<p><strong>ನವದೆಹಲಿ</strong>: ‘2004ರಲ್ಲಿ ನಾವು ಏಕದಿನ ಕ್ರಿಕೆಟ್ ಸರಣಿ ಆಡಲು ಅಸ್ಟ್ರೇಲಿಯಾಕ್ಕೆ ಹೋಗಿದ್ದೆವು. ಆಗ ಆ ತಂಡದ ಆರಂಭಿಕ ಬ್ಯಾಟ್ಸ್ಮನ್ ಮ್ಯಾಥ್ಯೂ ಹೇಡನ್ ನನ್ನ ಮುಖಕ್ಕೆ ಪಂಚ್ ಮಾಡುವುದಾಗಿ ಹೆದರಿಸಿದ್ದರು’ ಎಂದು ಭಾರತದ ಕ್ರಿಕೆಟಿಗ ಪಾರ್ಥೀವ್ ಪಟೇಲ್ ಹೇಳಿದ್ದಾರೆ.</p>.<p>‘ಬ್ರಿಸ್ಬೇನ್ನಲ್ಲಿ ನಡೆದಿದ್ದ ಪಂದ್ಯವದು. ಆ ಹೋರಾಟದಲ್ಲಿ ಹೇಡನ್ ಶತಕ ಬಾರಿಸಿದ್ದರು. ನಿರ್ಣಾಯಕ ಘಟ್ಟದಲ್ಲಿ ಅವರು ಇರ್ಫಾನ್ ಪಠಾಣ್ಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ನತ್ತ ಹೆಜ್ಜೆ ಹಾಕುತ್ತಿದ್ದರು. ಅದೇ ಸಮಯದಲ್ಲಿ ಪಾನೀಯ ನೀಡಲು ಮೈದಾನದೊಳಗೆ ಪ್ರವೇಶಿಸಿದ ನಾನು ಹೇಡನ್ ಅವರತ್ತ ನೋಡಿ ‘ಹೊ..ಹೋ..’ ಎಂದು ಕೆಣಕಿದ್ದೆ’ ಎಂದು ತಿಳಿಸಿದ್ದಾರೆ.</p>.<p>‘ನನ್ನ ಆ ವರ್ತನೆಯಿಂದ ಕುಪಿತಗೊಂಡಿದ್ದ ಹೇಡನ್, ಬ್ರಿಸ್ಬೇನ್ ಮೈದಾನದಲ್ಲಿರುವ ಡ್ರೆಸಿಂಗ್ ಕೋಣೆಯ ಹತ್ತಿರವೇ ನಿಂತಿದ್ದರು. ನಾನು ಅಂಗಳದಿಂದ ವಾಪಸ್ ಬಂದೊಡನೆಯೇ ದುರುಗುಟ್ಟಿ ನೋಡಿದ ಅವರು ಇನ್ನೊಮ್ಮೆ ಈ ರೀತಿ ಮಾಡಿದರೆ ಬಲವಾಗಿ ನಿನ್ನ ಮುಖಕ್ಕೆ ಗುದ್ದಿ ಬಿಡುತ್ತೇನೆ ಎಂದಿದ್ದರು. ನಾನು ಕ್ಷಮೆ ಯಾಚಿಸಿದ ನಂತರ ಹೊರಟು ಹೋಗಿದ್ದರು’ ಎಂದು ಆ ಘಟನೆಯನ್ನು ಮೆಲುಕು ಹಾಕಿದ್ದರು.</p>.<p>ನಾಲ್ಕು ವರ್ಷಗಳ ಬಳಿಕ ಪಾರ್ಥೀವ್ ಹಾಗೂ ಹೇಡನ್ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ತಂಡದ ಪರ ಆಡುವ ಸಂದರ್ಭ ಎದುರಾಗಿತ್ತು.</p>.<p>‘ಐಪಿಎಲ್ ಶುರುವಾದ ಬಳಿಕ ನಮ್ಮ ನಡುವೆ ಉತ್ತಮ ಸ್ನೇಹ ಬೆಳೆಯಿತು. ಇಬ್ಬರೂ ಸಿಎಸ್ಕೆ ಪರ ಅನೇಕ ಪಂದ್ಯಗಳಲ್ಲಿ ಆಡಿದೆವು. ಅವರ ಜೊತೆ ಇನಿಂಗ್ಸ್ ಆರಂಭಿಸುವ ಅವಕಾಶ ಸಿಕ್ಕಿತು’ ಎಂದೂ ತಿಳಿಸಿದ್ದಾರೆ.</p>.<p>‘ಐಪಿಎಲ್ ಮುಗಿದ ಬಳಿಕ ನಾನು ಆಸ್ಟ್ರೇಲಿಯಾಕ್ಕೆ ಭೇಟಿ ಕೊಟ್ಟಿದ್ದೆ. ಆಗ ಹೇಡನ್, ನನ್ನನ್ನು ಅವರ ಮನೆಗೆ ಆಹ್ವಾನಿಸಿದ್ದರು. ನನಗಾಗಿ ಚಿಕನ್ ಬಿರಿಯಾನಿ ಹಾಗೂ ದಾಲ್ ಸಿದ್ಧಪಡಿಸಿದ್ದರು’ ಎಂದೂ ಪಾರ್ಥೀವ್ ನುಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ‘2004ರಲ್ಲಿ ನಾವು ಏಕದಿನ ಕ್ರಿಕೆಟ್ ಸರಣಿ ಆಡಲು ಅಸ್ಟ್ರೇಲಿಯಾಕ್ಕೆ ಹೋಗಿದ್ದೆವು. ಆಗ ಆ ತಂಡದ ಆರಂಭಿಕ ಬ್ಯಾಟ್ಸ್ಮನ್ ಮ್ಯಾಥ್ಯೂ ಹೇಡನ್ ನನ್ನ ಮುಖಕ್ಕೆ ಪಂಚ್ ಮಾಡುವುದಾಗಿ ಹೆದರಿಸಿದ್ದರು’ ಎಂದು ಭಾರತದ ಕ್ರಿಕೆಟಿಗ ಪಾರ್ಥೀವ್ ಪಟೇಲ್ ಹೇಳಿದ್ದಾರೆ.</p>.<p>‘ಬ್ರಿಸ್ಬೇನ್ನಲ್ಲಿ ನಡೆದಿದ್ದ ಪಂದ್ಯವದು. ಆ ಹೋರಾಟದಲ್ಲಿ ಹೇಡನ್ ಶತಕ ಬಾರಿಸಿದ್ದರು. ನಿರ್ಣಾಯಕ ಘಟ್ಟದಲ್ಲಿ ಅವರು ಇರ್ಫಾನ್ ಪಠಾಣ್ಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ನತ್ತ ಹೆಜ್ಜೆ ಹಾಕುತ್ತಿದ್ದರು. ಅದೇ ಸಮಯದಲ್ಲಿ ಪಾನೀಯ ನೀಡಲು ಮೈದಾನದೊಳಗೆ ಪ್ರವೇಶಿಸಿದ ನಾನು ಹೇಡನ್ ಅವರತ್ತ ನೋಡಿ ‘ಹೊ..ಹೋ..’ ಎಂದು ಕೆಣಕಿದ್ದೆ’ ಎಂದು ತಿಳಿಸಿದ್ದಾರೆ.</p>.<p>‘ನನ್ನ ಆ ವರ್ತನೆಯಿಂದ ಕುಪಿತಗೊಂಡಿದ್ದ ಹೇಡನ್, ಬ್ರಿಸ್ಬೇನ್ ಮೈದಾನದಲ್ಲಿರುವ ಡ್ರೆಸಿಂಗ್ ಕೋಣೆಯ ಹತ್ತಿರವೇ ನಿಂತಿದ್ದರು. ನಾನು ಅಂಗಳದಿಂದ ವಾಪಸ್ ಬಂದೊಡನೆಯೇ ದುರುಗುಟ್ಟಿ ನೋಡಿದ ಅವರು ಇನ್ನೊಮ್ಮೆ ಈ ರೀತಿ ಮಾಡಿದರೆ ಬಲವಾಗಿ ನಿನ್ನ ಮುಖಕ್ಕೆ ಗುದ್ದಿ ಬಿಡುತ್ತೇನೆ ಎಂದಿದ್ದರು. ನಾನು ಕ್ಷಮೆ ಯಾಚಿಸಿದ ನಂತರ ಹೊರಟು ಹೋಗಿದ್ದರು’ ಎಂದು ಆ ಘಟನೆಯನ್ನು ಮೆಲುಕು ಹಾಕಿದ್ದರು.</p>.<p>ನಾಲ್ಕು ವರ್ಷಗಳ ಬಳಿಕ ಪಾರ್ಥೀವ್ ಹಾಗೂ ಹೇಡನ್ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ತಂಡದ ಪರ ಆಡುವ ಸಂದರ್ಭ ಎದುರಾಗಿತ್ತು.</p>.<p>‘ಐಪಿಎಲ್ ಶುರುವಾದ ಬಳಿಕ ನಮ್ಮ ನಡುವೆ ಉತ್ತಮ ಸ್ನೇಹ ಬೆಳೆಯಿತು. ಇಬ್ಬರೂ ಸಿಎಸ್ಕೆ ಪರ ಅನೇಕ ಪಂದ್ಯಗಳಲ್ಲಿ ಆಡಿದೆವು. ಅವರ ಜೊತೆ ಇನಿಂಗ್ಸ್ ಆರಂಭಿಸುವ ಅವಕಾಶ ಸಿಕ್ಕಿತು’ ಎಂದೂ ತಿಳಿಸಿದ್ದಾರೆ.</p>.<p>‘ಐಪಿಎಲ್ ಮುಗಿದ ಬಳಿಕ ನಾನು ಆಸ್ಟ್ರೇಲಿಯಾಕ್ಕೆ ಭೇಟಿ ಕೊಟ್ಟಿದ್ದೆ. ಆಗ ಹೇಡನ್, ನನ್ನನ್ನು ಅವರ ಮನೆಗೆ ಆಹ್ವಾನಿಸಿದ್ದರು. ನನಗಾಗಿ ಚಿಕನ್ ಬಿರಿಯಾನಿ ಹಾಗೂ ದಾಲ್ ಸಿದ್ಧಪಡಿಸಿದ್ದರು’ ಎಂದೂ ಪಾರ್ಥೀವ್ ನುಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
