ಐಪಿಎಲ್‌–ಚೀನಾ ‘ಸಂಬಂಧ’ ಮುರಿಯಿರಿ: ನೆಸ್ ವಾಡಿಯಾ

ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ ಟಿ20 ಕ್ರಿಕೆಟ್ ಟೂರ್ನಿಯಲ್ಲಿ ಚೀನಾ ಉತ್ಪನ್ನಗಳ ಪ್ರಾಯೋಜಕತ್ವವನ್ನು ಕೈಬಿಡಲು ಮುಂದಾಗಬೇಕು ಎಂದು ಕಿಂಗ್ಸ್ ಇಲೆವನ್ ಪಂಜಾಬ್ ತಂಡದ ಸಹಮಾಲೀಕ ನೆಸ್ ವಾಡಿಯಾ ಹೇಳಿದ್ದಾರೆ.

. ಭಾರತ ಮತ್ತು ಚೀನಾ ಗಡಿಯಲ್ಲಿ ನಡೆದ ಸಂಘರ್ಷದ ಹಿನ್ನೆಲೆಯಲ್ಲಿ ದೇಶದಲ್ಲಿ ಚೀನಾ ಉತ್ಪನ್ನಗಳನ್ನು ಬಹಿಷ್ಕರಿಸಬೇಕು ಎಂಬ ಅಭಿಯಾನ ಆರಂಭವಾಗಿದೆ. ಐಪಿಎಲ್ಗೆ ಚೀನಾದ ವಿವೊ ಮೊಬೈಲ್ ಫೋನ್ ಕಂಪೆನಿಯು ಪ್ರಾಯೋಜಕತ್ವ ನೀಡುತ್ತಿದೆ. ಐದು ವರ್ಷಗಳ ಒಪ್ಪಂದ ಮಾಡಿಕೊಂಡಿರುವ ಬಿಸಿಸಿಐ ವಾರ್ಷಿಕ #440 ಕೋಟಿ ಪಡೆಯುತ್ತಿದೆ. ‘ಈ ವರ್ಷವೂ ಪ್ರಾಯೋಜಕತ್ವ ಮುಂದುವರಿಸಿ, ಮುಂದಿನ ವರ್ಷ ಕೈಬಿಡುವ ಬಗ್ಗೆ ಯೋಚಿಸಲಾಗುವುದು’ಎಂದು ಈಚೆಗೆ ಖಜಾಂಚಿ ಅರುಣ್ ಧುಮಾಲ್ ಹೇಳಿದ್ದರು.

. ಸೋಮವಾರ ಭಾರತ ಸರ್ಕಾರವು ಚೀನಾದ 59 ಆ್ಯಪ್ಗಳನ್ನು ನಿಷೇಧಿಸಿದೆ.

. ಈ ಕುರಿತು ಮಾತನಾಡಿರುವ ನೆಸ್ ವಾಡಿಯಾ, ’ದೇಶದ ಸಲುವಾಗಿ ನಾವು ಈ ಕ್ರಮ ಕೈಗೊಳ್ಳಲೇಬೇಕು. ರಾಷ್ಟ್ರ ಮೊದಲು, ಆಮೇಲೆ ಹಣ. ಅಷ್ಟಕ್ಕೂ ಇದು ಇಂಡಿಯನ್ ಪ್ರೀಮಿಯರ್ ಲೀಗ್. ಚೈನಿಸ್ ಪ್ರೀಮಿಯರ್ ಲೀಗ್ ಅಲ್ಲ. ದಿಟ್ಟ ನಿರ್ಧಾರದ ಮೂಲಕ ಬೇರೆಯವರಿಗೆ ನಿದರ್ಶನ ರೂಪಿಸಿಕೊಡಬೇಕು‘ ಎಂದಿದ್ದಾರೆ.

. ‘ಆರಂಭದಲ್ಲಿ ಹೊಸ ಪ್ರಾಯೋಜಕರನ್ನು ಕಂಡುಕೊಳ್ಳುವುದು ತುಸು ಸವಾಲಿನ ಕೆಲಸ. ಆದರೆ ಭಾರತೀಯ ಮೂಲದ ಪ್ರಾಯೋಜಕರು ಖಂಡಿತವಾಗಿಯೂ ಮುಂದೆ ಬರುತ್ತಾರೆ. ದೇಶ ಮತ್ತು ಸರ್ಕಾರಕ್ಕೆ ನಾವು ಗೌರವ ಸಲ್ಲಿಸಬೇಕು. ಎಲ್ಲಕ್ಕಿಂತ ಮುಖ್ಯವಾಗಿ ಹುತ್ಮಾತರಾದ ಸೈನಿಕರಿಗಾಗಿಯಾದರೂ ಮಾಡಬೇಕು’ಎಂದು ವಾಡಿಯಾ ಹೇಳಿದರು.

. ‘ಫ್ರ್ಯಾಂಚೈಸ್ಗಳು ತಮ್ಮ ಚೈನೀಸ್ ಪ್ರಾಯೋಜಕರನ್ನು ಕೈಬಿಡಲು ಸಮಯ ನೀಡಬೇಕು. ಒಟ್ಟಿನಲ್ಲಿ ಚೀನಾ ಪ್ರಾಯೋಜಕತ್ವದ ಸಂಬಂಧಗಳನ್ನು ಹಂತಹಂತವಾಗಿಯಾದರೂ ಮುಂದಿನ ವರ್ಷದವರೆಗೆ ಸಂಪೂರ್ಣ ಕೈಬಿಡಬೇಕು’ಎಂದು ಉದ್ಯಮಿಯೂ ಆಗಿರುವ ವಾಡಿಯಾ ಸಲಹೆ ನೀಡಿದ್ದಾರೆ.

. ‘ಆರಂಭದಲ್ಲಿ ಬದಲೀ ಪ್ರಾಯೋಜಕರನ್ನು ಪಡೆಯುವುದು ಕಷ್ಟ. ಆದರೆ, ದೇಶದ ಪ್ರಶ್ನೆ ಬಂದಾಗ ಬೇರೆಲ್ಲ ಯೋಚನೆಗಳನ್ನು ಪಕ್ಕಕ್ಕಿಡಬೇಕು. ಕಠಿಣ ಕ್ರಮಕ್ಕೆ ಮುಂದಾಗಬೇಕು’ಎಂದು ಚೆನ್ನೈ ಸೂಪರ್ ಕಿಂಗ್ಸ್ ಮೂಲಗಳು ಹೇಳಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಐಪಿಎಲ್‌–ಚೀನಾ ‘ಸಂಬಂಧ’ ಮುರಿಯಿರಿ: ನೆಸ್ ವಾಡಿಯಾ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಹ್ಯಾರಿಸ್‌, ಅಯೂಬ್ ಮಿಂಚು; ಪಾಕ್‌ಗೆ ಮಣಿದ ಆಸ್ಟ್ರೇಲಿಯಾ

ಮುನಿಸಿಕೊಂಡ ಬೌಲರ್ ಅಲ್ಜಾರಿ: 2 ಪಂದ್ಯಕ್ಕೆ ಅಮಾನತು

ಟೆಸ್ಟ್‌ನಲ್ಲಿ ರಾಹುಲ್, ಅಭಿಮನ್ಯು ಉತ್ತಮ ಆರಂಭ ನೀಡಬಲ್ಲರು: ರಾಬಿನ್ ಉತ್ತಪ್ಪ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024