<p><strong>ಹರಾರೆ</strong>: ಅನುಭವಿ ಆಟಗಾರ ಸಂಜು ಸ್ಯಾಮ್ಸನ್ ಅರ್ಧಶತಕ ಮತ್ತು ಮುಕೇಶ್ ಕುಮಾರ್ ಅವರ ಶಿಸ್ತಿನ ದಾಳಿಯ ಮುಂದೆ ಜಿಂಬಾಬ್ವೆ ಮುಗ್ಗರಿಸಿತು. ಭಾರತ ತಂಡವು 4–1ರಿಂದ ಟಿ20 ಕ್ರಿಕೆಟ್ ಸರಣಿಯನ್ನು ತನ್ನದಾಗಿಸಿಕೊಂಡಿತು. </p>.<p>ಭಾನುವಾರ ಇಲ್ಲಿ ನಡೆದ ಐದನೇ ಮತ್ತು ಕೊನೆಯ ಪಂದ್ಯದಲ್ಲಿ ಭಾರತ ತಂಡವು 42 ರನ್ಗಳಿಂದ ಜಿಂಬಾಬ್ವೆ ಎದುರು ಜಯಿಸಿತು. </p>.<p>ಹರಾರೆ ಸ್ಪೋರ್ಟ್ಸ್ ಕ್ಲಬ್ ಮೈದಾನದಲ್ಲಿ ಟಾಸ್ ಗೆದ್ದ ಜಿಂಬಾಬ್ವೆ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಭಾರತ ತಂಡವು 20 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 167 ರನ್ ಗಳಿಸಿತು. ಅದಕ್ಕುತ್ತರವಾಗಿ 18.3 ಓವರ್ಗಳಲ್ಲಿ 125 ರನ್ ಗಳಿಸಿ ಜಿಂಬಾಬ್ವೆ ಎಲ್ಲ ವಿಕೆಟ್ ಕಳೆದುಕೊಂಡಿತು. ವೇಗಿ ಮುಕೇಶ್ (22ಕ್ಕೆ4) ಮತ್ತು ಶಿವಂ ದುಬೆ (25ಕ್ಕೆ2) ಜಿಂಬಾಬ್ವೆ ಪತನಕ್ಕೆ ಕಾರಣರಾದರು. </p>.<p>ಜಿಂಬಾಬ್ವೆ ತಂಡದ ಟೆಡಿವನಾಶಿ ಮರುಮನಿ (27 ರನ್), ಡಿಯಾನ್ ಮೈಯರ್ಸ್ (34; 32ಎ) ಮತ್ತು ಫರಾಜ್ ಅಕ್ರಮ (27; 13ಎ) ಅವರು ಹೋರಾಟ ತೋರಿದರು. </p>.<p>ಸಂಜು–ರಿಯಾನ್ ಜೊತೆಯಾಟ: ಆತಿಥೇಯ ಬೌಲರ್ಗಳು ಭಾರತ ತಂಡಕ್ಕೆ ಆರಂಭದಲ್ಲಿಯೇ ಪೆಟ್ಟುಕೊಟ್ಟರು. ಇದರಿಂದಾಗಿ ಪವರ್ಪ್ಲೇ ಅವಧಿಯಲ್ಲಿಯೇ ಭಾರತ ತಂಡವು 40 ರನ್ಗಳಿಗೆ 3 ವಿಕೆಟ್ ಕಳೆದುಕೊಂಡಿತು.</p>.<p>ನಾಲ್ಕನೇ ಕ್ರಮಾಂಕದಲ್ಲಿ ಕ್ರೀಸ್ಗೆ ಬಂದ ಸಂಜು (58; 45ಎ, 4X1, 6X4) ಹಾಗೂ ರಿಯಾನ್ ಪರಾಗ್ (22; 24ಎ, 6X1) ಐದನೇ ವಿಕೆಟ್ ಜೊತೆಯಾಟದಲ್ಲಿ 65 ರನ್ ಸೇರಿಸಿದರು. ಇದರಿಂದಾಗಿ ತಂಡದ ಮೊತ್ತವು ಶತಕದ ಗಡಿ ದಾಟಿತು. ಇನಿಂಗ್ಸ್ನಲ್ಲಿ ಐದು ಓವರ್ಗಳು ಬಾಕಿ ಇದ್ದಾಗ ಪರಾಗ್ ಔಟಾದರು ಕ್ರೀಸ್ಗೆ ಶಿವಂ ದುಬೆ (26; 12ಎ) ಬೀಸಾಟವಾಡಿದರು. ಎರಡು ಬೌಂಡರಿ ಮತ್ತು ಎರಡು ಸಿಕ್ಸರ್ ಬಾರಿಸಿದರು. 