<p>‘ಸಾ, ಈಗ ರಾಜಕೀಯದೇಲಿ ಅಳಿಯಂದ್ರುದೇ ಹವಾ. ಮಾವಂದ್ರೆಲ್ಲಾ ಅವರವರ ಪಕ್ಷದಿಂದ ಅಳೀಮಯ್ಯನಿಗೆ ಟಿಕೇಟಿಗೋಸ್ಕರ ಮಾಮಾಚಾರ ಮಾಡಕ್ಕೆ ನಿಂತವ್ರೆ’ ರಾಜಕೀಯದ ಸುದ್ದಿ ಹೇಳಿದೆ.</p>.<p>‘ಒಬ್ಬ ಮಾವ ಅವರ ಅಳಿಯನಿಗೆ ಬ್ಯಾರೆ ಪಕ್ಸದ ಟಿಕೆಟ್ ಕೊಡ್ಸಿ ಕ್ಷೇತ್ರನೂ ದಾನ ಮಾಡ್ಯವುರೆ. ಇನ್ನೊಬ್ಬ ಮಾವ ‘ನನ್ನ ಅಳಿಯನಿಗೆ ಟಿಕೆಟ್ ಕೊಟ್ಟಿಲ್ಲ, ಬ್ಯಾರೆ ಮಾತೇ ಇಲ್ಲ’ ಅಂತ ಹುಡ್ರಿಕೆ ಹಾಕ್ತಾ ನಿಂತವ್ರೆ’ ಅಂದ ಚಂದ್ರು.</p>.<p>‘ಹೂ ಕಯ್ಯಾ ಈಗ ಮಾವಂದ್ರಿಗೇ ‘ಹೂಂ ಅಂತೀಯಾ ಮಾವ, ಉಹುಂ ಅಂತೀಯಾ’ ಅಂತ ಪುಂಗಿ ಊದೋ ಮಾವಾಡಿಗ ಅಳಿಯಂದ್ರು, ಸೊಸೆದೀರು ಮುನ್ನೆಲೆಗೆ ಬಂದವ್ರೆ. ಇದಕ್ಕೆ ಅಂತ್ಲೇ ಮಾವನ ರಾಜಕೀಯ ಕ್ಯಾಕರಣ ಹುಟ್ಟಿಕ್ಯಂಡದೆ’ ಅಂದುದ್ಕೆ ಎಲ್ಲರೂ ಗಾಬರಿಯಾದರು.</p>.<p>‘ಅದ್ಯಾವುದ್ಲಾ ಮಾವನ ರಾಜಕೀಯ ಕ್ಯಾಕರಣ?’ ಯಂಟಪ್ಪಣ್ಣ ಕೇಳಿತು.</p>.<p>‘ಮಾವನಿಗೆ ಗೌರವ ತೋರಿಸಕ್ಕೆ ಮಾವನ ಮನೆ, ಮಾವನ ಮನೆಯನ್ನು, ಮಾವನ ಮನೆಯಿಂದ, ಮಾವನ ಮನೆಗೆ, ಮಾವನ ಮನೆಯ ದೆಸೆಯಿಂದ, ಮಾವನ ಮನೆಯ, ಮಾವನ ಮನೆಯಲ್ಲಿ ಅಂತ ಸಪ್ತಮಾವಭಕ್ತಿ ಪ್ರತ್ಯಯಗಳವೆ’ ವಿವರಿಸಿದೆ.</p>.<p>‘ಮಾವನವು ಸಕಲೆಂಟು ಸ್ವರಗಳು, ಕ್ರಿಯಾಪದ, ನಾಮಪದ, ಸಂಧಿಕಾರ್ಯಗಳು ಸೇರಿ ಸೊಸೆಯ, ಅಳಿಯನ ರಾಜಕೀಯ ಛಂದಸ್ಸು ರಚನೆಯಾಗಬಕು’ ತುರೇಮಣೆ ಸೇರಿಸಿದರು.</p>.