IPL 2024: ವಿರಾಮ ಪಡೆದ ಆರ್‌ಸಿಬಿ ಆಟಗಾರ ಮ್ಯಾಕ್ಸ್‌ವೆಲ್‌

ಬೆಂಗಳೂರು : ಇಂಡಿಯನ್ ಪ್ರೀಮಿಯರ್ ಲೀಗ್ನಿಂದ ಅನಿರ್ದಿಷ್ಟಾವಧಿಗೆ ‘ಮಾನಸಿಕ ಮತ್ತು ದೈಹಿಕ’ ವಿರಾಮ ಪಡೆಯಲು ರಾಯಲ್ ಚಾಲೆಂಜರ್ಸ್ ಬೆಂಗಳುರು ತಂಡದ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ನಿರ್ಧರಿಸಿದ್ದಾರೆ.

. ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಸೋಮವಾರ ನಡೆದ ಪಂದ್ಯದಲ್ಲಿ ಅವರು ಆಡಿರಲಿಲ್ಲ. ಮುಂಬೈ ಇಂಡಿಯನ್ಸ್ ವಿರುದ್ಧ ಪಂದ್ಯದಲ್ಲಿ ಫೀಲ್ಡಿಂಗ್ ವೇಳೆ ಆದ ಬೆರಳಿನ ಗಾಯದಿಂದ ಅವರು ಆಡಿರಲಿಕ್ಕಿಲ್ಲ ಎಂದು ಭಾವಿಸಲಾಗಿತ್ತು. ಆದರೆ ತಂಡದಿಂದ ತಾವೇ ಹಿಂದೆ ಸರಿದಿರುವುದಾಗಿ 35 ವರ್ಷದ ಮ್ಯಾಕ್ಸ್ವೆಲ್ ಒಪ್ಪಿಕೊಂಡಿದ್ದಾರೆ.

. ‘ಇದು ಸುಲಭದ ನಿರ್ಧಾರವಾಗಿತ್ತು. ಮುಂಬೈ ಇಂಡಿಯನ್ಸ್ ವಿರುದ್ಧ ಪಂದ್ಯದ ನಂತರ ನಾನು ಫಫ್ (ಡುಪ್ಲೆಸಿ) ಮತ್ತು ಕೋಚ್ಗಳ ಬಳಿ ಹೋಗಿ, (ನನ್ನ ಬದಲು) ಬೇರೊಬ್ಬರನ್ನು ಪ್ರಯತ್ನಿಸಲು ಇದು ಸೂಕ್ತ ಸಮಯ ಎಂದಿದ್ದೆ’ ಎಂದು ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯಲ್ಲಿ ಅವರು ತಿಳಿಸಿದರು.

. ‘ನನಗೆ ಈಗ ಮಾನಸಿಕ ಮತ್ತು ದೈಹಿಕ ವಿಶ್ರಾಂತಿ ಬೇಕಾಗಿದೆ. ದಣಿದಿರುವ ದೇಹವನ್ನು ಸುಸ್ಥಿತಿಗೆ ತರಬೇಕಾಗಿದೆ’ ಎಂದು ಅವರು ಹೇಳಿದರು.

. ವಿಶ್ರಾಂತಿ ಕಾರಣಕ್ಕೆ ಮ್ಯಾಕ್ಸ್ವೆಲ್ ತಂಡದಿಂದ ಹಿಂದೆ ಸರಿಯುತ್ತಿರುವುದು ಇದು ಎರಡನೇ ಸಲ. 2019ರ ಅಕ್ಟೋಬರ್ನಲ್ಲೂ ಅವರು ಮಾನಸಿಕ ಮತ್ತು ದೈಹಿಕ ವಿಶ್ರಾಂತಿ ಕಾರೆಣ ನೀಡಿ ಸ್ಪರ್ಧಾತ್ಮಕ ಕಾರಣ ನೀಡಿ ಹಿಂದೆಸರಿದಿದ್ದರು. ಕೆಲವು ತಿಂಗಳ ನಂತರ ಅವರು ತಂಡಕ್ಕೆ ಮರಳಿದ್ದರು.

. ಹಾಲಿ ಐಪಿಎಲ್ನಲ್ಲಿ ಅವರ ಆಟ ತಳಕಂಡಿತ್ತು. ಆರು ಪಂದ್ಯಗಳಿಂದ 5.33 ಸರಾಸರಿಯಲ್ಲಿ ಬರೇ 32 ರನ್ ಗಳಿಸಿದ್ದಾರೆ. ಸ್ಟ್ರೈಕ್ ರೇಟ್ 94. ಕೆಕೆಆರ್ ವಿರುದ್ಧ ಗಳಿಸಿದ 28 ರನ್ ವೇಳೆಯೂ ಅವರಿಗೆ ಎರಡು ಜೀವದಾನ ದೊರಕಿತ್ತು.

. ‘ನಾನು ಬ್ಯಾಟ್ನಿಂದ ಕೊಡುಗೆ ನೀಡಲಾಗುತ್ತಿಲ್ಲ. ಪಾಯಿಂಟ್ ಪಟ್ಟಿಯಲ್ಲಿ ನಮ್ಮ ತಂಡದ ಸ್ಥಾನ ನೋಡಿದರೆ, ಬೇರೊಬ್ಬರಿಗೆ ಅವಕಾಶ ಇದು ಸಕಾಲ. ಯಾರಾದರೊಬ್ಬರು ಒಳ್ಳೆಯ ಪ್ರದರ್ಶನದಿಂದ ಆ ಸ್ಥಾನಕ್ಕೆ ಸರಿಹೊಂದಬಹುದು ಎನ್ನುವ ವಿಶ್ವಾಸವಿದೆ’ ಎಂದು ಅರು ಹೇಳಿದರು.