216.67ರ ಸ್ಟ್ರೈಕ್ರೇಟ್ನಲ್ಲಿ ರನ್ ಗಳಿಸಿದರು. ರಿಂಕು ಸಿಂಗ್ ಕೂಡ 9 ಎಸೆತಗಳಲ್ಲಿ 11 ರನ್ ಗಳಿಸಿದರು. </p>.<p>ಸಂಕ್ಷಿಪ್ತ ಸ್ಕೋರು: ಭಾರತ: 20 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 167 (ಸಂಜು ಸ್ಯಾಮ್ಸನ್ 58, ರಿಯಾನ್ ಪರಾಗ್ 22, ಶಿವಂ ದುಬೆ 26, ಬ್ಲೆಸಿಂಗ್ ಮುಜರಾಬಾನಿ 19ಕ್ಕೆ2) ಜಿಂಬಾಬ್ವೆ: 18.3 ಓವರ್ಗಳಲ್ಲಿ 125 (ಟೆಡಿವನಾಶೆ ಮರುಮನಿ 27, ಡಿಯಾನ್ ಮೆಯರ್ಸ್ 34, ಫರಾಜ್ ಅಕ್ರಂ 27, ಮುಕೇಶ್ ಕುಮಾರ್ 22ಕ್ಕೆ4, ಶಿವಂ ದುಬೆ 25ಕ್ಕೆ2) ಫಲಿತಾಂಶ: ಭಾರತ ತಂಡಕ್ಕೆ 42 ರನ್ಗಳ ಜಯ, 4–1ರಿಂದ ಸರಣಿ ಗೆಲುವು. ಪಂದ್ಯಶ್ರೇಷ್ಠ: ಶಿವಂ ದುಬೆ. ಸರಣಿಶ್ರೇಷ್ಠ: ವಾಷಿಂಗ್ಟನ್ ಸುಂದರ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹರಾರೆ</strong>: ಅನುಭವಿ ಆಟಗಾರ ಸಂಜು ಸ್ಯಾಮ್ಸನ್ ಅರ್ಧಶತಕ ಮತ್ತು ಮುಕೇಶ್ ಕುಮಾರ್ ಅವರ ಶಿಸ್ತಿನ ದಾಳಿಯ ಮುಂದೆ ಜಿಂಬಾಬ್ವೆ ಮುಗ್ಗರಿಸಿತು. ಭಾರತ ತಂಡವು 4–1ರಿಂದ ಟಿ20 ಕ್ರಿಕೆಟ್ ಸರಣಿಯನ್ನು ತನ್ನದಾಗಿಸಿಕೊಂಡಿತು. </p>.<p>ಭಾನುವಾರ ಇಲ್ಲಿ ನಡೆದ ಐದನೇ ಮತ್ತು ಕೊನೆಯ ಪಂದ್ಯದಲ್ಲಿ ಭಾರತ ತಂಡವು 42 ರನ್ಗಳಿಂದ ಜಿಂಬಾಬ್ವೆ ಎದುರು ಜಯಿಸಿತು. </p>.<p>ಹರಾರೆ ಸ್ಪೋರ್ಟ್ಸ್ ಕ್ಲಬ್ ಮೈದಾನದಲ್ಲಿ ಟಾಸ್ ಗೆದ್ದ ಜಿಂಬಾಬ್ವೆ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಭಾರತ ತಂಡವು 20 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 167 ರನ್ ಗಳಿಸಿತು. ಅದಕ್ಕುತ್ತರವಾಗಿ 18.3 ಓವರ್ಗಳಲ್ಲಿ 125 ರನ್ ಗಳಿಸಿ ಜಿಂಬಾಬ್ವೆ ಎಲ್ಲ ವಿಕೆಟ್ ಕಳೆದುಕೊಂಡಿತು. ವೇಗಿ ಮುಕೇಶ್ (22ಕ್ಕೆ4) ಮತ್ತು ಶಿವಂ ದುಬೆ (25ಕ್ಕೆ2) ಜಿಂಬಾಬ್ವೆ ಪತನಕ್ಕೆ ಕಾರಣರಾದರು. </p>.