<p>ಬೆಂಗಳೂರು ನಮ್ಮೆಲ್ಲರಿಗೂ ಜೀವನ ನಡೆಸಲು ಅನುವು ಮಾಡಿಕೊಡುವ ನಗರ. ಮನಸ್ಸಿನಲ್ಲಿ ಬೆಂಗಳೂರಿಗೆ ಅದೆಷ್ಟೇ ಬೈದುಕೊಂಡಿರಲಿ ಅದರ ಮಧ್ಯೆಯೂ ಬೆಂಗಳೂರು ನಮಗೆ ಆಸರೆಯಾಗಿ ಜೊತೆ ನಿಲ್ಲುತ್ತದೆ. ಟ್ರಾಫಿಕ್, ಜನರು, ಗಡಿಬಿಡಿ ಎಂದೆಲ್ಲಾ ಅಲವತ್ತುಕೊಂಡರೂ ನಮಗೆ ಈ ನಗರ ಬೇಕೇ ಬೇಕು. ನಮ್ಮನ್ನು ಮತ್ತೆ ಕೈ ಬೇಸಿ ಕರೆಯುತ್ತದೆ. ಯಾವುದೇ ಊರಿನಿಂದ ಬಂದಿರಲಿ ಈ ಊರು ಮಮತೆಯಿಂದ ಪೊರೆದು ಉದ್ಯೋಗವನ್ನೂ ನೀಡಿ ಸಾಕುತ್ತದೆ. ಅವರಿವರ ಹಂಗಿಲ್ಲದೇ ನಮ್ಮದೇ ಲೋಕದಲ್ಲಿ ನಾವು ಜೀವನ ನಡೆಸಲು ಬೆಂಗಳೂರಿಗೆ ಪ್ರಮುಖ ಸ್ಥಾನವನ್ನು ನೀಡಬಹುದು. </p>.<p>ಧಾವಂತದ ಈ ನಗರ ಎಲ್ಲವನ್ನೂ ಸಾವಧಾನದಿಂದಲೇ ನಮಗೆ ಕಲಿಸಿಕೊಡುತ್ತದೆ. ಮೆಟ್ರೋದಂತಹ ವೇಗವನ್ನೂ, ಟ್ರಾಫಿಕ್ನಲ್ಲಿ ಸಿಲುಕಿದಾಗ ಸಹನೆಯನ್ನೂ ಧಾರೆ ಎರೆಯುತ್ತದೆ. ಒಂದಷ್ಟು ದಿನ ಬೆಂಗಳೂರಿನಲ್ಲಿದ್ದು ಒಂದು ಧೈರ್ಯವಂತೂ ಬಂದಿದೆ ಎಲ್ಲೆ ಹೋದರೂ ಹೇಗೆ ಇದ್ದರೂ ಜೀವನವನ್ನು ನಡೆಸಬಹುದು. ಅಳುಕಿನಿಂದ ನಗರಕ್ಕೆ ಕಾಲಿಟ್ಟ ಅದೇಷ್ಟೋ ಮಂದಿಗೆ ಈ ಬೆಂಗಳೂರು ಹೊಸ ಭರವಸೆ, ವಿಶ್ವಾಸವನ್ನು ತುಂಬಿ ಕಳುಹಿಸುವುದಂತೂ ಸುಳ್ಳಲ್ಲ.</p>.<p>ಬೆಳಗು, ರಾತ್ರಿಯ ವ್ಯತ್ಯಾಸವಿರದೇ ಕಳೆಯುವ ದಿನಗಳು, ನಮಗೆ ನಾವು ಕೊಡಲಾಗುವ, ಕೊಡಲಾಗದ ಸಮಯ, ನಮ್ಮತನದ ಅವಲೋಕನದ ವೇಳೆಯಲ್ಲಿಯೂ ಅಲ್ಲೆಲ್ಲೋ ಸದ್ದಾಗುವ ವಾಹನ, ಹತ್ತು ಹಲವು ಸಂಗತಿಗಳು ದಿನನಿತ್ಯದ ಜೀವನದಲ್ಲಿ ಹಾಸುಹೊಕ್ಕಾಗಿದೆ. ಬೆಂಗಳೂರಿನಲ್ಲಿದ್ದವರಿಗೆ ಇದು ಸರ್ವೇಸಾಮನ್ಯವಾಗಿ ಹೋಗುತ್ತದೆ. </p>.