<p><strong>ಬೆಂಗಳೂರು:</strong> ಇಂಡಿಯಾ ರೆಡ್ ಮತ್ತು ಇಂಡಿಯಾ ಬ್ಲೂ ನಡುವಣ ದುಲೀಪ್ ಟ್ರೋಫಿ ಕ್ರಿಕೆಟ್ ಪಂದ್ಯ ನಿರೀಕ್ಷೆಯಂತೆಯೇ ಡ್ರಾ ಆಯಿತು. ಮೊದಲ ಇನಿಂಗ್ಸ್ ಮುನ್ನಡೆ ಪಡೆದಿದ್ದ ರೆಡ್ ತಂಡವು ಮೂರು ಪಾಯಿಂಟ್ಸ್ ಕಲೆಹಾಕಿ ಫೈನಲ್ಗೆ ಲಗ್ಗೆ ಇಟ್ಟಿತು.</p>.<p>ಅಂತಿಮ ದಿನವಾದ ಸೋಮವಾರ ಕನ್ನಡಿಗ ಕರುಣ್ ನಾಯರ್ (ಔಟಾಗದೆ 166; 223ಎ, 19ಬೌಂ, 1ಸಿ) ಶತಕ ಸಿಡಿಸಿ ಸಂಭ್ರಮಿಸಿದರು.</p>.<p>ನಗರದ ಹೊರವಲಯದಲ್ಲಿರುವ ಆಲೂರು ಮೈದಾನದಲ್ಲಿ 2 ವಿಕೆಟ್ಗೆ 93ರನ್ಗಳಿಂದ ದ್ವಿತೀಯ ಇನಿಂಗ್ಸ್ನ ಆಟ ಮುಂದುವರಿಸಿದ ಇಂಡಿಯಾ ರೆಡ್ ತಂಡ 88 ಓವರ್ಗಳಲ್ಲಿ 6 ವಿಕೆಟ್ಗೆ 297ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿತು.</p>.<p>ಮೊದಲ ಇನಿಂಗ್ಸ್ನಲ್ಲಿ ಕೇವಲ ಒಂದು ರನ್ನಿಂದ ಶತಕ ವಂಚಿತರಾಗಿದ್ದ ರೆಡ್ ತಂಡದ ಕರುಣ್, ಎರಡನೇ ಇನಿಂಗ್ಸ್ನಲ್ಲಿ ಮೂರಂಕಿಯ ಗಡಿ ದಾಟಿ ನಿರಾಸೆ ಮರೆತರು. ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಎರಡು ವರ್ಷಗಳ ನಂತರ ಶತಕ ಸಿಡಿಸಿದ ಖುಷಿ ಅವರದ್ದಾಯಿತು.</p>.<p>ಕರುಣ್ ಅವರಿಗೆ ಹಿಮಾಚಲ ಪ್ರದೇಶದ 25ರ ಹರೆಯದ ಆಟಗಾರ ಅಂಕಿತ್ ಕಾಲ್ಸಿ (64; 160ಎ, 5ಬೌಂ) ಉತ್ತಮ ಬೆಂಬಲ ನೀಡಿದರು. ಮೊದಲ ಇನಿಂಗ್ಸ್ನಲ್ಲಿ ಶತಕದ ಜೊತೆಯಾಟವಾಡಿದ್ದ ಈ ಜೋಡಿ ಎರಡನೇ ಇನಿಂಗ್ಸ್ನಲ್ಲೂ ಎದುರಾಳಿ ಬೌಲರ್ಗಳನ್ನು ಕಾಡಿತು. ಇವರು ಮೂರನೇ ವಿಕೆಟ್ ಪಾಲುದಾರಿಕೆಯಲ್ಲಿ 157ರನ್ ಸೇರಿಸಿದರು.</p>.<p>ಮೊದಲ ಇನಿಂಗ್ಸ್ ವೇಳೆ ಬೆನ್ನು ನೋವಿಗೆ ಒಳಗಾಗಿದ್ದ ವೇಗದ ಬೌಲರ್ ಬಾಸಿಲ್ ಥಂಪಿ, ಎರಡನೇ ಇನಿಂಗ್ಸ್ನಲ್ಲಿ ಕಣಕ್ಕಿಳಿಯಲಿಲ್ಲ. ಇದರಿಂದ ಬ್ಲೂ ತಂಡಕ್ಕೆ ಹಿನ್ನಡೆಯಾಯಿತು. ವೇಗಿ ದಿವೇಶ್ ಪಠಾಣಿಯಾ, ಸ್ಪಿನ್ನರ್ಗಳಾದ ಜಲಜ್ ಸಕ್ಸೇನಾ ಮತ್ತು ಸೌರಭ್ ಕುಮಾರ್ ಮೇಲೆ ಹೆಚ್ಚಿನ ಒತ್ತಡ ಬಿತ್ತು.</p>.