<p>‘ಲೇ ಗುಡ್ಡೆ, ಮೊನ್ನಿ ಚನ್ನಗಿರಿಗೆ ಯಾವುದೋ ಮೆರವಣಿಗಿಗೆ ಹೋಗಿದ್ಯಂತಲ್ಲ, ಎಷ್ಟು ಕೊಟ್ರು?’ ದುಬ್ಬೀರ ಕೇಳಿದ.</p>.<p>‘ಲೇಯ್, ಅದು ದುಡ್ಡಿನ ಮೆರವಣಿಗಿ ಅಲ್ಲ, ಬೇಲ್ ಮೆರವಣಿಗಿ... ವಿಜಯೋತ್ಸವ...’ ಗುಡ್ಡೆ ಆಕ್ಷೇಪಿಸಿದ.</p>.<p>‘ಬೇಲ್ ಮೆರವಣಿಗಿನಾ? ಅದೆಂಥದಲೆ ಅದು?’</p>.<p>‘ನಿನ್ತೆಲಿ, ನೀನಿನ್ನೂ ಬಾಳ ತಿಳಿಯೋದೈತಿ. ಮೆರವಣಿಗೀಲಿ ಎಷ್ಟ್ ನಮೂನಿ ಅದಾವು ಗೊತ್ತಾ? ಜಾಮೀನು ಸಿಕ್ಕಾಗ ಬೇಲ್ ಮೆರವಣಿಗಿ, ಜೈಲಿಗೆ ಹೋಗೋವಾಗ ಜೈಲ್ ಮೆರವಣಿಗಿ, ಎಲೆಕ್ಷನ್ನಲ್ಲಿ ನಾಮಿನೇಶನ್ ಮೆರವಣಿಗಿ, ಗೆದ್ದ ಮೇಲೆ ವಿಜಯೋತ್ಸವದ ಮೆರವಣಿಗಿ... ಇನ್ನೂ ಏನೇನೋ...’ ಗುಡ್ಡೆ ವಿವರಿಸಿದ.</p>.<p>‘ಅಲ್ಲೋ ಗುಡ್ಡೆ, ಜೈಲಿಗೋಗೋ ಮೆರವಣಿಗೀಲಿ ಕೆಲವರು ಎರಡು ಬೆರಳು ಅಲ್ಲಾಡಿಸ್ತಾ ಹೋಗ್ತಾರಲ್ಲ ಯಾಕೆ?’ ಕೊಟ್ರೇಶಿ ಕೇಳಿದ.</p>.<p>‘ಅದು ವಿಕ್ಟರಿ ಸಿಂಬಲ್ಲು. ಜೈಲಿಗೆ ಇಂಗ್ ಹೋಗಿ ಹಂಗ್ ಬರ್ತೀನಿ ನೋಡ್ತಿರಿ ಅಂತ ತೋರಿಸೋದು’.</p>.<p>‘ಹಂಗಾರೆ ಈ ಬೇಲ್ ಮೆರವಣಿಗಿನೂ ಹಂಗೇ ಅನ್ನು. ಚನ್ನಗಿರೀಲಿ ಕೋಟಿಗಟ್ಲೆ ರೊಕ್ಕ ಬಿಡೋ ಅಡಿಕೆ ಗಿಡ ಸಿಗ್ತಾವಂತೆ? ಹೆಂಗೂ ಹೋಗಿದ್ಯಲ್ಲ, ಒಂದ್ ನಾಕು ತಂದಿದ್ರೆ ನಾವೂ ನೆಡಬೋದಿತ್ತೇನಪ’.</p>.<p>‘ತರಬೋದಿತ್ತು, ಆದ್ರೆ ಅವು ಅಟಾಕಂದು ರೊಕ್ಕ ಬಿಟ್ರೆ ಯಾವನು ಎಣಿಸ್ತಾನೆ ಅಂತ ತರ್ಲಿಲ್ಲ ಕಣಲೆ’ ಗುಡ್ಡೆ ನಕ್ಕ.</p>.<p>‘ಬರೀ ಇಂಥವೇ ನಿನ್ ಮಾತು. ಹೋಗ್ಲಿ ಮಂಡಕ್ಕಿ ಮೆಣ್ಸಿನ್ಕಾಯಿ, ಚಾ ಹೇಳು’ ದುಬ್ಬೀರ ಕೇಳಿದ.</p>.<p>‘ನನ್ನತ್ರ ರೊಕ್ಕಿಲ್ಲಲೆ, ತೆಪರೇಸಿ ಇದ್ರೆ ಕೊಡಿಸ್ತಿದ್ದ, ಯಾಕೆ ತೆಪರ ಇವತ್ ಕಾಣ್ತಿಲ್ಲ?’</p>.<p>‘ಅವನೂ ನಿನ್ ತರಾನೇ... ಬೆಳಗ್ಗಿಂದ ಆಫೀಸ್ ಬಾಗಿಲು ತೆಕ್ಕಂಡ್ ಕುಂತಿರಬೇಕು’.</p>.<p>‘ಆಫೀಸ್ ಬಾಗಿಲು ತೆಕ್ಕಂಡ್ ಕುಂತಿದಾನಾ? ಯಾಕೆ?’</p>.<p>‘ಅಕಸ್ಮಾತ್ ಯಾವನಾದ್ರು ರೊಕ್ಕದ ಚೀಲ ತಂದಿಟ್ಟು ಓಡಿಹೋಗಬಹುದು, ಲಕ್ ಹೊಡೆದ್ರೆ ಯಾಕ್ ಬಿಡಬೇಕು ಅಂತ’.</p>.