ್ಚೋದ್ಹೇಗೆ ಎಂಬ ಸಮಸ್ಯೆಯ ಸುಳಿಯಲ್ಲಿ ಮಾಜಿ ಸಿ.ಎಂ. ಬಸಣ್ಣ ಸಿಲುಕಿದ್ದಾರೆ’.</p>.<p>‘ಅದು ಬರೀ ಆತ್ಮಸಾಕ್ಷಿ ಅಲ್ಲ ಮಾರಾಯಾ, ಗಾಂಧಿ ಜಯಂತಿ ದಿನ ಹೊರಬಿದ್ದ ಮಹಾತ್ಮಸಾಕ್ಷಿ!’</p>.<p>‘ಅದೇನೇ ಇರಲಿ, ಎಂಥ ಸಂಕಷ್ಟದ ಸಮಯದಲ್ಲೂ ಈ ರಾಜಕಾರಣಿಗಳಿಗೆ ಆತ್ಮವಿಶ್ವಾಸ ಎಂಬುದಿರುತ್ತದಲ್ಲಾ ಅದಕ್ಕೆ ಹ್ಯಾಟ್ಸಾಫ್ ಹೇಳಲೇಬೇಕು’.</p>.<p>‘ಹಾಗೇನಿಲ್ಲ. ಆತ್ಮಸಾಕ್ಷಿ, ಆತ್ಮವಿಶ್ವಾಸ, ಆತ್ಮವಂಚನೆಗಳು ಸಿಬಿಐ, ಸಿಐಡಿ ರೆಡಾರಿಗೆ ಸಿಗೋಲ್ಲ. ಕೊನೆಗೆ ‘ಮಾಫಿಸಾಕ್ಷಿ’ ಆಗೋ ಹವಣಿಕೆ, ಅಷ್ಟೇ!’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಬೈ ಟೂ ಕಾಫಿ ಬಳಗ’ದಲ್ಲಿ ತಿಂಗಳೇಶ ಇನ್ನೇನು ಇಸ್ರೇಲ್ ಕ್ಷಿಪಣಿ ಬಿತ್ತು ಎಂಬಂತೆ ಎಚ್ಚರಿಸಿದ: ‘ನಮ್ಮ ಪ್ರಜಾಪ್ರಭುತ್ವ ಅಪಾಯದಲ್ಲಿದೆ!’</p>.<p>‘ಅದೇನು ಬ್ರೇಕಿಂಗ್ ನ್ಯೂಸ್ ಥರ ಹೇಳ್ತಿ ಬಿಡಪೋ... ಅದು ಪ್ರಗತಿಪರರ ಹಳೆಯ <br>ಸ್ಲೋ-ಗನ್ನು!’</p>.<p>‘ಹಳೆಯದೇನೋ ಸರಿ. ಆದರೆ ದಸರಾ ಉದ್ಘಾಟನೆಯಲ್ಲಿ ಹಂಪನಾ ಅವರು ಸರ್ಕಾರ ಉರುಳಿಸಬಾರದು ಅಂತ ಪ್ರಜಾಪ್ರಭುತ್ವಪರ ಅನುಕಂಪನಾ ಹುಟ್ಟುಹಾಕಿದ್ದಾರೆ’.</p>.<p>‘ಅದರಲ್ಲೇನು ತಪ್ಪಿದೆ... ಚುನಾಯಿತ ಸರ್ಕಾರ ಉರುಳಿಸಬಾರದು ಅಂತ ನಾಡೋಜರು ಸರಿಯಾಗಿಯೇ ಭಾಷಣ ಮಾಡಿದ್ದಾರೆ...’</p>.<p>‘ಅಯ್ಯೋ ಅದು ಹಾಗಲ್ಲ, ಅವರು ಭಾಷಣ ಮಾಡುವ ಬದಲು ಲಿಖಿತ ಭಾಷಣ ಓದಿದ್ದಾರೆ ಕಣಪ್ಪಾ... ಜಂಟಿ ಅಧಿವೇಶನದಲ್ಲಿ ರಾಜ್ಯಪಾಲರು ಮಾಡಿದಂತೆ ಇವರೂ ಮಾಡಿದ್ದಾರೆ ಅಂತ ಒಂದಿಷ್ಟು ಜನ ಮಾತಾಡ್ಕಂಡವ್ರೆ’.