<p>ಜಿಂಬಾಬ್ವೆ ತಂಡದ ಟೆಡಿವನಾಶಿ ಮರುಮನಿ (27 ರನ್), ಡಿಯಾನ್ ಮೈಯರ್ಸ್ (34; 32ಎ) ಮತ್ತು ಫರಾಜ್ ಅಕ್ರಮ (27; 13ಎ) ಅವರು ಹೋರಾಟ ತೋರಿದರು. </p>.<p>ಸಂಜು–ರಿಯಾನ್ ಜೊತೆಯಾಟ: ಆತಿಥೇಯ ಬೌಲರ್ಗಳು ಭಾರತ ತಂಡಕ್ಕೆ ಆರಂಭದಲ್ಲಿಯೇ ಪೆಟ್ಟುಕೊಟ್ಟರು. ಇದರಿಂದಾಗಿ ಪವರ್ಪ್ಲೇ ಅವಧಿಯಲ್ಲಿಯೇ ಭಾರತ ತಂಡವು 40 ರನ್ಗಳಿಗೆ 3 ವಿಕೆಟ್ ಕಳೆದುಕೊಂಡಿತು.</p>.<p>ನಾಲ್ಕನೇ ಕ್ರಮಾಂಕದಲ್ಲಿ ಕ್ರೀಸ್ಗೆ ಬಂದ ಸಂಜು (58; 45ಎ, 4X1, 6X4) ಹಾಗೂ ರಿಯಾನ್ ಪರಾಗ್ (22; 24ಎ, 6X1) ಐದನೇ ವಿಕೆಟ್ ಜೊತೆಯಾಟದಲ್ಲಿ 65 ರನ್ ಸೇರಿಸಿದರು. ಇದರಿಂದಾಗಿ ತಂಡದ ಮೊತ್ತವು ಶತಕದ ಗಡಿ ದಾಟಿತು. ಇನಿಂಗ್ಸ್ನಲ್ಲಿ ಐದು ಓವರ್ಗಳು ಬಾಕಿ ಇದ್ದಾಗ ಪರಾಗ್ ಔಟಾದರು ಕ್ರೀಸ್ಗೆ ಶಿವಂ ದುಬೆ (26; 12ಎ) ಬೀಸಾಟವಾಡಿದರು. ಎರಡು ಬೌಂಡರಿ ಮತ್ತು ಎರಡು ಸಿಕ್ಸರ್ ಬಾರಿಸಿದರು. 216.67ರ ಸ್ಟ್ರೈಕ್ರೇಟ್ನಲ್ಲಿ ರನ್ ಗಳಿಸಿದರು. ರಿಂಕು ಸಿಂಗ್ ಕೂಡ 9 ಎಸೆತಗಳಲ್ಲಿ 11 ರನ್ ಗಳಿಸಿದರು. </p>.<p>ಸಂಕ್ಷಿಪ್ತ ಸ್ಕೋರು: ಭಾರತ: 20 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 167 (ಸಂಜು ಸ್ಯಾಮ್ಸನ್ 58, ರಿಯಾನ್ ಪರಾಗ್ 22, ಶಿವಂ ದುಬೆ 26, ಬ್ಲೆಸಿಂಗ್ ಮುಜರಾಬಾನಿ 19ಕ್ಕೆ2) ಜಿಂಬಾಬ್ವೆ: 18.3 ಓವರ್ಗಳಲ್ಲಿ 125 (ಟೆಡಿವನಾಶೆ ಮರುಮನಿ 27, ಡಿಯಾನ್ ಮೆಯರ್ಸ್ 34, ಫರಾಜ್ ಅಕ್ರಂ 27, ಮುಕೇಶ್ ಕುಮಾರ್ 22ಕ್ಕೆ4, ಶಿವಂ ದುಬೆ 25ಕ್ಕೆ2) ಫಲಿತಾಂಶ: ಭಾರತ ತಂಡಕ್ಕೆ 42 ರನ್ಗಳ ಜಯ, 4–1ರಿಂದ ಸರಣಿ ಗೆಲುವು. ಪಂದ್ಯಶ್ರೇಷ್ಠ: ಶಿವಂ ದುಬೆ. ಸರಣಿಶ್ರೇಷ್ಠ: ವಾಷಿಂಗ್ಟನ್ ಸುಂದರ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