<p>ದುಬ್ಬೀರನ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಲೇ ಗುಡ್ಡೆ, ಮೊನ್ನಿ ಚನ್ನಗಿರಿಗೆ ಯಾವುದೋ ಮೆರವಣಿಗಿಗೆ ಹೋಗಿದ್ಯಂತಲ್ಲ, ಎಷ್ಟು ಕೊಟ್ರು?’ ದುಬ್ಬೀರ ಕೇಳಿದ.</p>.<p>‘ಲೇಯ್, ಅದು ದುಡ್ಡಿನ ಮೆರವಣಿಗಿ ಅಲ್ಲ, ಬೇಲ್ ಮೆರವಣಿಗಿ... ವಿಜಯೋತ್ಸವ...’ ಗುಡ್ಡೆ ಆಕ್ಷೇಪಿಸಿದ.</p>.<p>‘ಬೇಲ್ ಮೆರವಣಿಗಿನಾ? ಅದೆಂಥದಲೆ ಅದು?’</p>.<p>‘ನಿನ್ತೆಲಿ, ನೀನಿನ್ನೂ ಬಾಳ ತಿಳಿಯೋದೈತಿ. ಮೆರವಣಿಗೀಲಿ ಎಷ್ಟ್ ನಮೂನಿ ಅದಾವು ಗೊತ್ತಾ? ಜಾಮೀನು ಸಿಕ್ಕಾಗ ಬೇಲ್ ಮೆರವಣಿಗಿ, ಜೈಲಿಗೆ ಹೋಗೋವಾಗ ಜೈಲ್ ಮೆರವಣಿಗಿ, ಎಲೆಕ್ಷನ್ನಲ್ಲಿ ನಾಮಿನೇಶನ್ ಮೆರವಣಿಗಿ, ಗೆದ್ದ ಮೇಲೆ ವಿಜಯೋತ್ಸವದ ಮೆರವಣಿಗಿ... ಇನ್ನೂ ಏನೇನೋ...’ ಗುಡ್ಡೆ ವಿವರಿಸಿದ.</p>.<p>‘ಅಲ್ಲೋ ಗುಡ್ಡೆ, ಜೈಲಿಗೋಗೋ ಮೆರವಣಿಗೀಲಿ ಕೆಲವರು ಎರಡು ಬೆರಳು ಅಲ್ಲಾಡಿಸ್ತಾ ಹೋಗ್ತಾರಲ್ಲ ಯಾಕೆ?’ ಕೊಟ್ರೇಶಿ ಕೇಳಿದ.</p>.<p>‘ಅದು ವಿಕ್ಟರಿ ಸಿಂಬಲ್ಲು. ಜೈಲಿಗೆ ಇಂಗ್ ಹೋಗಿ ಹಂಗ್ ಬರ್ತೀನಿ ನೋಡ್ತಿರಿ ಅಂತ ತೋರಿಸೋದು’.</p>.<p>‘ಹಂಗಾರೆ ಈ ಬೇಲ್ ಮೆರವಣಿಗಿನೂ ಹಂಗೇ ಅನ್ನು. ಚನ್ನಗಿರೀಲಿ ಕೋಟಿಗಟ್ಲೆ ರೊಕ್ಕ ಬಿಡೋ ಅಡಿಕೆ ಗಿಡ ಸಿಗ್ತಾವಂತೆ? ಹೆಂಗೂ ಹೋಗಿದ್ಯಲ್ಲ, ಒಂದ್ ನಾಕು ತಂದಿದ್ರೆ ನಾವೂ ನೆಡಬೋದಿತ್ತೇನಪ’.</p>.<p>‘ತರಬೋದಿತ್ತು, ಆದ್ರೆ ಅವು ಅಟಾಕಂದು ರೊಕ್ಕ ಬಿಟ್ರೆ ಯಾವನು ಎಣಿಸ್ತಾನೆ ಅಂತ ತರ್ಲಿಲ್ಲ ಕಣಲೆ’ ಗುಡ್ಡೆ ನಕ್ಕ.</p>.<p>‘ಬರೀ ಇಂಥವೇ ನಿನ್ ಮಾತು. ಹೋಗ್ಲಿ ಮಂಡಕ್ಕಿ ಮೆಣ್ಸಿನ್ಕಾಯಿ, ಚಾ ಹೇಳು’ ದುಬ್ಬೀರ ಕೇಳಿದ.</p>.<p>‘ನನ್ನತ್ರ ರೊಕ್ಕಿಲ್ಲಲೆ, ತೆಪರೇಸಿ ಇದ್ರೆ ಕೊಡಿಸ್ತಿದ್ದ, ಯಾಕೆ ತೆಪರ ಇವತ್ ಕಾಣ್ತಿಲ್ಲ?’</p>.<p>‘ಅವನೂ ನಿನ್ ತರಾನೇ... ಬೆಳಗ್ಗಿಂದ ಆಫೀಸ್ ಬಾಗಿಲು ತೆಕ್ಕಂಡ್ ಕುಂತಿರಬೇಕು’.</p>.<p>‘ಆಫೀಸ್ ಬಾಗಿಲು ತೆಕ್ಕಂಡ್ ಕುಂತಿದಾನಾ? ಯಾಕೆ?’</p>.<p>‘ಅಕಸ್ಮಾತ್ ಯಾವನಾದ್ರು ರೊಕ್ಕದ ಚೀಲ ತಂದಿಟ್ಟು ಓಡಿಹೋಗಬಹುದು, ಲಕ್ ಹೊಡೆದ್ರೆ ಯಾಕ್ ಬಿಡಬೇಕು ಅಂತ’.</p>.<p>ದುಬ್ಬೀರನ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