<p>ಜೀವನ ರೂಪಿಸಲು ಅಂಬೆಗಾಲನ್ನು ಇಟ್ಟಿದ್ದು ಬೆಂಗಳೂರಿಗೆ, ನಮ್ಮದೇ ಆದ ಚೌಕಟ್ಟಿನಿಂದ ಹೊರಬಂದು ಈ ಬೆಂಗಳೂರಿನ ಜೀವನಕ್ಕೆ ಒಗ್ಗಿಕೊಳ್ಳುವ ತನಕ ಎಲ್ಲವೂ ಅಯೋಮಯ. ಒಮ್ಮೆ ಬೆಂಗಳೂರಿಗೆ ಹೊಂದಿಕೊಂಡರೆ ಸಾಕು ಎಲ್ಲಿಯಾದರೂ ಬದುಕನ್ನು ಕಟ್ಟಿಕೊಳ್ಳುವ ಭರವಸೆ ತನ್ನಿಂದ ತಾನೆ ಒಡಮೂಡುವಂತೆ ಮಾಡುವುದು ಇಲ್ಲಿನ ವೈಶಿಷ್ಟ್ಯ. ತಾತ್ಕಾಲಿಕವಾಗಿ ಈ ನಗರಕ್ಕೆ ವಿದಾಯ ಹೇಳುವ ಸಮಯ. ಮತ್ತೆ ಬೆಂಗಳೂರು ಕೈ ಬೀಸಿ ಕರೆದರೆ ಓಡಿಬರುವೆ. ಕರೆಯದೆಯೂ ನಾವು ಬಂದರೆ ಅದೇ ಪ್ರೀತಿಯಿಂದ ಅಪ್ಪಿಕೊಳ್ಳುತ್ತದೆ ಈ ಬೆಂದಕಾಳೂರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು ನಮ್ಮೆಲ್ಲರಿಗೂ ಜೀವನ ನಡೆಸಲು ಅನುವು ಮಾಡಿಕೊಡುವ ನಗರ. ಮನಸ್ಸಿನಲ್ಲಿ ಬೆಂಗಳೂರಿಗೆ ಅದೆಷ್ಟೇ ಬೈದುಕೊಂಡಿರಲಿ ಅದರ ಮಧ್ಯೆಯೂ ಬೆಂಗಳೂರು ನಮಗೆ ಆಸರೆಯಾಗಿ ಜೊತೆ ನಿಲ್ಲುತ್ತದೆ. ಟ್ರಾಫಿಕ್, ಜನರು, ಗಡಿಬಿಡಿ ಎಂದೆಲ್ಲಾ ಅಲವತ್ತುಕೊಂಡರೂ ನಮಗೆ ಈ ನಗರ ಬೇಕೇ ಬೇಕು. ನಮ್ಮನ್ನು ಮತ್ತೆ ಕೈ ಬೇಸಿ ಕರೆಯುತ್ತದೆ. ಯಾವುದೇ ಊರಿನಿಂದ ಬಂದಿರಲಿ ಈ ಊರು ಮಮತೆಯಿಂದ ಪೊರೆದು ಉದ್ಯೋಗವನ್ನೂ ನೀಡಿ ಸಾಕುತ್ತದೆ. ಅವರಿವರ ಹಂಗಿಲ್ಲದೇ ನಮ್ಮದೇ ಲೋಕದಲ್ಲಿ ನಾವು ಜೀವನ ನಡೆಸಲು ಬೆಂಗಳೂರಿಗೆ ಪ್ರಮುಖ ಸ್ಥಾನವನ್ನು ನೀಡಬಹುದು. </p>.<p>ಧಾವಂತದ ಈ ನಗರ ಎಲ್ಲವನ್ನೂ ಸಾವಧಾನದಿಂದಲೇ ನಮಗೆ ಕಲಿಸಿಕೊಡುತ್ತದೆ. ಮೆಟ್ರೋದಂತಹ ವೇಗವನ್ನೂ, ಟ್ರಾಫಿಕ್ನಲ್ಲಿ ಸಿಲುಕಿದಾಗ ಸಹನೆಯನ್ನೂ ಧಾರೆ ಎರೆಯುತ್ತದೆ. ಒಂದಷ್ಟು ದಿನ ಬೆಂಗಳೂರಿನಲ್ಲಿದ್ದು ಒಂದು ಧೈರ್ಯವಂತೂ ಬಂದಿದೆ ಎಲ್ಲೆ ಹೋದರೂ ಹೇಗೆ ಇದ್ದರೂ ಜೀವನವನ್ನು ನಡೆಸಬಹುದು. ಅಳುಕಿನಿಂದ ನಗರಕ್ಕೆ ಕಾಲಿಟ್ಟ ಅದೇಷ್ಟೋ ಮಂದಿಗೆ ಈ ಬೆಂಗಳೂರು ಹೊಸ ಭರವಸೆ, ವಿಶ್ವಾಸವನ್ನು ತುಂಬಿ ಕಳುಹಿಸುವುದಂತೂ ಸುಳ್ಳಲ್ಲ.</p>.<p>ಬೆಳಗು, ರಾತ್ರಿಯ ವ್ಯತ್ಯಾಸವಿರದೇ ಕಳೆಯುವ ದಿನಗಳು, ನಮಗೆ ನಾವು ಕೊಡಲಾಗುವ, ಕೊಡಲಾಗದ ಸಮಯ, ನಮ್ಮತನದ ಅವಲೋಕನದ ವೇಳೆಯಲ್ಲಿಯೂ ಅಲ್ಲೆಲ್ಲೋ ಸದ್ದಾಗುವ ವಾಹನ, ಹತ್ತು ಹಲವು ಸಂಗತಿಗಳು ದಿನನಿತ್ಯದ ಜೀವನದಲ್ಲಿ ಹಾಸುಹೊಕ್ಕಾಗಿದೆ. ಬೆಂಗಳೂರಿನಲ್ಲಿದ್ದವರಿಗೆ ಇದು ಸರ್ವೇಸಾಮನ್ಯವಾಗಿ ಹೋಗುತ್ತದೆ. </p>.<p>ಜೀವನ ರೂಪಿಸಲು ಅಂಬೆಗಾಲನ್ನು ಇಟ್ಟಿದ್ದು ಬೆಂಗಳೂರಿಗೆ, ನಮ್ಮದೇ ಆದ ಚೌಕಟ್ಟಿನಿಂದ ಹೊರಬಂದು ಈ ಬೆಂಗಳೂರಿನ ಜೀವನಕ್ಕೆ ಒಗ್ಗಿಕೊಳ್ಳುವ ತನಕ ಎಲ್ಲವೂ ಅಯೋಮಯ. ಒಮ್ಮೆ ಬೆಂಗಳೂರಿಗೆ ಹೊಂದಿಕೊಂಡರೆ ಸಾಕು ಎಲ್ಲಿಯಾದರೂ ಬದುಕನ್ನು ಕಟ್ಟಿಕೊಳ್ಳುವ ಭರವಸೆ ತನ್ನಿಂದ ತಾನೆ ಒಡಮೂಡುವಂತೆ ಮಾಡುವುದು ಇಲ್ಲಿನ ವೈಶಿಷ್ಟ್ಯ. ತಾತ್ಕಾಲಿಕವಾಗಿ ಈ ನಗರಕ್ಕೆ ವಿದಾಯ ಹೇಳುವ ಸಮಯ. ಮತ್ತೆ ಬೆಂಗಳೂರು ಕೈ ಬೀಸಿ ಕರೆದರೆ ಓಡಿಬರುವೆ. ಕರೆಯದೆಯೂ ನಾವು ಬಂದರೆ ಅದೇ ಪ್ರೀತಿಯಿಂದ ಅಪ್ಪಿಕೊಳ್ಳುತ್ತದೆ ಈ ಬೆಂದಕಾಳೂರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