<p>ಜಲಜ್ ಅವರು ಈ ಪಂದ್ಯದಲ್ಲಿ 162ರನ್ ನೀಡಿ 7 ವಿಕೆಟ್ ಉರುಳಿಸಿದರು. ಈ ಮೂಲಕ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 6,000 ರನ್ ಗಳಿಸಿ 300 ವಿಕೆಟ್ ಪಡೆದ ಆರನೇ ಆಟಗಾರ ಎಂಬ ಹಿರಿಮೆಗೆ ಭಾಜನರಾದರು.</p>.<p>ಎಸ್.ಅಬಿದ್ ಅಲಿ, ಲಾಲಾ ಅಮರನಾಥ್, ಸಂಜಯ್ ಬಂಗಾರ್, ಸಾಯಿರಾಜ್ ಬಹುತುಳೆ ಮತ್ತು ಎಸ್.ವೆಂಕಟರಾಘವನ್ ಅವರು ಈ ಸಾಧನೆ ಮಾಡಿದ್ದರು.</p>.<p><strong>ಸಂಕ್ಷಿಪ್ತ ಸ್ಕೋರ್: ಇಂಡಿಯಾ ರೆಡ್; ಮೊದಲ ಇನಿಂಗ್ಸ್:</strong> 124 ಓವರ್ಗಳಲ್ಲಿ 285 ಮತ್ತು 88 ಓವರ್ಗಳಲ್ಲಿ 6 ವಿಕೆಟ್ಗೆ 297 ಡಿಕ್ಲೇರ್ಡ್ (ಅಭಿಮನ್ಯು ಈಶ್ವರನ್ 18, ಕರುಣ್ ನಾಯರ್ ಔಟಾಗದೆ 166, ಅಂಕಿತ್ ಕಾಲ್ಸಿ 64, ಹರ್ಪ್ರೀತ್ ಸಿಂಗ್ 15, ಇಶಾನ್ ಕಿಶನ್ 12; ದಿವೇಶ್ ಪಠಾಣಿಯಾ 53ಕ್ಕೆ2, ಜಲಜ್ ಸಕ್ಸೇನಾ 105ಕ್ಕೆ4).</p>.<p><strong>ಇಂಡಿಯಾ ಬ್ಲೂ: ಪ್ರಥಮ ಇನಿಂಗ್ಸ್; 83.2 ಓವರ್ಗಳಲ್ಲಿ 255.</strong></p>.<p><strong>ಫಲಿತಾಂಶ: ಡ್ರಾ. ಪಂದ್ಯಶ್ರೇಷ್ಠ: ಕರುಣ್ ನಾಯರ್.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಇಂಡಿಯಾ ರೆಡ್ ಮತ್ತು ಇಂಡಿಯಾ ಬ್ಲೂ ನಡುವಣ ದುಲೀಪ್ ಟ್ರೋಫಿ ಕ್ರಿಕೆಟ್ ಪಂದ್ಯ ನಿರೀಕ್ಷೆಯಂತೆಯೇ ಡ್ರಾ ಆಯಿತು. ಮೊದಲ ಇನಿಂಗ್ಸ್ ಮುನ್ನಡೆ ಪಡೆದಿದ್ದ ರೆಡ್ ತಂಡವು ಮೂರು ಪಾಯಿಂಟ್ಸ್ ಕಲೆಹಾಕಿ ಫೈನಲ್ಗೆ ಲಗ್ಗೆ ಇಟ್ಟಿತು.</p>.<p>ಅಂತಿಮ ದಿನವಾದ ಸೋಮವಾರ ಕನ್ನಡಿಗ ಕರುಣ್ ನಾಯರ್ (ಔಟಾಗದೆ 166; 223ಎ, 19ಬೌಂ, 1ಸಿ) ಶತಕ ಸಿಡಿಸಿ ಸಂಭ್ರಮಿಸಿದರು.</p>.<p>ನಗರದ ಹೊರವಲಯದಲ್ಲಿರುವ ಆಲೂರು ಮೈದಾನದಲ್ಲಿ 2 ವಿಕೆಟ್ಗೆ 93ರನ್ಗಳಿಂದ ದ್ವಿತೀಯ ಇನಿಂಗ್ಸ್ನ ಆಟ ಮುಂದುವರಿಸಿದ ಇಂಡಿಯಾ ರೆಡ್ ತಂಡ 88 ಓವರ್ಗಳಲ್ಲಿ 6 ವಿಕೆಟ್ಗೆ 297ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿತು.</p>.<p>ಮೊದಲ ಇನಿಂಗ್ಸ್ನಲ್ಲಿ ಕೇವಲ ಒಂದು ರನ್ನಿಂದ ಶತಕ ವಂಚಿತರಾಗಿದ್ದ ರೆಡ್ ತಂಡದ ಕರುಣ್, ಎರಡನೇ ಇನಿಂಗ್ಸ್ನಲ್ಲಿ ಮೂರಂಕಿಯ ಗಡಿ ದಾಟಿ ನಿರಾಸೆ ಮರೆತರು. ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಎರಡು ವರ್ಷಗಳ ನಂತರ ಶತಕ ಸಿಡಿಸಿದ ಖುಷಿ ಅವರದ್ದಾಯಿತು.</p>.<p>ಕರುಣ್ ಅವರಿಗೆ ಹಿಮಾಚಲ ಪ್ರದೇಶದ 25ರ ಹರೆಯದ ಆಟಗಾರ ಅಂಕಿತ್ ಕಾಲ್ಸಿ (64; 160ಎ, 5ಬೌಂ) ಉತ್ತಮ ಬೆಂಬಲ ನೀಡಿದರು. ಮೊದಲ ಇನಿಂಗ್ಸ್ನಲ್ಲಿ ಶತಕದ ಜೊತೆಯಾಟವಾಡಿದ್ದ ಈ ಜೋಡಿ ಎರಡನೇ ಇನಿಂಗ್ಸ್ನಲ್ಲೂ ಎದುರಾಳಿ ಬೌಲರ್ಗಳನ್ನು ಕಾಡಿತು. ಇವರು ಮೂರನೇ ವಿಕೆಟ್ ಪಾಲುದಾರಿಕೆಯಲ್ಲಿ 157ರನ್ ಸೇರಿಸಿದರು.</p>.<p>ಮೊದಲ ಇನಿಂಗ್ಸ್ ವೇಳೆ ಬೆನ್ನು ನೋವಿಗೆ ಒಳಗಾಗಿದ್ದ ವೇಗದ ಬೌಲರ್ ಬಾಸಿಲ್ ಥಂಪಿ, ಎರಡನೇ ಇನಿಂಗ್ಸ್ನಲ್ಲಿ ಕಣಕ್ಕಿಳಿಯಲಿಲ್ಲ. ಇದರಿಂದ ಬ್ಲೂ ತಂಡಕ್ಕೆ ಹಿನ್ನಡೆಯಾಯಿತು. ವೇಗಿ ದಿವೇಶ್ ಪಠಾಣಿಯಾ, ಸ್ಪಿನ್ನರ್ಗಳಾದ ಜಲಜ್ ಸಕ್ಸೇನಾ ಮತ್ತು ಸೌರಭ್ ಕುಮಾರ್ ಮೇಲೆ ಹೆಚ್ಚಿನ ಒತ್ತಡ ಬಿತ್ತು.</p>.<p>ಜಲಜ್ ಅವರು ಈ ಪಂದ್ಯದಲ್ಲಿ 162ರನ್ ನೀಡಿ 7 ವಿಕೆಟ್ ಉರುಳಿಸಿದರು. ಈ ಮೂಲಕ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 6,000 ರನ್ ಗಳಿಸಿ 300 ವಿಕೆಟ್ ಪಡೆದ ಆರನೇ ಆಟಗಾರ ಎಂಬ ಹಿರಿಮೆಗೆ ಭಾಜನರಾದರು.</p>.<p>ಎಸ್.ಅಬಿದ್ ಅಲಿ, ಲಾಲಾ ಅಮರನಾಥ್, ಸಂಜಯ್ ಬಂಗಾರ್, ಸಾಯಿರಾಜ್ ಬಹುತುಳೆ ಮತ್ತು ಎಸ್.ವೆಂಕಟರಾಘವನ್ ಅವರು ಈ ಸಾಧನೆ ಮಾಡಿದ್ದರು.</p>.<p><strong>ಸಂಕ್ಷಿಪ್ತ ಸ್ಕೋರ್: ಇಂಡಿಯಾ ರೆಡ್; ಮೊದಲ ಇನಿಂಗ್ಸ್:</strong> 124 ಓವರ್ಗಳಲ್ಲಿ 285 ಮತ್ತು 88 ಓವರ್ಗಳಲ್ಲಿ 6 ವಿಕೆಟ್ಗೆ 297 ಡಿಕ್ಲೇರ್ಡ್ (ಅಭಿಮನ್ಯು ಈಶ್ವರನ್ 18, ಕರುಣ್ ನಾಯರ್ ಔಟಾಗದೆ 166, ಅಂಕಿತ್ ಕಾಲ್ಸಿ 64, ಹರ್ಪ್ರೀತ್ ಸಿಂಗ್ 15, ಇಶಾನ್ ಕಿಶನ್ 12; ದಿವೇಶ್ ಪಠಾಣಿಯಾ 53ಕ್ಕೆ2, ಜಲಜ್ ಸಕ್ಸೇನಾ 105ಕ್ಕೆ4).</p>.<p><strong>ಇಂಡಿಯಾ ಬ್ಲೂ: ಪ್ರಥಮ ಇನಿಂಗ್ಸ್; 83.2 ಓವರ್ಗಳಲ್ಲಿ 255.</strong></p>.<p><strong>ಫಲಿತಾಂಶ: ಡ್ರಾ. ಪಂದ್ಯಶ್ರೇಷ್ಠ: ಕರುಣ್ ನಾಯರ್.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