</p>.<p>‘ಅದೂ ತಪ್ಪಲ್ಲ ಬಿಡು. ಎಷ್ಟೆಂದರೂ ಅದು ಸರ್ಕಾರದ ಅಧಿಕೃತ ಕಾರ್ಯಕ್ರಮ, ಅಧಿಕೃತ ಉದ್ಘಾಟಕರು, ಅಧಿಕೃತ ಮಾತನ್ನೇ ಆಡಿದ್ದಾರೆ’.</p>.<p>‘ವೇದಿಕೆಯಲ್ಲಿ ಸಾಹಿತಿ ಹುಟ್ಟಿಸಿದ ಅನುಕಂಪನಕ್ಕಿಂತ ವಿರೋಧ ಪಕ್ಷದ ಜಿಟಿಡಿ ಹೊರಡಿಸಿದ ಕಂಪನ ದೊಡ್ಡದು... ಅದು ರಿಕ್ಟರ್ ಮಾಪಕದಲ್ಲಿ ಅಳತೆಗೇ ಸಿಕ್ಕಿಲ್ಲವಂತೆ...’</p>.<p>‘ಹೌದೌದು, ಜಿಟಿಡಿ ರಾಜೀನಾಮೆ ಕರೆಗೆ ಎಫ್ಐಆರ್-ರಾಜಕಾರಣಿಗಳ ಅಂತರಾತ್ಮಗಳೆಲ್ಲಾ ಬೆಚ್ಚಿಬೀಳುವಂತಾಗಿದೆ’.</p>.<p>‘ಸಿ.ಎಂ. ಸಿದ್ರಾಮಣ್ಣ ಬೇರೆ ಆತ್ಮಸಾಕ್ಷಿ ನ್ಯಾಯಾಲಯಕ್ಕೆ ಅಪೀಲು ಹಾಕಿಕೊಂಡಿದ್ದಾರೆ... ಆ ಆತ್ಮಸಾಕ್ಷಿ ಪತ್ತೆ ಹಚ್ಚೋದ್ಹೇಗೆ ಎಂಬ ಸಮಸ್ಯೆಯ ಸುಳಿಯಲ್ಲಿ ಮಾಜಿ ಸಿ.ಎಂ. ಬಸಣ್ಣ ಸಿಲುಕಿದ್ದಾರೆ’.</p>.<p>‘ಅದು ಬರೀ ಆತ್ಮಸಾಕ್ಷಿ ಅಲ್ಲ ಮಾರಾಯಾ, ಗಾಂಧಿ ಜಯಂತಿ ದಿನ ಹೊರಬಿದ್ದ ಮಹಾತ್ಮಸಾಕ್ಷಿ!’</p>.<p>‘ಅದೇನೇ ಇರಲಿ, ಎಂಥ ಸಂಕಷ್ಟದ ಸಮಯದಲ್ಲೂ ಈ ರಾಜಕಾರಣಿಗಳಿಗೆ ಆತ್ಮವಿಶ್ವಾಸ ಎಂಬುದಿರುತ್ತದಲ್ಲಾ ಅದಕ್ಕೆ ಹ್ಯಾಟ್ಸಾಫ್ ಹೇಳಲೇಬೇಕು’.</p>.<p>‘ಹಾಗೇನಿಲ್ಲ. ಆತ್ಮಸಾಕ್ಷಿ, ಆತ್ಮವಿಶ್ವಾಸ, ಆತ್ಮವಂಚನೆಗಳು ಸಿಬಿಐ, ಸಿಐಡಿ ರೆಡಾರಿಗೆ ಸಿಗೋಲ್ಲ. ಕೊನೆಗೆ ‘ಮಾಫಿಸಾಕ್ಷಿ’ ಆಗೋ ಹವಣಿಕೆ, ಅಷ್ಟೇ!’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