<p>‘ಮಾವಂದೇ ಹೇಳ್ತೀರಲ್ಲ, ಅಪ್ಪಂದ್ರು ಏನೂ ಮಾಡೇ ಇಲ್ವಾ? ಅವರೇನು ತೌಡು ಕುಟ್ಟುತರ’ ಯಂಟಪ್ಪಣ್ಣ ಕಿಚಾಯಿಸಿತು.</p>.<p>‘ಯಾಕಿಲ್ಲ ಯಂಟಪ್ಪಣ್ಣ, ಅಪ್ಪಂದ್ರು ಕ್ಯಾಕರಣದಲ್ಲಿ ತಮ್ಮ ಸ್ವಯಂಕೃತಾಪರಾಧವಾದ ಮಕ್ಕಳಿಗೆ ಹಗ್ಗ-ಮೂಗುದಾರ ತೊಡಿಸಿ, ಲಾಳ ಕಟ್ಟಿಸಿ ರಾಜಕೀಯಕ್ಕೆ ರೆಡಿ ಮಾಡಿರತರೆ. ಹೈಕಮಾಂಡಿಂದ ಟಿಕೇಟು ಸಿಕ್ಕದಿದ್ರೆ ಮಕ್ಕಳ ಪರವಾಗಿ ತಾವೇ ಬಂಡಾಯದ ಜಲ್ಲಿಕಟ್ಟು ಮಾಡಕ್ಕೂ ತಯಾರಾಗಿರ್ತರೆ!’ ಅಂತಂದೆ.</p>.<p>‘ಸಾತಿವ್ರತ್ಯಕ್ಕೆ ಕಟ್ಟುಬಿದ್ದು ಹೆಂಡರನ್ನ ಚುನಾವಣೆಗೆ ಇಳಿಸಿರೋ ಗಂಡಯ್ಯದಿರದ್ದೂ ಇದೇ ಥರದ ಪತಿಷ್ಠೆ ಇರತದೆ ಕಪ್ಪ!’ ಅಂದು ಯಂಟಪ್ಪಣ್ಣ ಪಟಾಕಿ ಹಾರಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಸಾ, ಈಗ ರಾಜಕೀಯದೇಲಿ ಅಳಿಯಂದ್ರುದೇ ಹವಾ. ಮಾವಂದ್ರೆಲ್ಲಾ ಅವರವರ ಪಕ್ಷದಿಂದ ಅಳೀಮಯ್ಯನಿಗೆ ಟಿಕೇಟಿಗೋಸ್ಕರ ಮಾಮಾಚಾರ ಮಾಡಕ್ಕೆ ನಿಂತವ್ರೆ’ ರಾಜಕೀಯದ ಸುದ್ದಿ ಹೇಳಿದೆ.</p>.<p>‘ಒಬ್ಬ ಮಾವ ಅವರ ಅಳಿಯನಿಗೆ ಬ್ಯಾರೆ ಪಕ್ಸದ ಟಿಕೆಟ್ ಕೊಡ್ಸಿ ಕ್ಷೇತ್ರನೂ ದಾನ ಮಾಡ್ಯವುರೆ. ಇನ್ನೊಬ್ಬ ಮಾವ ‘ನನ್ನ ಅಳಿಯನಿಗೆ ಟಿಕೆಟ್ ಕೊಟ್ಟಿಲ್ಲ, ಬ್ಯಾರೆ ಮಾತೇ ಇಲ್ಲ’ ಅಂತ ಹುಡ್ರಿಕೆ ಹಾಕ್ತಾ ನಿಂತವ್ರೆ’ ಅಂದ ಚಂದ್ರು.</p>.<p>‘ಹೂ ಕಯ್ಯಾ ಈಗ ಮಾವಂದ್ರಿಗೇ ‘ಹೂಂ ಅಂತೀಯಾ ಮಾವ, ಉಹುಂ ಅಂತೀಯಾ’ ಅಂತ ಪುಂಗಿ ಊದೋ ಮಾವಾಡಿಗ ಅಳಿಯಂದ್ರು, ಸೊಸೆದೀರು ಮುನ್ನೆಲೆಗೆ ಬಂದವ್ರೆ. ಇದಕ್ಕೆ ಅಂತ್ಲೇ ಮಾವನ ರಾಜಕೀಯ ಕ್ಯಾಕರಣ ಹುಟ್ಟಿಕ್ಯಂಡದೆ’ ಅಂದುದ್ಕೆ ಎಲ್ಲರೂ ಗಾಬರಿಯಾದರು.