<p><strong>ಕೋಲ್ಕತ್ತ:</strong> ಹಿರಿಯ ಕ್ರಿಕೆಟಿಗ ಸೌರವ್ ಗಂಗೂಲಿ ಸೋಮವಾರ 47ನೇ ವಸಂತಕ್ಕೆ ಕಾಲಿಟ್ಟರು. ವಿಶ್ವಕಪ್ ವೀಕ್ಷಕ ವಿವರಣೆ ಮಾಡುತ್ತಿರುವ ಗಂಗೂಲಿ ಇಂಗ್ಲೆಂಡ್ನಲ್ಲಿದ್ದಾರೆ. ಆದರೂ ಅವರ ಅಭಿಮಾನಿಗಳು ಕೋಲ್ಕತ್ತದಲ್ಲಿ ‘ದಾದಾ’ನ ಜನ್ಮದಿನವನ್ನು ಸಂಭ್ರಮದಿಂದ ಆಚರಿಸಿದರು. ಈ ಸಂತಸದಲ್ಲಿ, ಭಾರತ ತಂಡ ವಿಶ್ವಕಪ್ ಸೆಮಿಫೈನಲ್ನಲ್ಲಿ ಗೆಲ್ಲಲಿ ಎಂಬ ಆಶಯವೂ ಇತ್ತು.</p>.<p>ಬೆಹಾಲ್ನಲ್ಲಿರುವ ಗಂಗೂಲಿ ನಿವಾಸದ ಬಳಿ ಸೇರಿದ ಅಭಿಮಾನಿಗಳು ಸಿಹಿ ಹಂಚಿದರು. ಗಂಗೂಲಿ ಅಭಿಮಾನಿ ಬಳಗದವರು ಭಾರತ–ನ್ಯೂಜಿಲೆಂಡ್ ನಡುವಿನ ಸೆಮಿಫೈನಲ್ ಹಣಾಹಣಿಯ ನೇರ ಪ್ರಸಾರವನ್ನು ಬೃಹತ್ ಪರದೆಯಲ್ಲಿ ನೋಡುವ ವ್ಯವಸ್ಥೆ ಮಾಡಿದ್ದಾರೆ. ರಾತ್ರಿ 100 ಮಂದಿಗೆ ಭೋಜನ ಸೌಲಭ್ಯವನ್ನೂ ಏರ್ಪಡಿಸಿದೆ.</p>.<p>ಇನ್ಸ್ಟಾಗ್ರಾಂ ಪ್ರವೇಶಿಸಿದ ಗಂಗೂಲಿ:ಇದೇ ವೇಳೆ ಗಂಗೂಲಿ ಅವರು ಸೋಮವಾರ ಇದೇ ಮೊದಲ ಬಾರಿ ಇನ್ಸ್ಟಾಗ್ರಾಂ ಬಳಸಿದರು. ಕೇಕ್ ಕತ್ತರಿಸುವ ಚಿತ್ರದ ಅವರ ಪೋಸ್ಟ್ಗೆ ದಾಖಲೆ ಪ್ರಮಾಣದಲ್ಲಿ ಜನರು ‘ಲೈಕ್’ ಒತ್ತಿದ್ದಾರೆ.</p>.<p>‘ನನ್ನ ವಯಸ್ಸಿಗೆ ಮತ್ತೊಂದು ವರ್ಷ ಸೇರ್ಪಡೆಯಾಗಿದೆ. ಈ ವರ್ಷವನ್ನು ಅಭಿಮಾನಿಗಳಿಗೆ ಅರ್ಪಿಸುತ್ತೇನೆ. ಈ ವರ್ಷ ಹೊಸತನಕ್ಕೆ ನಾಂದಿ ಹಾಡುತ್ತಿದ್ದೇನೆ’ ಎಂದು ಅವರು ಇನ್ಸ್ಟಾಗ್ರಾಂ ಚಿತ್ರದ ಕೆಳಗೆ ಬರೆದಿದ್ದಾರೆ. ಸಚಿನ್ ತೆಂಡೂಲ್ಕರ್ ಮತ್ತು ವೀರೇಂದ್ರ ಸೆಹ್ವಾಗ್ ಕೂಡ ಗಂಗೂಲಿಗೆ ಶುಭ ಹಾರೈಸಿದ್ದಾರೆ.</p>.<p>‘ಶುಭಾಶಯಗಳು. 15 ವರ್ಷದೊಳಗಿನವರ ತಂಡದಲ್ಲಿ ಆಡುತ್ತಿದ್ದಲ್ಲಿಂದ ಈಗ ವೀಕ್ಷಕ ವಿವರಣೆ ನೀಡುವ ವರೆಗಿನ ನಿಮ್ಮೊಂದಿಗಿನ ಪಯಣ ಖುಷಿ ತಂದಿದೆ. ಮುಂದಿನ ಒಂದು ವರ್ಷ ನಿಮ್ಮ ಬಾಳು ಬಂಗಾರವಾಗಲಿ’ ಎಂದು ಸಚಿನ್ ಹಾರೈಸಿದ್ದಾರೆ.</p>.<p>ಭಾರತ ತಂಡ ಕಂಡ ಯಶಸ್ವಿ ನಾಯಕರಲ್ಲಿ ಒಬ್ಬರಾಗಿರುವ ಗಂಗೂಲಿ 311 ಏಕದಿನ ಪಂದ್ಯಗಳಲ್ಲಿ 11,363 ರನ್ ಗಳಿಸಿದ್ದಾರೆ. ಏಕದಿನ ಕ್ರಿಕೆಟ್ನಲ್ಲಿ ಭಾರತದ ಪರ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಅವರು ಮೂರನೆಯವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲ್ಕತ್ತ:</strong> ಹಿರಿಯ ಕ್ರಿಕೆಟಿಗ ಸೌರವ್ ಗಂಗೂಲಿ ಸೋಮವಾರ 47ನೇ ವಸಂತಕ್ಕೆ ಕಾಲಿಟ್ಟರು. ವಿಶ್ವಕಪ್ ವೀಕ್ಷಕ ವಿವರಣೆ ಮಾಡುತ್ತಿರುವ ಗಂಗೂಲಿ ಇಂಗ್ಲೆಂಡ್ನಲ್ಲಿದ್ದಾರೆ. ಆದರೂ ಅವರ ಅಭಿಮಾನಿಗಳು ಕೋಲ್ಕತ್ತದಲ್ಲಿ ‘ದಾದಾ’ನ ಜನ್ಮದಿನವನ್ನು ಸಂಭ್ರಮದಿಂದ ಆಚರಿಸಿದರು. ಈ ಸಂತಸದಲ್ಲಿ, ಭಾರತ ತಂಡ ವಿಶ್ವಕಪ್ ಸೆಮಿಫೈನಲ್ನಲ್ಲಿ ಗೆಲ್ಲಲಿ ಎಂಬ ಆಶಯವೂ ಇತ್ತು.</p>.<p>ಬೆಹಾಲ್ನಲ್ಲಿರುವ ಗಂಗೂಲಿ ನಿವಾಸದ ಬಳಿ ಸೇರಿದ ಅಭಿಮಾನಿಗಳು ಸಿಹಿ ಹಂಚಿದರು. ಗಂಗೂಲಿ ಅಭಿಮಾನಿ ಬಳಗದವರು ಭಾರತ–ನ್ಯೂಜಿಲೆಂಡ್ ನಡುವಿನ ಸೆಮಿಫೈನಲ್ ಹಣಾಹಣಿಯ ನೇರ ಪ್ರಸಾರವನ್ನು ಬೃಹತ್ ಪರದೆಯಲ್ಲಿ ನೋಡುವ ವ್ಯವಸ್ಥೆ ಮಾಡಿದ್ದಾರೆ. ರಾತ್ರಿ 100 ಮಂದಿಗೆ ಭೋಜನ ಸೌಲಭ್ಯವನ್ನೂ ಏರ್ಪಡಿಸಿದೆ.</p>.<p>ಇನ್ಸ್ಟಾಗ್ರಾಂ ಪ್ರವೇಶಿಸಿದ ಗಂಗೂಲಿ:ಇದೇ ವೇಳೆ ಗಂಗೂಲಿ ಅವರು ಸೋಮವಾರ ಇದೇ ಮೊದಲ ಬಾರಿ ಇನ್ಸ್ಟಾಗ್ರಾಂ ಬಳಸಿದರು. ಕೇಕ್ ಕತ್ತರಿಸುವ ಚಿತ್ರದ ಅವರ ಪೋಸ್ಟ್ಗೆ ದಾಖಲೆ ಪ್ರಮಾಣದಲ್ಲಿ ಜನರು ‘ಲೈಕ್’ ಒತ್ತಿದ್ದಾರೆ.</p>.<p>‘ನನ್ನ ವಯಸ್ಸಿಗೆ ಮತ್ತೊಂದು ವರ್ಷ ಸೇರ್ಪಡೆಯಾಗಿದೆ. ಈ ವರ್ಷವನ್ನು ಅಭಿಮಾನಿಗಳಿಗೆ ಅರ್ಪಿಸುತ್ತೇನೆ. ಈ ವರ್ಷ ಹೊಸತನಕ್ಕೆ ನಾಂದಿ ಹಾಡುತ್ತಿದ್ದೇನೆ’ ಎಂದು ಅವರು ಇನ್ಸ್ಟಾಗ್ರಾಂ ಚಿತ್ರದ ಕೆಳಗೆ ಬರೆದಿದ್ದಾರೆ. ಸಚಿನ್ ತೆಂಡೂಲ್ಕರ್ ಮತ್ತು ವೀರೇಂದ್ರ ಸೆಹ್ವಾಗ್ ಕೂಡ ಗಂಗೂಲಿಗೆ ಶುಭ ಹಾರೈಸಿದ್ದಾರೆ.</p>.<p>‘ಶುಭಾಶಯಗಳು. 15 ವರ್ಷದೊಳಗಿನವರ ತಂಡದಲ್ಲಿ ಆಡುತ್ತಿದ್ದಲ್ಲಿಂದ ಈಗ ವೀಕ್ಷಕ ವಿವರಣೆ ನೀಡುವ ವರೆಗಿನ ನಿಮ್ಮೊಂದಿಗಿನ ಪಯಣ ಖುಷಿ ತಂದಿದೆ. ಮುಂದಿನ ಒಂದು ವರ್ಷ ನಿಮ್ಮ ಬಾಳು ಬಂಗಾರವಾಗಲಿ’ ಎಂದು ಸಚಿನ್ ಹಾರೈಸಿದ್ದಾರೆ.</p>.<p>ಭಾರತ ತಂಡ ಕಂಡ ಯಶಸ್ವಿ ನಾಯಕರಲ್ಲಿ ಒಬ್ಬರಾಗಿರುವ ಗಂಗೂಲಿ 311 ಏಕದಿನ ಪಂದ್ಯಗಳಲ್ಲಿ 11,363 ರನ್ ಗಳಿಸಿದ್ದಾರೆ. ಏಕದಿನ ಕ್ರಿಕೆಟ್ನಲ್ಲಿ ಭಾರತದ ಪರ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಅವರು ಮೂರನೆಯವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