. ಟೂರ್ನಿಯ ನಂತರದ ಹಂತದಲ್ಲಿ ತಂಡಕ್ಕೆ ಮರಳಿ ಉತ್ತಮ ಸಾಧನೆ ತೋರಬಲ್ಲೆ ಎನ್ನವ ವಿಶ್ವಾಸವನ್ನೂ ಅವರು ವ್ಯಕ್ತಪಡಿಸಿದ್ದಾರೆ.

. ಐಪಿಎಲ್ನಲ್ಲಿ ಅವರ ಫಾರ್ಮ್ ಕುಸಿತ ಅಚ್ಚರಿ ಮೂಡಿಸಿತ್ತು. ಐಪಿಎಲ್ಗಿಂತ ಮೊದಲು ನವೆಂಬರ್ನಿಂದ ಆರಂಭವಾಗುವಂತೆ 17 ಟಿ20 ಪಂದ್ಯಗಳಲ್ಲಿ 42ರ ಸರಾಸರಿಯಲ್ಲಿ 552 ರನ್ ಕಲೆಹಾಕಿದ್ದರು. ಸ್ಟ್ರೈಕ್ರೇಟ್ ಕೂಡ (185) ಉತ್ತಮವಾಗಿಯೇ ಇತ್ತು.

. ಹೊಸದಲ್ಲ:

ಐಪಿಎಲ್ನಲ್ಲಿ ಅವರ ಫಾರ್ಮ್ ಪ್ರಪಾತಕ್ಕೆ ಕುಸಿದಿರುವುದು ಕೂಡ ಹೊಸದೇನಲ್ಲ. 2020ರ ಸಾಲಿನಲ್ಲಿ ಪಂಜಾಬ್ ಕಿಂಗ್ಸ್ ಪರ ಆಡಿದ್ದ ವೇಳೆ 11 ಪಂದ್ಯಗಳಿಂದ ಬರೇ 108 ರನ್ ಗಳಿಸಿದ್ದರು. ಒಂದೂ ಸಿಕ್ಸರ್ ಇರಲಿಲ್ಲ.

. ‘ಆದರೆ ಆ ವೇಳೆ ನಾನು ಹೆಚ್ಚು ಕಮ್ಮಿ ಸ್ಪಿನ್ನರ್ ಪಾತ್ರ ನಿರ್ವಹಿಸುತ್ತಿದ್ದೆ. ಕೆ.ಎಲ್ (ರಾಹುಲ್) ಮತ್ತು ಮಯಂಕ್ (ಅಗರವಾಲ್) ಆಗ ಪ್ರಮುಖ ರನ್ಗಳಿಕೆದಾರರಾಗಿದ್ದರು’ ಎಂದು ಅವರು ನೆನಪಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

IPL 2024: ವಿರಾಮ ಪಡೆದ ಆರ್‌ಸಿಬಿ ಆಟಗಾರ ಮ್ಯಾಕ್ಸ್‌ವೆಲ್‌

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ದಿನ ಭವಿಷ್ಯ | ಈ ರಾಶಿಯವರು ಸಂಜೆಯೊಳಗೆ ಅಚ್ಚರಿಯ ಸುದ್ದಿಯೊಂದನ್ನು ಕೇಳಲಿರುವಿರಿ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ವಾರ ಭವಿಷ್ಯ: ಈ ರಾಶಿಯವರ ಆಲೋಚನೆಗಳು ತರ್ಕಬದ್ಧವಾಗಿರುತ್ತದೆ

ಸಂತೋಷ್‌ ಟ್ರೋಫಿ ಫುಟ್‌ಬಾಲ್‌ ಟೂರ್ನಿ: ತಮಿಳುನಾಡಿಗೆ ಮಣಿದ ಕರ್ನಾಟಕ

ಸ್ಟ್ರೈಡ್‌ ತಂಡಕ್ಕೆ ಜಗದೇಶ್ವರ ಆಚಾರ್ ಶೀಲ್ಡ್‌

IND vs AUS | ಆಸ್ಟ್ರೇಲಿಯಾಕ್ಕೆ ರೋಹಿತ್ ಜತೆ ಶಮಿ ಪ್ರಯಾಣ: ವರದಿ

‘ತೊಗರಿ ಕಣಜ’ದಲ್ಲಿ ಟೆನಿಸ್‌ ಹಬ್ಬ ಇಂದಿನಿಂದ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ದಿನ ಭವಿಷ್ಯ | ಈ ರಾಶಿಯವರು ಸಂಜೆಯೊಳಗೆ ಅಚ್ಚರಿಯ ಸುದ್ದಿಯೊಂದನ್ನು ಕೇಳಲಿರುವಿರಿ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ವಾರ ಭವಿಷ್ಯ: ಈ ರಾಶಿಯವರ ಆಲೋಚನೆಗಳು ತರ್ಕಬದ್ಧವಾಗಿರುತ್ತದೆ