</p>.<p>‘ಅದ್ಯಾವುದ್ಲಾ ಮಾವನ ರಾಜಕೀಯ ಕ್ಯಾಕರಣ?’ ಯಂಟಪ್ಪಣ್ಣ ಕೇಳಿತು.</p>.<p>‘ಮಾವನಿಗೆ ಗೌರವ ತೋರಿಸಕ್ಕೆ ಮಾವನ ಮನೆ, ಮಾವನ ಮನೆಯನ್ನು, ಮಾವನ ಮನೆಯಿಂದ, ಮಾವನ ಮನೆಗೆ, ಮಾವನ ಮನೆಯ ದೆಸೆಯಿಂದ, ಮಾವನ ಮನೆಯ, ಮಾವನ ಮನೆಯಲ್ಲಿ ಅಂತ ಸಪ್ತಮಾವಭಕ್ತಿ ಪ್ರತ್ಯಯಗಳವೆ’ ವಿವರಿಸಿದೆ.</p>.<p>‘ಮಾವನವು ಸಕಲೆಂಟು ಸ್ವರಗಳು, ಕ್ರಿಯಾಪದ, ನಾಮಪದ, ಸಂಧಿಕಾರ್ಯಗಳು ಸೇರಿ ಸೊಸೆಯ, ಅಳಿಯನ ರಾಜಕೀಯ ಛಂದಸ್ಸು ರಚನೆಯಾಗಬಕು’ ತುರೇಮಣೆ ಸೇರಿಸಿದರು.</p>.<p>‘ಮಾವಂದೇ ಹೇಳ್ತೀರಲ್ಲ, ಅಪ್ಪಂದ್ರು ಏನೂ ಮಾಡೇ ಇಲ್ವಾ? ಅವರೇನು ತೌಡು ಕುಟ್ಟುತರ’ ಯಂಟಪ್ಪಣ್ಣ ಕಿಚಾಯಿಸಿತು.</p>.<p>‘ಯಾಕಿಲ್ಲ ಯಂಟಪ್ಪಣ್ಣ, ಅಪ್ಪಂದ್ರು ಕ್ಯಾಕರಣದಲ್ಲಿ ತಮ್ಮ ಸ್ವಯಂಕೃತಾಪರಾಧವಾದ ಮಕ್ಕಳಿಗೆ ಹಗ್ಗ-ಮೂಗುದಾರ ತೊಡಿಸಿ, ಲಾಳ ಕಟ್ಟಿಸಿ ರಾಜಕೀಯಕ್ಕೆ ರೆಡಿ ಮಾಡಿರತರೆ. ಹೈಕಮಾಂಡಿಂದ ಟಿಕೇಟು ಸಿಕ್ಕದಿದ್ರೆ ಮಕ್ಕಳ ಪರವಾಗಿ ತಾವೇ ಬಂಡಾಯದ ಜಲ್ಲಿಕಟ್ಟು ಮಾಡಕ್ಕೂ ತಯಾರಾಗಿರ್ತರೆ!’ ಅಂತಂದೆ.</p>.<p>‘ಸಾತಿವ್ರತ್ಯಕ್ಕೆ ಕಟ್ಟುಬಿದ್ದು ಹೆಂಡರನ್ನ ಚುನಾವಣೆಗೆ ಇಳಿಸಿರೋ ಗಂಡಯ್ಯದಿರದ್ದೂ ಇದೇ ಥರದ ಪತಿಷ್ಠೆ ಇರತದೆ ಕಪ್ಪ!’ ಅಂದು ಯಂಟಪ್ಪಣ್ಣ ಪಟಾಕಿ ಹಾರಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
